•.°.•||.•.°.•

ايه هذا اختي سوت من عندهم مسكة كلهااا كرستال .. بس السلة طبعا كان كرستااال وهم متعاملين مع أزياء دلال رحنا جبنا من عندهم السلة طبعا استأجرناها ب 15 والورود كان شغل الزهور الفريده ... طلعت .. روووووووعه . بس اللي تريد تسوي من عندهم تأكد عالياباني والا شو جنسيته ان يثبت الورد عددل فالسلة لأن عنهاية العرس بدأ يطيح ... بس شغله ترتووووب .. اظن سوت الباقه امممممممم ب 25 مع الايجار يجي 40 .. ناااايس لاه :)

افكر اروح اغلف هدية عنده (g)
كيف اسعار تغليف الهدايا ؟؟ وشو الحركات اللي يسويها لأن فكرت ماريد ورد طبيعي لأن بيذبببل لحد ما اوصلها (w) حرااام .. افيدوني بنات .. وين احسن مكان اغلف فيه هدايا ؟

ول انا ابدا ما دخلت هالمحل .. بس ماااا اظنن راح ادشه مادام انه ما صريح مع زباينه ... الله يعيييينك ... :ss:

ابتسامة

هلا فيج حبيبتي اخبارك؟؟ الله يسلمك يارب.. العرس الحمدلله كان حلو مثل ما بغيته.. صارت اشياء في اخر لحظة عصبتني بس هذا لازم في كل عرس و انا كنت متوقعة... عموما الحمدلله العرس كله على بعضه كان حلو:shy:


بما اني ما بقدر انزل صور العرس لأن ابو الشباب مو راضي:angry: بس بحاول اقنعه انزل عالاقل صورة الكوشة و المسكة وحدهم.. بتكلم عن العرس و تجهيزاتي يمكن حد يستفيد من معلومة او شي.. و اذا نسيت اذكر شي ذكروني..

اول شي المكياج عند ماريز و الصراحة ابدعت مع اني كنت وايد متخوفة لأن الكل يقول ماريز مزاجية و ماتحب حد يتدخل بشغلها بس ماشاءالله ذاك اليوم مزاجها كان توب الحمدلله.. اول ما دخلت عندها سألتني تريدي ميكب اوفر ولا ناعم قلتلها ناعم بس يبين يعني ما ادفعلها مادري كم و اطلع كني ما حاطة شي.. و قلتلها اهم شي الروج مارون و الايشدو ما تكثر الاسود و الاساس خفيف.. بعد ما خلصت حسيت الاساس ثقيل و ماعجبني بس صديقتي اللي كانت معاي قالتلي بالصور بيطلع احلى و ما رح يبين.. للحين ما جهزت الصور فما اعرف كيف طالعة و الله يستر.. الاي شدو ما اذكر الوانه هههه:Zb_sor1: لما تطلع الصور بخبركم:D_smil1: بس اذكر انه وايد وايد عجبني الحمدلله.. و الروج كان حلو بس اخر شي قبل ما اطلع من الصالون حسيت يبيله تغميق شوي فعدلته لي اخت ماريز لأن ماريز كانت طالعة تمكيج عروس بره.. حطتلي درجة اغمق و صار جنااااان مرة مطابق لدرجة من درجات الايشدو..و على فكرة اخت ماريز مكياجها جناان.. مكيجت صديقتي و طلع شي:up: عجبتني طريقة رسم الشفايف اللي سوتها ماريز.. بغت تكبرهم بس قلتلها ما اريد فقالتلي لازم اعدل شوي لأن شفايفك صغار و مابيطلع حلو اللون المارون عليهم.. ما كبرتهم بس رسمتهم بطريقة وايد حلوة كأنه طبيعي..

الشعر.. نفس الشي صالون الطيف بس ما اعرف اسمها اللي تشتغل.. سوتلي تسريحة مرفوعة مع خصل قليلة نازلة من قدام و ورا.. و حطيت تاج صغير غير شكلي تماما.. ما بغيت احط اكسسوار لأني كنت ناوية احط اليوم الثاني بحفلة المسائية و ما عمري حطيت تاج قبل.. و ثبتت لي الطرحة طلع شكلي تحفة لابسة طرحة و عباية:poster_oops: لأني كنت بروح البس فستاني بالقاعة.. كنت ناوية اجيبه الصالون و البسه هناك و اطلع جاهزة بس اليوم اللي قبل العرس كنت اكوي البدلة بالبخار و شفتها تتكرفس من اقل شي لأنها من قدام سادة و على طول تبين فيها الخطوط.. نصحتني زوجة اخوي اني البسها بالقاعة و هيه و اخوي فديتهم وصلوها و حطوا اغراضي..

التصوير.. خلصنا من الصالون ع الساعة 4 العصر.. جهزت مبكر لأني كنت بتصور مع زوجي استوديو في القاعة.. وصلنا و رحت البس البدلة و الطقم و صديقتي تساعدني فديتها و المصورة تأخرت شوي عن الموعد المتفق.. المعرس وصل قبلها ههه:bigsmile: المهم خلصت لبس و المصورة ما واصلة و المعرس واصل فصعد عندي الغرفة و صديقتي راحت بيتها تتجهز و حلفتها تجي على طووووول:BYE2: جت المصورة الساعة 6 تقريبا و بدينا تصوير لحد الساعة 8:15 و الصراحة يا بنات ارتحت كثييير لأني صورت استوديو مع زوجي براحتنا و ما ورانا شي و الميكب فريش و انا نشيطة و ريلاكس..في ناس نصحوني اتصور اخر شي بعد العرس بس لما خلص العرس و شفت نفسي كيف هلكانة و ما قادرة اوقف ما تخيلت اني ممكن اتصور بهالحالة.. الميكب ما تغير ولا بهت لونه بس التعب اللي يبين بعيون العروس وحده يكفي.. نصيحة تصوروا قبل الربشة و الناس وايد احلى.. بتتصوروا و انتوا مبسوطين و لما تخلصوا بتحسوا هم و انزاااااح.. التصوير كان عند وسام في روتانا.. هيه هذيك الفترة كانت تاركة روتانا و فاتحة محل مستقل بس الحين سمعت انها رجعت روتانا..

خلصنا من التصوير و المعرس راح حفلة الرجال و انا بقيت بالغرفة انتظر يصير الموعد:cry: كل شوي كنت افتح الباب شووويه و اختلس نظرات للكوشة:21_149: العمال كانوا يحطوا اللمسات الاخيرة.. ما كنت اخلي غير عدد محدود جدا يدخل عندي و اللي همه صديقتي المقربة اللي كانت معاي بالصالون و جابتني القاعة.. امي و اختي و زوجة اخوي و بس.. يحليلها زوجة اخوي عذبتها كل شوي اتصل فيها و اقولها كذا اوكي ولا كذا و كيف امسك المسكة و كيف امشي و كيف اجلس ووووو... ههه وترتهم معاي كثر ماكنت متوترة و مرعوبة.. كنت مرعووووبة مووت من فكرة اني امشي وسط الناس و العيون كلها علي تتفحص في كل صغيرة و كبيرة.. اتخيل تعليقات الناس و اللي عاجبه و اللي ما عاجبه و احس نفسي اريد اشرد من الباب الخلفي:tears:

طبعا انا الحين في الدوام و وراي شغل.. بكمل لكم بعدين تفاصيل البدلة و المسكة و الكوشة و الكيكة.. بس بسألكم عادي اكتب هنا ولا لازم موضوع منفصل؟؟ لأني ما اقدر احط صور فأحس الموضوع بيطلع بايخ.. بس اذا قوانين المنتدى ما تسمح خبروني عشان احذف الرد

~الجزء الثاني من تقرير العرس~

صار الوقت و فتحوا الباب و انا رجولي ما تشيلني من الربكة:dontknow: اول شي كانت القاعة ظلام و فتحوا الاضاءة بالتدريج.. طول الممشى و انا عيني ع الكوشة اتأملها ههه عجبتني:yes: البنات اللي حضروا قالوا اني كنت اشوف ع الحضور و ابتسم.. الحقيقة اني كنت اشوف و ما اشوف:no: يعني عيوني تلف ع الناس بس ما اميز حد من الربكة اللي فيني.. و ابتسم لأن صديقتي اللي كانت طول الوقت قريبة تعدل البدلة تقوللي ابتسمي هلكتيني:shiny:.. اللي هدأ اعصابي شوي اني كنت محوطة بأقرب ثلاثة فديتهم ما خلوني ولا دقيقة:1_42:

كنت ادور على اميرة فديتها و فرحت من خاااطري لما شفتها جالسة قريب مثل ما طلبت منها:thumbs:
استانست كثير و حسيت براحة كبيييرة لما شفتها.. اما مس شوكليت و فجر ما كنت ادور عليهم لأني اعرف انهم واقفين قدام مع الاهل فديتهم ما قصروا وقفولي وقفة ما بنساها:888345:

الحين نجي للبدلة.. كانت اوف وايت غامق شوي بستايل اوروبي.. قريبة كثير من الموديل اللي كان في بالي بس الظروف ما سمحت اني اخيط فاشتريتها جاهزة.. هيه تنلبس بثلاث طرق اما بدون حمالات او بحمالة واحدة عالرقبة او حمالتين.. جربت كل الطرق و ضبطت اللي بحمالة واحدة طلعت احلى شي.. بحمالتين طلع موديل وايد عادي مافيه أي حركة و بدون حمالات حسيتها ما مريحة ولازم كل شوي ارفعها و بظل احاتي.. ان شاءالله بعرضها للايجار بس لما افضى و اصورها:2_22: القماش تافتا سادة مع تطريز و شك فضي و كسرات على الصدر و نفس التطريز من تحت على كامل حواف البدلة.. في حركة في الذيل ما اعرف اوصفها مع نفس التطريز.. و الذيل طويل شوي وعليه قطع من التطريز.. الطرحة نت اوف وايت افتح من البدلة و التطريز على كامل الحواف مع ترتر منثور في مقدمة الطرحة عشان يبين ع الشعر..

المسكة.. صغيرة و ناعمة و نازلة على تحت شوي.. كلها رد روز و داخلها فصوص و لولو.. نازل منها اشرطة لولو بيج و كريستالات حمرا و مربوطة بشريط ساتان بيج.. كانت روعه روعه اكثر مما توقعتها..

الكوشة.. اللوك العام كان مارون.. ورا الكوشة كانت طاولة زجاج طويلة و رفيعة نازل منها كريستالات و منثور عليها اوراق ورد جوري.. و عليها عدة فازات زجاج شفافة داخلها ماي ملون احمر و ورد ابيض و بوسط كل مجموعة وردة حمرا.. و على اطراف المسرح فازات زجاج طويلة داخلها نفس الماي الملون و ورد جوري.. و خلفية المسرح بيج.. هذا اللي اتذكره الحين لما تجهز الصور بخبركم اذا كان في اضافة نسيت اذكرها

الطاولات.. ما اذكر غير انه كان منثور عليها بتلات جوري و لولو.. ما اذكر اذا في شي ثاني..

شغل الكوشة و المسكة و الطاولات من نجاة البلوشي فديتها ما قصرت في ملكتي و العرس طلعت كل ابداعها..

الكيكة.. من ام عاطفة.. ثلاث طبقات مغلفة بكريما بيضا و من الداخل في منها فانيلا و في شوكليت.. عليها ديزاين ورد جوري مثل الاقواس ما اعرف اشرح..و الطاولة منثور عليها بتلات جوري.. و طقم صحنين و شوكتين و ملعقة التقطيع كله ابيض و مزين بورود و شرائط حمرا..

الحنة.. منى الحبسي و اختها.. نقشها كبير بس حلو.. طلبت ما تسويلي وايد ثقيل فطلع وايد حلو النقش كبير بس موزع مع فراغات..

و الى اللقاء مع الجزء الثالث و الاخير و تفاصيل المسائية:Zd_bye_3: