~'*¤!||!¤`تجهيزات عرايس البحرين { الثامن والأربعين}*¤!||!¤*'~`

Sm!LeY;9665540:
احسن شي للاستشوار براون .. روحي هوم الكترونكس في السوق الشعبي مدينه عيسى و بتلاقين اختيارات وايد ..

اذا شعرش ناعم او عادي متدرج خفيف .. استشوار ناشينال اوكي .. و رخيص العادي معاه بروش وحده يمكن 6 او 7 و اللي فيه بروشات اكثر اغلى .. اني اسوي شعري به ويضبط كانه في صالون مسويته لانه شعري حده خفيف و ناعم و مو مدرج ..

و اله براون .. اني اشتريتها قبل سنه تقريبا ب28 دينار من المحل اللي صوب الحداء الجميل في مارينا مول .. هو يبيع الكترونيات و ملابس رجاليه .. بس اني كلش ما استفدت منها استخدمتها بس مرتين .. و القطع اللي للابط و المنطقه الحساسه للحين بجيسهم ما استخدمتهم .. و تأسفت لاني شريتهم .. اللي بس قطعه وحده ارخص بوايد يمكن بحدود 18 تحصلينها بس الحين مادري الاسعار على جم وصلت ..


جربي هوم الكترونس عندهم عروض و تخفيضات الحين ..




حصاصي ممكن طلب .. اذا يصير تحطين لنا صوره الغرف اذا جهزت .. حسيتها واااااااااااااااااااااااااو .. الله يهنيج فيها ..

اني في بالي اللون الرمادي و ادخل معاه فوشي .. بس متردده يقولون لي الرمادي يسوي المكان كئيب ..

ابغي اغير لون غرفتي .. و احب الالوان الهاديه و امبي لون هادئ و فيه حياه .. عشان جدي قلت ادخل الفوشي لون صارخ بالاكسسوارات ..




المكياج عند ايمان ماك .. مكياجها مثل اللي انتي حاطتنه ..

و هذا الستايل جفته على صديقتي و ايمان مسوتنه ليها عجييييييييييييييييييييييب ..

بصراحه ايمان شغلها روعه و بروفيشنال وطيوبه و حلوه و حبابه بس مهضوم حقها هني محد يذكرها كلش .. و بالنسبه لي احلى شي للمكياج اللبناني ايمان ماك و تالي فاطمه اللبنانيه ..

فنانة Cool;9667415:
حبيباتي وخواتي a7la_ba7rainia-حلم العذارى-Sm!LeY
مشكوووووووووووورين على الاهتمام وما قصرتوا.. وإن شاء الله نخدمك في الافراح
وعسى حياتكم كلها أفراح

شلتهو هم مني..لاني كنت باموت على هالميك اب

بس باجننكم شوية..في أي صالون (إيمان ماك) ولا معصومة ماك!!
وأبغي بعد إسم ستوديو يكون جريب من صالونهم تصويره حلو.

ومشكروين ..ويعطيكم ألف عافية

فنانة Cool;9669187:
حساااااااااااااااااااااافة ..شكلي بموت من القهر :sad:
حظي زفت

عقب ما ستانست إني في حد ممكن يضبطلي المكياج إلي ابيه حق عرسي
وهو في صالون الرونق مثل ما قلتولي

استانست حدي..وقمت اليوم اتصلت عليهم للحجز بس قالوا لي إنه الصالون فل
في يوم زواجي ومافي أي مجال احجز... :mad2::cry:
زواجي بيصير في 4-7

الحين وش اسوي..لحقوني ودلوني على صالون ثاني بسرعة..يعرفون يسوين مكياج لبناني
بروفيشنل..على نفس الاستايل الي ابيه ..في الصورة الي حطيتها من قبل
لأنه ما بقالي لي أيام...اغمض عين وافتح عين ويومي يجي

والله يجزاكم ألف خير حبيباتي :sm113:

ميك اب ايمان ماك حده فظيع و احلى من معصومه ..و صدق هني محد يذكرها..اني حجزتها حق الخطوبة و ابيها بعد حق الملجة بس خساره بتكون محجوزه حق عروس و اهلها كامل :(..

حروف عربية;9685468:
بنات انا حجزت صالون سلوى للعرس
ودفعت العربون
المكياج سلوى
الشعر نوريه
عطوني رايكم بنات
وايد وايد خايفه
طمنوني

انا كنت بحجز اشرقت شغلهم عجيب بس قلت اغير

حلوووو شغل سلوى ناعم المكياج ماله:D

Sm!LeY;9688180:
حفل الاستقبال تقريبا نفس المبارك .. بس بشكل ارقى وارتب ..

يعني المبارك يجون البيت لامش و يعطونها الهدايا و قدوع عادي ..

الاستقبال لااا ناس تسوي عشى و ناااس خفايف ..

احنا في عائلتنا حفل الاستقبال تسويهالعروس لعائلتها و عائله المعرس و الاصدقاء من طرف العروس و امها .. و بعد ما ترجع العروس و يجهزون صورها عشان الكل يجوف الصور و الفيديو ..


هو احسن لانه لو احنا بنحدد يوم كل وحده بتطلع لها شغله عشان جدي احسن العروس تحدد لنا الوقت و اريح للعروس تعب مره وحده و لا كل يوم 4 وحدات او 5 رايحين لها بروحهم ..

ادري فاهمة

بس يعني الناس اللي يجون يباركوون هم مال القرية مثل وربع الماما

بس اللي بجون للعرووسة نفسها هم ربعها واللي قراب منها وااجد :D

هو ما ختلفنا واجد بتنحصر العرووس وجدي بس بعدي ما ادري كل واجد و راية

احسها مو عدلة بعدين حتى لو احد عندة ظرف بيسحي يجي مرة ثانية لان خلاص حددو يوم وخلاص اللي حة جة ولي ما حة خلاص :D

لؤلؤة المحرق;9687995:
بناااات تغربلت مآدري من وين آآخذ جووتي على المووضه حق عرسي :(

يقولون مجمع اللؤلؤه زين ..

وآآنه آبي الجوتي اللي شوي من جدآآم ايي بوزه طويل ههههه ونآعم وفي نفس الوقت كشوخي مع

الشنيوووول :(

ومآبي كعب وآآيد طويل لآن بآتغربل ..

آبي يعني شوي زين ..

بآحط لكم صوره عقب شوي شكبر حجم الجوتي الله يعزكم وقولولي رآيكم :( ..


وتنصحوني بالعطورآت اخذ من الحوآج او أجمل حق ليلة عرسي علشآن آعطر شنيولي وآتعطر !!

بليز ردوو لآني متوهقه :( ..

في احد جرب صالون آن
للمانكير والبدكير والشيرة؟

زوز البحرين;9688244:
ادري فاهمة

بس يعني الناس اللي يجون يباركوون هم مال القرية مثل وربع الماما

بس اللي بجون للعرووسة نفسها هم ربعها واللي قراب منها وااجد :D

هو ما ختلفنا واجد بتنحصر العرووس وجدي بس بعدي ما ادري كل واجد و راية

احسها مو عدلة بعدين حتى لو احد عندة ظرف بيسحي يجي مرة ثانية لان خلاص حددو يوم وخلاص اللي حة جة ولي ما حة خلاص :D

يختي كل يوم يطلعون لينا فناتك .. الا توزيعات و الا حفل استقبال معاريس و جوفي الحين الولاده صارت عرس تزيين غرف الولاده و غرف الام في بيت ابوها .. و تونا من فتره عازمين على طهور ياهل و حفل استقبال له .. يوم عاشر من ولدته امه .. مسووين عشى و توزيعات غير عن اللي وزعوها في المستشفى و كيكه عيد ميلاد على صورته .. كانه عيد ميلاد بس بموسيقى كلاسيك ..

و اذا واحد سوا ما يصير الباقي ما يسوون تالي يقولون بخله او ما عندهم او مال اول .. الحاله قايمه .. كل ما ارتفعت الاسعار زادت الاستهبالات :21_178:






(t) طوووووووووووووط اني ما قلت شي ..

صاحبة الظل الخفي;9688390:
في احد جرب صالون آن
للمانكير والبدكير والشيرة؟

هلا صحوبه .. شخبارش و شخبار النونو ..


الصراحه ما جربتن صالون آن بس وايد بنات يمدحون الواكس عندهم و يمدحون المكان نظيف و راقي ..


بس المانيكير و الباديكير ما سمعت عنه ..

ع ذبة المشاعر;9688098:
زوز البحرين

مكياج مروة ما حبيته

بس جربت مكياج فاطمة وعجبني , قلت اذا ما حصلت لمياء باخذ فاطمة ,, وحفلتنا بتكون قبلكم 22-6 فأني اللي شكلي بعطيش التقرير هههه

وبالنسبة الى ظفاير ترى على طووول زحمه , يعني قد ما تقدرين اتصلي من وقت لعلى وعسى تحصلين عندهم

بالعكس انا لما رحت كانت وحده جايبه صوره وياها وقالت تبغي نفس المكياج وانا من نوعي اسولف وين ما اروح خخخخخخخ وشفت الصورة وشفتها بعد مكياج مروه فوتي كوبي مثل الشي يعني ماتقل خبره عن لمياء ابدا وهذا رأيي

Sm!LeY;9688050:
هلا الغلا ..

العطور بدينار و الكريمات ب800 فلس .. اني بعد كلش عجبتني فكره الكريمات المعطره و حتى حاطتها ببالي لتوزيعات الملجه لاني ماجفت احد سواها بس بطيت الجره و قلت لكم تستاهلون و اني للحين ريضه بس قاعده اجهز الادويه قبل الفلعه .. و هذا الصبي كان عنده اشياء وايد حلوه بس كان في معرض الخريف و اختي ما خلتني اتبحث ازيد و اتسأل عنده تقولي مالش سالفه ..



ما تدرين المانكير العادي بجم ؟؟!!!

اني هالمحل من بره عاجبني و كله خاطري ادخله يمكن اروحه .. مع انه صالون اللور يم بيتنا كلش كلش قريب و اقول بروحه للمناكير و البديكير .. بس الفيشل عندهم ب23 و 28 دينار ... اني امبي ماكسمم 15 دينار ..

احد جرب فيشل بيت الصحه اللي في مدينه حمد .. رحته مع اختي مره قصت شعرها هناك المحل راقي و محل المساج عجبني كله شموع و وورد طبيعي منثر في الممر اللي فيه غرف المساج .. احد جرب الفيشل او يعرف اسعارهم للمنكير و البديكير و الفيشل على جم ..

ههههههههه فديت الي بطو الجره فديتج والله
وبالنسبه للفيشل اسمحيلي ماعرف والله بس جيكي صالون تارا اي شي اسويه عندهم يعجبني اتصلي وشوفي

Sm!LeY;9688460:
يختي كل يوم يطلعون لينا فناتك .. الا توزيعات و الا حفل استقبال معاريس و جوفي الحين الولاده صارت عرس تزيين غرف الولاده و غرف الام في بيت ابوها .. و تونا من فتره عازمين على طهور ياهل و حفل استقبال له .. يوم عاشر من ولدته امه .. مسووين عشى و توزيعات غير عن اللي وزعوها في المستشفى و كيكه عيد ميلاد على صورته .. كانه عيد ميلاد بس بموسيقى كلاسيك ..

و اذا واحد سوا ما يصير الباقي ما يسوون تالي يقولون بخله او ما عندهم او مال اول .. الحاله قايمه .. كل ما ارتفعت الاسعار زادت الاستهبالات :21_178:

يحليلج سمايلي موتيني من الضحك صااااااجة والله :21_133:





(t) طوووووووووووووط اني ما قلت شي ..

على فكرة سمايلي انه جربت بروفايل للفيشيل كان تماااااااام بس اعتقد كان ب24 دينار

ثآنكيوووو سمآيلي بعد جبدي على ردج .. :)

دهن العود;9688352:

حبيبتي أخذي لج عطور فرنسيه أحلى لليله عرسج

شوفي بقولج طريقتي

الله يسلمج

قبل العرس بأسبوع بالضبط كل اليوم كنت أطلع شنيولي

كل يوم يعني كل يوم مو تنسين

(y)
المهم أطلعه

وأحطة على الكرسي بالغرفة وأحط تحته المدخن

وحط فيه عود وأبخره

بالعود والبخور

وفي نفس الوقت أطشر على كل صوب بالشنيول من كل عطوراتي الفرنسيه

ما صار يوم العرس الا

الا الريحة تدوووووووووووووووووخ وتنشم من بعييييييد

خخخخخخخخخخخخخخخ

كنت أذكر من أطوف بالشنيول على اي مكان مع انه مغلف بكيس العلاق ماله تضي المكان كله

كل من قالي الريحة مميزة :wink:

اي على فكرة بعد كنت أحط مع الشنيول

قميص نوم اول ليله الفوطة وجلابية الصباحية وعباية الصباحية

(y)

يعني لا تنسين شي كلهم حطيهم فوق الكرسي وبخريهم بالعود والبخور

ومع العطورات الفرنسية تطلع الريحة وووووااااااااااااااااااااووووووو

على فكرة عطر قوتشي اليديد فلورا
ذاك اليوم شميته بالسوق الحرة

كانت ريحته روووووووووووووعة الصراحة بس خسارة كان مخلص :rolleyes: من كثر ما هو حلو

شكلي بآخذ طقم كآآمل عطورآت فرنسيه .. بس يمكن آخذ بعد عطورآت عربيه بس مو طقم ..

لآني آميل للعطورآت الفرنسيه أكثر .. :o .. ووووووو قوتشي إذآ تعرفين مركز أمينه اللي في

سوق المحرق بتحصلين عندهم عطر قوتشي شميته وقلت رآح أخذه هالآيآم وقت مآيكون

عندي فرصه لآني خذت عطر ثآني بعد عجبني .. (a)

وثآآنكيوووو على نصآيحج حبوووووبه .. (y)(f)

حفل الاستقال احسن مو سالفت طراره

بس العروس مب فاضيه كل يوم يتصلون فيها بنمر نبارك عليج هاليوم مثلا وغيرهم هاليوم وغيرهم وغيرهم


وغير هاى العروس مو فاضيه كل ما اتصلوا فيها ناس تروح الصالون بسوى شعر ومكياج وتشتري فستان ولا جلابيه عشان جم وحده وكل مره بتسوى لها بوفيه عشان جم وحده؟؟

حفل الاستقبال احسن يوم ينعزم فيه الكل و والعروس عندنا طبعا تلبس جلابيه ولا فستان كشخه يبان فيه انها عروس وتروح الصالون تسوى شعر ومكياج عروس وتوقف تستقبل المعازيم مع امها وام ريلها

وطبعا بكون فيه بوفيه وناس يحطونه اغانى ولا موسيقى وناس بدون شي على راحتهم

وعلى الهدايا مب لازم تودين نفس اليوم اذا كانت العروس قريبه منج عادى بعدين

بس لو كانت بعيده شوي لازم نفس اليوم

وحفل الاستقبال لازم يكون بعد العرس بفتره لانه العروس تعرض البوم صورها للمعازيم

بنات البحرين

أبي عندكم ملابس سهرات فخمممممة , ما تنوجد عندنا بالسعودية :ss: , و مو مهم السعر..!! و وش عندكم ماركات كبيرة فيها سهرة ؟

بحرينيه وكلي فخر;9688981:
حفل الاستقال احسن مو سالفت طراره

بس العروس مب فاضيه كل يوم يتصلون فيها بنمر نبارك عليج هاليوم مثلا وغيرهم هاليوم وغيرهم وغيرهم


وغير هاى العروس مو فاضيه كل ما اتصلوا فيها ناس تروح الصالون بسوى شعر ومكياج وتشتري فستان ولا جلابيه عشان جم وحده وكل مره بتسوى لها بوفيه عشان جم وحده؟؟

حفل الاستقبال احسن يوم ينعزم فيه الكل و والعروس عندنا طبعا تلبس جلابيه ولا فستان كشخه يبان فيه انها عروس وتروح الصالون تسوى شعر ومكياج عروس وتوقف تستقبل المعازيم مع امها وام ريلها

وطبعا بكون فيه بوفيه وناس يحطونه اغانى ولا موسيقى وناس بدون شي على راحتهم

وعلى الهدايا مب لازم تودين نفس اليوم اذا كانت العروس قريبه منج عادى بعدين

بس لو كانت بعيده شوي لازم نفس اليوم

وحفل الاستقبال لازم يكون بعد العرس بفتره لانه العروس تعرض البوم صورها للمعازيم

دهن العود;9689056:

صح كلامج العروس مو كل فاضيه تستقبل

الناس

حتى لو كانوا معارف وعادي مو حلوة يروحون لهم وهي مو حاطة ببالها

وتقعد معاهم حالتها حاله والا مو مستعدة

غير ان لازم يضيفونهم عدل

ومو أي كلام

أنا عن نفسي سويت 3 أيام أستقبال

وبعد تغربلت

شعر ومكياج وجلابيات وحاله :ss:

هالمرة ان شاء الله حق اختي بنسوي يوم واحد واللي ايي حياه الله
واللي ما بيي امانه الله

الوحدة مو فرغانه تجابل الناس كل يوم والثاني

تهد زوجها وشغلها

ورغم اني سويت 3 ايام بس بعد الناس للحين تتصل حق أمي يبون يجون يباركون

أمي آخر مرة جمعتهم كلهم
قبل شهر

وياو أفتكيت أخيرا

خخخخخخخخخخخخخ

وحشتيني دهن العود :D

على طاري الاستقبال
انا ناويه اسويه بيوم العرس افك لي :tongue:

ماعبر كل حزة جلابيه وشعر وميك اب وقدوع

وفوق ذي مايون كلهم
خخخخخخخخخخخ

امي احين اتقولي لاتسوينه سويه عقب العرس بشهرين :ss:

انا محتاره
مابي بعد شهرين انا طبعي مزاجي
واخاف احرن واهون واكنسله خخخخخخخخ

ههههههه مشاعر بحرينيه ..

سوي عقب شهرين بس في صاله صغيره مو لازم صاله فخمه وهلون

عندج صاله دار ياكو اللي في الحد رخيصه ووسيعه حق الاستقبال

وفكي عمرج :>

بنات ما رديتوا عليي

عروسنا تبي صالون للحفاف واحنا قبل كنا نتعامل دايما مع ابتسام بس هالمرة تمبي تغير ..

المهم امبي صالون تمام ومجرب لحفاف عروس
+
الحلاوة

+ الحمام المغربي
+ البديكير والمنكيير

وين فيه افضل صالون لهذي الامور ....؟؟؟ واذا تعرفون صالونات عندهم عروض للعروس او برنامج كامل يكون افضل

الغاضبة;9685978:

ألف مبروك للي تزوجوا واللي انخطبوا والفال للبنات الحلوات وعلى رأسهم

ماركة بحرينية
وصايف
حبيبة عزوزي
زمن الطفولة
عذبة المشاعر
عرايس اللي يتسوقون من السعودية وجربو اثاث ايكيا
ممكن تقولون لي اذا كان الاثاث حلو وقو ي والا لااا
كنت بمره أمس لكن ترددت بغيت اشتري كراسي مقلمة
وشكرا ومسامحة اذا كان السؤال في غير مكانه محتاجة رأيكم لاني برد ارجع

واتسوق مرة ثانية

آمين أجمعين ان شاء الله الفاال حق كل العزابية ((عااد ليش اسمي اولهم حدي انحرجت:o))

اثااثهم حلوو وسمبل ،، وبالنسبه حق القووة بالعكس احس اثاثهم قووي ،مو مثل اللي عندنا هني لين تدورين صناعته يطلعلج CHINA ولا مادري اي ديره ،، اهمه اكثريه سويدي او فنلندي اعتقد ===
أهلي بجدة مأثثين جزء كبير من البيت من إيكيا ،، وماشاء الله حلوو وقووي ،،وبالعكس واايد اختيارات بتلاقين عندهم ،،بس أحلى شي عندهم أغراض الديكور والترتيب والحماماات والمطابخ وإلخ ....