nooroo;9662035:
بنات شرايكم في خياط اسمه "المثالية"؟؟ احد جرب شغله او على الاقل شافه او سمع عنه
الله يسلمج رفيجتي مسوية فستان جلوتها من هناك وماحسيته واو بالعكس شغلهم عادي
بحرينيه.com;9662713:
بنات ابي فستان اللي في بالي ايست خلاص
من تعرف محل يصمم لي فستان عرس
و يكون شغلهم عدل و ابي يكون سعر معقول
<< خاطرها في ناعم و خصره نازل :(
روحي كبرى القصير
أنا الشوق;9668454:
انزين بنات نيي حق تقريري للايام اللي طافت
يوم الاربعا كان مخصص لذهب
رحت محلات الذهب اللي في القضيبيه واللي قلتوا لي عنهم
بس مارحت محل ماشالله
أول شي رحت مجوهرات "محمد" ، وللي سألت عن موقعه أعتقد Noroo، تدشين شارع المعارض من البداية عند محل الدونت وفندق سميراميس مادري شسمه ذاك الصوب يعني
وبعدين عند ثاني دوار أظن، على يمينج بيصير صالون نفرتاري، تلفين يسار وتمشين سييييده وفي مجمع بيكون على يمينج وفي لفات على يسارج، عاد انا ماعديت عدد اللفات بس تميت أطل فيهم خخخخخخخ انتي طلي فيهم وبتلاقين محل مجوهرات صاير على اليسار ودشي هني وبتلاقين المحلات مالت الذهب
المهم، دشيت المحل ولقيت فيه اطقم بسيطه، وعجبني كذا واحد بس بعد مادري شلون حسيتهم اكسسوارات، وصج مثل ماقالت هذيان عاشقه يلمعون :D
لقيت لي طقم "ذهب أبيض"، قال لي سعره ب1400 هذا اللي دش خاطري اكثر شي بس جربته وحسيته مادري شلون، لمعة الذهب صايره واايد
وعجبني بعد طقم ثاني بس مب حق شبكه حسيته بس وايد كشخه وناعم وكان يبيه ب850
طلعت من عنده ورحنا عند جامبو حق الدبل، هو في له فرعين، واحد ماعنده دبل بس خواتم
والثاني داخل زحمه وكله اثيوبيات مادري شلون اشكالهم فطلعت منه
بعدين رحنا رفيع، عنده وايد أطقم حلوه، ذهب أصفر وكبار يصلحون حق جلابيات وهالسوالف
ماسألت عن أسعارهم بس اتذكر كنا نسولف عن الالماس قام هو أشر لي على اطقم الذهب الاصفر ويقول لي لو تاخذين واحد من ذلين ب2500 أحسن لج من الالماس
المهم، الهندي عجبني مسكين خخخخخ ولقيت لي خاتم حبيته من أول نظره :15: وجربته وحبيته أكثر :15: جان يطلع ب2000 :cry: وهاذي سعره قبل بعد الحين يقول زاد، فمافكرت اسأله بجم صار خخخ
ولقيت لي دبله عجبتني ناعمه وفيها صفتين الماس دار مدارها
وقلت يمكن أرجع لها يوم ثاني
طلعنا ورحنا حق ديلو وخذت الطقم اللي قلت لكم عنه، اللي مايلمع وايد :o حسيته وايد اكشخ من باقي اللي جفتهم
وافتكييييييت
أمس
طلعت من الشغل ورحت السيف حق مجوهرات سحر والكوهجي حق الدبله
اللي عجبوني عدل كله فوق ال1000 والباقي بسيطين كلش كلش مافيهم الا صفه الماس وحده وصوب واحد
فطلعت ورحت حق رفيع خذت من عنده الدبله
وبعدين رحت سوق المحرق ولقيت لي دفه وخذتها خخخخ مستعيله حدي بس قلت له ابي يغير الشيله واليوم بتجهز واختي بتروح تاخذها
وشريت لي جوتيين فلات من هناك وخذت اكسسوارات حق الشعر
وبعدين رديت المدينة ورحت عند ياسين وخذت لي نعال وصندل حق الملجه والخطوبة، مالقيت لي شي نازل وايد فخذت كعب صغيير
وبسسسس خلص اليوم
أما اليوم فهو للاسترخاء
رحت مساعه الصالون حق حلاوة وبدكير وقصيت شعري، بس الاطراف
وخلااااص الحين منبطحه اطالع التلفزيون وانتظر يوصل غداي/ عشاي :bigsmile:
وباجر الملجه :eek:
أنا الشوق;9672433:
الله يعافييج
والحفله ان شالله بتكون في بيت خالتي لأن بيكون شي بسيط وعائلي فقط
والحنه ان شالله باروح اتحنى يوم الثلاثا عند أم أحمد
والمكياج عند صفاء والشعر في أشرقت
وبسس :D
اييه والاستوديو فوتوكينا
أنا بعد أبي آخذ لي مكينه بس مب عارفه أي أحسن :think:
الله يبارك فيج
:o
هو الله يسلمج كان المفروض ان تكون الملجه تاريخ 11، يعني الملجه والحفله في نفس اليوم وفي بيت خالتي
بس بعدين صار تغيير في الخطط وتجدمت الملجه، بس المكان ماتغير........
وعن المسارح، أول شي كنت أفكر اني أغير واسوي الخطوبة في صالة صغيره بس بعدين هونت،وهو أولردي الديكور في البيت صاير كأنه مسرح والكرسي بعد نفس المسارح، فمايحتاج أي تعديل بس أنا قلت يمكن أغير فيه شوي عشان على الاقل تصير الالوان متناسبة مع بعض
فان شالله هالاسبوع باروح آخذ لي أغراض وباطلع ابداعاتي :D
وطبعا لازم بتجوفون التقرير :o
ثنكيووووو
انزين أبي اقتراحاتكم بخصوص الديكور حق الخطوبة
هو احنا عندنا في الطوفة نفس الشي معلق خخخخخ فهمتوا شي؟؟ :dd:
المهم، هو صاير نفس قطعة سجاد او شي جذي ومعلقه في بيب حديد نفس اللي حق الستاره
انا فكرت اشيل هالقطعه المعلقه وأحط شي بدالها
يعني شيفون أو مخمل نازل وكرستالات ومادري شنو
فانتو شرايكم؟؟؟ وشنو أحط؟؟ ومن وين أحصل هالاشياءات؟؟؟ فكرت أروح هوم سنتر حق الكرستالات والخرز بس قلت يمكن تعرفون مكان ثاني :o
انا والشوق نزلي من البيب مخمل وحطيه في كرستالات وشوية ورود طبيعية وانا انصحج بمشتل جاسم ورده وايد رخيص وحلو والكرستالات جوفي جنه الطيور انا جايفة فيه والمخمل اخذية من محلات التنجيدات اللي في السوق الشعبي
والف الف مبروك
سنفونية حب;9681648:
تقريري لهذا الويكند :
يوم الجمعه وبعد الغدا مباشره انطلقنا الى السعودية .. و اخنا لنا اكثر من ساعتين على الجسر يا الله وصلنا زحمة مو طبيعية اول مبرة بحياتي اشوف زحمه جذي من الجمارك والجوازات واصله لي نص الجسر نفسه !!! تقولون البحرين كلهم رايحين هاليوم
المهم وصلنا متأخرين و دايركت نزلنا فينيسيا .. ركض على محلات الاكسوسوريز .. و كنت ادور على محل بنت النور .. بس قلت معلش بدخل المحلات الثانية يمكن الاقي شي يعجني .. بس ما عجبني شي غير عند بنت النور .. طقم كامل و قصر لي الاسواره في نفس المكان و ما رضى يقصرنا ولا فلس احمر .. و كان سعره اغلى من الميزانيه بوايد هههه .. بس شسوي ما اقدر اخليه بخاطري و كنا مستعجلين يعني ما في وقت بعد افكر اكثر و اتوكلت على الله و خذيته و حده عجيب ... :) بعدها صلنيا و استلمناه بعد التقصير و رحنا بعدين شوف لي وانتو بكرامه شوز ليلةالعرس و طلعت اسعارهم اغلى من البحرين في الشوزات اللي عجبوني .. و قلنا خلاص باخذ من البحرين و بعدها دايركت رحنا الدمام .. سوق احريم " شارع الحب " محلات التوزيعات واول محل طبعا بدون موعد اسمه .. و هو اللي قلت لكم عنه من قبل و يمه كذا محل بعد .. وحظي بعد اليوم استغفر ما ادري شفيه موراضي يضبط كل ما ابي شي يا مخلص يا الكمية ماتكفي يا السعر ما يعجبني خير شر .. المهم وبعدها اتفقنا معاه اخذ الكمية الموجوده من اقفاص ذهبية صغيره و يوفر لي الباقي الاسبوع الجاي من اللون الذهبي و الفضي .. و بعدها راح احط داخلهم تولات العطر واللي عنده التولات الكرستال مخلصين :( و التولات العادية ما عنده الا حجم ربع توله وحسيتها كلش صغيره .. و لفيت المحلات الل يمه كلهم مخلصين على حظي .. و بعد واخذت منه شرايط ذهبيه فضيه
المهم و اخذت الاقفاص الصغيره ورحنا المحل اللي يمه و اخت دفتر التواقيع ابيض و مزين باشياء ذهبيه.. و اخذت بعد رش ذهبي و فضي وبني حق اشتغل على شجرة التوزيع اللي قلت لكم عنها .. :) .. و بعدين بعد عناء و عصبيه قررنا نمشي الى محل الدنيا الصغيره .. وهناك حصلت لي شي جاهر شمعه اللي داخل كاس مزخرف و معلب بعلبه شفاف و ملفوفه بشرايط .. استانست عليهم لكن للاسف الألوان اللي تناسبني حق العرس عددهم بس 36 قطعه .. كنت اتمنى احصل اكثر .. خذناهم واختي اخذت لها بوك بنفسجي حلو من هناك بعدها رحنا تعشينا و هناك زادت العصبيه ههه .. وقمت كل ما يجيوبن لي شي اقول للي هناك رجعه و جيب لي غيره احسن منه خخخخ .. و خطيبي وامي وياختي يقول لي استهدي بالله شصار فيج .. هدي شوي خخخخ.. و ما هدأت الا يوم ردينا البحرين و صلت بيتنا بالسلامة ولله الحمد :)
ويوم ثاني ( السبت ) من الصبح طيران على المطبعه اللي قهروني و اخروا سالفة البطاقات :( لان الديزاين ما عجبني خير شر وبرطمت و تضايقت و اشتغلت العصبيه .. و كنسلنا الشغل وياهم وقال لي خطيبي قومي نشوف مطبعه غيرهم .. وفعلا رحنا مطبعه ثانية و اتفقنا معاه والله يستر بخبركم عن التفاصيل لما تجهز البطاقات < دعواتكم
و العصر رحنا نشوف الانوار و رامز وذلين يمكن احصل تولات لكن للاسف ما حصلت مثل سعر السعودية وايد اغلى عني يعد اكثر من ثلاثة اضاف سعر السعودية !! و اخذت لي بس العروس والمعرس اللي بحطهم فوق كيكة العرس .. و اخذت كاسات حق توزيعات الحنة .. وبعدها رحنا محل يسون كوشات و ورد و توزيعات اسمه دريم اعتقد و عنده حركات حلوه كنت باسلهم على تزيين المدخل بس .. لكن ما حصلت عندهم شي يناسبني و طلعنا منه ودخلنا محل الستائر الصيني اللي يمه و فصلنا لنا ستاره حق الغرفه الجانبية اللي في غرفة النوم .. و بعدها رحنا شقتنا وصلينا واكلنا كنافه و شربنا لنا كوفي و رديت بيتنا و انتهى التقرير
هههه قلت قصة حياتي شكلي .. واي استفسار عما سبق ذكره حاضرين
مراسلتكم : سنفونية حب
نسيت اقول لكم كان في معرض في صالة شهرزا
حق الفساتين ابتداءا من يوم الجمعه الساعه 10 ونص صباحا بس للاسف ما صار عندي مجال اروحه .. هل في احد سمع عنه او راح له ؟؟ وما ادري اذا خلص او لا
------------------------
نداء لبنات عروس الحلوات : من تعرف مكان احصل عنده تولات -غرشات و فيهم العطر بسعر زين في البحرين او السعودية ؟؟؟ اللي عندها فكرة تخبرني باسرع وقت و تدلني وجزاكم الله الف خير
انا كنت في السعودية يوم اليمعه في فينيسيا
والتولات تحصلين في جنه الطيور