حبيتن لعيونك تفقد جنينها وادعو لها الله يعوضها

ربنا يعوضها يارب
طيب مش هيا كانت بتروح متابعة في المستشفي ما اكتشفوا موضوع الحبل السري دة الا يوم الولادة؟؟؟؟؟

الله يعوضهااااا يااااااااااارب

الله يصبرها ويعوضها يارب

السلام عليكم
السموحه منكن توي شفت الموضوع
اشكركم حبيباتي على دعائكم ووقفتكم وياي ولو ان معظمكم ما يعرفني
ويارب يخلفني خيرا في مصيبتي

اللي صار اني فيوم ولادتي حسيت ان ولدي ما يتحرك وبنفس الوقت ماشي بوادر أي ألام ولا كأني حتى حامل فالتاسع ، ولاحظت ان بطني ارتفعت وأحس بخفه مو طبيعيه

رحت عياده خاصه وشيكت علي بالسونار وأنا أشوف التلفزيون وأشوف ابني ما يتحرك ثابت ، قلبي نغزني بس قلت يارب لا نسألك رد القضاء ولكن نسألك اللطف فيه ..

شوي وتقول الدكتوره ماشي نبض

خبر نزل علي كالصاعقه وريلي يسمعها ومو مصدق
وأنا بديت أصيح وأقول لها دخيلج تتأكدي
بس للأسف

ولا ذرة حياه

طلعت عنها سيده عالطواري
بعده كان في أمل
اتصلت لأمي وأنا أصيح وأكح وشوي ما قدرت أكمل يلست أرجع بالسياره ..
وريلي يمي يصيح بحرقه
وقف السياره على ينب وشل عني التلفون وطلع بره يرمس أمي وهو يصيح
وهي تقول روحو الطواري يمكن نبضه خفيف
وأنا انقطع نفسي مب قادره خلاص
أمي اتصلت لأبوي وسبقنا عالطواري
وهي وعت خوي ويابها المستشفى
أنا أصيح وأبوي يحضني ويقول قولي لا إله إلا الله
وأنا مب قادره وقف على ريولي حتى
ودوني غرفة الولاده بالكرسي المتحرك
ويابو كل أجهزة السونار
بس للأسف
ماشي نبض
وولدي مرتفع فوق
والمشيمه نزلت مكانه
عشان جي قررو قيصريه وأنا مو مصدقه الكابوس اللي عشته
سوو إجراءاتهم وريلي وقع عالعمليه وأمي وياي تصيح وأنا مصدومه مو مصدقه
لا إني أصيح ولا إني أرمس
يا ريلي وشافني وصبرني وأنا مو وياه
دخلوني العمليه وطلعت بمولود متوفي
ريلي شافه وسماه محمد
وراحو غسلوه وعطروه بدهن العود وصلو عليه ودفنوه
وأنا كنت تحت البنج بعدني بس واعيه ومدوخه
وعيوني تدمع ومب حاسه باللي حوالي
كل حد كان يمي ويعزيني ويصبرني
بس أنا ما كنت وياهم
كنت أتذكر كل لحظه كلمت ولدي فيها
كل لحظه رفسني فيها
كل لحظه ريلي لمس بطني وباسه ورمسه
كل لحظه كنت أتسوق وأجهز له فيها

بنات مب قادره أكمل
وربي تسامحوني

:confused::confused::confused:

يابعد عمري يا حبتين انا حاسة فيج ياعمري ..شنو تقولين عن امي على الاقل مصيبتج اهون
امي جابت اختي فلقة قمر
ويوم صار عمرها 5سنوات ونص جاها ربووو شديد واضطر الدكتور يحط لها بنج كامل لانها كانت تضرب الدكتور وتعضه ماتحب جهاز الشفط للبلغم
وتوفت خطأ طبي بسبب جرعة بنج زايدة

لاحول ولاقوة إلا بلله
وسبحان الله ربي مايبتلي الا العبد اللي يحبه عشان يشوف قوة صبره وايمانه
وانتي ربي يعوضج ان شاء الله بالذرية الصالحة اللي تترس عليج البيت كله بنات وأولاد
والله اكتب لج ودموعي بعيوني ...
يابعد عمري انتي

آه يا حبتين .. شو نقول لج وبشو نعزيج..

الكلام ما يكفي ولا شي نقوله بيغير الواقع

ما نقول الا الحمدلله على كل حال..


مب بس انتي كنت تنتظرين ولادتج

كلنا كنا نجهز وياج و نفكر وياج ونحس وياج

وكلنا صحنا وياج ..


مثل ما قالولج البنات .. ما يبتلى الا العبد المؤمن .. و هالشي اختبار لج .. وانتي قدها

وان شالله رب العالمين يعوضج خير عنه ..

حبتين الله يصبرك ويعوضك

وان شاء الله انك من الصابرين ياقلبي

وكلي امرك لربك

والله يعوضك عنه يااااااااارب

الله يقومها بالسلامة ويصبرها

الله يصبرك ويصبرني ويعوضنا خير بالتوائم الي يفرح قلبنا انا توني والده ليه اسبوعين وتوفى طفلي بعد الولاده بيومين وماشفته الاوهوه لافينو وبيدفنو والله انو قلبي حزين بس الحمد لله وملابسو في شنطه المستشفى وماني قادره اشوفها الحمد لله على كل شي وزوجي سماه كمان محمد

الله يقومها بالسلامه
اويعوضها خير انشاء الله

عظم الله لك الاجر
قل لن يصيبنا الا ما كتبه الله لنا
عليك بقراءة سورة الانشرح ليصبرك الله و يزيل عنك الهم

اختي الغالية ....الله يصبرك على ما بلاك وياجرك عظيييييييييييييييييم الاجر ويجعله شفيع لكي فالجنة تخيلي تجين يوم القيامة تلاقينه واقف لك عند باب الجنة شفيع ليكي ولابوه ويناديكم تدخلون الجنة واهوا ماسك ايدينكم ....هذي اهيا الدار الاخرة اما الدنيا فهي دار بلاء وامتحان ...اصبري ولكي الجنة ان شاء الله

رغم اني ما اعرفك الا اني من قريت قصتك بكيييييييييت كثيررر وتاثرت ....صدقيتي ربي راح يعوضك خيرررررررر باذن الله تعالى لانه ربنا كريم ورحيم بعباده فلا تقنطي من رحمة الله ابدا ابدا حبيبتي ...

انصحك لو تحملين بعد سنتين او سنة ونص احسن ....ادري انها مدة طويلة بالنسبة لج بس لان الرحم حبيبتي لسه ما التام جرحه يبيله من سنة ونص لسنتين حتى يلتئم عشان باذن رب العالمين لما تحملين المرة الياية تولدين طبيعي ان شااااااااااااااااااااااااااء الله ...

انا ولدت بقيصري والله كانت تعب تعب تعب ....والحين ولدي عمره سنة و3 شهور وحامل !!! انا كنت ابي اقعد سنتين عشان الرحم يلتئم لاني والله ليومج هذا مرات احس بنغزات مكان العملية رغم مرور سنة وشي عليها....عرفتي ليش حبيبتي تقولج الدكتورة نطري ..؟؟؟

ثانيا انا قريت ردج في تجمع الحوامل البكر على الحرمة اللي قلات لج انتي حامل ....عسى الله يعمي عيونها يا رب ...يعل عيونها البط ان شاء الله .....هذي حقوووودة مو مرة ابدا ...الواحد لو شاف شي جدامه يذكر الله على طول عشان يبعد الشيطان والله يوم قريت وش قالت بس ادعي عليها عمى بعيونها ....المهم حبيبتي لما تحملين المرة الياية دااااااومي طوال تسع شهور على قراءة سووورة البقرة وبنية ان ربي يحفظج ويحفظ البيبي من شياطين الجن والانس ....والله انا كنت مداومة عليها طووول شهور الحمل بس بعد ماولدت طبعا نفاس ما اقدر اقرا بالمصحف جاتني وحدة وانا للحين بالمستشفى وهذي انا قلبي مقبوووض منها هالحرمة وشالت ولدي وترفعه فوق وتنزله تقول ...اوووه كبيررر كبيررر ....والله العظيم ولدي ما رضا يرضع مني ابداااااا ابدااااا .حاولت فيه حاولت فيه ..ماكووووووووووو......ترا العين حق وتحصني وذكري الله وواظبي على سورة البقرة وان شاء الله تبشرينا بحملج الياي باذن الله ....

الله يعوضها خير منه و يرزقها الحمل السليم قريبا

الله يقومها بالسلامة ويعوضها خير إن شاء الله

حبتين لعيونك;9694866:
السلام عليكم
السموحه منكن توي شفت الموضوع
اشكركم حبيباتي على دعائكم ووقفتكم وياي ولو ان معظمكم ما يعرفني
ويارب يخلفني خيرا في مصيبتي

اللي صار اني فيوم ولادتي حسيت ان ولدي ما يتحرك وبنفس الوقت ماشي بوادر أي ألام ولا كأني حتى حامل فالتاسع ، ولاحظت ان بطني ارتفعت وأحس بخفه مو طبيعيه

رحت عياده خاصه وشيكت علي بالسونار وأنا أشوف التلفزيون وأشوف ابني ما يتحرك ثابت ، قلبي نغزني بس قلت يارب لا نسألك رد القضاء ولكن نسألك اللطف فيه ..

شوي وتقول الدكتوره ماشي نبض

خبر نزل علي كالصاعقه وريلي يسمعها ومو مصدق
وأنا بديت أصيح وأقول لها دخيلج تتأكدي
بس للأسف

ولا ذرة حياه

طلعت عنها سيده عالطواري
بعده كان في أمل
اتصلت لأمي وأنا أصيح وأكح وشوي ما قدرت أكمل يلست أرجع بالسياره ..
وريلي يمي يصيح بحرقه
وقف السياره على ينب وشل عني التلفون وطلع بره يرمس أمي وهو يصيح
وهي تقول روحو الطواري يمكن نبضه خفيف
وأنا انقطع نفسي مب قادره خلاص
أمي اتصلت لأبوي وسبقنا عالطواري
وهي وعت خوي ويابها المستشفى
أنا أصيح وأبوي يحضني ويقول قولي لا إله إلا الله
وأنا مب قادره وقف على ريولي حتى
ودوني غرفة الولاده بالكرسي المتحرك
ويابو كل أجهزة السونار
بس للأسف
ماشي نبض
وولدي مرتفع فوق
والمشيمه نزلت مكانه
عشان جي قررو قيصريه وأنا مو مصدقه الكابوس اللي عشته
سوو إجراءاتهم وريلي وقع عالعمليه وأمي وياي تصيح وأنا مصدومه مو مصدقه
لا إني أصيح ولا إني أرمس
يا ريلي وشافني وصبرني وأنا مو وياه
دخلوني العمليه وطلعت بمولود متوفي
ريلي شافه وسماه محمد
وراحو غسلوه وعطروه بدهن العود وصلو عليه ودفنوه
وأنا كنت تحت البنج بعدني بس واعيه ومدوخه
وعيوني تدمع ومب حاسه باللي حوالي
كل حد كان يمي ويعزيني ويصبرني
بس أنا ما كنت وياهم
كنت أتذكر كل لحظه كلمت ولدي فيها
كل لحظه رفسني فيها
كل لحظه ريلي لمس بطني وباسه ورمسه
كل لحظه كنت أتسوق وأجهز له فيها

بنات مب قادره أكمل
وربي تسامحوني

:confused::confused::confused::confused:

لا حول ولا قوة الا بالله

قلبي معاك ياخيتي حاسه فيك ربي يصبرك

اللي كم شهر وتسقط تتعب وتموت حزن كيف باللي

تكمل 9 شهور وخلاص مابقى الا شوفته

ربي يعوضك ياحبتين باولاد وبنات يملون البيت عليك

ويعوضونك عن ابنك محمد

والله يصبرك ويكون بعونك ادري ان كلامي مراح يواسيك ويعوضك عن المك

بس هذا كله اختبار وابتلاء تحملي وصبري وربي راح يجزاك خيرا

وفكري في طفلك اللي راح يكون في الجنه وراح يكون شفيع لك ان شاء الله

حبتين لعيونك والله عورني قلبي
الله يمسح على قلبش و قلب زوجش
و إن شاءالله يكون شفيع لكم عندالله

حاسين لش خيو والوحدة من يبدأ الجنين في احشائها ترتبط فيه سبحان الله
و يروح منها بغمضة عين

الله يكون وياش .. الله رحيم و بعوضش خير خيو

إي أختي ذكرت لما تحملين مرة ثانية بإذن الرحمن .. تقدرين طيعا بعد كم شهر .. و هالشئ انتين تقررين
لما تحملين .. دائما دائما لما تطلعين من البيت او بتلتقين بأحد أقرأي المعوذتين و سورة الإخلاص عشان تحميش و تحمي البيبي لأن في ناس ما تصلي على النبي محمد و ما تذكر الله

الله يعوضش خير خيو والله عورني قلبي

الله يحمي كل حوامل المؤمنات يارب

الله يعوضك خير ويصبرك والله قلبي اتقطع عليك ...

انا اجهضت بالاسبوع الخامس ونشفت عيوني من البكى .. كيف أنتي ياقلبي عليكِ

ان شاء الله تشوفيه معكم بالجنة ويرزقك بولد ثاني قريباً يارب ..

لا حول ولا قوة الا بالله ...

حبتين لعيونك;9694866:
السلام عليكم
السموحه منكن توي شفت الموضوع
اشكركم حبيباتي على دعائكم ووقفتكم وياي ولو ان معظمكم ما يعرفني
ويارب يخلفني خيرا في مصيبتي

اللي صار اني فيوم ولادتي حسيت ان ولدي ما يتحرك وبنفس الوقت ماشي بوادر أي ألام ولا كأني حتى حامل فالتاسع ، ولاحظت ان بطني ارتفعت وأحس بخفه مو طبيعيه

رحت عياده خاصه وشيكت علي بالسونار وأنا أشوف التلفزيون وأشوف ابني ما يتحرك ثابت ، قلبي نغزني بس قلت يارب لا نسألك رد القضاء ولكن نسألك اللطف فيه ..

شوي وتقول الدكتوره ماشي نبض

خبر نزل علي كالصاعقه وريلي يسمعها ومو مصدق
وأنا بديت أصيح وأقول لها دخيلج تتأكدي
بس للأسف

ولا ذرة حياه

طلعت عنها سيده عالطواري
بعده كان في أمل
اتصلت لأمي وأنا أصيح وأكح وشوي ما قدرت أكمل يلست أرجع بالسياره ..
وريلي يمي يصيح بحرقه
وقف السياره على ينب وشل عني التلفون وطلع بره يرمس أمي وهو يصيح
وهي تقول روحو الطواري يمكن نبضه خفيف
وأنا انقطع نفسي مب قادره خلاص
أمي اتصلت لأبوي وسبقنا عالطواري
وهي وعت خوي ويابها المستشفى
أنا أصيح وأبوي يحضني ويقول قولي لا إله إلا الله
وأنا مب قادره وقف على ريولي حتى
ودوني غرفة الولاده بالكرسي المتحرك
ويابو كل أجهزة السونار
بس للأسف
ماشي نبض
وولدي مرتفع فوق
والمشيمه نزلت مكانه
عشان جي قررو قيصريه وأنا مو مصدقه الكابوس اللي عشته
سوو إجراءاتهم وريلي وقع عالعمليه وأمي وياي تصيح وأنا مصدومه مو مصدقه
لا إني أصيح ولا إني أرمس
يا ريلي وشافني وصبرني وأنا مو وياه
دخلوني العمليه وطلعت بمولود متوفي
ريلي شافه وسماه محمد
وراحو غسلوه وعطروه بدهن العود وصلو عليه ودفنوه
وأنا كنت تحت البنج بعدني بس واعيه ومدوخه
وعيوني تدمع ومب حاسه باللي حوالي
كل حد كان يمي ويعزيني ويصبرني
بس أنا ما كنت وياهم
كنت أتذكر كل لحظه كلمت ولدي فيها
كل لحظه رفسني فيها
كل لحظه ريلي لمس بطني وباسه ورمسه
كل لحظه كنت أتسوق وأجهز له فيها

بنات مب قادره أكمل
وربي تسامحوني

لا حول و لا قوة إلا بالله العليّ العظيم

كلمات الدنيا كلها ما بتكفيني أعزيكي في مصابك أختي...

و لا راح أقدر أوصف لك شعوري و أنا أقرأ كلامك...

بس ما بقول لك غير شيء واحد...محمد الآن طير من طيور الجنه...يلعب و يمرح فيها....هو عند الله لن يضيع...و راح تقابليه في يوم ( بعد عمر طويل إن شاء الله )...و تقوليله إنت عملت في كذا و كذا...و تخليه يشوف إخوانه و خواته اللي جايين إن شاء الله...

ما في شيء يضيع عند الله أبدا...ثقي بذلك أختي...

و الله يكرمك يا رب