تجمع خاص بالحوامل البكر (( الجزء 21 ))..

مراحب ..

مر عليه يوم .. ولا انحس ههههه :D

ياربي الحمدلله على كل حال .. بخبركم شو استوالي من قمت من النوم ..


اولا قمنا انا وزوجي متأخرين على دوامه .. وانا كنت وايد تعبااانه بس قلت بسير اسويله ريوق

ولقيت الاخ ناسي كيس الخبز فالسيارة ..

لبست عباتي وشيلتي وسرت يبت الخبز لأنه لو هو سار بيتأخر زيادة فأنا تبرعت... وهالشي عفس لي مزاجي من الصبح وطير لي النوم من عيني ..

قلت يالله ماعليه ..

طلع ريلي حاولت ارقد ماقدرت ... قلت بتسبح و بتجهز بتريا الموعد

لقيت تليفوني مقطوع !! :rolleyes: ناسيه ادفع الفاتورة

والسايق ما بيوصل قبل ال 10 ونص .. قلت يالله ماعليه ..

يا السايق..و طبعا هذا سايق الوالدة .. لأني متأزمه ماقدر اسوق وزوجي يداوم فاضطريت اخليه هو يقطع مسافة ساعه الا ربع عشان يوديني الموعد ..

مريت على مكينة الدفع عشان ادفع واقدر اكلم زوجي اسأله عن الطريج

دفعت .. المكينة سكرت !! بدون ما تعطيني ايصال و عقب ما خذت فلوسي :eek:

يلست ربع ساعه اترياها ترد تفتح .. فتحت ما عطتني شي..

تليفوني لا زال مقطوع ماقدر اتصل على شركة الاتصالات اسأل..

قلت ماعليه .. الحمدلله على كل حال.. بتريا زوجي يتصل

مشيت مع السايق شوي شوي ضعنا طبعا لين ما اتصل زوجي بالصدفه ودلانا الطريق ..

قبل لا اوصل المستشفى بعشر دقايق .. اتصلت لي النيرس

قالت لي مدام لا تيين اليوم .. الدكتورة تعتذر عن استقبالج لأنه عندها حالتين ولاده مستعصيات ومكنسله كل المواعيد الصبح :rolleyes: ..


قلتلها رووووووووووحي لاااااااااااه .. انا مفوته موعد ولادتي من 3 ايام و السايق يايني من اخر الدنيا وماعندي حد غير اييبني باجر خلها تستقبلني اول ما تخلص من الحاله اللي عندها...


سرت المستشفى .. وطبعا خست وانا انتظر .. قلت ماعليه المهم اتطمن على البيبي (a)

اخر شي تميت احن على راس النيرس متى متى متى .. اتصلت حق الدكتورة قالت خلاص طرشيها عندي في قسم العمليات :rolleyes: بكشف عليها ..

قلت يا ماميييييي .. بس ماعليه سرت



اقولكم رعب المكان .. والله زين ما ربيت اول ما فتح اللفت ..

شفت ريال واقف جدام غرفه واعصابه منهاره ..

و ريال ثاني يالس يتضارب ويا الدكتورة يقوللها خليني ادخل ويا زوجتي .. وهي تقول له الوضع مستعصي وانتي بتشكل ضغط عليه .. وانا جذي .. :confused:


اول ما شفت كراسي يلست .. لقيت حرمتين يتصلون حق الناس يقولون لهم الحمدلله فلاانه ربت :D قلتلهم ماشالله مبروك ما ياكم .. قالت لي الام .. آاااه شو اقولج من فليل ونحنا هني .. قلت يا ماميييييييي خلاص خلاص تقوم بالسلامة بنتكم و روحت عنهم قبل لا يرعبوني زياده .. سرت عند الدكتورة ..



و لأول مره اشوفها جذيه اعصابها متوترة .. قالت لي بسرعه ادخلي بكشف عليج ..

وبدون تفاهم .. قلت لها شو صاير دكتورة ..

قالت لي من البارحة وانا ويا هالمريضة لين ما ربت بالزور ..

و الثانية طايف على موعدها عشر ايام مهمله نفسها على الرغم من نصيحتي لها والبيبي استوا وايد كبير في بطنها ولاف على رقبته الحبل السري ومضطرة الحين أولدها بسرعه قيصري قبل لا نفقد الجنين .. :(

قلت لا إله الا الله .. انا وين ما اطقها عويا .. كل حد يبا يخوفني اليوم ..


كشفت عليه عالسريع قالت لي مطوفه موعدج من 3 ايام و شكلج مب ولادة هاليومين يمكن نحتاج نعطيج طلق صناعي .. عاد انا هني اكتأبت .. بس دخلت من هالاذن وطلعت من هالاذن قلت ليش استعيل على عمري .. الدكتورة متوتره وما باخذ بكلامها الحين .. قالت لي سيري سوي التراساوند الحين عشان يشيكون لج على الماي حول الجنين و النبض وكل شي انا لازم ارجع العملية .. قلتلها اوكي.. وطلعت عنها

عاد الحريم اللي كانوا يالسين برع يقولون لي .. خذي حلووول خذي خروع ولا النفس ما بتفتح .. وانا في خاطري اقول اف منكم اسكتوا منو طلب رايكم :ss:


سرت تحت عند الالتراساوند .. اطالع شنطتي .. :rolleyes: نسيت كرت التأمين الصحي .. ياويلييييييي يالنحاسه .. يعني حتى فلوس كشف الدكتورة ماقدرت ادفع ههههههههه


اللهم لك الحمد والشكر ..

قلت حق النيرس شوفي يا حلوة .. انا فلوس ماعندي

وكرتي نسيته .. وبرجعلكم فالليل بسوي التراساوند وبدفع عن الكشفيه في نفس الوقت ..

كرهت حياتي ماحب انحط في هالمواقف.. عقب قالت ماعليه خذت ليسني :D وقالت لي بننتظرج فالليل...

وطلعت برع دقتني الشمس و استويت تااااان من الخاطر ..


قلت يا سلاااااام على هاليوم الحلو ... :D الحمدلله على كل حال.. خذت شور وصليت .. قلت ياربي الحمدلله انه انا والبيبي بخير وفضلتني على كثير من خلقك ومن ضمنهم البنت اللي كانت فالعملية وحالتها متعسره .. الحمدلله اني انا بخير .. وحالي احسن عن حالها .. ويارب قومها بالسلامة مسكينه ..


و تغديت .. والحين سويتلي شاي عشان اعدل المزاج .. ها شو رايكم في يومي الحلو؟

آه كتبت وايد ..

اتريا صلاة العصر و برقد ان شالله ..


انتي شو سويتي من الصبح بروحج

يالله أذن .. بسير اصلي و برقد

سي يو فالليل يا حلوات ..

مفتون حبيبتى :15:
يوم صعب والله الله يكون بعونك:(
انا كنت قلقانه من امبارح من كتر دخول الحمام اعزكم الله
وقمت احضر لزوجى فطورة وكويت هدومه وصليت الفجر وحاولت انام ما فى نوم:confused:
زوجى العزيز طير النوم من عينى كل شويه يهزر معى ويضحك يقول لى يا دبدوبه:ss:
فايق وصاحى وعال العال وانا عايزة انام
نمت بعد ما مشى ولسه صاحية وبفطر الحين

واااااااااااو جورجيت ولله الحمد (( ولدت وجابت بنوووته ااد الدنيا حلووووووووه )))
طبعا هذا الكلام صار قبل صلاه الظهر بساعه .....
يااربي لك الحمد والشكر




وااااحسرتي على عمري اصبحت جده .. وانا لم اتجاوز الثامنه عشره من عمرررري ... اهئ اهئ اهئ

<< استغربتوا صح .....؟؟



فديت لبك ياا جووووووووووورجيت ....

وعقبالكم يا حلووووووووين
.................................................. تستاهلون هذي ضريبه الزوااج .....................هع هع هع

الف مبروك وتتربى بعزها ويا رباجعل بنتها من مواليد السعادة(f)

الف الف الف الف الف مليوووووووووووووووووووون مبررررررروك لجورجيت

تتربى بعز اهلهاا ياااارب

والله يقومها بالسلامه

هي كيفها وكيف البنوته

سلميلي عليها امااانه وتحمديلها بالسلامه

والف مبروك

لسلام عليكم

كيفكم ياكروشات ان شاء الله بخير

مفتون حبيبتي فعلان يوم مو حلو متعب من البدايه لج وان شاء الله ترابي
عن قريب وتكون الولاده سهله وميسره يارب

الف مبروك جورجيت وترابي البنوته في عزكم
والحمد الله على سلامتهم

سلمي عليها يا عمة جورجيت

نونه كيفج ان شاء الله بخير

فرفوشه بخير الحمدلله بس التعب والنومه ماافيه

انتي كيفك

دوم بخير مو يوم

انتي في اي شهر

واذا على التعب هذا طبيعي

انا بخير وابني فديته جالس معي

مجنونة منتديات كيفج

دوووم فرفوشه لك ولابنك

انا اول اسبوع بالتاسع بس الله لايوريك وربي تعب ومن الالم بس ابكي

الله يصبرني

المهم حبيبتي فرفوشه عن اذنك خاارجه لاختي معزومه لنا لقاء مره ثااانيه


سلاااااااااااااااام

فتووو يبغالي يوم كامل اقرا قصتك وارد عليك ماشاء الله خخخخخخخخخخخخخخخخخ

الله يساعدج ويسهله عليج

هذا الشهر يكون متعب وثقل كل جسمج يالم وغير
الشد العضلي في الليل

الله معج حبيبتي

انتبهي لنفسج

تعالو مبروك لاختنا جورجيت

http://forums.3roos.com/t461250.html#post9652461

مبرووووووووووووووووووووووووووووووووووووووك لحبيبتي جورجيت .. تتربى في عزهم ان شالله البنوته ... :)


هاي الاخبار اللي تعدل المزاج :) بسم الله ماشاء الله عليها ..



--

ريم الصحراء..

ههههههههه زوجج مثل زوجي .. بايخين الرياييل صح ههههههه

--

مجنونة منتديات ..

آه يوم سخيف كان بس والله الحين اعتدل مزاجي عدل يوم اتطمنت على جورجيييييييييت حبيبتي والله ..


--

فراشة ..

هلا بأم الصووووووووص .. ياختي مول مافي بوادر والنفس مب فاتحة مع اني البارحة هلكت من المشي عالبحر وحسيت بآلام قلت اكيد بكون جاهزة حق الولاده خلال هاليومين بس شكلي بعدني مطوله ههههههه


يالله الحمدلله على كل حال..




تعرفون امي شو تقول؟ ..

امي تقول قبل الحريم ما كانوا يعرفون اساساً متى حملوا.. وطبعا مافي اختراع اسمه موعد ولاده .. فتكون الحرمه حامل وكل يوم بطنها يكبر لين ما ايي يوم واييها الطلق و تربي فيه بالسلامة ..

وهاليوم يعتبر اخر يوم فالتاسع ويوم ولادة البيبي.. لا موعد ولا طوفت الموعد ولا طلق صناعي ولا هم يحزنون .. يوم البيبي يكون جاهز يطلع للدنيا بيطلع بإذن رب العالمين وهذا بيكون موعده وهو في علم الغيب..

فقالت لي لا تقولين طوفت موعدي .. ولا تفكرين فالطلق الصناعي ومحفزات الولادة .. خلج عالبركة ويوم بيكون البيبي جاهز للدنيا بيطلع ان شالله ...

ارتحت وايد يوم كلمت امي حسيت انه كلامها صح..

بحاول كل يومين اسير المستشفى اجيك على نبض البيبي و بس.. وطول ما البيبي بخير خلاص ان شالله ما بحاتي متى بولد .. :)

هلا حبيبتي مفتون صحيح
كلام امج مثل امي لمن طوفت موعدي لا تروحي ما دائما كل شي بخير


والبيبي ماراح يطالع الا في يوم اللي ربي كتبه

راح ترابين فيها انتي اهم شي تطمني على النبض والماء والمشيمه ولا تخافي انج طوافتي

ذاك اليوم لمن كلمتنيني على المسنجر راح اشيك على كرات لمن كنت حامل طالع مطوفه 5 ايام هههههه

وهذا الله اللي كتبها الولاده مو بي الحسابه الله هو اعالم متى راح يخراج البيبي للدنيا