معارضة الاباء لزواج الابناء(1)

السلام عليكم و رحمة الله و بركاته

يبدو ان الموضوع لا أهمية له و ذلكك بسبب قلة الزائرين و عدم وجود تعليق على الموضوع


مع تحيات جدكم شوّيب

احس مب حلووه في حق الشاب جدام مرته انه ابوه يصرف عليه000

اما اذا كان يدرس مثلا وفاتح له محل وايقولون انه يعمل في التجاره ويدرس في نفس الوقت يعني يعطي ايحاء انه الشاب قد المسئوليه

السلام عليكم و رحمة الله و بركاته

وش اللي يمنع ان شاب يصرف عليه ابوه حتى يتخرج و يتوظف يعنى هذا اللي يدرس ما راح يظل طول عمره يدرس بجي يوم و يتوظف ان شاء الله

وبعدين اي احسن ان الشاب يتزوج و يصرف عليه ابوه و لا يشوف طريق ثاني محرمه الله؟؟؟؟!!!

وبعدين الزواج في السن المبكر يريح الشاب من اشياء كثيرة و يخليه يتفرغ للدراسته.

مع تحيات جدكم شوّيب

أعتقد فعلا إنها صعبة ..

الشاب لازم يتحمل شوي .. صعب ياخذ مصروفه من أهله وهو متزوج .. لأن ألحين صار صاحب بيت والمصروف صار مصروفين مب مصروف واحد .. ومسؤوليات الزواج كبيرة .. والزوجة تحب إن زوجها هو اللي يكون متحمل مسؤوليتها مب أبو الزوج!! حتى الريال نفسه بيحس بالخجل وهو يطلب من أبوه أو يقول لزوجته انتظري شوي لين ما أبوي يعطيني مصروفي .. أعتقد إنها محرجة بحق الزوجين.

وإذا الشاب تزوج بعمر 19 وهو ناوي يكمل دراسته الجامعية مثلا .. يعني 3 - 4 سنوات .. وين بيسكن مع زوجته .. أكيد في بيت الأهل .. أعتقد إنها صعبة شوي الاستمرار في بيت الأهل هالمدة كلها .. خصوصا إن نتيجة الزواج هي الانجاب يعني مسؤولية أكبر ومصاريف أكبر ..

تخيل إن الأب عنده أكثر من ولد في هالسن بين 19 - 22 وكل واحد بيتزوح وبيكمل دراسته .. يعني الأب بتحمل مشاكل أكبر .. هو يكفيه هم عياله وكمان يتحمل هم زوجاتهم وعيالهم .. أعتقد إنه مايصير ..

وبعدين يمكن تكون الحالة المادية مش ولابد وهذي حال أغلب البيوت يعني صعب إضافة مصاريف إضافية على كاهل الأب .. والابن لما يكبر لازم يشيل عن أبوه مب يزيده من همه ..

الموضوع شائك ومحتاج تفكير أكبر ومسؤوليات الحياة كبيرة .. والشاب لازم يتحمل شوي .. مب على طول يروح للطريق الخطأ .. ترى هذا مب عذر أو حجة يتحججون فيها ..

وترى الحياة كلها عظات وعبر والقصص اللي من هالنوع كثيرة .. وأنا صديقتي مرت بها التجربة إن زوجها يصرفون عليه أهله .. وصدقني إن حياتهم كانت تعيسة والأهل يتحكمون في مصير الريال وحرمته ولا يقدرون يدفعون مصاريف إضافية على الزوجة والعيال ..

لازم الشاب لما يريد يتزوج يكون متحمل للميؤولية فعلا أو لا يعذب بنت الناس معاه.

السلام عليكم و رحمة الله و بركاته

اختي عيون السهد لو رجعتي لكلامي من البداية لوجدتي اشتراطي لمقدرة الوالد على تزويج ابنائه.

وايضا هذا الشاب لن يستمر باخذ مصروفه من والده يعنى هي مدة مؤقته حتى يتخرج الشاب و يجد وظيفة وبعد ذلك يصرف على نفسه.

وهناك نقطة يغفلها كثير من الآباء وهي في حالة رفض الاب لتزويج ابنه وهو مقتدر و الابن يرغب بالزواج فان اي اثم يرتكبه الابن و لو نظرة بشهوة يكون للاب كفل من اثم هذه النظرة او اي اثم يرتكبه الابن بسبب عدم زواجه.

وكذلك بالنسبة للفتاة اي افضل لها ان تتزوج شاب لازال يدرس ووالده يصرف عليه و تكون سبب في عفته او ان تتزوج شاب يصرف على نفسه و لكن كان لديه علاقات خارج اطر الزواج؟؟؟؟!!!!

مع تحيات جدكم شوّيب

جدنا
الله يهديك وش ذا الكلام
الاستقلال المادي للشاب هام هام هام جدا سواء راتبه قليل او كثير المهم مستقل ماديا وطبعا مستقل بالسكن (((اقل للهوشات))):)

الزمن له متطلباته واسمحلي انت عايش خارج الزمن انت اكيد جدي بالقصيم مو بالمريخ
لاتزعل منى امزح

لكن كلامك خارج االمالوف

انا ابسالك اذا اختك حبيبتك او بنتك نظر عينك بعد عمر طويل تقدم لها واحد يصرف علية ابوه وش ردك

المال امان وضمان بعد الله والان استقلال الشاب ماديا يعني انه يعتمد عليه واللي يجيء سهل يروح سهل

الله يصلحك بس

بالتالى يصرف علية ابوه عاد وليه ماتاخذ البنية ابوه
ياويلي منك اكيد عصبت
انا اسفه وتقبل راي بوسعة صدر اماك جدنا

اقول ياشموخ الفجر

الظاهر انه مهوب جدنا انا متأكده انه اخونا الصغير

هههههههههههه

بعدين يا الشاب المتشيب انت قلت يتحججون

اعتقد ان الحجج اللي انت قلتها كافيه انها تكون اسباب مقنعه

والشاب ممكن يعف نفسه بأتباع امور الدين والصحبه الصالحه

لين يكبر ويفرجها الله

أآآل جدكم أآآآل

هههههههههههههههههه

لاتزعل ترى امزح

تحياتي ياجدي

السلام عليكم و رحمة الله و بركاته

ان شاء الله ما فيه زعل لان الموضوع مطروح للنقاش .

اللي افهمه من كلامكم ان اذا هذا الشاب لو كان مقبول من ناحية الدين و الامانة و الاخلاق ولكن العذر ان والده لازال يصرف عليه فهو مرفوض كزوج.

واقول للاخت شموخ الفجر ان لو جاء احد ارتضي دينه وامانته وخلقه لاختى او ابنتي ووالده يصرف عليه صدقني اني راح اوافق وراح انا اصرف عليه بعد لاني اشتري رجل لاختي او ابنتي. ترا وجود الرجل الصالح في هذه الايام اصبح صعب المنال.

واقول للاخت الرشيقة تظنين ان الدراسة عائق للزواج؟؟؟ او ان فيه سن معين للزواج؟؟؟



مع تحيات جدكم شوّيب

السلام عليكم .جدنا؟؟؟؟؟؟؟؟وسع صدرك علينا
كان مقبول من ناحية الدين و الامانة و الاخلاق ولكن العذر ان والده لازال يصرف ...............

نعم بيكون مرفوض

شوف جدنا الدين اكد على الاخلاق والدين لكن اكد على اهمية العمل والسعي له وفيه حديث بما معناه ((اذا كان فيد يد رجل نخله يزرعها يحاول اكمال زرعتها حتى لو بتقوم القيامه))))انا اسفة جدا مانا حافظه الحديث بالنص

ومادري كيف اقيم انسان واسال عنه وهو مايعمل ......والرجال الواحد بيصل ال40 وهو ماركد اقوم ازوج بنت من شاب يدرس لا وبتسدح وابوه يصرف عليهم
صدقني حتى نظرت المراه للرجل تتغير
والرجال ملزمين بالصرف على النساء
والرسول عليه السلام
امر الشباب اللي مايستطيعوا الزواج بالصيام

ما انذكر عن الرسول او في عهده عليه الصلاة والسلام
انا مراه تزوجت وابو زوجها يصرف عليهم

انا بصراحه مستغربه اقتناعك بهذي الفكرة

اذا كان الشاب مصر جدا على العفاف والزواج الله يقويه يدرس ويدور له وظيفه ...اي وظيفه مو لازم مكتب ومكيف ومرسل يجيب له القهوة
يشتغل اي مهنه
بالعكس يكبر بعيون كل البنات يحصله مبلغ وقدره ينشغل عن التفكير بالزواج حتى يتمكن من الامر ويكمل دراسته . يعني ضري عصفورين بحجر واحد

..ماتقول لا..........لكن يتسدح ويبي يتزوج؟؟؟؟؟؟؟؟


:mad: :mad:

السلام عليكم و رحمة الله و بركاته

طبعا يا اختي لن اقول لا لأن العمل مطلوب حتى لو ان الشاب لم يرغب بالزواج اذا كان العمل لا يعيق دراسته و طلبه للعلم .

لكن انا ما طرحت هذا الموضوع الا لمعرفتي ببعض الشباب الذين لا زالوا على مقاعد الدراسة ويرغب بالزواج مع استطاعة والد الشاب هذا بتزويجه اما من ناحية المصاريف بعد الزواج فان اغلب هؤلاءالشباب لديهم مشروع صغير يامن لهم دخل بسيط الذي يكون كافي لهم ولزوجتهم لكن وجدوا معارضة شديدة من الوالدين او احدهما لزواجهم.

واحد هذه الحالات لن تصدقوا بانه وهو طالب يستلم مكافأة 3500 ريال ولو تزوج ستزيد هذه المكافأة الى 5500 ريال وبعد التخرج يصل راتبه الى اكثر من 11000 ريال ومع ذلك رفض والده تزويجه بحكم انه لازال صغير ولن يستطيع التوفيق بين الزواج و الدراسة. طبعا هذا الشاب تزوج حينما وصل سنه 30 عاما لكن لازال نادما على عدم زواجه مبكرا ولا زال يلوم والده على عدم تزويجه مبكرا. وفيه حالات اخرى غير هذا الشاب

ولكم تحيات جدكم شوّيب

لالالالا فكرتي تغيرت .........كان نورتنا الله يهديك
اهم شيء عنده دخل
والان الغلط على ابوة بمو بعلى المسكين
كان جاب واحد من اقاربه الكبار يشرح وحهة نظره لوالده او احد المشايخ
بصراحه كان المروض يتصرف هو شاب مو بنت
واكد على العمل ثم العمل ....حتى لو بقاله :)

السلام عليكم ورحمة الله وبركاته ...

لو تأملنا في عهد الرسول صلى الله عليه وسلم أن بعض الصحابه تزوجوا وأعمارهم صغيرة ....لكن كيف كانوا الصحابة وكيف شبابنا الآن ( إلا من رحم الله )؟؟؟!!!

نحن لا نعارض زواج الشاب في هذا السن لكن يوجد بعض الأشياء التي يمكن أن تكون مانع لدى الأب على عدم تزويج ابنه وهو في هذا السن منها :


لأن الشباب هذه الأيام غير قادرين على تحمل المسؤليه ( إلا من رحم الله ) وأنا سمعت عن كثير زوجوا أبناءهم على مصروفهم الخاص وللأسف كان النهايه الطلاق لأنهم لم يرعوا حق المسؤليه ولم يتعبوا في جمع المال
..
وبصراحة بعض الفتيات لا ترغب في الزواج من شاب في هذا السن !!! لأن بعضهم الله يهديهم لأتفه الأسباب يقع الطلاق لأنه مو حاس بالمسؤليه ؟؟

وإذا حصل وتزوج الشاب على مصروف الأب وهو لازال يدرس قولي كم سنة يقضيها في الكليه وبعدين الوظيفة متى ؟؟؟؟ لأن الوظايف هالأيام تكاد تنعدم ....يعني الله يعين الأب ...؟؟!!

والله يجزاك خير على طرح الموضوع ...


البسمة الحزينة : وجهة نظري

يا دراسة يا زواج...لأن الزواج مسئولية كبيرة وليس فقط الانفاق هو المشكلة........

اذن كيف سيستطيع ان ينهى دراسته و عنده مسئوليات كبيرة؟؟؟؟؟ الزوجة حامل....الزوجة تريد...الى اخره...

و ايضا معنى ان الاب يصرف عليه اذن سيتحكم فيه و فى زوجته...فلن يكونوا على حريتهم ؟

الموضوع ليس بهذه البساطة.....واذا لم يوفقه ربنا فى الدراسة و هذا شىء وارد؟؟؟هل سيمضى عمره كله ياخذ المصروف من بابا؟

و طبعا الزواج المبكر شىء كويس للشباب و لكن الظروف صعبة