أبي اسمي بنتي بس خايفه =(

k

kawther1410

عروس متألقة

30-05-2009 | 10:21 AM

السلام عليكم و رحمة الله و بركاته

كيف حالكم يا احلى حوامل عروس .. ان شاء الله تكونوا بخير كلكم فردا فردا (f)..
مو عارفه من وين ابتدي موضوعي .. بس احس اني محتارة و ابي مساعدتكم ..

أنا و لله الحمد حامل بآخر أسبوع من الشهر السادس ، سويت سونار مرتين لجنس الجنين و قالوا لي انها بنوته و طبعاً طرت من الفرح لانه نعمة من الله و دائما كان خاطري بكري يكون بنت ..

انا وابوها نفكر نسميها اسم مميز .. لفظاً ومعنى .. و يدل على شخصيتها حتى في المستقبل بإذن الله ..

بعد بحث طويل و تفكير في الاسم قررنا نسميها ( أرين )
معنى الاسم : مرح ، نشاط ، حيويه ..

أنا و ابوها تعلقنا بالاسم بشكل لايصدق ! واحس مستحيل اسميها غير كذا لاني تعودت اناديها و اكلمها باسمها و هي في بطني ...
بس اخاف يكون الاسم ممنوع في السعوديه .. لانه مو معروف ..
يعني يمكن يقولوا عنه اجنبي مع ان قريت في كذا موقع ان اصله عربي ..
بعضهم قالوا انه من اصل كردي تركي ..

بس الاسم جداً جديد و غير مألوف عند كثير جداً ناس ، بدليل ان كل من يسمعه يقول " شنو ؟ وش معناه وهل هو عربى ؟؟"
خصوصا بالمنطقه اللي انا ساكنه فيها ( الاحساء ) اغلب الاسماء تكون اسماء شائعه جدا و مكررة لدرجه يتكرر اسم الاب و الجد و العائلة مثل : فاطمة حسين علي الفلاني ..
طبعا هالاسماء روعه وماعليها كلام و مهما يمر الزمن تظل متداولة ...

بس بالفترة الاخيرة قامت تطلع اسماء جديدة عن المحتوى المعتاد مثل ( جورى ، جود ، اسيل ، .... الخ )

طمنوني الله يخليكم .. اسم ( أرين ) لابأس بتسميته في السعودية ؟ او انه ممنوع ؟
وشنو المعلومات اللي تعرفوها اكثر عن هذا الاسم ؟
في حاله طلع الاسم ممنوع الله لا يقولها .. ايش رايكم باسم ورد ؟

هذا و اشكركم في كل قلبي و الله يسهل على الجميع يارب

في امان الله

ح

حبي توفي

عروس مشرقة

30-05-2009 | 10:39 AM

اعتقد لازم يعرفوا معناه اذا مخالف ماراح يسموه واذا غير كذا عادي احنا بجده ماعندنا هذا التشدد بالاسماء نادرا

م

مفتون

عروس ماسية

30-05-2009 | 11:21 AM

انزين اتصلي في الجهه اللي مسؤولة عن هالموضوع .. او شوفي اذا في حد مسمي هالاسم قبل يعني عادي..

م

مس بحرين

عروس رائعة

30-05-2009 | 11:27 AM

ان شاء الله تولدين بالسلامة بس انه من رايي انج تسالين الجهات المختصة احسن
بالنسبة للاسم واايد حلو

b

baby smiile

عروس ماسية

30-05-2009 | 11:27 AM

ليش يمنعوا الاسم!!!!!!!؟؟؟؟؟
غريب أمرك يا السعودية..
الصراحة كل واحد حر في تسمية أولاده...

*

*جمال الروح*

عروس ذهبية

30-05-2009 | 11:30 AM

غريييييييييييبه ليش ممنوع
احنا بالكويت اي اسم نسميه عادي محد له شغل @@
والاسم حلو وغريب توكلي على الله وسميه

{

{ ام جبر }

عروس جديدة

30-05-2009 | 11:34 AM

ارين اسم غريب وحلو ...
اخذي اسم مثل "روان" قريب من ارين!! وممكن يتقبلونه اكثر اذا عجبكم !!

.

...( هنوده )...

عروس ماسية

30-05-2009 | 11:52 AM

غريبه ليش يمكن يمنعون الاسم بنتكم وكيفكم

*

*أميره بأخلاقي*

عروس رائعة

30-05-2009 | 12:38 PM

لا السعوديه ماتمنع الا الاسماءالي ماتجوزنتسمى فيها مثل ملاك \ ايمان\بيان وغيره
اما الاسماء الجديده والغريبه كثير ناس سمو فيها وما احد منعها
انتي تاكدي اذا ممنوع ولا لا
وانا اعتقد اذا معناه زين ماراح يمنعونه

واسم ارين و ورد
كلها حلوووووه ماشاء الله

.

. I R A Q I A .

عروس فضية

30-05-2009 | 12:53 PM

حبيبتي كوثر الأسم كلش حلو
وعجبني من شفته على الصورة الي راسمتها :o
مثل ما اتفضلن البنات
اسألي الجهات المختصه أو خلي زوجك يتأكد من الموضوع

وبالنسبة لإسم ورد هم حلو بس احسه يلائم الولد أكثر
اني جدي الثالث اسمه ورد :D
ههههههههههههههههههههه كشخه صح ؟

ر

ريحانتي

عروس ماسية

30-05-2009 | 01:42 PM

اسم عربي ويعني المرح والنشاط ومنه أرون
أي المرِح النشيط
وايضا.. معناه الارض الخصبه المعطاءه
وما اعتقد ممنوع بالسعوديه فيه بعضهم مسميين..

ا

الرمانه الحمراء

عروس فضية

30-05-2009 | 01:45 PM

بناااااااااااات

السعوديه ماتمنع الا الاسماااااااااء المحرمه فقط

واكيد كل واحد حررر باسماء عياله

بس تخيلوا واحد يبي يسمي >>>>> الكريم - الرحمن - ملاك >>>>>> كلهم حراااااااام

واحنا دول مسلمه

لكن ابدا مااعتقد انو ارين ممنوووووووووووع ابدا........

لانو معناه عادي مافيه شئ

واذا حابه تتاكدين فعلا >>> اتصلوا ع الجهه المختصه

الله يهون عليك

وموفقين في اختيار الاسم

مجرد رأي >>>>>>>>>>>>>>ارين حللللللو بس ورد يعجبني أكثر

أ

أم رسيل

عروس برونزية

30-05-2009 | 02:45 PM

مثل ما قالوا البنات

روحي سالي ممنوع ولا لا ؟

الاسم حلو غريب

بس اسم ورد لا مو حلو

*

*سارة*

عروس مبدعة

30-05-2009 | 04:20 PM

ماتوقع انه ممنوع

!

! أنــثــى !

عروس ماسية

30-05-2009 | 05:33 PM

انا اشوف انه نك نيمك ( كوثر ) واجد أحلى من اسم ارين باللفظ و المعنى !

+

+سديم+

عروس مبدعة

30-05-2009 | 05:38 PM

لا ماتوقع انه ممنوع

توكلي على الله بس قولي لزووجك على اسم ثاني بس اتوقع ان ارين بيوافقون عليه صدقيني

ا

احسا س انثي

عروس ذهبية

30-05-2009 | 05:56 PM

لا مو ممنوع انا سمعت فيه ناس كثير بالقصيم مسمين ارين والاسم جدا روعه احلى
من ورد بس يمكن اصرقه منك اذ الله رزقني ببنت ان شاء الله لنو مره حلو وعجبني
توكلي على الله وسمو ارين ومبروك عليك يا ام ارين بنوتك ارين والله يقومك بالسلامه
انتي وارين

ف

فيروز2

عروس جديدة

30-05-2009 | 07:03 PM

ان شاء الله مش ممنوع
وماشاء الله اسم روووعة
وربنا يقومك بالسلامة وتشوفيها قدامك

ب

بلبولة

عروس نشيطة

30-05-2009 | 07:41 PM

انا بصراحة عجبني الاسم ..
و مثل ما قالوا الخوات ،، تأكدي من الجهة اللي ممكن انها تمنع الاسامي و سأليهم عشان تتطمنون ..
و الله يسهل عليج الحمل و الولادة يااا رب ..

^

^وحده من الناس^

عروس متألقة

30-05-2009 | 07:58 PM

ان شاء الله يرضون واللي اعرفه انه في السعوديه عاادي دايم اساميهم حلوه وغريبه