تعبت الصراحة,,كل دكتور له كلام.. انت شرايك يادكتور؟؟

بسم الله الرحمن الرحيم
دكتور انا دورتي جات في 17-5-2009م
وخذيت هالشهر كلوميد من 3 يوم للدورة وسويت تلفزيون يوم 8 من الدورة
كان في بويضتين وحدة حجمها 12 والثانية ماذكر كم وبطانة الرحم 8 مم
قالت لي الدكتورة عيدي التلفزيون يوم 10 من الدورة اللي هو اليوم وانا ماقدرت اروح لها الصبح ورحت عيادة ثانية سويت تلفزيون في بويضتين وحدة حجمها 16 ووحده 20 وبطانة الرحم 10 مم قالت لي الدكتورة ماراح تحملين هالشهر لان البطانة ضعيفة:confused:.. قالت لي انطري تنزل الدورة وتعالي بس انا قلتلها ابي الابرة التفجيرية لان الدكتورة اللي عطتني الكلوميد واللي شافتني قبلها قالت لي اخذ الابرة اليوووووم وانا طلبت من الدكتورة الدفستون لاني سمعت انه يقوي الرحم قالت لي اخذه عقب 4 ايام
مع العلم انها كتبت لي على حبوب تنشف الحليب وانا سويت من قبل تحليل لهرمون الحليب وكان طبيبعي بس سألتني فيج حليب؟؟ قلتلها لما اعصر يطلع بس قالت لي عيل اخذي هالحبوب اللي تنشف,, اشرايك دكتور ؟؟شنو فايدة هالحبوب؟؟

وسؤالي ؟؟
كم حجم بطانة الرحم الطبيعي؟؟
ومتى اخذ الدفاستون؟؟
ومتى لازم يصير الجماع حسب حالتي؟؟ لاني سمعت من دكتور ان اذا صار جماع عقب الابرة على طول الحيوانات المنوية اتسوي زحمة :ss:

اشرايك دكتور؟؟