تراجي البنوتات

انا وديت بنتي عيادة الدكتورة فضيلة العليوات يوم كانت بنتي 5 شهور والتراجي خذيتها من عندها

لكن حسب الكولكشن مالهم انتي يمكن تختارين واهمة يشوفون اذا عندهم او لا (مخلص)

وتعقم الترجية والاذن وبخرمة وحدة خلاص الترجية فمكانها

انا امي تقولي صبري لي تكبر البنية بعدين وديها لا تودينها واهي صغيرة

بالنسبة للاسعار ما اتذكر جم لان من زمان موديتها

وانا دشيت مع ريلي ولازم احد يلهيها بشي او ايودها عشان الدكتورة تخرم اذنها

دكاترة ابن النفيس زينين لكن ما سمعت عنه من قبل بس دام كلام دكتور صبري عليها شوي

اختي عيون انا حماتي تودي ولدها عند دكتور عبدالهادي وتقول عنه انه واااااايد زين بس هو اختصاصي مو استشاري اطفال يعني في استشاريين وااااايد زينين اني عني يعجبني تعامل دكتور نادر الدواني يعطي الطفل حقه ويفسر ليش كل شي تبينه يعني من اول ماتدخلين يقول لش عن وزن الطفل ويقارنه بالنسبة لاخر زيارة وهل نموه طبيعي او لا ويسال اسئلة بالتفصيل وعقب يسالش شنو مشكلة الياهل ويفحص عليه من الراس الى القدم ويقول لش بالضبط شنو المشكلة وحتى في الادوية يقول لش بالضبط وظيفة الدوا وشنو الاكشن ماله يعني اني اطمن واااايد لما اودي ولدي عنده يعني على الاقل ثلث ساعة يقعد معاش بس عيبه انه لازم موعد قبل مو مثل باقي العيادات وهو واااااايد زحمة لان ماشاء الله عليه الكل يتكلم عنه حتى في السلمانية سمعته طيبة يعني احس ان هدا عيبه يعني الوحدة في حالات طارئة ماتقدر توديه لازم موعد مسبق

درة البحرين;9600620:

هههههههههههههههههههه رووووووووووووعة انتو يا بنات ..

والمساكين هم بناتنا الصغار ..

شوفي يا عمري .. مثل ما قالو لج البنات ..

كل ما كانت اصغر كان الالم اخف ..

ونغزة الجهاز مثل نغزة الابرة بالضبط ..

وكلش خفيفة يعني ثواني وتختفي ..

وما يصلح لها الا التراكي الطبيعة واتوقع انهم بدينار

كانو 500 فلس مع الغلاء صارو دينار هههههههههههه

وكل الصيدليات يسونها .. مكان بخمسة دينار ومكان بثلاثة

على حسب الصيدلية .. طبعا يعقمون الاذن اول والجهاز بعد ..

وبعدين تبدي العملية .. وانا بنتي الفقيرة .. كنت بدون خبرة وعلى عماي

وديتها المركز الصحي عشان تطعيمها .. وقلت لهم تخرقون بجهاز قالت الهندية اي

والمسكينة بنتي كانت ضحية جهلي .. جات الهندية وعلمت على مكان التركية

بالمجيك .. وخذت التركية وعقمتها .. وخرقتها بيدها .. وانا بنتي صارت تصفر

انقلبت زرقة في يدي .. انا حسبالي جهاز .. الا تطلع بيدها ... وبلا شعور ولا ادراك

صفعت النرسة كف لفيتها مكانها .. والنتيجة اطردوني من المركز :o

طبعا ذاك اليوم بس .. بعدها قمت اروح بس يطالعوني النرسات والموظفات ويعقرون ..

انا غلطت بس ما همني الا بنتي المسكينة .. والحق يقال .. كانت خروق النرسة

من احسن واحلى الخروق اللي شفتها بحياتي :tongue:

وسلامتكم

تستاهل الحرق هلنرسة بعد مو بس الكف:mad:

صج مافيهم إحساس

و الله تأثرت من قصتج

الحمد لله على سلامة بنتج عورت قلبي زين ماصار فيها شي الياهل لا قدر الله

تسلمووون ع الردود
خوااااتي
بس وين عياده الدكتور نادر الدواني؟؟؟وبجم؟؟

هلا عيون عيادة الدكتور نادر تصير فوق رويان فرع البديع (المقشع)شقة رقم 11 ولعتقد فتح الملف ب20 وحق التركية 10 واذا تبين رقمهم تستفسرين هو 17593177 والعيادة اسمها عيادة الحكمة

انا بنتي خرقتها من جم يوم في ساهرة اخترت ترجية ذهب عندها اشكال حلوة بنتي صاحت شوي وسكتت يمكن اليهال اكثر شي يخافون منه هو صوت المسدس لان بكون عند اذونهم بس لاتخافين كلها دقيقة وتكمل العملية بالنسبة للاسعار كانت 8 دينار

ما اعرف عن عياداتكم بس اني اشوف كل ماكانت الطفلة صغيرة احسن لان الاعاب الحسية تكون

اضعف ولاتحس بالالم واجد اني بناتي من اول اسبوع البسهم بنفس المستشفى اللي اولد فية

عزيزتي بالعكس سويها الحين صدقيني الالم بيصير وقتي شوي وبيخف بكره اذا كبرت بتبدى تحاول تلمسه ويألمها بيزيد صياحها الحين افضل من وجهة نظري حياتي بنوتي سويتلها وهي ام شهرين الحمدللة صاحت شوي وعقب سكتت بس خليهم ياخذونها وانت مو لازم تدخلين هذا الي انا سويته

مشكورين حبيباتي ع الردود
والمساعده
ماقصرتوا

انا بنتي خرقت ا\نها يوم كان عمرها شهرين في صيدلية المواساة بالمحرق بس هم ما يرضون يخرقونها اذا كان اقل من ثلاث شهور بس انا كنت مستعجلة وقصيت عليهم ومن رايي كل ماكانت البنوتة اصغر احسن وبالنسبة للصياح يصيحون شوي ويسكتون