بنات شوفولي حل .. ابي اطلع .. بس عندي بيبي شسوي!!

الغاليه لو السالفه سالفه بس الفتره الصبح .. بنقول ..معلش معذوره البنت .

لكن الغريب بالموضوع انج تبين تطلعين وتروحين اسواق وتتفسحين وتزورين . ماشاء الله .. عزيزتي .. ان كانت مشكلتك ان احد يمسك ولدك .. وبما انك صعبتيها مالك الا تشوفي حضانه ممتازه تمسك ولدك الفتره الصباحيه لين تنحل ازمه والدتك...

شغله ثانيه والدتك موجوده عشان تساعدك على تربيه ولدك ,, مو تمسكه لج حق الطلعات والمشاوير وغيره .. هي ربت ودورها انتهى واذا بتمسك ولدك فهو عشان وظيفتك وما تخسريها ..

انا ماشفت الشارع ولا السوق ولا غيره لمن صارت بنتي 7 شهور وفوق .. وكنت اطلع بالحسره ووديها معاي..ويوم كنت اشتغل كانت الوالده تمسكها لي الصبح وبعدها اشيل بنتي انا اهتم فيها ..
باجر ولدج بيكبر وبدش روضه ومدرسه وغيره ... وبتيبين الثاني والثالث شتبسوين .. وشلون بتنسقين حياتج..

المفروض من الحين ترتبن وتعلمين نفسج يا انج اتيبين مربيه ممتازه وخبره .. وعلى الاقل تيود ولدج الفتره الصبح وتساعدج.. يا تحطينه بحضانه .. وامج اكيد بعد بتنشغل , مب معقوله تربطينها بولدج ,, طول الوقت..وعلى طول.. واكد على شغله مربيه مب خدامه .. لان الخدامه مالها الا في شغل البيت..ولا تعرف شي عن التربيه..

الحمل شي والولاده والتربيه شي ثاني... ياليت اختي تاخذين مسؤوليه ولدك بأهميه اكبر لا تزعلين مني .. انا ابي اوعيج على شغله معينه .. محد دايم امج ما بتقدر تردج لانج بنتها بس قدري ان لها احتياجاتها وعلمي نفسج تطلعين وتروحين واتين مع ولدج.. او انتظري كم شهر ما بيظرج ونسقي فترات زيارات ربعج في بيتج وقت الي ولدج نايم .. تضحياته التربيه كثيره ... شتقولين على الي مغتربات وعايشين بره ويدرسون ويربون ويشيلون ويحطون .. انتي بعد احسن من غيرج.

تحياتي

ام جنى

انا ضد بعض الاخوات اللي قالو الطلعه مو ضروريه(اهي مو الطلعه بحد ذاتها لكن التغيير وكسر الروتيين) لانه الوحده بالفعل محتاجه تطلع وتغير خصوصا اللي في وضع مس ديور طفلها خديج ومحتاج لرعاية واكييد وضعه يعور قلبها كأم من كثر التفكير والعنايه شي طبيعي محتاجه تغير نفسيتها عشان تقدر تعطي ولدها اكثر وتجدد طاقتها في رعايته وعنايته خصوصا بعد الوضع الوحده تكون في حالة نفسيه صعبه خصوصا لو كانت ام جديده وغير هذا طفل محتاج لعناية خاصه بما انه طفل خديج...
انا اقولج حبيبتي مس ديور اول شي نطري ع الاقل فترة الامتحانات لين تكمل وامج تكون متفرغه تيود ولدج العصر اكييد امج ما بتقول شي ويهمها راحتج وراحة ولدج قبل راحتها اهي وبتكون بنفس الوقت خلصت من مسؤولية امتحانات وتدريس اخوانج وطلعي مع زوجج او صديقاتج لو ليوم واحد وتسوقي واستانسي انتي محتاجه التغيير واحمد بعد محتاج انه امه تغير واتيي له بنفسيه يديده.. او عندي اقتراح ثاني لين ولدج الله يحفظه نام طلبي اوردر مثلا من مطعم وجهزي سفرة بسيطه عندج بالبيت وطلبي من زوجج اييب سويت حلو او كيكه مثلا وتعشو مع بعض وطالعو فيلم او اي شي تغيرون في جو وبنفس الوقت حتى لو احمد الله يحفظه قعد مجرد بتبدليين له وبترضعينه وبيرد ينام وانتو كملو سهرتكم ع راحتكم...

الله يحفظ لج احمد ويفرح قلبج ويطمنج عليه يارب ياكريم

هلا اخواتي اشكركم على ردودكم الحلوة

بس للبعض الي فهم غلط اما ما قلت اني ما ابي امسك ولدي واهتم فيه بلعكس انا طول ايام الاسبوع هالياهل في حضني ..

في بعضكم عادي عنده تمر الاسابيع والشهور ما يشوف وقت حق نفسه والبعض الاخر لا

وانا من البنات الي اعطي نفسي حقها .. يعني في الويكند لازم ترفيه وطلعه .. لان الترويح عن النفس يعطي طاقه واستعداد للمجهود مره ثانيه ..

ولازم عندي وقت حق نفسي كل شهر وما بين الاسبوعين لازم اروح صالون..

يعني انا ما اتهرب من ولدي او اتخلى عنه ..

ترا انا مو من البنات الي عادي تخلي ريلها يشوفها مبهدله غرقانه في التربيه .. انا اوازن بين اموري كلها..

واكيد لازم بخلي احد يساعدني ويود ولدي وقت اكون محد..

وبالنهايه كل وحده وطريقتها وحياتها .. اهم شي تكون راضيه على الي تسويه.. وواثقه منه

واليوم ابشركم طلعت مع ريلي رحت السيتي يسنتر تشريت ةرحت السيف تعشينه هناك ولدي كان عند امي من الساعه 4 ونص لييييييييي 9..

الحمدلله احين احس روحي فرش حق ولدي .. واكيد بظل معاااااااااه لين الويكند الياي ..

والطلعه الياااااااااااايه ههه ..

زين تسويين مس ديور وايد استانست انج قدرتي تطلعيين وتغيرين في هالوقت البسيط واللي تسوينه عين العقل بالفعل الواحد محتاج لتغيير وريلج مهما صار يحب يشوففج باحلى صوره هالشي افضل لج وله ولاحمداني اكييد

طفل خديج


عمره 4 شهور

دايما يصيح


يحتاج (لأمه)

أمه فقط وليس جداته

مع حماتك كل الحق

وامك لما تشيله عنك تساعدك في الجني على الصغير


الآن أنت زوجة وأم غير موفقة بين بيتها وعملها

وساعتين بعدما تكوني غيرتي له ورضعتيه


وإلا فمعهم حق حينما قالوا أن المرأة ليس لها الخروج من البيت !!

انا من راي انج تاخذين اجازه هالفتره لين مايخلصون اخواتج من الامتحانات ...

لا تودينه الحضانه والا شئ لان من الاساس هاليهال محد يطلعهم من البيت بس للضروره(المستشفى)..

انزين اذا ريلج عنده خوات كلميهم ......

Ms Dior;9603184:
هلا اخواتي اشكركم على ردودكم الحلوة

بس للبعض الي فهم غلط اما ما قلت اني ما ابي امسك ولدي واهتم فيه بلعكس انا طول ايام الاسبوع هالياهل في حضني ..

في بعضكم عادي عنده تمر الاسابيع والشهور ما يشوف وقت حق نفسه والبعض الاخر لا

وانا من البنات الي اعطي نفسي حقها .. يعني في الويكند لازم ترفيه وطلعه .. لان الترويح عن النفس يعطي طاقه واستعداد للمجهود مره ثانيه ..

ولازم عندي وقت حق نفسي كل شهر وما بين الاسبوعين لازم اروح صالون..

يعني انا ما اتهرب من ولدي او اتخلى عنه ..

ترا انا مو من البنات الي عادي تخلي ريلها يشوفها مبهدله غرقانه في التربيه .. انا اوازن بين اموري كلها..

واكيد لازم بخلي احد يساعدني ويود ولدي وقت اكون محد..

وبالنهايه كل وحده وطريقتها وحياتها .. اهم شي تكون راضيه على الي تسويه.. وواثقه منه

واليوم ابشركم طلعت مع ريلي رحت السيتي يسنتر تشريت ةرحت السيف تعشينه هناك ولدي كان عند امي من الساعه 4 ونص لييييييييي 9..

الحمدلله احين احس روحي فرش حق ولدي .. واكيد بظل معاااااااااه لين الويكند الياي ..

والطلعه الياااااااااااايه ههه ..

يغلق الموضوع لاستيفاءه الردود..