المقعد الأمامي من أحق به الزوجة أم الأم ؟؟ عطينا رايج

ام الزوج تيلس جدام وحتى لو ما رضت اسبقها وايلس ورى عشان ما تخجل

والله أنا عن نفسي من يوم تزوجت وام زوجي اخليها تركب قدام لأن احترمها زي امي بالضبط و الموضوع حلو مرره

ام الزوج اكيد ...وهذا من باب الاحترام والادب ,,

أكيد الأم بحكم أنها أكبر أنا مو متزوجة بس أحس أنها أهانة أنها تركب ورى
وإذا كان الهدف الاحترام مايهم ايش يقولون لأن هذا أدب نبوي ومايصح إلا الصحيح.
وشكرا أختي على طرح الموضوع لأن احنا بحاجة مثل هذي المواضيع اللي تغير بعض المفاهيم الخاطئة..
وأحب أنبه إن هذا فيض من غيض فالمسألة ليست من أحق بركوب المقعد الأمامي ولكنها من أحق بالإحترام وكما تدين تدان..
وأكرر شكري لك..

بالنسبة لنا حسب المزاج ساعات عمتي تبي تقعد جدام وساعات تبي تقعد ورا علشان تبي تنام او المكيف يزعجها...وانا اخيها تختار المكان ابدا مااتكلم ... ساعات حتى خوات زوجي الصغار يقعدون جدام لانه يكونون بيطلعون مشوار وانا على اخر لحظة اقول بجي معاهم فعادي اقول ماله داعي تنزلون...على قولة وحده من الخوات الي جدام والي ورا كلهم بيوصلون :)

اكيد ام زوجي مستحيل اجلس قدام اصلن ما ارتاح انا قدام وهي ورى

حبيبتي هذا من تقدير زوجة الولد لامه...

اللي تسوي هالحركه هذي ماتقدر زوجها زلا تقدر امه والزوج اللي يرضى بزوجته تسوي هالحركه مب رجال اسمحي لي يعني ..

ورود الأحساء;9587108:
أنا أأيد أختي فتووون في كلامها

وأنا أسوي مثلهااا بس أحيانا أم زوجي ماترضى تبير تركب وراء

وهذا الشي يعتبر من إحترام الزوجة لأم زوجها

انا نفس الشيء اصر ام زوجي تركب قدام بس هي احياناً ترتاح تجلس ورا واظل جالسة وماني مرتاحة بس وش بيدي اذا هي ترفض


التمسوا للناس عذر ياخلق لاتلومين احد قبل ماتتأكدين من الموقف انا لو احد شافني قدام وام زوجي ورا بيقول فيني وفي زوجي اللي ماينقال طيب حتى لو امه أصرت تجلس بالخلف؟؟

أنا عن نفسي من يوم تزوجت وام زوجي اخليها تركب قدام لأنى احترمها زي امي ومن اجل راحتها وشكرا أختي على طرح الموضوع

طبعاً أأيد كلام خواتي جلوس الام في المقعد الامامي
وأنا دايما اذا جيت اطلع مع زوجي وأمه أخليها بالمقعد الامامي حتى لو هي مش راضيه..
الاحترام هو الاساس....

اهلين حبيبتي


مشطوره على الموضوع الحلو

تصدقين عاد اني قريت العنوان ورديت بدون ما اشوف الموضوع


وراح اقولك اني انا بطبعي احتراما لام زوجي وتقديرا لها اخليه تجلس بالكرسي الامامي وانا بالخلفي مع اني علاقتي فيها مو سمن على عسل وانا احس فيها قبل لايوضحون لي بس اذا كنت حامل هي تلزم علي وتقول لا انتي امام وانا الخلف علشان كرشتي ههههههه تخاف علي من الكرسي الخلفي الله يجزاها خير يارب ويخليها لنا يارب اما اخته فعلى حسب اذا هي سبقتني على كرسي الخلف انا اجلس بالامام واذا انا جلست قبلها اجلس بالخلفي وهي ماترضى وتجلس معي بالخلف وتجلس ولدها بالامام الله يجزاها خير يارب

طبعا لام الزوج
والله عيب اجلس قدام وهي حرمه كبيره تجلس وراء
وانا عندي ام وابغى لها كل الخير والحب والاحترام والتقدير

نفس الشي ماارضى ام زوجي تجلس ورا

اذا هي معانا لازم تجلس قدام

وبعد مااحلف لها

واسبقها واجلس ورا

الله أعلم ... هي ليست مسألة من الأحق ... ولكن للأحترام حضور قوي رائعتي وهنا يظهر المعدن الاصلي لكل زوجة ..... من بابا الاحترام يقدم الكبير دائما رائعتي ....

جزاكِ الله الجنة وسدد خطاكِ ...

العتب

شكرا لمروركم جميعا
اتفقو الكل على انه ام الزوج اهي الي بالامام

اسعدني مروركم :))

اذا احترمت الزوجه ام زوجها زوجها راح يحترمها هذا من وجهه نظري
باي شي

طبعا واكيد ام الزوج واحترام لها و لزوجي

انا لازم اعرض عليهم سواء حمايا او حماتى وهما وراحتهم و حماتى تفضل الجلوس فى المقعد الخلفي لكن حماى ما بيصدق:)

من الزوق و الادب و الاحترام و حسن التربيه اني اخلي الام تجلس ادام و قبل ما انا ادخل في العربيه اساسا و افتحلها الباب و اركبها كمان
شكرا ع الموضوع