مشروع طرح محجبات

اين انتم يا بنا ولا حد رد عليا باى نصيحه ولا حتى بالدعاء لى بالتوفيق بصراحه انا احبط يعنى اغير الفكرة ولا اغير المشروع ارجوكم فيدونى

ربنا معاكي

ربنا يوفقك ياقمر بس ممكن ابقى اسالك هنا فى المنصورة من ناس اصحابى ويارب اقدر اساعدك ان شاء الله

شكرا ليكى ريحانه

متشكرة جدا يا قلبى وعمرى والله انتى الى قمر وفى انتظار ردك

ما شاء اللة بجد فكرة جميلة انا كمان من مصر
عارفة المشكلة مش فى المشروع
المشروع تحفة وجمييل المشكلة فى التسويق
انا كمان عندى افكار زيك كدة بس التسويق

انا فاكرة انى مرة شوفت كذا محل فى الغورية بيبيعو خامات التطريز
وفى محل كدة جنب عوف بتاع الاقمشة ال فى الحسيين
هحاول افتكر تانى
واسالك اصحابى
ربنا معاكى

اشكرك جدا اختى على اهتمامك وفعلا التسويق مشكله بس انا فكرت انى لازم اكون جريئه شويه وانزل على المحلات واوريهم عينات وان شاء الله تعجبعهم وربنا يوفق ان شاء الله

ربنا يوفقك ان شاء الله بس لو احسن تشوفي حد دخل في الموضوع ده قبل كده لانه هيكون يعرف اكتر ويقدر يفيدك ومتترجعيش دي فكرة حلوة جدااااااا ومفيش اكتر من محلات الطرح يعني ممكن توزعي شغلك في اكتر من مكان

شكرا جدا روسى ياريت حد عنده خبرة بالموضوع يكلمنى وينصحنى على العموم شكرا ليكى جدا

انا كمان بعمل تطريز على الطرح و الايشاربات و مشكلتى هى التسويق

لان المحلات للاسف كثير منهم بياخدوا افكارك و ينفذوها هم

جربى تعملى الطرح برسومات جديدة و افكار حلوة فى التطريز و اختارى الوان تكون مطلوبة و ابدائى فى الاول على صديقاتك او زميلات العمل

و ممكن تستعينى بصديقاتك لعرض الطرح على معارفهم و اعملى لهم عروض كل ما تبيع 3 او 4 طرحات لها واحدة بنصف ثمنها هدية و كدا بتشجعيهم على البيع و تسويق المنتج

انا ابتديت بانى اعمل ايشاربات لقريباتى البنات بدون مقابل بس هم يشتروا القماش و خامات التطريز و كانوا كلهن طالبات جامعة و و كانوا بالنسبة لى كعارضات لمنتجى مجانى و هم من احضروا لى بعد كدا زبائن

المهم انك تختارى اقمشة حلوة و خامات مختلفة عن الموجودة بالسوق

لما تحبى تبيعى فى محلات يفضل تكون عند ناس مضمونة انها لا تستفيد من رسوماتك و تعمل هى و تبيع منتجها لا منتجك من باب ان يكون صافى الربح لهم

انا كنت عملت جروب على الفيس بوك اعرض فيه ايشارباتى لكن ايضا للاسف صورى و رسوماتى تقلدت و صار فى جروبات كثير تضعها على انها انتاجهم و ياخدوا طلبات عليها

طبع محلات بيع الخرز و الترتر فى الموسكى مافى اكثر منها اشترى بالجملة عشان توفر معاكى

و كمان الاقمشة من العتبة و لو حبيتى تشتغلى على طرح جاهزة اشترى الطرح بالجملة من المستورد عشان توفر لك


ربنا يوفقك ان شاء الله

شكرا ليكى جدا رنووووو بس اسمحيلى انى لو احتجت انى اسالك عن اى شى تستحميلينى لانك عندك خبرة فى الموضوع يعنى مثلا ابتدى براس مال قد ايه وايه اكتر الخامات من الخرز استخداما وايه انواع الاقمشه القيمه والى بتساعد فى الشغل واذا اشتريت الطرح الجاهزة منين بالظبط الجمله واشكرك جدا طبعا

اهلين فوفو انتى تؤمرى ياحبيبتى

اشترى الخرز و الترتر من الموسكى و طبعا اشترى بالجملة عشان تفرق معاكى كثير فى الكمية و السعر

يعنى اقل شى اشترى ثمن كيلو من كل لون

و اشترى احجار غريبة بس مايكون احجامها كبيرة و لا تكون ثقيلة عشان لما تتركب على الطرح ما تميل بها و يسها خياطتها و كمان ما تتاثر بالغسيل

و الاحجار نفس الشى اما تتباع بالجرام او بالعقد

بالنسبة للاقمسة الشيفون السادة اكثر شى بيكون حلو فى الطرح المطرزة و له مقاسين

اما تكون متر و نص فى عرض نص متر و دا بتشتريه من القماش اللى يقولو عنه عرض 2 تاخدى بس نص متر للطرحة الواحدة

و اذا كنتى تبغى مقاس اكبر بتشترى من القماش اللى عرض واحد الطرحة بيكون مقاسها مترين الا ربع فى عرض 65 سم يعنى تشترى 2 متر الا ربع و تقسميهم 2

و طبعا بتشترى الاقمشة من العتبة فى القاهرة او المنشية فى اسكندرية من محلات بيع قماش الايشاربات
و بتسوى لها السرفلة فى السوق

و لو حبيتى تشتغلى على اقمشة الساتان يفضل انك تشترى الطرح جاهزة و انتى ترسمى و تشتغلى عليها لان الاقمشة مابتكون محلوة و لا السرفلة
الطرح الجاهزة افضل كثير

المهم انك تختارى الوان حلوة و غريبة يعنى اشتغلى مثلا الشيلة البنى بالاحجار و الخرز التركواز او الاورانج

و اشتغلى الشيلة البيضا بالاوان زاهية

انتى اكيد فنانة و لك ذوقك الخاص ابدعى فى الرسمات و اختيار الالوان

و لو احتجتى اى شى انا بالخدمة حاضرة من عيونى

الله يوفقكم

انا بشكرك جدا جدا يا رنووو والله انت افتدينى كتير وكمان شجعتينى بعد ما كنت تراجعت شويه ويشرفنى طبعا انك تردى على تسأولاتى شكررررررررررررا

السلام عليكم... شوفي عزيزتي الفكره حلوه بس محتاجه شوية صبر يعني ما تيأسيش لو ما قدرتيش تبيعي اول مجموعه لازم تصبري... والسعر المعقول او حتى الرخيص جدا مهم جدا في البدايه لحد ماينعرف اسمك وتنعرف منتوجاتك وتكوني زباين.... طبعا الموضه الوانها وخطوطها وتوجهاتها مهمه جدا جدا... نصيحة حاولي تسوقي بضاعتك عبر النت يعني تصوريها وتحطي الصور على مواقع مختلفة زي عروستي وحاولي توجدي وسيله لتوصيل الاوردرات في البداية ... وبالتوفيق انشاء الله

مشكورة حببتى على النصيحه الغاليه واوعدك انى لما ابتدى ان شاء الله هنفذ فكرتك الجميله شكرا لك

ربنا يوفقك يا قمر

ربنا يوفقك يا قمر