ابنتي والاذن؟؟؟

يا حبيبتي اذا البنت فيها التهاب في اذنها هالشي يمكن يسوي لها سخونه بس الحمدلله انها ما فيها سخونه معناته انها يمكن في اذونها شمع.... حاولي اتنظفين اذن بنتج عقب كل استحمام ... الدكتور علمني كيف,,,, اتيبين قطعه قطنه صغيره واتكورينها يعني لين ما تستوي حجمها بحجم النخي الاخضر.. وبعدين دخليه في اذنها باستخدام الملقط بس لا تدخلينه وايد وطلعيه باستخدام الملقط بعد... صح انا بنتي وايد اتصيح يوم اسوي لها بس عقب وايد ترتاح من التنظيف... اول الايام كنت اقول للدكتور اخاف اسوي لها عن ااذيها... قال لا بالعكس اهم شي ما اتدخلينه وايد يعني اتدخلينه بطريقه ان القطنه اتم امبينه يوم اتشوفين في اذنها.... وان شاء الله بتتحسن..

وشي ثاني انا يوم اسبح بنتي كنت احط في اذنها هالواقي من الماي عن يدخل في انها بس يوم خبرت الدكتور اني احط لها قال لا اتحطين لها لان بنتج وايد عندها شمع وهالشي يسببلها حكه واذا خليتي الواقي ما راح يدخل ماي,,, عادي خلي الماي يدخل عشان الشمع يستوي لين ويسهل عليج التنظيف بالقطن... واذا ما حصلتي فايده زوري اي دكتور ثاني...

ربي يعافي بنوتتج ان شاء الله


تحياتي

مشكورة اختي ملاك
وتسلمين على الرد
هي فعلا بنتي ما سخنت ولله الحمد
بس اخاف اسوي الطريقة الا قلتينها اخاف يدخل القطن ولا يطلع يصير استخدم اعواد القطن بدل من هالطريقة؟؟؟

السلام عليكم

حبيبتي هي الحمد لله لاتقلقين عليها الحكه طبيعيه جدا من الشمع اللي في اذنها اني نفس الحاله صارت وسالت الدكتور وقلي شمع شويه باذنه وكان ابني يدخل اصبعه بيها ويحكها وفعلا خفت عليه فانتي استخدمي اعواد القطن لتنظيف الاذن عادي اني من اول ما ولدته واني استخدمها بس لاتفوتيها عميق ولاتضغطين على ايدج يعني بنعومه نظفيها بعد ما تحمميها يكون اسهل ولاتخافين عادي جدا وكل الاطفال يحكون اذنهم انتي بس نظفيها وحتشوفيها تبطل تحك ان شاء الله وتره التهاب الاذن بعيد الشر عن بنتك يوجع جدا وما يخليها تنام وتسخن يعني مو شي سهل او مجرد حكه وبعيد الشر عنها يارب تقبلي مروري

مشكورين على مروركم وتسلمون واني بديت انظف اذنها بالاعواد اتمنى تستفيد
لانها واجد تحك واحيانا يطلع دم من كثر ما تحك لانها تخدش اذونها

ماعليها شر إن شاء الله ومثل ماقالوا البنات يمكن شمع.. أختي إذا حابة ترتاحين شوفي الدكتورة نادية الشيراوي في المنامة هذي وايد شاطرة وخبرة فوق الثلاثين سنة وتعرف حق الياهال زين...

خيو رانيا البحرينية ممكن تعطيني رقم الدكتورة الشيراوي وتقدرين تعطيني وين تصير عيادتها بالضبط

ماعليها شر