صراخ الولاده !!

PrinCess SariTa;9584800:
ام شيووخ

ماكو شي دلع حزة الولادة . ( تحسين تسوين اشياء لا ارادية من شدة الالم ) . شنو اللي يسمعون ازواجهم و لا شنو هاللي تقوله الدكتورة عديمه الاحساس !!

والله يعووووووووور ,, شنو تبينهم يضحكون و لا يضلون ساكتين !!

لا دلع و لا شي .. شي يطلع منج بتموتين من العوار . ( الامساك يكرم السامع و نحس بألم ما ينوصف ، شلون آدمي !! ) فكري فيها

والله اذكر بولادتي ان الالم احس بيموتني ، و هم يسحبون بنتي و انا احس كأن احد يخنقني :ss:

انتي مجربه الولادة ؟؟

والله كل ما اذكر حزة الولادة ما اتمنى الحمل استغفرالله ياربي .

(y)(y) أوافقج الراي اختي

اي دلع اي بطيخ ذيج الحزة!!:ss:
يعتمد على قوة تحمل الام للألم
فيه اللي يواجهون الالم بالصراخ!
وفيه اللي ما تسمعين الا ونينهم !

عن نفسي صارخت شوي مو وايد:o

والله الولاده شي مرعب بمعنى ..الكلمه..اكره الممرضااات اللي يهاوشون من صياحناا

انا بولادتي عطوني طلق صناعي مت من الالم واصيييييييييييييح..بس كنت طالبه ابره ظهر واخذتهاا والحمدلله.. ارتحت.. بس الدكتور اتاخر علي مرره لان كان عنده حالات كثيره.. والله الطلق الصناعي شي فظييع احس تبي تطلع رووحي

بناااااات انا اقصد الصراخ اللي مرتفع مررررره مررره والله لوسامعين اللي سامعته كان ماقلتوا عادي !!

مافيه شك الولاده تألم ألم فضيع ولازم صراخ وآهات بس مو بهالشكل مافهمتوا وش اقصد ..

الوكاد انهم خرشوا قلبي وبس مدري شلون انسى :(

ههههههههه ... ذكرتيني في نفسي ... أنا الله ايسلمج دخلت التاسع وولدي ماأفتر نهائياً فقرروا ايفرون لي اياه وانا ماكنت أبي حد ايتعبث فيني وخفت .. فتميت انتظر الدكتوره اتجي عشان اقول لها ماأبي شي وايحددون لي موعد العملية فجان ايدخلوني غرفة الولاده ومن سمعت انا الصراخ الي حولي بدا الطلق عندي رايح وجاي وثاني يوم الصبح دخلوني العمليات عشان أولد ...

بصراحه وحالياً من أدخل صوب الولاده بطني ايعورني وتلوع جبدي كله وسبة الصراخ الي سمعته ...

هههههههههه مثلي والله مدري شلون بولد خايفه والله ادعيلي

صح صح كلامكم (y)

على اني اصااارخ غصب عني :wink:

الا انو في بعضهم بزيااااااااااااااده

يعني انا في ولدي الاول فعلا في حرمه تصررررررررررخ :confused: بشكل ماأنساه ماحييت

يعني تخيلوا بيني وبنها جدااااار وممر وباب حديد فاصل بين القسمين ماقبل الوالاده وقسم الولاده :rolleyes:

والله ان صوتها يهززززز جبل :eek: صدق للحين يحفر بقلبي :16: مع انها ماكانت بكرر

بس عموما ماندري عن قدرات الناااس للتحمل :o

ام شيوخ;9577760:
السلام عليكم ورحمه الله وبركاته ..

كيفكم حبيباتي ..
حبيت اقولكم قصتي قبل اسبوع جتني نزله معويه وانا بنهاية الشهر الثامن وتعبت مره الله يكرمكم اسهال وترجيع والتهاب مسالك وغير كذا فيني قولون :confused:
وربي اني تعبت مررره ماتتخيلون 3 ايام وانا ماكل شي وبس بالمستشفى ..
المهم اول ماحسيت بألم رحت الطوارئ ودخلوني ع طول ع غرفة الولاده وانا وجهي كذا :ss::(
الا واسمع صراخ ذا الحريم!!
وربي صراخهم مو طبيعي !!
كل وحده تصارخ وترد ع الثانيه وازواجهم برا انخرشوا مساكين ..
لاتقولون عادي .. هذولا صراخهم عالي مره مره مره مو وحده تون وتذكر الله !!
انا في ولادتي كنت اون واتأوه واصبر نفسي .. لا هذولا صراخهم سوالف يعني وحده تقول بموووت والثانيه تقول طلعيه مني واسمع تخذف اشياء وربي مااكذب !! خرشوا قلبي حسيت دمي نشف :confused:
وجلست ابكي من صراخهم مرعب مرعب بشكل ماتتوفعونه !!

والله احس اني جنيني ارتفع من الروعه هههه..
المهم ركبت علي التخطيط حق الطلق وقالت مافيه طلق وماتشوفون الا غبرتي هههههههه لا واختي كانت معي وهجت ههههه

والله اني مانمت من صراخهم للحين براسي مدري شسوي ..
وهل فعلا هم يتألمون هالألم ولا دلع يسمعون رجاجيلهم !!
لاني سألت الدكتوره وكانت مره معصبه منهم وتقول دول بيدلعو كل وحده فيهم عندها 2 و3 ويعملوا كده علشان زوجها يحس بيها !! :eek:

والله قلت الظاهر اني بتوكل ع الله وبأخذ ابرة الظهر بعد الصراخ اللي سمعته ..
والله اني تعبانه نفسيا منهم ادعوا لي الله يهون علي وقولوا لي رايكم بالموضوع هل فعلا الم الولاده يستحق هذا الصراخ المرعب !!
والله افكر براسها مايعورها وبلاعيمها من الصراخ اجهدت عمرها ونست تدفع !!

.

وبس

ام شيوخ
اذكري ربك يالغاليه ولاتاخذين ابرة الظهر
ذكرتيني بحالتي انتي يوم انا بكريه ودخلوني غرفة الولاده عشان الم وتخطيط وطلعوني وانا اركض يوم قالو اطلعي مافي طلق
هههههههههههههههههه
اركض ابي اهرب من هالصراخ
لا بجد هالناس يتهولون والله الالم مايخليك تصرخين كذا
هذا الصراخ مو الم
الالم تأوه وتونين بقووووه
مو صراخ والله
وبعدين غصب تجلسن من دون شعور تذكرين ربك وتقول يااااارب ساعدني بأعلى صوت
هههههههههههههههههههههههههههههههههههههه
بس صرختين ثلاث لما يطلع الراس بعد الدفع لازم فيه صرخه ويغمى عليك هههههههههههههههه
حبيبتي لاتخافين ولاتاخذين لا ابرة ظهر ولا شي
تدرين انا في بنتي الحمل الثاني يعني دخلوني غرفة الولاده تنويم ماكان معي طلق بس المشيمه تكلست وصار البيبي تقل حركته والنبض مو كويس عنده
ودخلوني العصر عشان اليوم الثاني يعطوني طلق صناعي
وربي ولدت من كثر مااسمع من صراخهم
جاني طلق طبيعي المغرب وربي من كثر الخوف
طيرو قلبي يااارب ترحمنا من صراخهم
الله يعينك ياقلبي ويعنني معاك وباقي البنات يااارب

بولادتي ببنتي كنت بكرية ما طلع صوتي لانه ما كان عندي حيل اصرخ من كثر الالم وكان فظيع لا يحتمل
الحمد لله عند كل طلقه كنت اقرأ الاية الكريمه : ان مع العسر يسرا ان مع العسر يسرا

حتى آخر شي عند لحظة الولاده قلت يا الله اربع مرات وولدت
امي جلست تبكي و كانت تقول معي يا الله
ان شاء الله ثبت عند ولادتي الثانية

واااااااااي ذكرتوني بولادتي ,,,بولادتي الاولى ما صرخت واااايد شوي ,,, بس الثانيه صرخت من خاااااطري يمكن اكثر من الي سمعتيهم بعد,, مع اني ما احب اصرخ ولا ابين حق حد اني ضعيفه وما كنت ابا اخوف امي ابداااااا بس مااااااااااا قدرت استحمل و حتى بموووووت قلتها خخخخخ,,اخ بطني عورني الله يسامحكم ذكرتوني بهاك اليوم ,,, والي قالت نفس الم الدوره هذي المها ولاااااااااااااا شي بالنسبه للولاده ,, ما ابا اخوف حد بس هذا الواقع ولا تنسون ان كل وحده تختلف عن الثانيه ...

اني بكرية
والخوف اني اصارخ
بس حزتها ما بيهمني شي
وغير عن جذي
اني دلييعة لآخر درجة
حتى اذا بحف جسمي أصيح
الحين بتجي يوم طلوع روح من روح
يصير خير

انا اون اه ياربي سهلي واقراء المعوذات بصوت عالي والله المد لله هانت والحين خايفه من الحمل التاني

حبيبتي خلي الم الولاده لوقت الولاده ولا تفكري فيه من الحين وتجيبي لك ارق وفعلاً حبيبتي مثل ما قلت صراخ الحريم بغرفة الولاده شيء مرعب جداً , انا من اسمعهم يصارخون على طول افز واهرب لزوجي ودموعي تخرخر من القلق عليهم وزوجي يقول لي لا تفكرين فيهم فكري في حالك بس لكن ما اقدر مع اني لي 3 ولادات وصج الم الولاده متعب بس اسمعي نصيحتي وراح تفيدك كثير , وهي كل ما جاك الم الطلق اخذي نفس من انفك وطلعيه من فمك وكرري هالشيء لين يروح الوجع واذا جاك الالم مرة ثانيه سوي نفس الشيء وبراحتك تاخذي نفس طويل وبعدها زفير طويل او تاخذي نفس قصير وزفير قصير متكرر وبسرعه انت ورغبتك وصدقيني ما راح تطولي بالولاده , لأن النفس يساعد الرحم على التوسع بسرعه عكس الصراخ اللي يرهقك وانت بحاجه لطاقتك وقت خروج البيبي واقول لك بصراحه ان النفس يقلل مدة الطلق يعني لو كنت راح تاخذي يوم كامل بالصراخ راح تاخذي 10 الى 12 ساعه بالنفس اللي قلت لك عليه , وتقدري تتدربي من الحين على التنفس اخذي شهيق من الانف وطلعيه زفير من الفم . ربي يقومك بالسلامه ولا تفكري في صراخ الوالدات ولا في الم الولاده وتخوفي روحك من الحين .

انا بعدني بنت

ورحت مرتين مستشفى الولاده بزور اختي لانها كانت منومه عشان يعطونها طلق صناعي

وربي خفت من صراخ اختي و الحريم كنت ميته خوف

طلعت ابكي

وتعقدت الله يستر لاتزوجت شنو بسوي بمووووت

انا بالدوره ومن الالم الي يجيني ابكي

شكل لاجاني الطلق بجلس جنبي نيرس كل مازاد الالم كفختها بطلع حرتي فيها خخخخخخخخخخ

الله يسهل عليك و على كل الحوامل ان شاء الله
و يرزق كل محروم يا رب

مافي وحدة تصرخ في هذيك الساعة منشان تدلع على زوجه تروح الولادة روح تخرج من روح مافي شي سهل

الله يسهل علينا الولادة


رحمتك يااا رب

انا اقول الصراخ ماراح يجيب نتيجه
ولكن ذكر الله ومحاولة قراءة القران اهوا راح يسهل عليهم الولاده
والله يسهل على الجميع يا رب

اهو اكيد فية الم بس مو لهذي الدرجة الصراخ .. يعني كل وحدة اذا خذت نفس وتصبرت وذكرت رب العالمين الله راح ييسر لها امورها بإذن الله ..

اني بعد في ولادتي ببجري امي قالت لي يابنتي بتسمعين النسوان يصرخون وما ادري شنو مو حلوة منش تصارخين بس ذكري الله وفي نسوان تحب تبالغ وما ادري شنو من هالحجي اللي ما منه فايده انتين ما عليش منهم كله ذكري الله والله ما بينساش وبيخفف عليش فاني دخلت غرفة الولادة واني عندي هالقاعده لا للصراخ والدلع واني ما رحت ما كان وياي اي الالام وكنت اسمع الصراخ مثل ما امي قالت واني اقول في خاطري صدقتي يا امي النسوان تحب تبالغ في الشي ولكن يوم بدا الطلق عندي وقربت لحظة الولادة اقول والله اللي يصارخون في حقهم وقليل كان صراخهم وقمت اصارخ من قمت راسي وبعدين قعدة اضحك على روحي واعاتب امي جان تقول لي اي ويش تبغيني اقول لك اخوفك من البداية
خخخخخخخخخخخخخخخخخخ:lol: