عادي قبول الحلويات من زميل عمل؟؟؟

جزاك الله خير والله على هذا السؤال
انا هبله في هذي المواقف وما اعرف اتصرف
وموضوعك أفادني والله وعرفني الصح
الواحد يعيش ويتعلم

ألف شكر لك حبيبتي :)

رائعتي بارك الله فيك لطرح مثل هذا الموضوع المهم رائعتي بصراحة انا لا أفضل تبادل الحلويات و الأطعمة بين الموظفين في العمل فهذا باب من الابواب الذي تدخل منه المشاكل من اوسع ابوابها وقد رأيتها كثير أثناء فترة عملي وسمعت الاحاديث التي تدور حول هذا الموضوع على بنات من أشرف ما يكون ولكن الناس ما عليها الا من الظاهر ... لانهم شافوا بعيونهم ان الموظف الفلاني اللي في الادارة الفلانية عطى فلانه من الادارة الفلانية قطعة حلوى أو ساندويشة هي بالذات ... سبحان الله طيب اللي سوى هالحركة شو قصده.

رائعتي هل تدرين أن أحياناً الموظفين الشباب يتراهنون فيما بينهم بأن هذه الموظفة راح تقبل هديته هذي لانها على علاقة معاه ... وهذا الدليل انها الان قبلت مني ...

رائعتي الباب اللي يجي منه الريح سده واستريح ... ولا تفتحي لنفسك باب انت في غنى عنه وخاصة ان عندج بالقسم موظفات والغيرة تملئ المرأة وإن اظهروا لك الحب والتقدير امامك فمن ورائك سكاكين تقطعك
نصيحة وكوني رسمية في العمل وافرضي احترامك اليوم هو وغدا ذاك وذاك ...

هل بتقبلينها مجاملة ؟
مستحيل, لا مجاملة على حساب الشرف والعرض


- هل تعتبر الحلويات والفطاير من ضمن الهدايا ولا عادي بتقبلون هالشي ؟
بصراحة من وجهة نظري تعتبر ضمن الهدايا


- هل يفرق لو جات هالحلويات من موظف كبير في السن أكبر منك بثلاثين سنة أو من موظف في عمرك ؟؟؟؟؟

تفرق كثير بطريقة الرد فقط إذا واحد قد ابوي الله يرحمة وعطى كل الموظفات يمكن اقبل بتردد كبير بس يكون في علمك اني ما راح آكلها ابدا راح اعطيها الفراش وجدام الموظفات كل الموظفات لكن إذا خصني انا بروحي ... انا طبعي المواجهه بروح وبكلمة وقوله الوالد لا تحرجني جدام الموظفات وما في داعي ترسل أي شيء طبعا هذا إذا كان قد ابوي بحترمه بطريقة ردي واسلوب لكن لو كان قد أخوي بيحصله زفه محترمة وبأسلوب جدا محترم بس مو جدام الخلق عشان ما تصير طماشة واللي ما يشتري يتفرج طبعاً ...هههههههه


- هل لما تشوفينها على طوووووووووول ترجعينها له وتقولين له لا ترسل شي منعا للأحراج؟؟؟؟
طبعاً اكيد هذا شيء طبيعي ومع الفراش ... وراها على طول تلفون (( لو سمحت يا الطيب لا ترسل شيء وجزاك الجنة )) ولاحظي اني برسلها مع الفراش ليش؟؟؟ لان الفراشين هم اللي ينقلون الاخبار هههههههه خبرة 9 سنوات كل صغيرة وكبيرة تروح معاهم من مكتب لمكتب وهم اللي يطلعون شهادة حسن سيرة وسلوك في الدوام على كل موظف هههههههههههه



-هل ممكن لو حد شاف هالموقف بيروح تفكيرة لبعيد ولا لأنها فطاير وحلويات بيكون الأمر عادي؟؟؟؟؟؟


اكيد راح يروح فكرة بعيد 100% لانه اسمحي لي لو شفتي واحد رجال في مول مشى ورى وحده وقفها وعطاها ورقة فيها رقم وهي مسكينه شلتها ويمكن ما تعرف تقرأ وتكتب وما تعرف شو المكيوب فيها شو بيكون هذا الموقف في نظرج اكيد بتقولين قبلت وبتتصل فيه إذا انتي مثلا عندج حسن نية غيرج كثير ما عندهم عسب جذه الله خلى الظن اثم رائعتي لانه هذي الصفة الذميمة موجودة في معظم البشر كبير وصغير



- وأيهما أفضل أنك تقبيلن وتسكتين أم أنك ترجعينها في وقتها ، عشان هالشخص يفهم انه المفروض ما يرسل أي شي لك خير شر ، وعشان يكون عبرة لغيرة ؟؟؟؟؟؟

لا على طول برجعها ومع الفراش بعد مثل ما وضحت فوق السبب

-وهل صحيح أن الوحدة لو قبلت من أي رجل أي شي يقدمه لها معناته أن هي راح تقبل أي بادرة راح تجي منه ؟؟؟؟؟
في نظري ايه أو على الأقل راح يتجرأ ويسوي الاكبر منها يقدم لج باجر عطر او اي شيء ثاني وانا شفتها بعيوني وإذا حابه راح اطرشها لج بالخاص الموقف لاني ما احب اذكره على العام ....




العتب

كيف تتصرفون ، لو أحد من زملاء العمل ارسل لك علبة حلاوة أو فطاير لك انتي وبس باستثناء باقي الموظفات ، وخصوصا لو كان هو في إدارة وانتي في إدارة وارسل لمرتين وثلاث يعني مب مرة وحدة وبس ، يا ترى ..........

- هل بتقبلينها مجاملة ؟اكيد لا والف لا بعد
- هل تعتبر الحلويات والفطاير من ضمن الهدايا ولا عادي بتقبلون هالشي ؟ حتى لو كانت مو من ضمن الهدايا ليش بالذات يطرش لي انا هالحلويات والفطاير هالتصرف يخلي في عقل الف علامة تعجب وتعجب
- هل يفرق لو جات هالحلويات من موظف كبير في السن أكبر منك بثلاثين سنة أو من موظف في عمرك ؟؟؟؟؟ الرجل موب بسنة الرجل رجل مهما كبر لانه الرجال لو كان كبير في السن لكن قلبه من الممكن انه يدق مره ومرتين والف
- هل لما تشوفينها على طوووووووووول ترجعينها له وتقولين له لا ترسل شي منعا للأحراج؟؟؟؟ اكيد اصلا موب من حقه يعطيني شي بدون وجه حق من يكون؟؟
-هل ممكن لو حد شاف هالموقف بيروح تفكيرة لبعيد ولا لأنها فطاير وحلويات بيكون الأمر عادي؟؟؟؟؟؟ اكيييييييييد حبيبيتي ترى الناس مايدرون بحسن نيتج لو قبلتب هالفطاير ولا الحلويات بيقولن فلانه خذت وفلانه اقبلت هالهديه او الفطاير لغرض ثاني عاد بغض النظر ان كنتي مظلومه ولا كلامهم صحصح ليش اتحطين روحج علج في حلوج الاوادم المثل يقول مري ياحره ولا عليج مضره لا اقبل لا منه ولا من غيره انا يايه اشتغل موب يايه اقبل فطاير وحلويات من فلانه وعلان
- وأيهما أفضل أنك تقبيلن وتسكتين أم أنك ترجعينها في وقتها ، عشان هالشخص يفهم انه المفروض ما يرسل أي شي لك خير شر ، وعشان يكون عبرة لغيرة ؟؟؟؟؟؟اكيد اردها في وقتها بأسلوب مهذب ومايطيح من قدري في عيون حد ولا في عيون نفسي ويادار ما دخلك شر
-وهل صحيح أن الوحدة لو قبلت من أي رجل أي شي يقدمه لها معناته أن هي راح تقبل أي بادرة راح تجي منه ؟؟؟؟؟ يمكن اهيا لما قبلت ما تقصد انها بتقبل منه اي تودد او انها راح تسمح له لكن الطرف الاخر قد يفهم هالشي والواحد ما يحط روحه في هالمواقف خصوصا في مكان شعله واكل عيشه ولو كانت نيتج حسنه موب كل شخص نيته مثل نيتج ولا انا غلطانه يا بنات؟؟؟

هو مو خاتم ولا هديه تاخذينها معاج البيت اقبليها وعقب اشكريه وقولي له ما اتريق بالشغل او ماكل حلويات وسدي الباب بطريقه طيبه اما شككتوا بنيه الرجال انا شكثر يجيبون لي فطور والسبب بسيط لانج ما تتريقين بالعربي كاسره خاطرهم وصار لي بهالقسم اكثر من 3سنين ويعرفون اني ما اتريق ولكن ذوقا يطرشون لي يمكن هو رجال كبير وشافها تكرف بالشغل حب يطرش لها ليش سوء النيه كلها الا ريوق..

وانتي ادرى بطبيعتهم بعد لانج معاهم بالتوفيق..

- هل بتقبلينها مجاملة ؟

لا مراح اقبلها وراح اعتبره انسان مالامه داعي

- هل تعتبر الحلويات والفطاير من ضمن الهدايا ولا عادي بتقبلون هالشي ؟

مراح اقبل

- هل يفرق لو جات هالحلويات من موظف كبير في السن أكبر منك بثلاثين سنة أو من موظف في عمرك ؟؟؟؟؟

ماتفرق كلها راح ترفض


- هل لما تشوفينها على طوووووووووول ترجعينها له وتقولين له لا ترسل شي منعا للأحراج؟؟؟؟

المشكله مو مشكلة منعا للاحراج اوه لو تصير معي بيتفقع ويه المسكين خخخخ


-هل ممكن لو حد شاف هالموقف بيروح تفكيرة لبعيد ولا لأنها فطاير وحلويات بيكون الأمر عادي؟؟؟؟؟؟


كلن وتفكيره بس انا لو شفت هالشي بيروح تفكيري بعيييييييد يعني سلامات يخصها هي بهالشي؟ حتى لو كان قطعة خبزه


- وأيهما أفضل أنك تقبيلن وتسكتين أم أنك ترجعينها في وقتها ، عشان هالشخص يفهم انه المفروض ما يرسل أي شي لك خير شر ، وعشان يكون عبرة لغيرة ؟؟؟؟؟؟

باردها له بنفس الوقت


-وهل صحيح أن الوحدة لو قبلت من أي رجل أي شي يقدمه لها معناته أن هي راح تقبل أي بادرة راح تجي منه ؟؟؟؟؟

ايه وبتصير وحده مطيووووووره يعني ماصدقت ع الله ارسل لها

احب زوجي ومدلعني .. تخيلي زميلة زوجك بالشغل ترسل له من بد كلللل الموظفين بترضين؟

والله يختلف

المجتمعات تختلف

حسب رايي لو كان كبير في السن امكن مشبهك ببنته بوحدة على باله وحاب
يقدم لك هالشئ

اما اذا كان طايش فوراها إن واخواتها

وقلبك دليلك زي ماقالت نور العرب(f)

أحب-زوجي-ومدلعني;10366195:
هو مو خاتم ولا هديه تاخذينها معاج البيت اقبليها وعقب اشكريه وقولي له ما اتريق بالشغل او ماكل حلويات وسدي الباب بطريقه طيبه اما شككتوا بنيه الرجال انا شكثر يجيبون لي فطور والسبب بسيط لانج ما تتريقين بالعربي كاسره خاطرهم وصار لي بهالقسم اكثر من 3سنين ويعرفون اني ما اتريق ولكن ذوقا يطرشون لي يمكن هو رجال كبير وشافها تكرف بالشغل حب يطرش لها ليش سوء النيه كلها الا ريوق..

وانتي ادرى بطبيعتهم بعد لانج معاهم بالتوفيق..

صح هو مو خاتم ولا هدية بس من دق الباب لقى الجواب الغالية والجواب هو القبول هو مب مجنون انه يرسل خاتم على طوووووول لانه فيها قبايل هذي اول شيء فطاير وباجر عصير .... وبعدها شكرته ضربت في الريال الشيمة ورسل لها حلويات والله يستر من اللي جاي ... بعدها تأكدي لما يسمع انها ترقت او ولدت وجابت طفل عادي حبيبتي يطرش لها ورد بالمستشفى وفوقه خاتم تر الغالية نحن ما نحاسب وما نفكر والله ان المرأة هي اللي تفتح المجال للشائعات والقيل والقال بتعاملها مع الرجال يعني بذمتج هاذيل الموظفات شو بيقولون ؟؟؟؟ وشو بينقلون ؟؟؟ وانا وحدة بصراحة بنصدم إذا رجال في الدوام يخص وحدة من بين كل الموظفات بأكل وخرابيط ليش ما تروم تاكل يعني ابسطها بقول إنه يستلطفها ... وعدج ريليج أو أخوج كل وحدة اليوم قرت هذا الموضوع تسأل الرجل زوجها أخوها اي رجل بمثل هذا الموقف وشو رأية

وأنا ببدأ أول ما سألت زوجي وقلت له إذا في واحد يخص وحدة من الموظفات بأكل ويطرش لها شو رايك ؟؟

قال هذي حركات شباب وعارفينها عدل مدل ومب عدلة في حق اي بنت انها تقبلها لانها بتفتح مجال يمس شرفها ....


الغالية

اختي العتب اول شي احب اقولج استمتع بارائج ودايما تتميزين بالرد مو مجامله بس لج بصمه خاصه:)..


حبيبتي انا قلت لج اول شي هي مو هديه مجرد اكل ذوقا تقبله ممع الشكر وانها تبين له ماله داعي بمليون طريقه اذا عادها وهي تعرف نيته لاني كتبت لها انتي ادرى بموظفين اللي عندكم اهني لها تصرف ثاني..

لاني مريت بموقف مشابهه يطرشون لي اكل لاني من النوع اللي اشتغل من ادخل لين اطلع وماحط بفمي شي فذوق منههم يطرشون مو خبث..

:)

حبيبتي لو كان مطرشها لقسم كامل وانتي فيه بنقول ما يقصدج او يخصج فيها عادي
لكن بما انه خصج فيها ترى عييييب والله هذا موب من تربيتنا ولا من سلومنا ...الله يحفظج احفظي نفسج ترى محد بينفعج بعدين ولاتستصغرين الامور الي مثل هاذي تراها كبيييره