هديه لزوجك من صنع ايديكى

السلام عليكم ورحمه الله وبركاته
ازيكم يا حلوات ... طبعا كلنا بنفرح قوى لو حد جاب لنا هديه وبنفرح اكتر لو الحد ده بحبه وبيحبنا فما بالك لو كان الى بتحبيه عمل بنفسه الهديه دى..

عمرك فكرتى تعملى هديه لزوجك حبيب عمرك من صنع ايديك انا عن نفسى عملتله قبل كده ايس كاب من الكورشيه هو ما كلفنى كتير بس زوقه كان عالى فى اختياررى للالوان ومش قادرة اقولكم كان اثر الهديه دى عليه كان ايه تقريبا ما خلعه من على راسه طول الشتاء الا علشان اغسله وكان كل ما يشوف حد يقوله ان فوفو هى الى عامله وكان فرحان قوى قوى

جربى تعميلى اى حاجه وتقدميها له من صنع ايدك ولو كنت عملتيها من قبل ياريت تقولى لنا ايه هى وكان اثرها عليه ايه والله يهنيكوا جميعا