كم عدد اختبارات الحمل الإيجابية التي حصلت عليها قبل أن تصدقي أنك حامل؟

**ام عبادي القمر**;9572073:
هههههههههه حلو الموضوع انووووووث
اني حملت 3 مرات ولامرة طلع لي خطين هههههه حتى اذا كنت حامل ماادري ليش
ولا باخر مرة بعبادي تعبت واني اسوي تحاليل دم وابول الله يعزكم
وكلة يبين مافي حمل
وبعدين اذا ظلت فترة متاخرة الدورة يبين

حتى زوجي اذا طلع خط واحد في تحليل منزلي يقول لي اني مااصدقهم هاذلين ههههههههه<<<قصدة التحليل
بس فية ناس يضبط معاه

الله يخلي لش كتاكيتش انوووووث
ويرزقني باخت لعبادي:)
ويرزق كل محروم يارب

تواجدك الاحلى عزيزتي !

3 مرات ، ماشاء الله .. !

و بعدها شرف الحلو عبادي (a)

و غريب امرك خخخخ يحق له زوجك ما يوثق بجهاز التحليل !

ذكرتيني بالايااااام الحلوه
انا سويت بعد 3 اسابيع من الزواج..
اول شي سويت تحليل منزلي بالليل وطلع خطيييين.. وااااي كنت ارتجف ومب عارفه شاوسي من الفرحه..
حبرت زوجي وانا بعد ماقدرت قلت لازم اخذ تحليل ثاني لانه كان هالكلام بعد الساعه 12 باليل وماقدرت اروح المركز.. طلعنا وخذت التحليل الثاني,, يازعم بسويه الصبح.. بعد مانام زوجي ع طوووووول رحت اسويه مرة 2 شينطرني للصبح... والحمد الله طلع خطين..
وثاني يوم بعد صلاة الجمعه رحت العسكري وتم تأكيد الحمل...
وكل ذي صار بتاريخ
احلى تاريخ للذكرى الحلوه
8 / 8 / 2008

الف الف الحمد الله والشكر على النعمه

هلا انوثه
حلو موضوعج
انا اول ما تزوجت بشهر ونص تأخرت الدورة يومين وسويت تحليل حمل وطلع خطييييييييين وفرحت وايد
لكن ربي ما اراد للحمل يكمل ..

وفي عيد الأضحى تأخرت علي الدورة يوم وشريت 2 تحليل
حللت واحد بالنهار طلع خطين واضحين
وعدته بالليل وبعد طلع خطين
ورحنا انا وزوجي طيران للمستوصف وحللت دم والحمدلله طلعت حامل وربي يثبت حملي لين التاسع ويبلغني في النونو :)

فالعلبه كان فيه 2 يا فرحتي

سويت المرتين وطلعت حاااااااامل سبحان الله نفس الشي خخخخخخخ

طبعا ريلي ما صدق لأني حملت بعد 6 سنوات قولوا ماشاء الله لين ما سرت عند الدكتوره وشفنا كيس الحمل بعديييييييييييييين صدقت أني حامل ههههه

وتسلمين يا عسل

أنا من تأخرت علي يومين خذت الاختبار في فترة المغرب و بسرعة طلعولي الخطين..
و للتأكيد سويت اختبار ثاني اليوم اللي بعده بس من الصبح و الحمدلله بعد طلعت النتيجة ايجابية ..

تحليل سالب

وتحليلين بعدها باسبوعين سويتهم ورى بعض وطلع ايجابي .. ووراها بكم ساعه تلفزيون عشان اتأكد ..

الله يهون علينا جميعاً

ويرزق من تتمنى الحمل حمل سليم معافى

! أنثى !;9572029:







السلام عليكم ..



كرووووشات و امهات شلوونكم ؟

طبعا الموضوع واضح من عنوانه .. !


لما تتأخر علينا الدورة ، أول شي يتبادر لفكرنا احتمال الحمل :D

و بعدها شراء جهاز التحليل المنزلي << بدووووون تردد !

و ننتظر النتيجة بحماااااااس :cool:

عاد اللي ما تبي الحمل تنتظر و قلبها طق طق طق و تقول يارب سلبي و خايفة تشوفه (n)

و اللي تنتظر حمل بعد قلبها طق طق طق لكنها تقول ياااارب خطين و ممكن يصيبها دوار و غثيان خخخ << مثلي ! (y)






و انتووووو ؟؟



(f)

عليكم السلام

الحمدلله تمام

انا من النوع الاول في المرتين هههههههههههههههههههههههه

اول حمل لي كنت تووووووني متزوجة وقلت يمكن الدورة متخربطة وفي نفس الوقت خايفة احلل ومستبعدة فكرة الحمل لان كنا نستخدم العزل والدورة متأخرة وانا خايفة ومطنشة احلل وبعد اسبوعين مرضت ( او بالاصح بدأت اعراض الحمل وانا خبر خير ) ولما رحت المستشفى كان بالليل قلت الاعراض للدكتورة الا هي تسألني انتي حامل ؟ قلت لها بصراحه الدورة متأخرة وانا ما حللت وان احنا نستخدم موانع حمل واستبعد فكرة الحمل الا تقول لازم تحللين ما اقدر اكتب لج شي تعالي بكره الصبح وحللي والله يعلم شلون مرت اول ليلة من الخوف والمحاتاة هههههههههه ويوم ثاني الصبح رحت سويت تحليل بول وبعد 10 دقايق او اقل طلعت النتيجة ايجابية وبصراحه ما صدقت عدل هههههه قمت طلعت من المركز ورحت عيادة دكتورة فوزية كمال اسوي التراساوند على امل تقولي ما في حمل لكنها اكدت لي الحمل وقالت ان عمر البيبي 5 اسابيع وكم يوم ..
وبعدين عقب الولادة صرت كل ما تتأخر الدورة شوي احلل اما اشتري التست واسوي الفحص في البيت او اروح المركز واحلل خخخخ خصوصا وان انا دورتي منتظمة يعني مجرد تأخير بسيطة يخليني اخاف ..
وبحملي الثاني تأخرت الدورة وعقب يومين كان موعد ولدي مال تطعيم في المركز فقلت بسوي تحليل مرة وحده بما اني رايحة وطلع لي الفحص نيجاتيف ( يمكن لان الدورة توها يومين من طاف موعدها ) واستاااانست لاني ما ابغي احمل وتميت انتظر وانتظر الدورة تشرف لكن لا حس ولا خبر وبعد اسبوع او بالاصح يوم 8 في الليل رحت المركز وسويت تحليل الا تقول لي مالت المختبر ان النتيجة مو واضحه بوسيتيف او نيجاتيف :eek:
وقالت لي انتظري 3 ايام وتعالي سوي التحليل من الصبح فقلت ما بستعجل خل انتظر شوي علشان احصل نتيجة اكيدة ،، وفعلا انتظرت وباليوم ال11 ما قدرت اروح المركز الصبح قلت بروح الليل وبشوف ورحت وطلع بوسيتيف بعدين كنت اعاني من التهابات وقتها فقمت ورحت دايركت السلمانية وقلت لهم وسووا لي فحص بول ثاني وطلع ايجابي وسووا لي التراساوند بس ما بين الجنين وسووا لي التراساوند مهبلي ولا شافوه بعد قاموا واخذوا مني دم علشان يجيكون هرمون الحمل وقالوا لي تعالي عقب 3 ايام ورحت في الموعد الا الهرمون مرتفع وسوت لي الدكتورة التراساوند عادي ولا شافت الجنين الا تقول لي بسويلج مهبلي واذا ما شفناه معناه ان الحمل خارج الرحم لان هرمون الحمل مرتفع ولااازم يبين اذا هو داخل الرحم :ss:
لكن الحمدلله يوم سويت التراساوند مهبلي شفنا الجنين وكان توه صغيررر عمره اتذكر 4 اسابيع ويوم فقط :D


يعني باختصار في الحملين ما جربت يطلع لي ايجابي في تست البيت خخخخخخ
في حملي الاولي ما كان عندي اي خبرة
وبحملي الثاني انا رفضت اشتريه لاني حسيت اني بشكك في نتيجته وما راح اوثق الا في نتيجة المستشفى فقلت من البداية ما راح اخسر واشتريه هههههههههههههه

ههههههههه حلو الموضوع...

انا هذا اول حمل لي..

بدايته سويت تحليل منزلي.. و طلع لي خطين بس واحد مو باين كلششش خفيف..

و اليوم الثاني عملت تحليل غيره و نفس الشي خط خفيييييييييف.. و نفس اليوم عملت تحليل ثالث.. و نفس النتيجه... ولا كنت اعرف ايش يعني الخط الخفيف هههههههههه

بعدها بيومين عملت تحليل دم و طلعت و الحمدلله حامل :)

يعني ثلاث تحاليل منزليه و تحليل واحد دم علشان اتأكد خخخخخخخخ


و الله يرزق كل مسلم محروم... و يسهل علينا

ياااااااااااااا رب

أنا بحملي بعبادي سويت بعد موعد الدورة بثلاث أيام وطلع خطين بس الثاني فااااااتح

وبعدها بليلة بعد سويت مرة ثانية ونفس الشي واحد غامق والثاني فااتح

بعدين لمدة اسبوع كل ليلة رجعتنا من دوارتنا أنا وزوجي وحنا مارين صوب الصيدلية ناخذ واحد خخخخخخخخخ لين آخر ليلة زوجي سأل الصيدلي قال له أكيد زوجتك حامل دام يطلع خطين حتى لو واحد فاتح هذا معناه في حمل لأن لو ماكان في حمل مستحيل يطلع الخط الثاني وفعلاً طلعت حامل بعد سبع أو ثمان اختبارات

وحملي بحمودي ماكان مخطط له أبدا يعني حملت وانا كنت مركبة لولب ويوم تأخرت الدورة اسبوع عن موعدها رحت أراجع دكتورتي طلع في حمل صغيرون فديته حمودي يعني ما لحقت أشتري تيست ولا شي كبسة زر الألتراساوند وبين كل شي هههههه ذكريات حلوة والله لا يحرم احد منها يارب

وتسلمين أنثى رجعتي شريط الذكريات :)

في حملي الاول استعملت واحد بس وطلع لي خط خفيف وااااااايد

فماصدقت رحت اسوي فحص دم وطلع ايجابي

بالنسبة لولدي لاني ماكنت متوقعه حملي فلما تاخرت الدورة قلت يمكن لخبطة لاني كنت ايامها معصبة
المهم شكيت واستخدمت واحد والخطين انشخطوا على طول
وجربت 2 بعد من نوع ثاني وطلع ايجابي

خخخخخخخخخخخخ

فللله هاللحظة اللي يطلع فيها خطين

الله يرزق كل محروم يارب

انا بحملي هذا ابد مو مخططه الحمل بس يالي اعراض مثل حملي
فشريت شريط واحد وحللت قبل الدوره بيومين وطلع + بس خفيف ماصدقت من ثاني يوم رحت المختبر
وقلبي رقعه ويدق يدق تقولي قاعد اركض حيل خايفه وطلع ايجابي الحمدله على كل حال

انا عندي تجربه ودي اقولها للبنات الي ينتظرون الحمل

انا لمه ابي احمل سبحان الله مااحمل :(:( من الله جذي اتم فوق السنه وص اراجع ومنشطات
وقصب قصب احمل الحمدلله يارب

واذا ماابي احمل مالاقي نفسي الا حامل سبحان الله الله لااعتراض الله يثبته يارب ويفرحني بشوفته سليم معافى

أنافي حملي ماحطيت في بالي أبد الحمل هذاك الشهر مع إني مستخدمة منشط بس سبحان الله ماجاء على بالي
قبل الدورة بأربع أيام جاب لي زوجي جهاز تحليل منزلي وحللت وطلعت حااااااااااااامل والحمد لله ما كنت عارفة كيف أبلغ زوجي الخبر من كثر الفرحة
ودايركت حللت دم وتأكدت
بس ربي ماكتب يتم حملي الله يعوضني عنه يارب وتكتب لي الحمل السليم التام ولكل خوااااااتي المحرومات

ماشاء الله علي رجعت لكم ذكرياتكم الحلوة (a) خخخ

و اللي خلو تجاربهم بالحمل الغير مخطط له (f) لكم هالوردة عشانكم شاركتونا بتجاربكم الحلوة ،، و كلكم سعادة !

والبااااقي ؟ !