تجهيزات عرايس مصر القمراااااااااااااااااااااااااات الجزء 132

السفرة فى منتهى الجمال اتكلى على الله مشاء الله والله اكبر

MANNOSH;9623539:

ميرسي يا كيتي يا قمر على ردك بخصوص طقم العشا

وانا كمان ان شاء الله ناوية استعمل حاجتي ومتبقاش
للعرض فقط هههههههه
حتى المعالق وكدة ناوية استعمل اللي في الطقم تخيلي هههههههههههه
معلش هو سؤال محرج شوية
كلكم بتسألو نلبس ايه تحت الفستان
هو مش كدة كدة حنغير الفستان وناخد دش على خفيف كدة
ونمسح المانيكير والميك اب ونصلي الركعتين
يعني مش حيشوف الطقم دة اصلا:o
يبقى ايه فايدته؟؟:o
يعني بيتهيألي لو حيشوف الطقم دة السيناريو مش حيكون كدة خالص
ومش المفروض انا للي ادخل اغير ولما اطلع يعني ان شاء
الله:oابقى لابسة الطقم بتاع الدخلة ولا ايه؟
معلش انا بسأل بس لاني مش عارفة

وانتو اخواتي

بصي هو مش عشان محدش هيشوف الطقم يبقى شكله اي كلام لا انتي عروسه لازم تبقى تمام من كله وبعدين البنات اللي هما بيقولوه طقم ابيض بس مقلوش حاجه اوفر يعني وبعدين بسبب فستان الفرح مينفعش اي برا معاه لازم حاجه تظبط الفستان من فوق والبنات بيكلموا عن البرا السواريه

وكمان حاجه ياجميله السيناريو اللي انتي بتقوليه ده تقريبا كلنا متوقعين كده بس ممكن يوم الفرح يحصل حاجه تانيه انتي مش متوقعهاها ( جوزك يقلك افكلك السوسته ولا بتاع:o )ههه مش عارفه يعني فخليكي تمام من كله



سؤال بقى انا شيفاكم كلكم بتقولوا مش لازم كروت فرح
انا لاني مش عايشه في مصر محضرتش افراح كتيره في مصر .. هي مش الكروت دي بتستخدم عشان تدخلوا المعازيم يعني عشان محدش من بره الفرح يدخل؟ ولا الكلام دا مش كده في مصر؟
وبعدين سؤال غبي شويا هو انتم ليه بتودوا الكروت دي بالايد هي مينفعش تتبعت بالبريد؟


على فكره في مخالفات كتيره اوي صور مش متظلله صح وناس بترد على اكتر من رد وره بعض
خدوا بالكم يابنات لحسن الموضوع يتقفل

besannnn;9622669:
ممكن تبعتيلى اسم الجروب بتاعهم هما 2 يا دندون


بنات انا جبت طقم اركوبال كبير وجبت طقم عشا
تفتكروا اجيب طقم صينى صغير ولا اية

وعايزة اجيب مفرش شتوى حلو اجيبة منين

ولو سمحت يا بنات اللى عندها الجروب بتاع ايمى الكاشف بليز يبعتهولى محتاجة ضرورى
معلش طولت عليكوا

لا يا قمر طقم الصينى لازم يجى الكبير كلنا بنجيب الصينى كبير وعاه طقم العشا وطقم الاركوبال

callypso;9622674:
عزيزتى كيتى ، ميرسى على ردك السريع
يس سؤال تانى هو سبينس دة فين ؟ :o أصلى مش من القاهرة بس ممكن انزلها يعنى.

سبينس فى سيتى ستارز

[QUOTE=islamwmai;9624527]حلوة والله اوى انا عجبانى اوى وكمان اوضة النوم اللى شبها

miramiro;9624084:
السلام عليكم

ازيك يا احلى عرايس

بنات على فكره موضوع mira2005 اللى اسمه مدونتى حلو اوووووووووووى
ادخلوا عليه و هتلاقوه فى التوقيع بتاعها

و فى كمان موضوع حلو اوى انا لقيته النهارده
http://forums.3roos.com/t459660.html
ياريت تدخلوا تشوفه هتستفيدوا اوووووووووى

stay with me
ميرسى على عنوان محل سمير اللى فى درب البرابره
جزاكى الله خيرا و ربنا يفك كربك يااااارب

علشان المخالفه
بنات حد يعرف مكواه السيراميك بتاعت بلاك اند ديكر حلوه و لا لا ؟ و لا اجيب البيبى ليس احسن؟

و عايزه حد يقولى اركب ايه من وسط البلد او مدينه نصر علشان اروح كارفووووووووووووور
وميرسى لكم

بصي يا حبيبتي عشان تروحي كارفور اللي في مدينة العبور
لو هتركبي من مدينة نصر لو تاكسي هياخد منك حوالي 25 جنيه
لو هتركبي مواصلات هتاخدي ميكروباص من مدينة نصر لموقف العاشر بس خدي بالك موقف العاشر اللي جنب مدينة السلام مش موقف العاشر اللي في مدينة نصر
يبقا ميكروباص لموقف العاشر بتاع السلام ومن موقف العاشر في ميكروباصات بتروح مدينة العبور وكارفور بعد مدخل المدينة بحاجه بسيطة وتقولي للسواق نزلني عند كارفور او جولف سيتي مول

loly1;9624589:
السفرة فى منتهى الجمال اتكلى على الله مشاء الله والله اكبر

dandona we bas;9612411:
صباح الخير يا قمرات

بنات بقلكو هوا ان لازم اعمل كروت دعوة و لا لأ مع العلم اني هنزل مصر قبل فرحي ان شاء الله ب 10 ايام بس

فهل لازم اعمل كروت دعوة و كده و لا اطنش ؟؟؟؟؟؟؟؟؟

مش لازم إنتي وراحتك و حسب نظام أسرتك و أسرة العريس
بعدين الكروت أنتي ممكن تجيبها معاكي و انتي جايه و تكون جاهزةعلى التوزيع
جربي حظك كده يمكن تطلعي بحركات جديدة باعتبارك بره مصر

انا عملت حمام المغربى دة مش فرق اوى انما الكريم فظيع وبعدين فلاق انك ممكن تعملية فى اى وقت وباقل التكاليف

اشرى;9624616:
[QUOTE=islamwmai;9624527]حلوة والله اوى انا عجبانى اوى وكمان اوضة النوم اللى شبها

منا فعلا لما هروح هسالة على اوضة النوم بتاعتها النوم فعلا عجبانى اوى بس السفرة عجبانى اكتر حاسة ان الكرسى كدة م تقليدى فية فكرة كدة

متنسيناش بئة فى الاسعار

انا برضك المسائل مش لد كدة فجبت البرا المنفوخ الناشف دة لان اتاتنى كان شكلى فبة تحفس خالص كان الفستان هيقع منى هههه

سلسولة;9613655:
لا بلاش سجاد شاج فالسفرة عشان ممكن الكراسي تتكعبل في خيوط السجادة وكمان وارد ان فتافيت الاكل تدخل بين الخيوط خلي سجادة السفرة عادية وسميكة شوية


مش العريس هو اللي بيعمل كروت الدعوة ولا ايه ؟؟؟ ياريت حد يفيدنا



ربنا يفك كربك ويريح قلبك ويزيل هموم المسلمين امين يارب
كنت عايزة اعرف بقى رينج العلب دي كام بكام يعني عندك فكرة يا قمرايا؟؟؟
وكمان حد يعرف اسامي محلات شكولاته حلوة فالقاهرة ؟؟؟
سؤال اخير بقى :D انهي الاحسن طقم الحلل الستنلس بتاع المصانع الحربية ولا التركي وياريت الاسعار وألف شكر (y)(y)(y)

أحسن محلات شوكولا هي passionelle
و بعده علطول swizza
بعدهم أي حاجة بقى

لو ناوية تقفى بالحلل بعد الجواز قدام البيت على الرصيف وتبعيهم وتسترزقى منهم يبقى هاتيه
أأأأأأأأأأأأأأأأأأأأأأأأأأأأأأأأأأأأأأأأأأأيه ده كلوووووووووووووووووووووووووا أيييييييييييييييييييييه ده كلووووووووووووووووووا
كتير جدآآآآآآآآآآآآآآآآآآآآ يابنتى الحلل دى كفاية أوى التيفال والاستانلس والألمونيوم
أنا عندى زيك كده ومش ناوية أجيب الصاج خلالاص
بجد أدفعى فلوس الطقم فى حاجة أهم
وبعدين أنا فى حاجة بتضيقنى موت من البنات
بيسرفوا كل فلوسهم فى شوية حلل وأطباق وهدوم وناااااااااااااااسين خاااااااااااااالص التحف والبراويز والورد والحاجات اللى بتنطق الفرش والعفش بجد الحاجات دى مهمة موووووووووووت فى الأخر ياريت كل البنات تشيل جزء من الفلوس دوقتى علشان التحف والحاجات دى
مس نعمل زى كل مرة ونقول الميزانية مخرمة وجيبنا مخروم ومعرفش ايه ولا أنتوا مش معايا وأقوم أروح

جدعة يا رشروش أنا معاكي جداااااا
حاجات كتير بقى مش الحلل بس في المطبخ بالذات
يا إما فعلا نركز شوية اكتر على الديكورات و التحف
أوووووووووووووو
ندلع نفسنا بالفلوس دي و نرفع شعار لا للحلل نعم للدلع

طيب جربوا كده
هتلاقوا مصر كلها بتتجوز من بكرة

MANNOSH;9623075:
يا بنات دلوقتي انا عندي طقم صيني
وطقم اركوبال
ممكن بقى استعمل الاركوبال دة في المطبخ
يوميا عادي ولا لازم طقم العشا او الفرداني دة؟؟
وهو طقم كامل الاركوبال دة

ممكن عادي جدا انا كمان احتمال كبير اعمل كده و بنت خالتي جايبه طقم اركوبال كامل للمطبخ و النيش الصيني بس

kitty_kity;9623115:
منوووش
ايه الي هيخليه ماينفعش؟؟؟
ياحبيبتي احنا هنا ف بيت ماما هي كانت شاريه طقم اطباق كامل كريستال وبابا جابلها واحد تاني هديه...وبنستخدمهم ف المطبخ
وبنستخدم الصيني
برغم ان عندنا طقم عشا وبايركس فاميه وصيني تاني غير الاصلي
وبرغم اننا اساسا مش كتير احنا كلنا لو اتجمعنا بنبقى اربعه افراد ههههههههه منهم اتنين مش قاعدين معانا هي بترسى عليا انا وماما بس
وبنستخدم كل حاجه...انا من رايي اننا اولى الناس اننا نفرح بحاجتنا الي شاريينها على ذوقنا
مش نخزنها عشان الناس لما يجوا يتفرجوا عليها ويتمتعوا هما بيها
انا عن نفسي ان شاء الله هستخدم كووووووول حاجه عندي مش هعين حاجه ابدا

(y)(y)(y)(y)(y)(y)(y)(y)
و انا عن نفسي هعمل كده و عندنا في البيت بنعمل كده اصلا الحاجه مش جايه تتحنط و متستخدمش

MANNOSH;9623539:

معلش هو سؤال محرج شوية
كلكم بتسألو نلبس ايه تحت الفستان
هو مش كدة كدة حنغير الفستان وناخد دش على خفيف كدة
ونمسح المانيكير والميك اب ونصلي الركعتين
يعني مش حيشوف الطقم دة اصلا:o
يبقى ايه فايدته؟؟:o
يعني بيتهيألي لو حيشوف الطقم دة السيناريو مش حيكون كدة خالص
ومش المفروض انا للي ادخل اغير ولما اطلع يعني ان شاء
الله:oابقى لابسة الطقم بتاع الدخلة ولا ايه؟
معلش انا بسأل بس لاني مش عارفة
وانتو اخواتي

في رجاله كتير بيحب هو اللي يقلع مراته الفستان او ساعات بيكون الفستان تقيل علي العروسه و عايزه حد يساعدها في قلعه و مش هتعرف تقلعه لوحدها:o فخليكي في حاجه شكلها شيك و كمان كده او كده انتى عروسه في اليوم ده فلازم تلبسي كله جديد في جديد:wink:

اشرى;9624458:

موضوع مصيرى
بصوا بقا انا عايزة اخد رايكم فى حاجة مصيرية انا يوم التلات ان شاء اللة هروح للنجار اتفق على السفرة وعجبانى موووووووووووووووت السفرة دى بجد عجبانى خالص المهم عايزة اخد رايكم فيها بجد

حلوة جدا انا كنت شفت واحده زيها و عجبتني جدا بس كان خشبها وحش

miko85;9624567:


والله كويس السعر ماعني جبت 5 نجافات ب4000 الاف جنيه هما كانوا ماركه رضا نحاس مطليه مياه دهب اتضحك عليا ولا ايه

مدحكش عليكي و لا حاجه النجف الكلاسيك النحاس اصلا اسعاره كده النجفه بتبقي في حدود 900 ج اما المودرن هو اللي بيبقي رخيص بتكون النجفه ب 200 و فيه اققل كمان

jessy2009;9624603:



سؤال بقى انا شيفاكم كلكم بتقولوا مش لازم كروت فرح
انا لاني مش عايشه في مصر محضرتش افراح كتيره في مصر .. هي مش الكروت دي بتستخدم عشان تدخلوا المعازيم يعني عشان محدش من بره الفرح يدخل؟ ولا الكلام دا مش كده في مصر؟
وبعدين سؤال غبي شويا هو انتم ليه بتودوا الكروت دي بالايد هي مينفعش تتبعت بالبريد؟

النظام ده مش بيطبق في كل الاماكن و ممكن يطبق لو انتى طلبتي كده و فيه نوادي بتديكي كارت صغير كده بيتكتب عليه عدد الافراد اللي هتدخل بيه كان حد بعتلنا كارت كده بس مش فاكره المكان كان ايه بالظبط

loly1;9624661:
انا عملت حمام المغربى دة مش فرق اوى انما الكريم فظيع وبعدين فلاق انك ممكن تعملية فى اى وقت وباقل التكاليف

طيب الكريم ينفع يتجاب من مكان تانى غير حراز

[

وكمان حاجه ياجميله السيناريو اللي انتي بتقوليه ده تقريبا كلنا متوقعين كده بس ممكن يوم الفرح يحصل حاجه تانيه انتي مش متوقعهاها ( جوزك يقلك افكلك السوسته ولا بتاع:o )ههه مش عارفه يعني فخليكي تمام من كله

هههههه اه فعلا وبعدين مهو كده كده العريس حيشيلنا الطرحه فاكيد حيكمل جميلو ويفتح السوسته :21_207:





سؤال بقى انا شيفاكم كلكم بتقولوا مش لازم كروت فرح
انا لاني مش عايشه في مصر محضرتش افراح كتيره في مصر .. هي مش الكروت دي بتستخدم عشان تدخلوا المعازيم يعني عشان محدش من بره الفرح يدخل؟ ولا الكلام دا مش كده في مصر؟
وبعدين سؤال غبي شويا هو انتم ليه بتودوا الكروت دي بالايد هي مينفعش تتبعت بالبريد؟

لا مش شرط انتي ممكن تطلبي من اداره القاعه يوقفوا واحد على باب القاعه يدخل الناس اللي معاها كروت بس وممكن لا واغلبية الناس متدخلش الناس بالدعوه الناس تدخل من غير الكروت

البريد مش مشهور بمصر زي عندنا اللي عايشين بره احنا اي حاجه عندنا بنبعتها بالبريد حتى لو بينا وبين المستقبل شارع واحد ههههه بصي انا على قد خبرتي واللي شفته ان لو بعتي الكارت بالبريد وانتي ساكنه بنفس المدينه اللي ساكن فيها المدعو حيعتبرها تقليل من قدره فاهمه بس لو هو عايش بمدينه تانيه تبقى الحكايه عادي

ده اللي انا بشوفه مش عارفه العرايس اللي معانا ايه رايهم

اشرى;9624458:

موضوع مصيرى


بصوا بقا انا عايزة اخد رايكم فى حاجة مصيرية انا يوم التلات ان شاء اللة هروح للنجار اتفق على السفرة وعجبانى موووووووووووووووت السفرة دى بجد عجبانى خالص المهم عايزة اخد رايكم فيها بجد

حلوه ياقمر اتوكلى على الله

loly1;9618698:
عن تجربة انا عملتة وبنفس نتيجة الحمام المغربة انك وانتى بتستحمى وهاتيجى تتليفى حطبة الاول على الجسم مع الدع باليد بس متدعكيش اوى وباعدين هاتى الليفة البلدى بتاعتنا وادعكى فى حركات دائرية يالهوتى على النعومة والبياض من اول مرة

عباره عن ايه كريم العروسه ده وبيجى منين وبكام ياريت تفيدينى

dr_hienar;9616759:
يابنات محتاجة ردكم ضرورى

اولا
انا عايزة اعمل الفرح على البسين بس ماما معترضة وبتقول ياتعمليه حلو يابلاش على اساس ان البسين الناس هتلزق ومش هيعرفوا يشوفونى مع ان فرحى فى 10 لسة؟؟؟؟

ثانيا
ماما كانت جايبة لى فستان اوف وايت من السعودية وانا هعدل فيه شوية عشان هو سيمبل اوى بس هى برضو بتقوللى دى مرة واحدة لازم ابيض والصراحة الفساتين الحلوة غالية اوى انا خايفة اوى اعند فى الموضوعين دول وارجع اندم ساعونننننننننننى بليز

أقولك رأيي
هو في أفراح بتتعمل على البيسين و بتكون راقيه جدا و أخر شياكة

بسسسسس بصراحة كده مش شايفه ده سهل عندنا
لازم تكون السلوكيات مظبوطة اوي
يعني محدش يقرب من الميه و لا يرمي حاجة مثلا
الاطفال لو موجودين دول مشكلة لوحدهم مع البيسين
و هكذا و هكذا
فالفكرة جميلة بس هتحتاج شغل و نظام معين

بالنسبة للفستان أنا رأيي ممكن تأجري واحد أبيض مش لازم تشتري غالي أوي
و إلبسي الإتنين ليه لأ؟
أهو يبقى راضيتي ماما و اتبسطتي أكتر

loly1
لو سمحتى يا جميل
عايزه اسالك عن كريم العروسه هو ندهن به جسمنا و احنا بناخذ الشور عادى بمايه ساقعه او فاتره و لا لازم المايه تبقى سخنه و الحمام فيه بخار؟

kitty
حاجاتك جميله اوى ما شاء الله تتهنى بهم

فلاور
ما شاء الله عليكى دايما معلوماتك جميله و تقريرك ميه ميه
بس لو سمحتى ممكن تقويلنا ممر فساتين الافراح اللى فى وسط البلد فين بالضبط؟
يعنى فى شارع ايه او لو فى محل هناك معروف كعلامه مميزه نعرف نروحله ما انتى عارفه وسط البلد كبير اد ايه

و معلش ممكن عنوان الست اللى فى الزيتون اللى بتظرز فساتين الافراح

يا بنات انا عفت ان مارديني في العتبة
بس ممكن توصفولي اروحه ازاي بالضبط عشان عايزة اروحه بكرة ان شاء الله
وكمان محل الاهرام واحمد كامل بتاعة الهدوم
وعيد لبيب كمان عشان يبقي مشوار واحد
وعايزة اسال الاطقم البرا والبانتي اللي بيبقو شبه بعض دوا رينجات اسعارهم ايه واجيب منهم اد ايه