الى متى ؟;9596060:
يابنات التيفال الالمانى اللى نوعه ارشا حلو والا لا؟ ياريت اللى تعرف حاجه عنه تقولى وهوه والا زهران احسن؟
لسه شايفاه ف محل هنا امبارح :)
وكانت الحلة لوحدها ب200
بس هو فعلا ماشاء الله تقيل ورااااائع
انا جبت بتاعي خلاص بس ده عجبني اوي اوي
طب حد يعرف حاجه بقى عن التيفال الايطالي
شفت تلات صواني تيفال ايطالي مستطيلين...لاني ماجبتش صواني خالص
بس عجبوني اوي اوي مرسوم عليهم من بره بصل وجزر وحاجات عسولة :D كانوا ب200
البنات الي بيسالوا عن شهر العسل
على اعتبار اني تقريبا لفيت مصر...هقولكم رايي
الغردقه وشرم ناااااااااااااااااااااااااار بجد ف الصيف
نار بشكل غير طبيعي درجة الحرارة بتوصل فوق 45
هي اعلى كمان من الحرارة ف القاهرة
ده احنا لما رحناها ف شهر يناير كنت لابسه صيفي
بجد مش هتقدري تستحملي انك تلبسي ايشارب ولبس طويل هناك بجد الي هيروح ف الصيف لازم يقلع :D:D
اسكندرية روعه طبعا بس بصراحه انا بحبها للفسح انما المصيف لأ
بتلاقيها مليانه ناس اوييييييييي والبحر مانتيش شايفاه اصلا من كتر البشر
في ف العجمي 6 اكتوبر...لما رحنااها من سنين كانت هاديه ورايقه معرفش اخبارها حاليا
الساحل الشمالي رووووووووعه بجد
ومارينا اروع واروع كمان من الصور
بورتو مارينا بالليل مالهاش حل
والجندول ده خراااااااااااافي...بس الاسعار هناك استهبال اخر حاجه:D:D
وطول مانتي هناك هتحسي بجد ان مصر فيها خير هههههههههه فيها فلوس
اعفن عربية هناك كانت مثلا لانسر او كورولا ههههههههههه
المكان كله مرسيدس وبي ام وجاجوار وحاجات كدا :D:D
في فكرة حلوة بقى لقيت ناس عاملينها
في قرى سياحية قريبه اوي من مارينا لازقة فيها
في هناك تقريبه قرية الاحلام...ومش فاكرة ايه تاني
بس دول هاديين اوي ونضاف بردو...وبتاخدي من القرية نفسها كارت تدخلي بيه مارينا تقريبا الكارت للعربية بخمسين جنيه
وسعرها طبعا اقل بكتيييييييير من مارينا
يعني ممكن تروحي هناك قرية زي دي وتتمتعي بالهدوء وكل حاجه والبحر والبيسين وكله...وتاخدي كارت من القرية تروحي تقضي اليوم ف مارينا وتبقي ضربتي عصفورين بحجر:D
مطروح روووعه عجبتني اوي ان البحر فيها فيروزي اوي...احلى لون بحر شفته
بس ماحبيتش انزله لان كان زحمة شوية
بس ميزتها انها مدينة...يعني فيها كل الخدمات سينمات مسارح كله
اممم ايه تاني؟؟؟
اه راس سدر هاديه اوييييييييييييي زيادة عن اللزوم يعني فعلا تنفع اتنين ف شهر عسل عايزين حتة مقطوعه هههههههههههههههههه
مش فاكرة تاني الي عايز حاجه يسال فيها والي استفاد حاجه هو عارف هيعمل ايه:tongue:
