تجهيزات عرايس مصر القمراااااااااااااااااااااااااات الجزء 132

mira2005m;9589474:
(y)(y)(y)

ربنا يتمملها بخير

واسكندرية جميلة جدا ومليانة فسح

ولو عايزة هدوء يبقى العريش

ممكن تقوليلى على الاماكن اللى فى اسكندريه اللى ممكن انزل فيها ورينج الاسعار بالتفصيل؟؟

zozokah;9589545:
[GRADE="00008B FF6347 008000 4B0082"]دندونه وبس [/GRADE]انتي هنا ياجميل عملتي ايه بموضوع الكوافير حجزتي ولا لسه

لسه يا قمر بس غالبا احتمال اعمل باقي الحاجات عند أحمد البيلي بس طرحة و ميكب ان شاء الله عند دينا صالح بتاخد 650 و بتجيلك لحد عندك و مكياجها و طرحتها حلوة بس يا قمراية
و هيا قالتلي تكلميني قبل فرحك بعشر ايام ان شاء الله و انا ساعتها هكون في مصر بإذن الله

و مفيش عربون و لا حاجة الفلوس كلها يوم الفرح يا قمراية ان شاء الله ايه رأيك

dyana;9589594:
صبااااااااااااااااااح الخيرات عليكوا
انا مدووشه للاخر وتعبانه وقلقانه وحالتى لالالا يرسى لها
المهم اتكلت على الله وحجزت الكوافير اللى فى الفندق اللى حعمل فيه الفرح موفنبيك المطار
عشان مفضلش رايحه جايه وابقى فى الفندق من الصبح
ادعولى بقى ابقى عروسه حلوة احسن انا قلقانه موووت.



سؤال بقى عايزاه اجيب طقم اكسسوار لولى بسيط كدا عشان الفستان مطرز بلولى يا ترى اجيبه من فيييييييييييين؟

صح كدة حلو الكلام
ايوة كدة تبقى فى الاوتيل من اول اليوم براحتك
بلا مرمطة فى الشوارع
تقعدى فى الاوتيل كدة براحتك
وان شاء اللة تكونى احلى عروسة فى الدنيا


ممكن تشوفى عند النمرسى الى فى الموسكى

وفى كمان عندك الشبراوى او الشوباش دى واحد بتاع اكسسوارات فى شارع الموسكى على ايدك الشمال وانتى طالعة على درب البرابرة دى مصنع اكسسوار
وممكن يصصملك الاكسسوار على شكل الفستان
اقصد الشغل الى فى الفستان

انا كنت عايزة حلق لفستان الفرح وقالى صوريلى شغل الفستان وان اعملك حلق نفس شكل الشغل وكولية كمان لو عايزة بس انا كنت بتكلم معاة على الماظ وفى الاخر الوقت جرى ومعملتش


دينا الموضة السنة دى الالماظ

انتى جبتى فستانك منين يا ديانا ؟

لولولى

الف مبروك يا ست البنات
اهم حاجة اعصابك تكون هادية

مس فاتي حلللللللللللللللللللو اوي فستانك ماشاء الله ربنا يهنيكي بيه اللهم آمين

بص انا من رأيي انك تعملي طرحة طويلة و عارفة لو عملتي بدي تل و عملتي عليه من نفس شغل الفستاان بالظبط و بكون كتير هيبقى تحفة و يجنن ربنا يكرمك و يبسطك يا قمراية

ديانا ممكن أعرف موفنبيك المطار اتكلف كام و لكام فرد وشامل ايه كللللللللللللللو بالتفاصيل بليز و لو عندك صور للقاعة بتاعة الفندق ربنا يكرمك يا حبيبتي

شيكو شيكو الف الف الف الف مبروووووووووووووووووووك و ربنا يتمملك على خير ياااااااااااااارب اللهم آمين

[QUOTE=zozokah;9589531]بنات ادعولي بجد انا محتاجه لدعواتكم عندي مشاكل كتير وامي مش عايزه تحضر الفرح وحمايا البارحه حلف ان لو امي محضرتش الفرح مش حيعمل فرح

انا والله مش هاممني الفرح اد مرضى امي وحضورها مهم عندي والله انا فرحي بعد شهر ونص والمفروض دلوقتي اكون بحضر وبرتب انا مقهوره اوي وحتى فرحت الفستان والفرح والطرحه راحت مني

ادعولي


مامتك ماتحضرش الفرح
دى كلام انتى بتصدقى دى انتى بنوتتها
هدى الجو وسايسى امك

وربنا يهديلك الحال يا جميلة
واعرفى مادامك بترضى امك اكيد ربنا هايسهلك الصعب

البنوتة اللي كانت حاطة اللوشن بتاع فيكتوريا سيكرت اسمه ايه بالظبط اصلي انا سألت على فيكتوريا سيكرت النكهات في الكويت هنا قالولي مفيش مش عارفة ازاي بيجيبوا كريم النكهات او منين

عايزة اعرف اسعار الماكييرة امنية الشرقاوي لاني في الشغل و الفيس توك مش بينفتح مقفول هنا اسعارها و شاملة ايه و كده يعني

ابعتيلي لو سمحتي اللينك بتاع عرض هيربل اسنس علي الخاص من فضلك
يا بنات كريم العروسة بتاع السنفرة ده اجيبه مينن وسعره كام

حد يعرف كريم النكهات من بودي شوب اسمه ايه بلليز و بكام

الفستان اشتريته من البيت الابيض اللى فى اتوستراد وانتى راجعه من عباس العقاد
اللى جنب نجف بتاع السانوتشات

معلش اعذرينى يا ساره اصلى والله مش بعرف اوصف خالص

rozyyy;9584672:
مبروك عليكي اقمر بس انتي ماتجبيبش كله من جويا نوعي من محلات تانية -في عندك في شارع الروضة المنيل محلين قصاد بعض عندهم حاجات حلوة - وفي كمان محلين في شارع فيصل واحد اسمه بوم بوم والتاني ستار عندهم حاجات جديدة وشيك اوي - وفي كمان في وسط البلد محلات مختلفة دعبسي وانتي تلاقي - وفي جنينة مول في محل بس غالي شوية في الدور الارضي قبل ابو علاء اكتيف - انا جبت منه طقم ليلة الدخلة كان ب 350 بس بصراحة كان متميز اوي -بس انتي لو هاتجيبي قميص غالي حليه احسن لليلة الدخلة - بالنسبة لبدلة الرقص ممكن تجيبيها وتشيليها شوية كده وطلعي المواهب واتعلمي الرقص ياماما يعني كل يوم كده خدي ربع ساعة وهبلي فيها لحد ماتتعلمي ههههههههه - يعني حاولي كده -- وكمان بدلة الرقص هاتخليكي ترقصي وانتي مابعرفيش :D

لا ياحبيبتي مافيهاش اي حاجة خااااااااااااااااااااالص عادي جدا طبعا

بصي انا عندي بس دي عبارة عن امواس صغيرة بتطلع الشعر ناشف ومش حلو خالص انا جربتها وكنت بعمل بيها حواجبي ومرة كلتها غصب عني :D

شيكو 2008;9585605:
رولا هو فين محل فيزا ده ومتعرفيش اسعارة ايه

شيكو 2008;9585727:
بصى يا رولا انا شايفع ان القميص كده غالى وبصى انا كنت قريب من يومين فى ممر دنيا النغم بجيب عبايات شوفتهم عارضين لانجيرى قولت لما اطلع اشوف لقيت عندهم حاجات حلوة واسعارها مختلفه وعندهم كذا كتالوج جبت من هناك حاجات حلوة اوى اوى وفى تشكيله كتيرة وانا كمان زيك بالضبط انا جبت قمصان كتير من جويا ودفعت دم قلبى وكنت عايزة اجيب حاجات فى المعقول وجبت من هنال 4 قمصان واحد ب17 جنيه تخيلى وحلوجداااااا وواحد ب 35 وواحد بحاجه وخمسين وواحد بحاجه وتلاتين برده احلى حاجه بجد كنت هموت عليها لقيت هناك البنت بتورينى صور موديلات مستورده واللى فرحنى مش انها مستورده ان موديل القميص معمول فيه كب بحديده كده زى البرا حلوووووووووووووووو جدااااااااااااااااااا وبيرف الصدر موت بجد شكله وهمى لان انا كان نفسى فى قميص يرفع الصدر قوى وكان فى كام صورة تانين حلوين اوى وتخيلى اسعارهم فى رينج الخمسينات روحى واتفرجى اكيد اكيد هتعجبك حاجه بس بقى اوحش حاجه ان هناك مفيش قياس اه يا رولا بالنسبه لبدله الرقص انا رايى انك تجيبها دلوقتى لان دلوقتى من خلال تجارب كل اللى اتجوزوا حواليه كل العرسان بيطلبوا من عرايسهم انهم يرقصلهم ده بقى شى اساسى يا بنتى وطالما انتى تبعى حركات وبس يبقى لازم البدله عشان مع الحركات البدله هتبين انك رقاصه بريمو لانها بترقص لوحدها قوليلى انتى شوفتلى البدل بكام واللى هى قطعتين ولا شكلها ايه

rola_86;9590257:

ميرسي ياروزي ياعسل هاتعلم الرقص حاضر المشكله اني بدي جنب واحد اخويا مره شافني وانا بجرب قصاد المرايه قالي انتي بتجنحي كده ليييييييييييييييييه:o:o:o:o

في عباس العقاد ياشيكو قصاد العالميه بالظبط علي الناحيه التانيه هاتلاقيه واسعاره كويسه ان شااء الله

ميرسي ياشيكو ان شاء الله هاروح انهارده ممر النغم وادعبس فيه

متشكره يابنات لكل رد عليا في حكايه اللانجيري دي بجد ميرسي ياحلي بنات روزي هاتعلم الرقص ياقمر وامري الي الله وتوكي ومريم ادم وكل البنات اللي رديتو عليا بجد جزاكم الله كل شكر يابنات ربنا مايحرمنيش منكم ويهديلكم الحال مع ازواجكم ويرزقكم الذريه الصالحه اللهم امين يارب

لا شكر على واجب يا رولا احنا كلنا اخوات يا جميل
ويارب تكون دعوتك دى من نصيبنا جميعا يارب وانت كمان

بنات اسكندريه قولولى على اماكن قمصان نوم اسعارها معقوله وخاماتها حلوه

هو المفروض جوزى مش موجود وهو عليه الستاير اقوله ايه والمفروض انا اللى اختار القماش واللون والتفصيله ايه الحل فى النقطه دى والحاجه دى كلها لازم تخلص قبل الفرح وقبل ما هو يجى اصلالا لانها هتاخد وقت طبعا ؟؟؟


http://forums.3roos.com/t459061.html

dyana;9590249:
الفستان اشتريته من البيت الابيض اللى فى اتوستراد وانتى راجعه من عباس العقاد
اللى جنب نجف بتاع السانوتشات

معلش اعذرينى يا ساره اصلى والله مش بعرف اوصف خالص

تقصدى عند الجبل الاخضر
ومستشفى المقاولين العرب


طيب عندة سوارية وسعرة اية ؟

عايزة اجيب حاجة سوارية عندى فرح لاهل جوزى وانا لسة جديدة عليهم اجيب منين
كانت ناقصة هيا

فيزا دة فين بالتفصيل الملل
والاهم عندة مقاسات ؟

huda_mm;9590081:
ابعتيلي لو سمحتي اللينك بتاع عرض هيربل اسنس علي الخاص من فضلك
يا بنات كريم العروسة بتاع السنفرة ده اجيبه مينن وسعره كام

سارة العروسة;9590463:
تقصدى عند الجبل الاخضر
ومستشفى المقاولين العرب


طيب عندة سوارية وسعرة اية ؟

عايزة اجيب حاجة سوارية عندى فرح لاهل جوزى وانا لسة جديدة عليهم اجيب منين
كانت ناقصة هيا

فيزا دة فين بالتفصيل الملل
والاهم عندة مقاسات ؟

حبيبه مادو;9590379:
هو المفروض جوزى مش موجود وهو عليه الستاير اقوله ايه والمفروض انا اللى اختار القماش واللون والتفصيله ايه الحل فى النقطه دى والحاجه دى كلها لازم تخلص قبل الفرح وقبل ما هو يجى اصلالا لانها هتاخد وقت طبعا ؟؟؟


http://forums.3roos.com/t459061.html

Princess_miro;9590532:

فى عباس العقاد جنب جيمى على الشمال و انتى جاية من أول الشارع

و اللذيذ فى الموضوع بقى انى رفيعة اوىىىىىىىىى و كل الحاجات او معظمها كانت مقاسى!!! لدرجة بنت عمتى قالت لى انا مذهولة من اللى بيحصل ده :rolleyes::D

مش عارفة بقى ايه نظام المقاسات الكبيرة و مش سألت الحقيقة

يا حبيبتى دى هوة دة بقى العادى
اغلب المحلات توافق المانيكان بالاكثر

طيب هوة السيل امتى يا برنسيس؟؟؟؟؟؟؟؟

بصوا يا بنات دلوقتى احنا بيتنا اللى فى حدايق القبة فوق كوافير هند هو ينفع حد من عندهم يطلع يعملى كل الحاجات بتاعة العروسة مانيكير و باديكير و شعرى و كده و قبل الماكييرة ما تيجى يوم الفرح و لا لازم انزل اصلى انا اصلا فى العادى عصبية اوى و مش بطيق اعدة الكوافيرات خالص و مش طالبة نرفزة اليوم ده


سارة مش عارفة السيل امتى و لا اعتقد ان فساتين الافراح و السواريه بينزل عليها سيل

Princess_miro;9590564:
بصوا يا بنات دلوقتى احنا بيتنا اللى فى حدايق القبة فوق كوافير هند هو ينفع حد من عندهم يطلع يعملى كل الحاجات بتاعة العروسة مانيكير و باديكير و شعرى و كده و قبل الماكييرة ما تيجى يوم الفرح و لا لازم انزل اصلى انا اصلا فى العادى عصبية اوى و مش بطيق اعدة الكوافيرات خالص و مش طالبة نرفزة اليوم ده


سارة مش عارفة السيل امتى و لا اعتقد ان فساتين الافراح و السواريه بينزل عليها سيل

ينفع لية ماينفعش
لكن لو هاتعملى فير مكواة يبقى لازم تنزلى

انا عملت كدة جاتلى عملتلى الوش والحواجب
واليوم الى قبلها كنت عاملة الباقى بما فيهم الشعر للحنة