صباح الخير يا حلوات :)
أمس أشتهيت أكل لبناني وقلت خلني أتفنن واسوي حركات ورومنسيات:o
لكن صراحة دخت وانا أطبخ:D...
المفروض احط الأكل ع الطاولة .. بس كنا نبي نتفرج على التي في حطيته في الصالة:wink:..
ماصورت الخطوات بس بحط لكم الأطباق مع المقادير والطريقة وإن شاء تعجبكم...
أول طبق
" ورق عنب خاص بدريم ويب:wink:"
المقادير:-
المقادير:-
- 3 أكواب رز مصري
- 2 طماطم مفروم ناعم
- ا بصله كبيرة
- 3 رزمات بقدونس
- 3 ليمونات معصورات
- بيالة زيت زيتون
- 2 م ك سماق
- ا م ك دبس الرمان
- فلفل اسود - ملح - كمون - بهارات تندوري
- ام ص خل
- ام ص شبث مجفف
" نغسل الرز اربع غسلات وعقب نتأكد ان مافيه ماي ونخلط كل المقادير هذي مع بعض .. وبعدها نجهز قدر كبير ونقطع 2 بطاطس دوائر و طماطم دوائر ونصف ورق العنب "
مقادير الخلطة اللي تنحط فوق ورق العنب:-
- 1 طماطم مفروم بالخلاط
- 5 فصوص ثوم مدقوق
- نص علبة صلصلة
- بيالة زيت زيتون
- ام ص دبس رمان
- ملح - فلفل اسود - كمون
- حبة ماجي
- 2 كأس ماء ساخن
" نخلطهم سوا كلهم لين يذوب الماجي ونصبهم فوق ورق العنب ونقطع بصل حلقات ونحطه فوق ورق العنب وبعدين نجيب صحن ونضغط ورق العنب بقوة ونحط علبه زجاج فوقها ونعبيها مويه يعني ثقل ونخليه على نار هاديه ساعتين ويقدم بالعافية (f)"
ثاني طبق
" عجينة باللحم مع الطحينية "
مقادير الحشوة :
مقادير الحشوة :
- لحم مفروم الكمية اللي انتي تبينها
- كزبرة
- بقدونس
- بصلة
- فص ثوم
- صنوبر
- ملح - فلفل اسود - كمون - بهارات اللحم الهندية
" نقلي البصل والثوم لين يتحمر وبعدين نحط اللحم لين يستوي ونحط البهارات ثم الصنوبر ثم البقدونس ثم الكزبرة نحرك لين يذبل تماما ونخليه ع جنب"
"مقادير العجينة"
- كوبين طحين
- نص كوب حليب دافئ
- ام ك خميرة فورية
- ام ص بكينج بودر
- ام ص ملح
- ام ص سكر
- 3 م ك زيت
" تخلط المكونات الجافة اولا بعدين السائلة..ونكورها ونغطيها ونخليها بمكان دافئ لين تنتفخ وبعدين نكور كور صغيرة ونفردها ونحط الحشوة فوقها ونحطها على درجة حرارة 350مئوية لمده 20 دقيقة ويقدم بالعافية"
ثالث طبق
" الكبة المقلية"
مقادير الحشوة :
- كيلو لحم مفروم
- رزمة بقدونس مفروم
- صنوبر
- 2 م ك سماق
- 2 فص ثوم
- 2 بصله مفروم ناعم
- ملح - فلفل اسود - كمون - بهارات اللحم
" نقلي البصل مع الثوم واذا تحمر نحط اللحمة والسماق ونحرك لين يستوي ثم نضيف البقدونس ثم البهارات ونخليه ع نار هادية 7 د ثم نحطه ع جنب"
مقادير الكبة اللي راح نحشيها:
- كيلو لحم مفروم
- 2 كوب صغير برغل احمر
- بصله صغيرة مفرومة ناعم
- ا م ك باربيكا " يعطي لون احمر حلو عند القلي"
- فلفل اسود - كمون - ملح - بهارات لحم
" توضع اللحمة في فرامة اللحم ثم نضع الحمة مره اخرى مع البرغل مع البصل مع البهارات ونعملهم اقماع ونحشوهم بالحشوة السابقة ونضعهم بالفريزر نص ساعه ثم نقليهم بزيت حامي غزير "
والطبق الرابع " الحمص" وتلقون طريقته في احدى مواضيعي"
وبالنهاية شوفووووو السفرة كاملة..
.
.
.
