[GLOW="9966CC"] أنا
مصرىأنا مصرى وفوق أى نقد
و ذكائى فاق حد الحد
جدى بنالى بعلمه المجد
و أنا بنيت المجد الكروى
*****
أنا مصرى و بحب الدوشة
و بركب دش على العشة
و العتة بتسرح فى الفرشة
و موبايلى أنغامة بتسرى
******
أنا مصرى و بفهم فى الإنشا
و بحب أفتى و أنا بتعشى
و بطّلع النكتة الروشة
و اتريق على نفسى فى شعرى
[/GLOW]
معلش عارفه يا مصصصصريين انى اخدتكم على الحامى وبدون تمهل بس عايزه الموضوع يسخن معايا

باختصار ( أزاي تعرف أنك اتربيت في بيت مصري)
علي مدي سنوات الطفولة والمراهقة يقطع الابن منزل أسرته رايح جاي وهو يستمع للنصائح والتوجيهات نفسها والتوبيخ نفسه بأساليب وجمل ثابتة لا تتغير .. حتي أصبحنا بمرور الوقت نحفظها جيداً ونتوقعها ( واهالينا يقولوا وأحنا نكمل لهم ) واسترجاع هذه المقولات " التي لا تسمعها إلا في البيت المصري " يبعث في الوجدان قشعريرة مصحوبة بنوع من الكوميديا . ويعمق محبة أهالينا في القلوب . ويجعلنا نكتشف كم الهستيريا والقلق والمسئولية التي تكبدها الأهالي في سبيل أن تقف فخوراً برأي الناس فيك " شكله بن ناس .. ومتربي "
كفاية بقا عشان بدات أبقا رخم
نبدأ في الجمل :-
1- مش عايز أسمع صوت . وفي هذه الجملة تدريباً مبكراً علي تقبل الديكتاتورية الذي سوف تواجها طول حياتك .
2- ما تردش عليا . ودي نصيحة إذا ألتزمت بها سوف تكسب مديرك في العمل .
3- تعد في أول صف أدام السبورة.
4- لو مش فاهم حاجة .. ارفع أيدك وقول للاستاذ مش فاهم ما تتكسفش .. فاكرين المدرالمدرسين زي اللي كانوا علي أيامهم .
5- اللي بيشيل قربة مخرومة بتخر عليه لوحده.
6- ومالها الكتب بتاعة الوزارة ؟ !
7- بص كويس وأنت بتعدي الشارع .
8- متتأخرش بعد المدرسة وتقعد تصيع مع أصحابك .. وهي نصيحة سوف تحقق لك قدراً من السعادة الزوجية فيما بعد إذا تعودت علي أن تكون رجلا من الشغل للبيت
9- أفرد ضهرك .
10- مافيش مذاكرة علي المزيكا .. أو.. بتذاكر أزاي والبتاع دا شغال جنبك .
11- ماتمشيش حافي في السقعة دي .
12- صليت العصر ؟!
13- ربنا يهديك يابني .. وأحيانا أنك لا تهدي من أحببت .
14- أطفي التلفزيون دا وقوم ذاكرلك حاجة تنفعك دا الامتحان قرب حتي لو كنا في أول المدارس .. أو .. أطفي التلفزيون وقوم خش أوضتك .
15-أوعي تقول لحد هاتلي حاجة .
16- أقفل صدرك
17-بلاش وقفت الشبابيك والبلاكونات.
18-كل علي مهلك .. وامضغ كويس .. ومتكولش وأنت واقف .. وكا من قدامك متحفش
19-كفاية رغي في التليفون .
20-ما تعدتش قدام المروحة وانت لسا مستحمي .
21-المسلسل مش هينفعك ... قوم ذاكر .
23- وأنت فاكر أحن مستنين منك حاجة ؟!
24-متعليش صوتك عليا .
25-بلاش لعب في الشارع .
26-يابني ألي ذاكر ذاكر خلاص .. قوم نام
27- بلاش لعب بالمقص .... بيجيب الفقر .
28-يابني كلم خالتك العيانة أسأل عليها .
29-أوعي حد غريب يديك حاجة من برا تكولها أو تشربها وتخدها
30-النوم لحد الظهر يجيب الفقر ..
31- أوعي تكدب عليا تاني مرة .
32- لازم تاكل سلطة ..
33- لو شفت خناقة ملكش دعوة بيها .
34-عيب.. لازم تحترم ألي أكبر منك .
35- كلمنا لما توصل .
36- ملكش دعوة بسياسة .
37-بلاش أكل برا ..
38-لو فلحت أبقي تعالي " أعمل بي بي علي قبري " .. ( إيه الخيال دا )
39-ما تلبس القميص علي اللحم زي العيال الصايعة .
40-يا بني أنت مسطول ولا أيه .
41- أنت فاكرنا نايمين علي ودانا ؟!
42-وطي الزفت دا شوية .
43- قوم أقرأ لك كلمتين ينفعوك .
44- أيه اللامبالاه والاستهتار اللي أنت عايش فيهم دول .
45-أنت فاكر احنا لاقيين الفلوس دي في الشارع .
46- والله منتا فالح .. وأدي دقني أيه .
47- ما تتكلمش بصوت عالي في الحمام .
48- ما تنامش ألا أما تغسل سنانك .
49-ما تلزقش في التلفزيون كده .. نظرك هيضعف .
50- ضرب أمثلة تشجع علي الكفاح وأشهرها " أحد الأقارب اللي ذاكر علي لمبة الجاز أو عي نور العمود في الشارع وخد الدكتوراه وسافر أمريكا )
51-سلم علي عمك كويس يا ولد .
52-يا بني محدش بينفع حد .
53- ماتطلعش أيديك من شباك العربية .
54- قصة الغريق الكاذب ألي كل مرة يقول ألحقوني لغاية مغرق بجد .
55-ربنا يرزقك بعيل يوريك اللي أنت ورتهولنا .
56- حول القناة دي بلاش مسخرة وقلة أدب.
57- طلع أيدك من جيبك وأنت بتكلمنا


[GLOW="993399"] انا مصرى وابويا مصرى [/GLOW]
بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد
بيحط الريموت كونترول في كيس بلاستيك كعادة فرعونية قديمة

يقف يتكلم على الباب نص ساعة بعد إنتهاء الزيارة والسلام
لمّا تفتح نملية المطبخ هتلاقي عنده عشرين برطمان بتاع مربى فاضيين
بقالهم سنين ومازال مُصِر على جمع المزيد
ييجي بعد معاده بساعتين ويفتكر إن ده عادي ،، لا بالعكس ساعات كمان يقول للتاني انت ايه اللي جابك بدري
لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه ،، على اساس ان المسافة بينهم كبيرة يعني
بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال
بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش وعنده مبدأ عجيب ( مفيش حاجة بتترمي )
عنده صينية مكسرات متقسمة لتلات او أربع أقسام لزوم المزاج وعمره
ما إستخدمهاش
بيشتري قبل الفطار في رمضان مواد إستهلاكية أصلا موجوده عنده في البيت
ولسه ما استخدمهاش ( خلي العيال تاكل )
بيكون عنده شواية لزوم الرحلات أقصى استخدام لها كان مرة واحدة في
العيد
بيشيل طابع البريد من على الظرف لو الختم ماكانش عليه
بيفتكر إن أي حد بيشتغل في الخليج بيغرف فلوس من غير حساب
بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه ولو ربع يبقى مخروم ولا ربع ورق
برده بيتخانق ساعة دفع الحساب بحرارة شديدة على إنه هو اللي لازم يدفع
بيفرش ملاية سرير على طقم الأنتريه عشان يفضل نضيف لما ييجي ضيوف
وما بيشيلهاش لما ييجوا
ومع كل ده هيفضل المصري اجمل انسان في الدنيا كلها
اعلان للطلبه
العيد فرحه ياسلام

يا توك توك يا مدلع نفسك

التاكسيات الصيفيه الجديده (كيت كات عتبه بس

الفرن المتنقل

مين عايز يحلق

رايحه فين يا بت انتى يلا روحى 


التاكسيات الصيفيه الجديده (كيت كات عتبه بس

الفرن المتنقل

مين عايز يحلق

رايحه فين يا بت انتى يلا روحى 


