اهلا بنات كيف حالكم وحشتونى والله ودى اول مرة انزل هنا موضوع رغم ان دى رابع مرة اكتبه ومايحصلش نصيب ينزل لكن مع ذلك هاحاول ويارب تكون الاخيرة وينزل على خير يارب والموضوع هو عبارة عن دجاج مشوى بخلطتى الخاصه خلطة حبيبه ههههههه
الطبق الرئيسى
دجاج مشوى
المقادير
دجاجه
فلفل اخضر
جزر
بصل
طماطم
ليمون
خل
بقدونس
كثبره
بهارات كامله:
فلفل اسود
كمون
قرفه
ملح
مرقه فاين فودز
طريقة العمل
تتبل الدجاجه بالبصله والبهارات كامله ويوضع عليها الخل والليمون
يقطع الفلفل والخضروات ويبشر الجزر ونعصر طماطمتين بالخلاط ونقطع بصله صغيرة
نخلط كل المكونات هلى بعض باستثناء الطماطم ونضع المرقه وكل البهارات حسب الرغبه ولاننسي ان الدجاجة كانت متبله ببعض من البهارات
ثم نبدأ بحشو الدجاجه من الداخل ومابين الجلد واللحم كويس اوووى
ثم نحاول نقفل الدجاجة من تحت كويس اووووى علشان تحتفظ بالمكونات داخلها وندهنها بالطماطم من الخارج
نضعها بالشوايه في الفرن اللى بتلف ولو الشوايه عطلانه نضعها على الشبكة وتحتها نضع صينيه فيها كوب ماء علشان ماء الدجاجة ينزل كله بس فى الحالة دى ماننساش كل شويه نقلب الدجاجة ونغير وضعها ونحاول نخفض الشوايه علشان الدجاجة تستوى ومش تتحرق وبجانب الاكله دى انا عملت خبز محمص وده رائع لانك بتستغلى بقايا الخبز عندك وتحمريه وتضعى عليه نكهة مرقه الكباب او الكفته او اللحمة ودى بيعطيه طعم رائع جدااا
بعد كده عملت سلطة الكاتشاب بالجزر والخبز المحمص ودى هابقي اعمل طريقتها بموضوع ان شاء الله بس شجعونى كده وخدت باقي الخلطة اللى اتبقت عندى وعملتها ايضا سلطة وضيفت عليها جزر وخس
وده كان شكل طبقنا النهائي وبالهنا والشفا ويارب ينال اعجابكم
انا مش هاجبركم على كلمه شكر ولا هاطلب منكم تقيمونى ولا هازعل منكم لو مش رديتوا على موضوعى مع ان رايكم يسعدنى مهما كان هايعجبنى لكن استحلفكم بالله تدعولى بالشفاء وراحة البال ولاتنسوا ان الملائكة ترد لكم الدعوات وجزاكم الله خيرا وبارك لكم واسعدكم واعطاكم كل ماتتمنوا يارب
