تجمع خاص بالحوامل البكر ((الجزء 20))

تعاااااااااااالوا نسير ناكل تشيز كيك ..

الله يسهل مفتوون
انا بالنسبه للرياضه اذا بجلس عندي اهلي
بروح نادي
واذا لا البركه في المشي ساعه باليوم يشد الجسم

مفتون;9606327:
افف ماحب اكتب وينمسح

كنت اسألكم عن جدولكم فالنفاس ان شالله ..

عقب الولادة بعشر ايام نلبس المشد ..

و شو غيره بالنسبة للشعر و تقشير الجسم وهالسوالف ..

عندكم افكار؟

أنا عندي مشد أندونيسي وبلبسه من أول يوم إذا الله راد
يابته لي ممرضه اندونيسيه وتقول عندهم بأندونيسيا يلبسونه شهرين من أول يوم ولاده
وشريتلي جهاز سونا بستخدمه أول ما أحس الخياطه أوكي
بسوي فيه حمام مغربي وشريت سنفره للجسم ( ملح البابايا وملح الشاي الأخضر ) حميتي مجربتنه بالأربعين رجعت حليبه قشطه كأنها ما حملت ، حتى سواد الرقبه والباط راح ..

وشريت جهاز بخار للويه وكل منتجات الهملايا للعنايه بالوجه من أقنعه وتقشير وصوابين ( اللي يناسب بشرتي طبعا ) وحتى العنايه بالقدمين .. وخذت حمام زيت للشعر فاتيكا باللوز ..

خخخخخخخخخخخخخخ بفتح صالون

وقبل لا أروح عندريلي بقص شعري بالصالون وبصبغه وبتحنى وبسوي كل شي جني عروس من أول ويديد


بس ان شاء الله قبل اطمن على عمري وعلى البيبي وكل شي يكون طبيعي وتمام


وانتي مفتون ؟؟

مفتووون توني ماكله تبين اكل تشيز كيك...خليه بعدين

جورجيت..

عن تجربة المشي ما يضعف ..

المشي يرتب الجسم .. بس لوكان عندج زيادة وزن فالبطن و الارداف وهالسوالف المشي ما يشلهم ..

لازم تتمرنين .. عالاقل سوي سيت اب مال البطن اللي هو تمارين البطن المعروفه .. وضيفي عليها المشي بيرتب جسمج ان شالله

بنات انا بطلع الحين
مامتو تبي جهازهااا
لانه انا ماعندي جهاااااااز اهئ اهئ اهئ
اشوفكم ع خير

حبتين ..

ههههههههههه صدقج والله بتفتحين صالون ..

انا عن موضوع المشد يوم سألت قالولي طبياً ما ينصحون فيه قبل العشر ايام عقب الولادة لأنه بيت الضنا يكون ما رد لحجمه الطبيعي والشد عليه ما يكون اوكي..


فقلت بتريا اول عشر ايام احسن لي خصوصا اني بجر مافيني العب بعمري .. انتي بعد اسئلي فالمستشفى احسن ..

وعن المقشر اللي تقولين عنه استخدمته حميتج شو اسمه ومن وين خذتيه

جورجيت;9606424:
بنات انا بطلع الحين
مامتو تبي جهازهااا
لانه انا ماعندي جهاااااااز اهئ اهئ اهئ
اشوفكم ع خير

الله وياج جورجيت
وسلمي عالماما

ههههههههههه

جورجيت .. يالله خلها تدخل بنسولف وياها

مفتون;9606441:


وعن المقشر اللي تقولين عنه استخدمته حميتج شو اسمه ومن وين خذتيه

ملح البابايا وملح الشاي الأخضر
هي تاخذهم من العطاره
وأنا شريته من السوق الجديم بالشارحه

نفس ملح الحليب بس ملح الحليب ينعم ما يبيض
وملح البابايا والشاي الأخضر يبيضون وينعمون بنفس الوقت
أنا والله يوم أشوفها أستغرب
تكون شفافه نفس الحليب
هي ما خبرت حد غيري عن هالوصفه مع أنه وايد يسألوها
لأنها حرمة خالي واربيعتي وأنا حرمة أخوها خخخخخخخخخخ
واسطه

ملح البابايا وملح الشاي الاخضر..

انزين و كيف يستخدمونهم؟

بتصل حق اختي اذا بتطرش دريولها يسير ياخذلي زييييين


وين العطار بالضبط

بنات أذن العصر بروح بصلي

همسه : أحس اللي تحت بتنطر وبتنفجر خلاص

انا بعد بقوم

مفتون;9606495:
ملح البابايا وملح الشاي الاخضر..

انزين و كيف يستخدمونهم؟

بتصل حق اختي اذا بتطرش دريولها يسير ياخذلي زييييين


وين العطار بالضبط

مفتون أنا شريته من ورا مركز ساره
عندهم هناك عطاطير وايد
محلات بالبلى بتشوفين زييوت شعر
صنفره للجسم
كريمات
حتى بتلقين عندهم ملبس مال حق الله
بصور لج كيسة الملح بعدين وبحطها لج

هذا طال عمرج تسوين نفس الحمام المغربي
تتسبحين بماي دافي وتترسين الحمام بخار واتمين فيه ربع ساعه جي لي ما تحسين انج عرقتي والمسام فتحت
اتييبي الملح هذا وتفركينه على جسمج بإيدج .. مب بالليفه ولا حتى بليفة البودي شوب
يوم تستخدمين ملح البابايا ويوم ملح الشاي الأخضر

وبعد ما تخلصين تفريك تشطفين بماي دافي ومب لازم تستخدمين صابون بس هذا بيسد
وبنفس الوقت وانتي تفركين جسمج سوي حمام زيت بشعرج وغطيه نايلون وخليه على بخار الخمام

أنا شريت جهاز السونا أريح .. نفس الفكره ..
حميتي عندها جهاز السونا واستخدمته ولين يومج هذا تستخدمه حتى السواد بين الفخوذ والكوع والركب اختفن

أنا شفت بعيني عشان جي متحمسه

أي سؤال حازرين

ماشالله شكله شي ترتييب ..

عاد انا وين عندي مكان حق حمام البخار .. بحط المدخن في الشور روم وبيسويلي جو ههههههههه


انزين شكثر الكمية اللي اخذها؟

يبيعونه بالكيس قالولي .. الكيس ب 5

كيس واحد يكفي؟

مفتون
هههههههههههه
خذي على قياسج
يعني على حسب مب لازم تغرقين عمرج بملح
تاخذين على كفج وتوزعينه وتتفركين فيه
أنا ما جربته بعدني بس نفس فكرة السكراب العادي
لا تقولين ما سويتي حمام مغربي قبل بذبحج
وشو سالفة الدخون؟؟
قلنا بخار ماي مب دخان
يعني اتشطفي بماي دافي
وبعدين فجي الماي الحار بس واترسي البانيو بالماي الساخن
وبروحه بينترس الحمام بخار
تمي فالبخار شوي جي تحسين عمرج تعرقين
مب تدخلين بالبانيو وتنحرقين
لا خلج بره بس بيطلع من البانيو بخار
هذا بيسد يفتح المسام عندج
واتفركي وانتي بالحمام والحمام فيه بخار
وللتسهيل يلسي على كرسي أو الحمام الافرنجي وبس

وجهاز حمام السونا صغير عادي تسويه وانتي بالصاله تشوفين التلفاز أو بغرفة النوم
متحرك يعني

صبري أحمل الصور وبراويج

حمام مغربي اسير السبا يسوون لي ماسوي فالبيت ..

بس عقب ما تخلصين منه وين تخزنينه .. مب كبير حجمه؟

هذا كيس ملح سبا الشاي الأخضر






وهذا كيس ملح الأسبا بالباباي






ومثل ما قلتي الكيس ب 5 دراهم

أنا خذت 5 من هذا و 5 من هذا

وهذي صورة الجهاز




وهذي فوايد هالجهاز

فوائد الاستخدام حمام السونا :
1- تهدئة النوم
2- حرق الدهون
3- تبييض الأماكن الداكنه
4- تنشيط الدورة الدمويه
5- منع امراض القلب والشرايين
6- تتغذية البشرة وتحسين الناحية الجمالية
7- وتمكين العضلات والمفاصل من الاسترخاء وازالة الارهاق
8- تعمل على التخلص من الاملاح والمعادن الضارة بالجسم عن طريق افراز العرق
طريقة استخدامة :
سهل جدا وما يستغرق تركيب الجهاز اكثر من 10 دقايق فقط وتقدر تركبه في غرفة النوم او اي مكان انت تريده

مفتون عادي تطويه وتحطيه تحت الشبريه أو في الكبت

بعد عادي تروحين السبا وتسوي حمام مغربي بس بدال سكرابات السبا عطيها الملح تسويج