أختي وزوجها ...كيف التصرف معهم ؟

بس ليش؟؟ شلي خلاها تكون جي؟؟؟؟

احسن حل انج ما تهتمين ببنتها و لا تشاورينها بشي...
ولما تكلمج سوي فيها نفس اللي تسويه لا تردي عليها بعدين جولي سوري سرحت ولا عبالي تكلمين حد غيري...والأحسن انج تسكرين ع غرفتج بالمفتاح وقت ماتكون ببيتكم علشان ماتقومج من النوم علشان تيودين بنتها..اقسي عليها شووي...
وابتعدي عنها كل ما تقعد وياج استأذني ولما تكلمج ردي عليها بكلمة ولا كلمتين يعني مثلا ايوا ..لا..ماادري..يمكن وبس لا تطولين معاها واذا سألتج اشفيج تكلميني جي جولي عدلي اسلوبج واحترمي امج بالأول..
.ترا ما ينفع معها الطيبة

مرة قريت جملة حلوة اعتقد كان توقيع وحدة من العضوات تقول...

"لاتجعل مشاعرك ارضا يداس عليها بل سماءا يتمنى الجميع الوصول اليها"

اختي الطيبة احلى صفة بس بحدوووود وذا زاد الناس رح يحتقروج..وصدقيني الكلام هذا عن تجربة ..

كنت مثلج بالأول بس الحياة علمتني اشياء..

الله يوفقج ان شاءالله وبشرينا بالتطورات...

متابعة معاج

ياعمري كسرتي خاطري انت وامك
صدق اختك قليلة ادب والعيب فيها مو في زوجها
لأن الزوج يطالع الزوجة شلون تعامل اهلها ويعاملهم مثل ماتعاملهم
عيب عليها تتكلم عنك لا بخير ولا بشر مايصلح تتكلم عنك قدام زوجها
عييييييييييييب وربي عييييييييييب مالها حق تتكلم على امك وتهزأها
وتصرخ عليها الي ماتستحي على وجهها لو اني مكان امك عطيتها كف
عشان تعرف من الام ومن البنت ؟؟؟؟؟

اجل تحاسب امها على اكلها ؟؟؟

تحاسب امها على قوطي بيبسي ؟؟؟


ياعمري يا امك .. انا اقول امك معطيتها وجه بزيادة صدقوني مردها لكم
وتشوفون زوجها هذا الي هي فرحانة فيه قدامكم ترى من وراكم بينهم
بلاوي ومشاكل بخصوص هالراتب وحركاته ماهي راضية عنها ,,

بس تظهر لكم انها مبسوطة ,,
وحتى لو كانت مبسوطة الزوج مايحترم الزوجة الي ماتحترم اهلها ..

وانت ياعمري انشغلي بنفسك واهتماماتك وعنايتك ببشرتك وجمالك ماعليك منها
لا تشغلين نفسك ببنتها هي الي تزوجت وحملت وولدت خليها تربي
يمديك حبيبتي على العيال وغثاهم ..

لا تحطين هالموضوع اكبر همك ..
وحاولوا تنشغلون بحياتكم عنها ماله داعي تسوون كل شيء عنها وبالاخير ياريتها
تحترمكم وتقدركم هالشيء الي صدق قاهرني .. ولا اهل يسوون كل هذا المفروض
ينحطون على الراس من فوق ..

ماقول غير الله يجزا والدينا الجنة ,,
والله يهدي اختك وزوجها .. ويرزقك الزوج الصالح

حبوووووووووووبه في امور ذكرتيهاا احس انج كنتي تقولين قصتي .....

يالغاليه نصيحه مني طنشيهاا ولا تخلينهاا اتسيطر عليج او انها تدخل في شؤؤنج الخاصه ..

واذا شفتي تكلمت جدام زوجهاا عن اي شئ يخصج حاولي انج اتقفطينهاا بطريقه حلوة علشان تستحي ع دمهاااا ..

وبنتهاا انتي مسكيهاا عادي لانهاا طفله ومالهاا ذنب ....

وانا بصراحه يا اختي احسج انسانه ع نياتج و واااااايد منزله عمرج ... ليييييييش ....؟؟

خلهاا تولي صح اختج بس ولو لهاا حد وحدود بعد واذا ماتستحي ع دمهاا وقفيهاا عن حدهاااا واعطيها العين الحمره .....

مب تسكتين او تقولين ما عليه او ماعليه ,,,,, لأ .. عامليهاا بالطيب وفي نفس الوقت لا تخلين طيبتج تأثر عليج ....

اذاشفتي ان اختج اتصارخ ع امج اوزوجهاا يهزأ في امج وقفيه عند حده وقوليله يا فلان احترم الكبير وهاي امي مب أي وحده ....ومب من حقك اتعامل امي جذي او انج ترفع صوتك عليها ....

كما تدين تدان .. اليوم اختج وزوجهاا يهزءون في امج باجر عيالهم بيكبرون ومابيعاملونهم بالحسن والطيب .... ذيج الساعه بيحسون ..

والله بصراحه مقهورة من اختج وزوجهاا .... والله يعينج ....

الله يعينج يا اختي

اسمحيلي انتي معطيه اختك وجه زياااده على اللزوم ,,, اذا رفعت صوتها عليكي ارفعي اعلى منها ,,, هي مااحترمة امك ليش انتي بتحترمينها ,,, وين كنتي يوم هاوشت امك على علبه البيبسي والله لو انا منك بفتح العلبه الثانيه وبكبها على وجهه ,,, خليكي قويه دافعي عن امك قد ماتقدري لاتخليها ترفع صوتها عليكي ,,, اقلبي وجهك عليها لاتعطيها وجه عاادي مافيها شي امسكي بنتها وقت دوامها ,,, ووقت ماترجع من الدوام اعطيها بنتها اذا قالت لك سوي حليب للبنت او غيري البامبرز قوليلها مو بنتي بنتك ,,,

انتي باين من اسلوب كلامك انك بنت طيوبه وحبوبه وعلى نياتك الله يعطيكي ان شاء الله على قد نيتك

الله الله في امك لاتخلي احد يقهرها ولاتزعلي من العله زوج اختك ترى مو منه من اختك الي ماتحترمكم وهو يشوفها ويقول هي ماتحترم امها حتى ليش انا احترمهم ,,, وترى هو حتى لو بين لها انو يحبها ,,, ترى صدقيني مايحبها اذا يحبها كان نصحها ,,, الله يهدبها ان شاء الله

تحياتي

تغار منك

لا تقولي عاطله عن العمل بل باحثه عن عمل

اختج غلطاااااااااااانه

وايد مشوهه صورتكم جدام ريلج ولا بعدمقويتنه عليكم

ماعليج منهم ,,, وكوني حازمه وخليهم يلزمون حدودهم

بيزعلون عليج عاااااااااااادي بساهم شي هي امج