,


السلام عليكم ورحمة الله وبركاته





اهليييين بنوتااات
يبت لكم وصفة حلووة*





فطاير الجكن



المقادير :

عجيبة البق باستري الجاهزة او العجينة العادية ..

الحشوة : صدر دجاج بدون عظم ومقطع ( عانيت في هاي الخطوة لاني ما احب امسك شي ني بس سويتها )

( وتسلقون الدياي )

مشروم ( حسب الرغبة )

جيييز \ جبن ( النوع الي تحبوونه )


هاي الخطوة بتصير كلها في المقلاة .. ع النار

وتعرفون باشاميل الدياي ؟ نفسه الكمية تحطون زيت

يعني ملعقتين ملعقتين 3 3 ,, هيك


2 ملعقة طحين \ دقيق خخخ

قلبي الطحين لما يتغير لونه وتطلع ريحته شوي ..

وانتوا ماسلقتوا الدياي ؟

ماي سلق الدياي تضيفونه للخليط شوي وحطوا شوي حليب عشان مايتكتل

( لازم يكون السوس ثقيل شوي )

حطوا للسوس ملح وفلفل واي شي تبونه ..



الحين حطوا الدياي و المشروم والجبن للسوس ..

الحين خلوهم على صوب ..


اخذوا الخشبة الخاصة بالتقطيع او خاصة للعجين ودهنونها بشوية زيت ( يفضل تستخدمون الفرشاة الخاصة )


ويفضل تكون العجيبة شوي باردة ليش مادري بس هاي الي يقوله الكتاب خخ

وفردوا العجيبة بشكل مستطيل .. ولازم تكون متساوية في العرض .. والسماكة ,, مب صوب متين وصوب ضعيف اعرف حركاتكم

والحين لازم تقيسون العجينة بالمسطرة ,, وتخلينها 3 اجزاء


الجزئين على الجانب اهم الي بتلفون فيهم العجينة والوسط اهم الي بتحطون فيه الحشوة ..

صورة توضيحية من النت




المهم


الحين حطو الحشوة الي سويناها في الوسط وعقب اخذوا طرف وحطوه ع الحشوة والطرف الثاني فوق الطرف الاول ..



ويبوا ملة صغيرة حطوا فيها بيضة وشوية حليب ,, ودهنوا ( باستخدام الفرشاة ) سطح العجينة ,,

المفوض ترشون عليها سمسم وحركات بس انا ماسويت كسل


وحطوها بالفرن وتكون درجته متوسطة .. لاتخلونها حارة عشان ماتحترق وتصي نية من داخل خلوها تخبز على راحتها ( خذت تقريبا عندي 3 ساعات ونص خبز ههههه لان انا واطية الحرارة خفت تحترق واتفشل )



للتزيين في التقدييم :


اسبنت \ و بقدونس ..













شواقي
عبق الدلال المفرط