السلام عليكم عزيزاتي عضوات منتدى عروس ...
بدون مقدمات .. انا تاريخ ولادتي كان 21 نوفمبر 2008 بس من دخلت السابع وكان الطلق يلعب معاي ... يروح ويرجع
وبتاريخ 10 جاني طلق و طبيعي .. من الصبح وغير منتظم .. قلت الحمد لله بولد وبتفك .. اتصلت بكل خواتي وخبرتهم ..
وخبرت الشغل اني احتمال على وشك ولادة .. وخبرت زوجي .. عطيت بنتي اختي تاخذها الحضانة..
ورحت الطوارئ .. عملوا التحاليل اللازمة وحطوا الاجهزة .. وطلع نايبي على شونة .. بعد اربع ساعات ..
قالو لي الطلق غير منتظم وكنت سانتي واحد .. فطرشوني البيت .... وحزنت حزن شديد ..
بغيت ارجع الشغل .. بس ما سمحوا لي خافو تصير حالة ولادة ههههههههههههههه قالو لي ما نشوفج لبعد النفاس ..
ارتحت لنهاية الاسبوع وطبعا الطلق لازال غير منتظم يروح ويرجع .. الالم وصفه كأنه ريح او غازات بالبطن والظهر ..
المهم يوم الاحد بعد اسبوع قلت الا ارجع الشغل .. قمت من الصبح والطلق كان شغال اكثر واقوى ...
قلت والله لاداوم هذا الطلق يلعب علي وما اصدقه .. اخذت بنتي على الحضانة ورحت الشغل .. قعدت نص ساعة
الا الم يزيد .. والموظفين كلهم مستغربين انا ليش جاية الشغل وموعد ولادتي قرب .. طبعا الحوامل هم الوحيدين
اللي يحسون بثقل وطول الشهر الاخير والوحدة تسوي المستحيل عشان تخليه يمر بسرعة والبيت كان ملل..
جاني المسؤول وطردني علنا ... قال روح ارتاحي اجازة من الادارة مجاني بس قومي الحين ..
قمت ورحت اخذت بنتي من الحضانة ورحت البيت .. جبت الثياب من الاندري وشغلت الغسالة وغسلت كل الثياب ..
طبعا شنطتي انا والبيبي كانت جاهزة من مجميعوا .. اوراق المستشفى البطايق كل شي ..
كنت طول اليوم مضايقة .. وكنت متمددة على السوفا . وبنتي نايمة على بطني وحاطة راسها على الدبة ..
كانت الساعة ثمان وعشر المغرب ... الا واحس بمغصة قوية كأن بطني بينشق وبيطلع شي منه ..
مسكينة بنتي قمت ودفيتها على صوب ورحت اركض بعيد .. وانا واقفة خلصت المغصة على طول نزل ماي مني ..
قعدت اضحك واحمد لله قلت خلاص قربت الساعة .. رحت الحمام ابدل .. الا كل دم وماي ..
اتصلت بخواتي مرة ثانية خبرتهم وزوجي مسكين كان توه رايحة القهوة يشيش .. قطعت الشيشة عليه..
قالي اجهزي الحين اجي اخذج .. قمت وطليت على الشنط اتأكد ان كل شي اوكى ..
شنطتي والبيبي والاوراق والكاميرا والتلفون والشاحن بيدي وانا انطر .. وبنتي فرحانة تظن بنروح الالعاب ..
المهم جا زوجي ورحت على التخصصي .. مسكين من كثر الخوف ويشوفني شلون اتقلب على الكرسي ..
كل ما تجي الطلقة اصرخ يقووم يدل طريق غلط ويطول المسافة .. واطيح فيه صراخ ... ويتدوده اكثر ...
رحنا وكنت لايعة جبدي من سالفة انهم يدخلون يدهم يشيكون .. كان هذا اكره شي عندي .. المهم جات الدكتورة ..
انا طلبت دكتورتي فرح .. بس ما كانت هناك .. دزولي وحدة ثقيلة دم ... شيكتني وقالت 2 سانتي ..
والطلق غير منتظم .. ضليت عندهم 3 ساعات والطلق يزيد المه .. رجعت وشيكيت وقالت ان الطلق انتظم ..
ولا زلت 2سم قمت وسألتها شنو الاجراءات الحين .. الا تقولي بننتظر للصبح اذا ما صار طبيعي بنوسيج عملية !!!!
قلت لها انا جاية عندكم لاني ابي طبيبعي تقولين عملية .. قالت لي لحد الصبح وبنشوف .. قلت لها ابي امشي ..
قالت توقعين على مسؤوليتج قلت اوكى .. زوجي رفض قالي تمي يمكن تولدين بالسيارة قلت له لا تخاف توني 2 سم ..
قمت ورحت البيت .. الا يقولي زوجي انا بروح نص ساعة اشيش واعدل مزاجي وارجع اسهر معاج ...
المسكين ما كمل 10 دقايق من طلع الا الطلق يضرب ويعصف وبنتي تبكي خايفة تقولي ماما شربي دواء ..
واجات ام زوجي مسكينة تواسيني ... وعطتني ماي ورد وزعفران وتمر .. وانا قاعدة ابكي واهدد اني بقتل ولدها ههههههههههههههه
لانه تأخر ........... اتصلت بزوجة اخو زوجي وجات تركض من بيتها هي وزوجها وولدها .. اخذو نوف عشان يطلعونها وما تشوفني بروح وتتعلق فيني ..
وانا جا زوجي المسكين وقالي السلمانية او تولدين في البيت انا مابقعد ادور معاج المستشفيات ..
وحتى خواتي اتصلوا قالو لي روح السلمانية خلاص .. قلت امري لله .. وصلت السلمانية على الساعة 11 وثلث ..
دقيت على كل ربعي وزميلاتي واهلي عشان يدعون لي .. ودخلت عند النرسات .. حطوا الاجهزة ..
وجو يشيكون علي ..قالو ولادة .. 2 سم وطلق منتظم .. وعطوني ابدل ثيابي وخذو وزني ومعلوماتي ..
وخواتي كانو يملون ورقة الولادة ووزجي يتابع معاهم التسجيل ويعطيهم الاوراق .. المهم ركبوني لطابق الولادة ..
ودخلوني غرفة رقم 5 وهني بدأ الفيلم الاكشن .. الله طرش لي نرسة هندية حامل بعد جدا جدا طيبة وحبابة ..
مسكينة ماسكة يدي وتقرأ ادعية وقرآن وانا اتولول واختي تدخل بالخش وتمسج بظهري ويجون يطردونها وترجع بالخش ..
اخر مرة طلعوها هني انا عصبت .. ابي انام ما اقدر الطقات تزيد والمدة بين كل طلقة والثانية 3 دقايق ..
يعني ما الحق اسكر عيني واريح من الطلقة الا رجعت .. وكان الالم بوسط الظهر والبطن كامل ..
وساعات تجي الطقة بالخواصر .. يعني من كله .. المهم افتح عيني بعد الطلقة ما شوف نرسات !!!
واسمع صوتهم برا يضحكون ويسلوفون واسمع نسوان بالغرف الثانية الي تصرخ والي تبكي وانا طبعا هالمرة شلت المستشفى على راسي ..
بنوف مسكينة كان الطلق اول مرة اعيشه وما كانو يسمعون صوتي .. وهالمرة بيوسف كانت اصرخ من قلب قلبي ..
وكنت اترجاهم ابي بنج .. وطبعا الحكومي ما يعطون الا بالزور .. قمت ازيد بالصراخ .. وانادي النرسات ...
بصراحة كنت اشطن وحدة بتولد هذيك الليلة .. كنت اصرخ عليهم من غرفتي عشان يسمعون ..
اقولهم تعالي عطوني مهدء تعالو حللو رواتبكم .. قاعدين تسولفون وهداينا وطبعا كله بصراخ ..
وجاتني نرستي وقعدت اقولها عطوني مهدء او سجلوني عملية ما اتحمل الالم .. قامت تنصح لا ليش عمليه ...
بعد ما عجزت مني نادت لي الدكتورة وكتبت لي على مسكن .. عطوني الابرة !! ما شي تغير!!؟؟
نفس الشي .. قمت ارجع اصرخ وبهستيرية .. وانادي ههههههههههه زوجي وخواتي برا كانو يسمعوني اصرخ
ظنوني خلاص ولادة .. جاتني النرسة مع دكتورتين وكتبولي مهدئين ثانين عشان بس انام واسكت..
وفعلا سكت ونمت .. وطبعا كنت اصحى بين الطلقات .. اتألم وصرخ لكن اهدء لان المهداءات فروا راسي ..
والطلقة صارت كل دقيقتين واحمى .. كنت اتوقع اني توسعت عدل .. كانو كل شوي يجون يشيكون ..
بس 3 سم مو راضي يزيد .. هههههههههههههه خلص مفعول المهدء ورجعت ريما لعادتها القديمة :D
صراخ وكنت اتلوى على السرير كأني مخدراتية وتبي جرعة .. واترجاهم ما يتركون ابي وحدة معاي بالغرفة ..
وطبعا عمك اصمخ .. لحد الساعة 4 الصبح وانا بعدي 3 سم قمت انادي زوجي قالو لي خليناه يروح ..
اهني ارتفع الضغط .. شلون تخلونه يروح الحين اتصلو فيه خله يجي ياخذني على مشفى خاص ..
انتو ما تهتمون انتو ما تحسون .. وانا الي كنت هاربة من التخصصي عشان عملية قعدت ابكي واترجى ابي عملية ..
الساعة 5 لمن كنت اصرخ ابي عملية جاتني دكتورة العمليات ..
تقولي انا بروح اسوي عملية حق وحدة 3 مرات ولدت قيصرية وهذه المرة الرابعة لها يعني ممكن نطول ..
لان العملية خطيرة واذا رجعت وانتي ما ولدتي وتحتاجين بخليج توقعين وبسويها .. اثرا الدكتورة كانت تسكتي مو اكثر ..
جابو لي دكتورة يمنع الشتم الساعة 7 وشي .. قعدت تتفلسف علي .. وماسكة يدي عشان تهدئني وهي تهددني ..
سكتي وهدئي انتي مو اول وحدة تولد وليش تبين بنج !! وانا مو قادرة من الالم وهي تهدر على راسي ..
قالت لي بتفتح ماية الراس عشان ينزل الماي كله ويسرع الطلق والولادة .. وفتحته ويالله شنو هذا ..
اثرا الماي الي نزل مع اول طلقة كان يدوب قطرتين من بحر .. تم الماي ينزل لحد ما نزل كله ..
شوي بس ..
شوي بس ..
والا الالم صار الم صهيوني ... يعني شي ما يوصف اللي مروا بالتجربة بيحسون .. المشكلة ولادتي الاولى كان اصعب
بس كنت متحملة وهالمرة كلش ما كنت قادرة وتعبانة ..
المهم رجعو بعدها يحقروني قمت انا وطلعت شطانة العجم .. مسكت المغذي وقلت لهم الحين ترجعون زوجي انا بقوم بروح ..
والحقيقة اني ما كنت اقدر اتحرك .. بس مسوية تمثيلية عشان يعطوني بنج ههههههههههههههههه
لحد الساعة 8 الصبح جا زوجي والله العظيم قعدت ابوس يده اترجاه يوقع على عملية او يوديني مشفى ثاني ..
قعدت النرس تقول لا ما يصير انتي بحالة خطرة وتخوف بزوجي عشان ما يسمع كلامي ... وهو قعد يقولي ..
هدي حبيبتي شفيج صايرة متحوشة كأنج اول مرة تولدين بنوف كنتي مؤدبة وهادئة .. والحين غير كلش ..
وقعد يضحك بهدوء ويقولي عادي عادي . ههههههههههههههه تصدقون قعدت اقوله الله يعطيك طلقة وحدة من طلقاتي
واصورك وانا اضحك عليك .. قعد يقولي ميخالف عطيني الطلق بس سكتي ترا النرسات برا يتحرطمون عليج ..
اختي تقولي هذا مشفى حكومي بتصرخي بيحقرونج هني لازم لسانج شكرا ولو سمحت .. وانا عمك اصمخ
الساعة 8 ونص جات نرسة جزائرية استلمت الشفت وكانت جادة وايد وبدون مشاعر ... وتصرخ علي ...
انا بالايام العادية ما افوتها مو بعد قاعدة اطلق .. وتهددني تقولي كل ما صرختي راح اطنشك ..
انا بالعناد قعدت اصرخ لان معاملتها كانت حقيرة وكأن الي قاعدة تتألم حيوانة وانتو بكرامة ..
طبعا انا ما خذت بريك صراخ وتهديدات ورجاءات على امل بنج.. خصوصا الطلقة صارت كل دقيقة واقل ..
بعدها جات الدكتورة على الساعة 8:30 وكانت احلى دكتورة جاتني وقعدت اترجاها ابي بنج الولادة ..
مسكينة تقولي يا ام نوف هديي شوي ذبحتي النرسات ولجيتيهم ووازعجتي الغرف الي حواليج تصدقون صج!!!
لاني طول ما انا اطلق بصراخ قوي وما كنت اسمع اي وحدة تصرخ الا وقت اللي خلاص بتولد ..
بس الدكتورة كانت عسل كتبت لي على البنج وقالت هذا ما نعطيه الا الي يحتاجونه بس لانج حالة خاصة وذبحتيهم من الصراخ ..
وكتبت ابرة البنج .. .. وكنت تعبانة من الصراخ والحركة على السرير ..
وريجي ناشف وشعري منكوش وحالتي حالة .. وكنت طول الوقت اترحم على امي شلون تحملت الولادة ..
وطبعا كله بصراخ .. يعني كنت بحالة هستيرية كاني عمري ما صرخت وجاتني الفرصة عشان اطلع حرتي ..
المهم صارت 10 ونص وانا انادي وين ما وديتوني البنج ؟؟ شفيكم ؟؟ وينكككككككككككككككككم ؟؟؟ وين البنج ؟؟ بموت ؟؟
الا تقولي النرس دكتور البنج الحين بيوصل .. واخيرااااااااااااااااااااا وصل الدكتور قعدوني على كرسي
وودوني غرفة البنج كان دكتور هندي ودكتورة بحرينية .. المهم جهزوني للبنج ... خلوني اتكور على جدام ..
وقعد الماي يزيد واقولهم كأني اتبول قالو لي عادي هذا ماي الرحم .. ضربوني الابرة ويسألني كل شي ..
ها حسيتي بألمها اقوله لا ... لا .. لا .. لحد ما وصل البنج مكانه .. وهني استرحت .. وطبعا كنت مكورة ..
وكل ما تجي الطلقة كنت اقعد اقول .. جت الطلقة جت الطلقة جت الطلقة ... ويقعدون النرسات
يصفقون ويضحكون لاني اقولها كأنها نشيدة ههههههههههههههههههههه بس هدئني موقفهم ..
لانهم كانو بعفوية وكانو ماسكين يدي وراسي ويقرؤون ادعية وقرآن .. المهم عطوني البنج اخيرا ..
شكرت الدكتور ودعيته له ودعيت للدكتورة والنرسات ورجعوني سريري ... طبعا قبل البنج شيكوني النرسات
وكنت 4 سم .. كنت مساكين كل مرة يشيكوني يقولي 3 مو راضي يزيد كنت اقولهم ما بولد اليوم ..
المهم رجعنا من البنج الا انا 5 سم قالو لي نامي الحين الم الطلق بيخف ... جاني دكتور البنج وكلمني ..
قالي تطمني الولادة طبيعي جدا .. والبنج ما راح يمسح الالم .. بس راح يخففه عشان تحسين بالجنين اذا بيطلع
وتعرفين متى تدفعين .. وبعد قالي ان الطلقات الاخيرة راح تكون مؤلمة لانها جدا قوية .. وان البنج يحسسني بنص الالم ...
وقالي انه راح يعطيني مغذي وشي يحمي الطلق وفعلا ..عطاني وقالي ارتاح قريب بتولدين ..
انا ريحت شوي ... الا الطلق قعد يحمى .. ناديت النرس تشيكني ... الا تقولي 6 سم ولادة قريبة ..
ونادت الدكتورة وبدل الدكتورة جوني 5 دكاترة .. اربع على يميني ويساري .. وحدة قاعدة تشيك وين صار الراس ..
تقولي اكا الراس اقدر المسه .. قلبوني على صوب وقالو لي حاولي دفعين اكثر عشان يطلع الراس بسرعة..
تقريبا بعد نص ساعة عدلوني وشافت الا تقول 10 سم وقعدت تنادي الدكتورة .. والدكتورة محد ..
النرسة قالت لي ادفعي الحين لان خلاص ولادة .. وبما اني كنت بنج فكنت احس براسه تحت بيطلع بس بدون الم ..
المهم قالت لي بعد دفعة قوية وحسيت بالراس تحرك لبرا ورجعت بعد دفعة اقوى الا والراس طلع ..
وللحين اتذكر الاحساس وراسه وهو يطلع .. قالت الراس طلع الحين دفعة حق الجسم ..
وفعلا دفعت اقوى دفعة ..
وفعلا دفعت اقوى دفعة ..
وطلع الجسم وارتحت وراح كل الالم .. طبعا انا قبل ما يطلع الراس النرس ضربتني ابرة تحت وقصتني بالمقص ...
طبعا ولادتي كانت الساعة 12:42 دقيقة على يد النرسة الجزائرية وبعدها قامت تخيط وطولت بالخياط اكثر من ساعتين..
اسألها شصيار تقولي نزيف مو راضي يوقف .. ونادت دكتورة ثانية وقعدت تخيط وسولي ترقيع على اصوله ..
وطبعا كانت تخيط وتشد على الخياط .. وهذا اثر علي بعدين لان الجرح يوم جا يلتأم كان منتفخ ..
وانا من الصراخ كنت اكح وايد وكان يألمني الخياط وتميت اعاني اكثر من 20 يوم وبعدها طاح الخياط ..
تقريبا كانت 12 غرزة متوزعين .. يعني غير نمونة كلش .. بس احلى شعور لما قام يبكي يوسف .. وقعدو ينظفونه ..
وجابو ا على صدري وقعدت ارضعه عمري بس رجعو اخذوه .. وبعدها اخذونا على غرفة المراقبة عشان النزيف ..
وبس .. قتي كأنها فيلم مصاصي الدماء .. كلها صراخ بصراخ .. يعني هالولادة كنت دليعةةةةةةةةةةة..
والحمد لله الولادة تمت ويوسف الحين عمره 6 شهور واكيد صاير يجنن ربي يخليه واخته لي ولابوهم ..
والسلام عليكم