صباح الورد والجوري على احلى صبايا
اليوم جبت لكم طبقي المفضل ،،، اللي لو اكله كل يوم ما امل منه خخخخخخخخخخخ
مابطول عليكم بالهذرة واصلا النفسية ماتسمح بالهذرة الزايدة :( على طول ببدى بالموضوع
قبل ما ابدى لازم اذكر
[GLOW="FFFF99"]الموضوع مجهووود شخصي لا احلل نقله لاي مكان سواء بذكر المصدر او بدوونه[/GLOW]
وشوفوا الحركة اللي ابتكرتها ع الصور علّ وعسى يفيد معاهم
والحين باسم الله نبدا مع
[GLOW="FF0000"]المقادير[/GLOW]
" بذكر لكم في البداية المقادير ككل ،، وبعدين بجزأهم"
كيس ونصف مكرونة
نصف دجاجه مسلوقة
3 حبات بصل
حبتين بطاطس
جزرتين
حبة فلفل رومي
علبة بازلاء خضراء
جبن الصقر
جبن شرائح
لتر ونص حليب السعودية او اي حليب سائل
كيسين خلطة بشاميل جاهزة "كنور"
علبة معجون طماطم
زيت
بهارات " ملح ، فلفل احمر ، فلفل اسود ، كركم ، بزار بحريني ، بزار دجاج ، قرفة مطحونة ، كزبرة مطحونة (سنوت)"
[GLOW="FF0000"]اولا : المكرونة[/GLOW]
ناخذ قدر ونحط فيه ماي ونخليه على النار لين يغلي
بعدها نحط فيه المكروووونة واكيد نضيف لها ملح "تقريبا ملعقة ونص او ملعقتين"
ونضيف بعد شوية زيت عشان ماتتلصق المكرونة ببعض اثناء السلق
ونغطيها ونخليها تنسلق لين تستوي
بعدها نصفيها في المصفاه ونرش عليها شوي ماي بارد ونخليها على جنب
وبكذا نكون خلصنا من اول خطوة
