ابي مساعدة

بصى يأختى

أنا عارفة إن مرتبه قليل

بس الست لما تعرض على الرجل إنها تعمل كأنها

بتقول له: إنت مش هتقدر تكفى مصاريفى ولا

هتقدر تعيشنى كويس علشان كده أنا مش

هأعتمد عليك وهاشتغل علشان مصاريفى وكمان

علشان أساعدك لأنك حتى مش قادر تساعد

نفسك

وما تقوليش لأ مش معقولة يفكر بالطريقة دى

كل الرجال بيفكروا بالطريقة دى لأن عندهم كرامة

وأساسا شعورهم بالرجولة بييجى من إحساسهم

بالمسئولية فلما يلاقى حد عايز يشاركه فى

المسئولية ده بيجرح رجولته قوى كأنه بيقول له

إنت مش راجل كفاية علشان تتحمل المسئولية

دى

يبقى حفظا لكرامة خطيبك من الجرح ما تطلبيش

منه إنك تشتغلى دلوقتى

وزى ما قالت أم جنى هو بعد الزواج هينجبر لما

يلاقى المسئوليات كبيرة قوى عليه ووقتها هيطلب

منك إنك تشتغلى بس نصيحة

وقت ما تشتغلى حددى لنفسك مصروف يد حتى لو

كان مرتبك قليل المهم لازم مصروف يد ليكى غير

مصاريف المواصلات والاكل وإلا هتلاقى نفسك

بتعانى زى ستات كثيرة بعد فترة من عملهم لما

يلاقوا نفسهم مش مستمتعين بعرق جبينهم وإن

فلوسهم بتروح بشكل كامل للبيت ومصاريفه

وهى لابسة لبس قديم ومهترىء ومش قادرة

تشترى لنفسها اى حاجة خالص

وعليكى يوميا قراءة سورة الواقعة تقى من الفقر

بإذن الله

وربنا يوسع عليكم ويرزقكم الرزق الحلال الطيب

المبارك فيه


أختكم فى الله أم سلمى