تغليفة ستايل Flower Bouquet.. بسيطة.. شرح بالصور

فكرة هالهدية اكيد راح تعجبكم..
وامانة اذا عجبتكم قيموووها من قلبكم.. لا تخونون..!!

زوجة حماي ولدت الحمد لله (نور النور 5)..
بتاريخ 19 مايو 2009..
وجابت علاوي القمر..
http://forums.3roos.com/t457566.html

ولعيون علاوي سويت هالهدية..
واللي عبارة عن مجموعة ملابس واداوت تنظيف..


يالله نشوف تفاصيل التنسيق مع بعض خطوة بخطوة..

وها يا ويلها من الله اللي راح تنقل الموضوع من غير ذكر المصدر..




اول شي.. لفيت الملابس بطريقة اسطوانية.. ولفيت حواليها شريطة بسيطة علشان تثبت
ونفس الشريطة لفيت فيها اداوت التنظيف..
والفوطة.. واداوت السباحة..










خذيت صندوق.
طبعا ما لقيت نفس لون الاغراض..
بس حلينا مشكلة اللون..











لفيت الصندوق بالtissue paper الابيض علشان يكون بالمرة لون حيادي..
واحلى علشان تبين فيه الاغراض..











قصيت نفس ورق التغليف لقطع صغيرة حشو للصندوق..
ويساعد على تثبيت الاغراض فيه..










نفس نوع ورق التجليد.. خذيت لونين من درجات الاخضر فاتح وغامق..
وطويت مجموعة على بعضها بهالطريقة...











قمت بقص ورق الجلاد على هيئة اوراق شجر..












ونفس طريقة القص على اوراق الشجر بلون اخضر فاتح..











الحين لفين كل قطعة من الملابس الاسطوانية بورقة شجر..
وثبت طرفها الاخير بمطاط علشان ينزعونه بسهولة وعلشان تثبت الورقة..










وهذا شكل باقي الملابس وهي باللف مع اوراق الشجر..











قمت بترتيب الاغراض في الصندوق بحيث اطوي بعض اوراق الشجر علشان تعطي ايحاء بانها مثل باقة الورد..










خذيت لعبة صغيرة.. وثبتها بمسدس الصمغ على جانب الصندوق..












هذا شكل الصندوق مع اللعبة والملابس الملفوفة مثل باقة الورد..










وعلشان يكمل التناسق..
خذيت وردة صناعية وقصيتها علشان يبقى عندي الساق بالورق بس..
ولقصت فيها بطاقة التهنئة..











وحان دور تثبيتها مع مجموعتنا الجميلة...











وكخطوة اخيرة..
ما نسيت ارجع غطاء العلبة علشان نستفيد منه صاحبتنا..
وثبته بطريقة مايلة..










ها.. عجبكم شغلي ولا لا...؟؟
بامانة...
ادري المشاهدين كثار..
بس امانة اللي عجبها الموضوع والفكرة.. تقدر مجهودي في نقله لكم..
وتعطينا تقييم من ايدها الحلوة...
واللي ما تحق تقييم ابي منها دعوة من قلبها بولادة ميسرة لي..