زوجي وراتبي .. ساعدوووووووني

السلام عليكم ورحمة الله وبركاته


المشكلة يا خواتي ان زوجي كان كريم لأبعد حل قبل لا أشتغل



دووووم يعطيني بيزات وحتى لو ما أكون محتاجة وأبد ما كان يقصر علي بشي


مشكلته انه ما يحب يجمع بيزاته وحسابه دووووم مصفرررر على كمالياتي وكمالياته مع أنه راتبه في حدود 22 ألف درهم




يعني أول ما يستلم الراتب وايد يحب يدلع عمره ويدلعني بس عقب إسبوع أو 10 أيام من بداية الشهر يفقرررر وانعيش بتقشف ):



يا ما نصحته وقلتله لكن ما يسمع الكلام

لدرجة اني مرات احرم نفسي من أشياء عسب ييمع البيزات ويقوم هو يصرف المبلغ اللي كان ناوي يشتريلي على أشياء فاضية

المههههههم


أول شهر اشتغلت فيه ما كانت جهة عملي فاتحة لي حساب فسلمتني المبلغ كاش



وأنا راتبي في حدود 17000 درهم


وكان معاي لما استلمته وهو كان شبه مفقرررر لأن كان قبل عيد الفطر وأنا الغبية سلمته المبلغ كامل وما تهنيت فيه

بس بكامل رضاي



والشهر اللي عقبه نفس الشي استلمت كاش وسلمته كله كله له

بعد برضاي



و الشهر اللي عقبه فتحولي الحساب ونزلو المبلغ في حسابي وما صرفت منه ولا درهم لأن ريلي ما يقصر معاي وما طالبني بأي مبلغ



ونفس الشي الشهر اللي عقبه واللي عقبه


يعني ما طلعت ولا درهم من حسابي وهو كان متجاهل حسابي ولأ يسألني أي شي عن بيزاتي



بس من شهر فبراير أول مانزل راتبي طلعنا طلعة حلوة وأنا شريت حقي وحقه وحق ولدي هدايا وأغراض من راتبي

ومن عقبها قمت أساهم في مصروف البيت بدون ما هو يطالبني بس أنا كنت لما أروح الجمعية بروحي أشتريلنا أغراض وعقب أدفع

أو لما كننا انروح مركز أو شي اذا شريتلي شي وهو كان بعيد أو في قسم الرياييل أدفع عادي


ومن هالشي هو وايد تغيييرررررر قام كل شهر لما يخلص بيزاته ايفر علي كلام عسب أعطيه بيزات بس ما يطلب بصريح العبارة



يعني مثلا يقول لي أنا مادري ليش انتي اتيمعين بيزاتج

أو يقول لي بخييييييلة ووو

ودوم بالمصخرة لما يشوف حد بخيل يضحك ويقول شراتج وجي

أنا مب بخيله والله بس أنا أحاول أيمع حق مستقبلنا


يعني عقب ناوية أدخل عيالي مدارس خاصة وجي ف مب حابة انهم يكونون أقل من حد



بس هو الله يهديه ما يفهم بس يستانس لما اتخلص بيزاته وما يحب يخلي شي حق المستقبل


أنا ما ألومه لأنه عاش فترة حرمان ، أبوه في طفولته وايد كان يقصرررر عليه فهو الحين حاب يعوض عمره




المشكلة الحين انه مووووول ما قام يعطيني مصروف شهري ، يعصي صح ما يقصر لما نظهر ونتشرى بس ما قام يسأل إذا محتاجة او ما قام يعطي لو مبلغ بسيط إلا اذا طلبت منه



تعرفون شو قمة القهر اني فاتحة حساب لولدي بإسمي وكل شهر أحط فيه مبلغ وهو ولا عالبال ما يساهم ولا بدرهم واحد

المهم

هالشهر كان صدق مفلس وما عنده ولا ريال وأنا قلبي عورني عليه ، هو ما يبين شي بس أنا عارفه انه قام يتسلف عسب يمشي هالشهر وأنا عطيته بطاقتي وقلتله خلها معاك يمكن تحتاج البيزات

وقبل يومين كان يسألني إذا أروم آخذله قرض بإسمي لأنه متسلف 30 ألف من ربيعه ولازم يردهم له ( ما يقص علي لأني عارفه انه صدق مفلس ولازم يرد المبلغ ) وهو بروحه ما اتسلف لأن التسهيلات حق القروض الشخصية في دوامي أكثر وما راح تطلع علي فوايد وأنا عندي هالمبلغ في حسابي وهو عارف هالشي

على اساس انه راح يردلي كل شهر 5000 درهم وبيخلص اللي عليه في 6 شهور

أنا وافقت وكنت باخذله بس البارحه اتصلتله وهو كان مع ربيعه وكلمني بإسلوب مب حلوووو لأنه يباني أبند وما يبا ايرمسني قدام ربيعه فإنقهررررت منه وطرشتله هالمسج :

" وبعد تباني آخذ قرض عشانك وهذا غير بطاقتي اللي معاك ، إنت عدل إسلوبك معاي بالأول "


للأمانه هو اسلوبه حلو معاي عموما والبارحة كان وايد طيب وحبوب قبل لا يطلع




ولما رد كنت أنا راقدة بس فتحت عيوني أول ما دش الغرفة جان يفر بطاقتي بويهي وقال لي خلي القرض حق ويهج



وبس ما تكلم معاي اكثر عن جذي وأنا اتأسفت منه بس قال لي ارقدي عسب لا نتضارب وتكبر المشكله


مشكلتي اني غبيه هو يعرف بالضبط كم عندي في حسابي وحساب ولدي لأن يطرشون لي رساله علي الموبايل وعادي مرات يشوفهم



الصبح لما نشيت حطيت البطاقة على الطاولة وكنت أبيه يوصلني الدوام على اساس انه بيرد البيت وبيشوف البطاقة جان يعصصصصصصصصصب لما شافني مودرة البطاقة عالطاولة وقال خذي بطاقتج الحين وتم يصرخ علي عسب آخذها

الحين أنا مب عارفه شو أسوي آخذله القرض ولا أعطيه كاش ولا اطنش الموضوع ؟؟

دلوووووووني بلييييييييييييز