*فينكم يا بنات مصر الجزء(16)للاستفسارت عن الميك اب*

أنوش;9855250:
جزاكي الله خير يا حبيبة حمادة عالمبادرة الحلوة منك ورغبتك في مساعدتنا

وانا عندي سؤال عن كريم الاساس خصوصا لصاحبات البشرة الدهنية ايه اكتر كريم يناسب وتكون تغطيته حلوة يعني للحفلات والمناسبات من الماركات الجامده زي ماكس فاكتور او لانكوم او ميك اب فوريفر وياريت السعر بالمره


وكمان عايزة اعرف باليته الكونسيلر بتاعة ميك اب فوريفر المشهورة دي وكل البنات بيشكرو فيها سعرها كام تقريبا



اخر سؤال عن ماركة بوبي براون عاجبني اوي اوي البلاشر الجديد المعدني بتاعهم والبلاشر دا بيدي ضي كده زي بتاع الممثلين كنت عايزة اعرف دا متوفر في اسكندريه ولالا وسعره ممكن يكون كام دا صورته



وشكرا ليكي مقدما ياقمر

مرسى ياجميل لمشاركتك
ووبالنسبة للاساس لبشرتك الدهنية فى كريمات اساس رائعة وتتحكم بالدهون للبشرة الدهنية اويل فرى زى Estee Laider Ideal Matte Refinishing Makeup SPF8 كريم أساس مطفاخال من الزيوت بملمس البودر ومناسب للبشرة الدهنية وبيحافظ على نضارة الماكياج لساعات طويلة على فكرة وهو ممكن تلاقية فى وجوة بالقاهرىة مش سكندرية لانة من استى لودر ماركة غير موكلة عندنا غير قليلا وسعرة فوق ال200ج بس رائع
وفى ايضا من جفنشى اسمة بالتقريب عشان الحروف منسهاش بس يارب Givenchy Matmate Fluid Foundation Permanent Mat Color SPF8 بس دة اكتر للنهر بعامل حمياية وتقريبا سعرة لانى بقالى فترة طبعا قاعدة من الشغل بس مش هايزيد عن 170ج
وفى من نيفيا رائع لاخفاء العيوب زى بشرتك الدهنية وهو استيك Nivea Beauti
Fresh & Easy Foundation Stick للسهرات وايضا لخروجات بعد الظهر كويس وسعرة 78ج
وطبعا اللى لايعلى علية فاوندشن شسانيل ودجة بيعدى ال300ج ومخصوص لبشرتك وكمان للسهرات اسمة Chanel Mat Lumiere fluid foundation لانةيحتوي على جزيئات تعكس النور فتضيء وجهك وتخفي الشوائب والعيوب
وباليت فور ايفر دة حبيب قلبى لانها من افضل الماركات عندى وبستخدم كل مكيباجى منها بجانب الماركات الاخرى
وهو ياقمر ممكن تلاقية لسة فى وجوة او لو ملقتهوش يبقى تجبية من برة وسعرة بحوالى من سنة ونص ب370ج
وبوبى براون ماركة جميلة والبلاشر دة جديد فيها بس للاسف ياروح قلبى مش متوفر فى اسكندرية ممكن تلاقية بوجوة القاهرة وسعرة للاسف مش عارفة ياجميل
واى حاجة اتفضلى اسالى ياقمراية

وحشتونى يا عيال اااااووووووووووووىى

بصوا هو انا بشرتى دهنيه زى ما انتوا عارفين وعايزه المكياجج يثبت يوم فرح بنت خالتى


يبنفع احط كريم اساس جوردانى واحط عليه بودر مائى ولا اعمل ايه


؟؟؟؟؟؟؟؟؟؟؟؟؟؟؟؟؟؟


الدكتور ادتلى ما ناديل امسح بيها قبل ما احط الميك اب قالتلى هتساعد بس بصراحه مش متاكده

انها هتساعدنى لان بشرتى بتشرب المكياج والله بشكل فظيع

اعمل ايه الحنه يومم الاتنين؟؟؟

nona_koky2000;9856372:
انا ممكن افيدك فى موضوع الكحل ده بس كمان 4 ايام تقريبا ان شاء الله
لان القلم مش معايا حاليا:D

ماشي يا نونا في انتظار القلم ويارب يكون كويس

nona_koky2000;9856421:
انا عايزة الوصفة ونبى ياهوبة بتاع كايرو مول عشان احتمال انزل على اول الاسبوع ان شاء الله
وكان بكام العلبة

انا دورت علي الكيس مش لقيته جوزي رماه :ss: بس محل اشي اشي انا متاكده
وهو لا الدور التاني او التلت والواحد كانت ب15 او 12 حاجه كده
حبيبه حماده ميرسي يا قمر انا عنيا حساسه وبتدمع هشوف تجربه نونا واقرر

حبيبة حماده ازيك وعامله ايه وايه الاختفاء ده كلوا وحمد لله على السلامة والرجوع مرة اخرى


انا بقى ليه سؤال
وانتى طبعا خبيرة فى المكياج
انا كنت سمعت عن كريم اساس لمنتجات كفر ديرم ايه رايك فيها
ولو تعرفى اسعارها تبقى على كام عندى مزايا وفيسيز
وكمان انا كنت عاوزه اجيب كريم اساس للبشرة الدهنيه بس يكون ستيك علشان المناسبات
ايه الماركة الى ممكن تقوليلى عليها وتكون مش غاله ياعنى من 70 حتى 150
انا كنت بفكر اجيب ماكس فاكتور بس مش عارفه ايه الى يناسب البشرة الدهنيه
وفكرة فى كفر ديرم بس مش عارفه هلقيه ولا لا ومش عارفه ايه نظام اسعاروا

ميرسسسى انوش وهوبا ياقمرات

اه انا شفت الموقع بتاعهم يا انوش بوبى ببراون ماركه نضيفه شكلها مووت بس غاليه اوفر ؛-(

هوبا المحل ده فى ميكب اب حلو ؟ يعنى الاقى عندة بودرات حلوة؟ اصلى بدور على بودرة تدى شكل طبيعى كده وخامتها حلوة

حبيبة حمادة;9858441:
حبيبة قلبى مرسى ياجميل انك فاكرانى وغيرك افتكرتنى برضة بجد مرسى
وعموما ياجميل فى ماركة كلينيك طبية وكويسة جدا للبشرة سواء ميكب او عناية بالبشرة تقدرى تجبيها من الخارج لو ليكى حد حبيبتى برة هاتعجبك كل مستحضراتها للبشرة الحساسة لانها امنة

شكرا على افادتك وياريت لو تعرفى سعر الكحل فى الماركه دى تقوليلى عليه

marool;9861205:
ميرسسسى انوش وهوبا ياقمرات

اه انا شفت الموقع بتاعهم يا انوش بوبى ببراون ماركه نضيفه شكلها مووت بس غاليه اوفر ؛-(

هوبا المحل ده فى ميكب اب حلو ؟ يعنى الاقى عندة بودرات حلوة؟ اصلى بدور على بودرة تدى شكل طبيعى كده وخامتها حلوة

مش عارفه والله يا مارول موضوع البودر لكن اعتقد عنده منتجات اماندا
وفي في الدور الارضي محل بيبع حاجات فلورمار البنات بيشكرو في البودر بتاعم

dandana;9856375:
شفتها طبعا
الفستان اللى انتى نزلتيه حلو اوى عجبنى
وقماشتك ماشاء الله حلو
بس للاسف ماعرفش ينفع للموديل دة ولا لأ



اه انا عارفاكى انتى فى (لك) مش كدة ؟
نورتى عروس

مرسى ياحبيبى على ذوقك وانا فعلا اللى فى منتدى لك

حبيبية حماده اهلا بيكي معانا يا قمر


وكنت عازه اسألك ايه رايك في منتجات

مدينة

و

فلومار

من حيث البودرة والبلاشر والايشادو والكحل

at2ota;9861396:
شكرا على افادتك وياريت لو تعرفى سعر الكحل فى الماركه دى تقوليلى عليه

بصى حبيبة قلبى طبعا هى كلينيك فيها انواع عديدة من الكحل وانا بفضل النوع دة\\Clinique Kohl Shaper for Eyes

لانة مكوناتة لطيفة جدا على العين وتقيل جدا والوانة حلوة لكن مش متوفر فى القاهرة باستمرار الا ممكن تجبية بالطلب ولكن انا كنت جايبباة من حوالى 6شهور من امريكا ب13 دولار ياقمر
احسبيها بقى كدة لو هاتجبية من هنا
اوكى ياقلبى

rosy2;9861738:
حبيبية حماده اهلا بيكي معانا يا قمر


وكنت عازه اسألك ايه رايك في منتجات

مدينة

و

فلومار

من حيث البودرة والبلاشر والايشادو والكحل

واللة حبيبى مش اوى الماركتين ممكن تجيبى مانيكير اسيتون كدة يعنى لكن بشرتك عنيكى هاتى ماركات اخرى وايضا رخيصة شوية زى ريميل وفى اماندا كويسة وماركة سارة على فكرة حلوة الفرنساوى ومتوفرة وبورجوا ياجميل وفى اوريفليم الشادوهات كويسة ومتنوعة والبلاشر بورجوا حلو جدا وفى ضى يعطية للخدود ولمعة مستحبة والكحل ريميل و بورجوا وفى اوريفليم كحل جيوردانى الجديد كويس جدا
ماشى ياتوتا

شكرا ياحبيبه حمادة على ردك معلش هتقل عليكى عايزة ماركه صن بلوك يناسب البشره المختلطه وياريت سعرو ل تعرفى

حبيبة حمادة;9858615:
مرسى ياجميل لمشاركتك
ووبالنسبة للاساس لبشرتك الدهنية فى كريمات اساس رائعة وتتحكم بالدهون للبشرة الدهنية اويل فرى زى Estee Laider Ideal Matte Refinishing Makeup SPF8 كريم أساس مطفاخال من الزيوت بملمس البودر ومناسب للبشرة الدهنية وبيحافظ على نضارة الماكياج لساعات طويلة على فكرة وهو ممكن تلاقية فى وجوة بالقاهرىة مش سكندرية لانة من استى لودر ماركة غير موكلة عندنا غير قليلا وسعرة فوق ال200ج بس رائع
وفى ايضا من جفنشى اسمة بالتقريب عشان الحروف منسهاش بس يارب Givenchy Matmate Fluid Foundation Permanent Mat Color SPF8 بس دة اكتر للنهر بعامل حمياية وتقريبا سعرة لانى بقالى فترة طبعا قاعدة من الشغل بس مش هايزيد عن 170ج
وفى من نيفيا رائع لاخفاء العيوب زى بشرتك الدهنية وهو استيك Nivea Beauti
Fresh & Easy Foundation Stick للسهرات وايضا لخروجات بعد الظهر كويس وسعرة 78ج
وطبعا اللى لايعلى علية فاوندشن شسانيل ودجة بيعدى ال300ج ومخصوص لبشرتك وكمان للسهرات اسمة Chanel Mat Lumiere fluid foundation لانةيحتوي على جزيئات تعكس النور فتضيء وجهك وتخفي الشوائب والعيوب
وباليت فور ايفر دة حبيب قلبى لانها من افضل الماركات عندى وبستخدم كل مكيباجى منها بجانب الماركات الاخرى
وهو ياقمر ممكن تلاقية لسة فى وجوة او لو ملقتهوش يبقى تجبية من برة وسعرة بحوالى من سنة ونص ب370ج
وبوبى براون ماركة جميلة والبلاشر دة جديد فيها بس للاسف ياروح قلبى مش متوفر فى اسكندرية ممكن تلاقية بوجوة القاهرة وسعرة للاسف مش عارفة ياجميل
واى حاجة اتفضلى اسالى ياقمراية

تسلمي حبيبتي عالرد ربنا يكرمك ويسعدك :)

شكرا يا حبيبة حماده علي ردك

افديني يا عسل

at2ota;9861860:
شكرا ياحبيبه حمادة على ردك معلش هتقل عليكى عايزة ماركه صن بلوك يناسب البشره المختلطه وياريت سعرو ل تعرفى

فى حبيبتى لوشنات وكريمات كويسة جدا للحماية من الشمس عندك كلينيك دة واقى ممتاز فيها وخالى من الدهون بتمتصة البشرة بسرعة ويبدا من عامل حماية 15 حتى 40\\\Clinique Super City Block Oil-Free Daily Face Protector SPF 40

وايضا فى من كلينيك نوع اخر من صن بلوك اسمة\\\\Total Cover Sun Block SPF 30 دة كويس جدا وغير دهنى وبيقاوم العرق ايضا وطبعا الاسعار ياقمر مش فاكراها فعلا خالص بس حاولى تسالى عليهم لانهم حلوين جدا
وفى يضا من نيتروجينا سن بلوك خالى من الدهون لوشن خفيف بس كويس وبيعمل حوالى 95ج\\\اسمة\\\\\Neutrogena Healthy Defense Oil-Free Sunblock Lotion, SPF 45

وفى من ماركات اخرى فرنساوى زى كلارنس وجفنشى بس غاليين جدا
اوكى ياحبيبة قلبى

محدش عنده معلومه تفيدنا .... لله يامحسنين لله :D

طيب بقولك إيه ، ممكن تصوريلى شكل النظارة التانيه ديه ؟؟ أكون شاكره ليكى :)

بصوا يابنات، لو حد راح أوريفليم قريب، يبصلنا بصه سريعه كده عالنظاره .. أكيد هيبان عليها قيمتها !!

جزاكم الله خيرا

أنا كنت في أوريفليم إمبارح
النضارة لونها حلو بس ستايلها كبير
يعني هي أصلا تصميمها بيخرج عن حدود الوش

حاجة كده دراماتيك-هوليوود لوك
طبعا اللي وشها نونو مش هتنفع معاها
و كذلك الوش المدور أوي
عايزة حد جريء شوية في ستايله

كذا حد جربها قدامي و معجبتوش:cool:

الغريبة بقى ان كتالوج 8 موجود كمان
أوريفليم متآمرة علينا لمدة شهرين

آه سؤال كمان
حد جرب ستيك رجالي اسمه
Free Attitude

و مجموعات الحلاقة اللي مع البرفانات دي
متبقاش جامدة شوية على بشرة الوش؟
يعني حاجة زي نيفيا مثلا أو دوف ممكن تكون أحسن و لا إيه؟
مش عايزة أجيب هدية للراجل و أرجع أشيل ذنبه:o:D

rooooony15;9860395:
حبيبة حماده ازيك وعامله ايه وايه الاختفاء ده كلوا وحمد لله على السلامة والرجوع مرة اخرى


انا بقى ليه سؤال
وانتى طبعا خبيرة فى المكياج
انا كنت سمعت عن كريم اساس لمنتجات كفر ديرم ايه رايك فيها
ولو تعرفى اسعارها تبقى على كام عندى مزايا وفيسيز
وكمان انا كنت عاوزه اجيب كريم اساس للبشرة الدهنيه بس يكون ستيك علشان المناسبات
ايه الماركة الى ممكن تقوليلى عليها وتكون مش غاله ياعنى من 70 حتى 150
انا كنت بفكر اجيب ماكس فاكتور بس مش عارفه ايه الى يناسب البشرة الدهنيه
وفكرة فى كفر ديرم بس مش عارفه هلقيه ولا لا ومش عارفه ايه نظام اسعاروا

بصى ياجميل هاتى واحد من الاساسات دى كويسة جدا للبشرة الدهنية ولتغطيتها ايضا
الموس دة من ميبلين حلو جدا ومات اويل فرى طبعا ومغطى لاى عيوب بالبشرة ويجعل السحنه مخملية ويعطي نتيجة طبيعية رائعه\\\ وهو فى حدود 170ج
maybelline dream mousse matte foundation




ودة من نيفيا بيوتى
Fresh & Easy Foundation Stic وهو ستيك اصبع للتغطية للبشرة وعيوبها وبحوالى 80ج




وطبعاكريم اساس كفر ديرم حلو جدا للتغطية والحبوب واثارها ومتوفر فى كارفور ومحلات التجميل ومش غالى اوى ياحبيبى\\\وفى درجات منة وهو انواعة عديدة وانا بفضل النوع دة منة كويس جدا للتغطة وبيدوم لساعات طويلة وبيجعل البشرة مات طول الوقت وخصوصا بالنها وبة عامل حمابية 20\ ودرجاتة حلوة\\Coverderm Perfect Face Waterproof Make-Up وسعرة حبيبتى فى كارفور ب220ج





وفى من ماركة باليديو PALLADIO STICK ستيك للبشرة الدهنية حلو ليها ايضا دة متوفر بمزاياا ووجوة ب130ج
وطبعا فى من ماركة بوبى براون\\\\كويس جدا وهو غالى شوية صراحة
Foundation Stick





وكلينيك فيها اساسات حلوة للبشرة الدهنية\\\\\\\ زى دة بس مش متوفر فى القاهرة كتير ممكن فى محلات محدودة وبالطلب احيانا وغالى مش رخيص
Skin Smoother Pore Minimizing Makeup




اوكى ياجميل

rosy2;9862269:
شكرا يا حبيبة حماده علي ردك

افديني يا عسل

مرسى ياجميل لذوقك