هل ممكن أحبه في يوم من الأيام..؟؟؟

الاخت اقمار كلامها منطقي جدا

هي بالاساس مو قادرة تتقبل زوجها رغم اللي يسويه معاها

ربنا يفك همك يا عزيزتي اوركيد وراح ادعيلك من كل قلبي ان ربنا يصب حبه في قلبك باذن الله :)

قطريه ماتهاب;9537309:

اسمحي لي اختي

مو من نظرة وحده راح اتاكد اذا هالشخص مناسب والا لا

بالاستخارة بس هو الشي الوحيد الي راح ياكد هالشي

مااتوقع المشكله في انه اساءت اختياار

لانه اهو مافيه شي بالعكس اهي تمدحه

ويمكن لو تقدم لاي وحده بتوافق عليه

المساله محتاجه نقطه التقاء للمشاااعر عشان تقدر تحبه

شوفي اختي انا اخالفك الرأي تماما
ليش
لأن النظره الشرعيه قبل الملكه تخلي الوحده ترتاح نفسيا
اما بعد الملكه او الزواج اذا شافته وما ارتاحت رح تتألم طول عمرها ليش لأنها تحس انها انحطت امام الأمر الواقع وما عاد فيه تراجع نهائيا ويستمر معها هذا الشعور على طول
وتحس انها انظلمت لأنها ما اختارت شريك حياتها بإرادتها وعن قناعه تامه
ان شاء الله تكوني فهمتيني ووصلت الفكرة

بس كلام الأخت الأقمار صحيح 100% وما عليه غبار

والله يعينك يا اختي حاسه فيك

نصييييييحه من قلب

كثري قراءه للقران وصلي زين
حآولي تندمجين معاه كثير .. حتى لو ماتبين
بس زيدي العلاقه اكثر واكثر

ويآرب تحبينه اكثر واكثر }..

حبيبتي الله يعينك على مصيبتك والله الفراغ مصيبه ليش مالجأتي لله إدعي في سجودك اللهم اجعل زوجي سمعي الذي اسمع به وبصري الذي ابصربه اللهم علق قلبي بزوجي والجائي لله لان المثل يقول اصلاح الموجود خير من انتظار المفقود

السلام عليكم
اختي قطرية ما تهاب صحيح الاستخاره واجبة عندما يتقدم الشخص لخطبة فتاة ولكن لنظرة الشرعية اهمية كبيرة ولذى وصى السول عليه وعلى آله افضل الصلاة والسلام بالنظرة الشرعية حتى ان احد الصحابة جاء الى الرسول علية وعلى آله افضل الصلاة والسلام وقال له انني خطبت فتاة فقال له الرسول عليه وعلى آله افضل الصلاة والسلام : هل رأيتها قال الصحابي : لا فقال له الرسول : اذهب والقي عليها نظره . اسمحولي مو حافظة الحديث نصا بس بمى معناه. يعني لو لم تكن النظرة الشرعية اهمية لما امر بها الرسول عليه وعلى آله افضل الصلاة والسلام حيث ان الرسول لا ينطق عن الهوي ان هو إلا وحي يوحى.
وان شا ءالله احنا هنا من واجبنا ان نحل مشكله اي اخت باقصى درجه ممكنه لكن قبل لا نحل المشكلة يجب ان نعرف اسبابها حتى نحللها ونتوصل الى الحل الصحيح . والحمدلله رب العالمين والصلاة والسلام على محمد وآله .

بارك الله فيكم أخواتي وماقصرتو والله... ولاتنسوني من دعواتكم

بارك الله فيكم أخواتي وماقصرتو والله... ولاتنسوني من دعواتكم

ان شاء الله تحبينه مع الايام

بس دامه يحبج يعني مو خسرانة ..

الله يعينك يارب ويفرج همك وهم جميع المسلمين يارب

بخصوص الشوفه

فيه عواايل وااايد وانا منهم ماعندنا هالشي

عشان كذا الاستخاارة هي اللي الملجا الوحيد لنا


واصلا لو تاملتي دعاء الاستخاره فيه جلب الخير للشخص

يعني شي اكيد الله ماراح يرزقها الا الشخص اللي يصلح لها الا اذا اراد ان يبتليها بالشخص الغير مناسب


ع العموم هي محتاجه بس ان تحس انها تحبه يعني اهي مااساءت الاختياار

واسال الله يحبب زوجها فيها وان يحببها في زوجها انه قاادر على كل شي

قطريه ماتهاب;9546580:
بخصوص الشوفه

فيه عواايل وااايد وانا منهم ماعندنا هالشي

عشان كذا الاستخاارة هي اللي الملجا الوحيد لنا


واصلا لو تاملتي دعاء الاستخاره فيه جلب الخير للشخص

يعني شي اكيد الله ماراح يرزقها الا الشخص اللي يصلح لها الا اذا اراد ان يبتليها بالشخص الغير مناسب


ع العموم هي محتاجه بس ان تحس انها تحبه يعني اهي مااساءت الاختياار

واسال الله يحبب زوجها فيها وان يحببها في زوجها انه قاادر على كل شي

أنا مع اختي

احنا ماعندنا الشوفه لكن الوحده تحاول والله المستعان

انتي تحسين جي لان يحبج ومايرفض لج طلب ..
فتحسين بالملل ..
لو هو يزفج ..
ومايسويلج اي شي تبينه ..
جان ابدا ماحسيتي بهذا لااحساس ..
استغفري ربج ..
وامسكي بيتج وريلج ..
لا الله يعاقبج :) ..

انا اقول حافظي على زوجج

وفي هالزمن الوحده اذا حصلت لها رجال يحترمها ويحبها

ويلبي كل طلباتها لازم تحطه داااااااااخل عينها وتصك عليه

مو تقولين له بخطب لك !!

والله انه لو تزوج بتموتين قهر ..

والحب اللي يدوم لازم يجي بعد الزواج ..

لأن الحب اللي قبل الزواج وقبل الخطوبه ما يدوم ..

ما اقولج الا تركي كل هالافكار السوده وشيليها من راسج ..

وحبي زوجج وحافظي عليه .. والله لا سمح الله لو يصيده شي بتموتين ألف مره من القهر ..

وتحياتي

والله انه كلامكم يبرد قلبي بس كل مااقتنع لما اجلس بروحي ترجع لي هالافكار ...ادعولي الله يسعدكم

مرحبا اختي ..

والله انا الصراحه مادري ليش بعض العوائل هداهم الله .. لا يطبقون السنه .. يعني من حق البنت تشوف الزوج على الاقل لو في الصوره .. يعني عشان تتقبله نفسيتها .. على الاقل ..

طيب .. الحين الي صار صار.. حاز بخاطرج يا اختي .. مثل ما قالت الاخت ما تعرف قدريي الا بعد ما تجرب غيري .. يا اختي يمكن هالمشاعر الي انتي مفتقدتها .. فجأه تظهر بعد ما الزوج يتزوج زوجه ثانيه .. وتشتعل نار الغيره عندج..

لا تقولين ما بغير لا بتغيرين وبتموتين قهر على اليوم الي قررتي فيه تخطبين له ..أن الله لا يغير بقوم حتى يغيروا ما بأنفسهم .. يعني الغاليه انتي اصلا من داخل نفسك حاطه ببالك انك مب تقبلته .. مع ان مافيه اي عيب يذكر .. لو اقنعتي نفسك .. بانك لو تزوجتي رجل يهينك ولا يعبر عنه حبه ولا يكرمك ولا يعطيك حقك ولا يحترمك ... لرجحت كف زوجك..

اعلم انك لا ترغبين الانفصال واعلمي ان المراه الي تطلب الانفصال .. بدون تقصير من زوجها لا تشم ريح الجنه..

يااختي .. ذكرتي ان الرقيه الشرعيه خففت من الشعور الي عندك لكن لازالت الافكار ..هذه يا اختي نفسك .. نسيتي النفس اللوامه .. والشيطان يزين لكي افكارك اكثر واكثر... واخبرك اختي واعذريني على الاطاله لايوجد اخصائي نفسي او اجتماعي او طبيب او معالج .. يستطيع معالجتك مالم تبدأي انتي بالخطوه الاساسيه وهي النيه ... والقناعه الشخصيه .. وافضل العلاجات .. استطيع ترشيح لك زياره بيت الله مع زوجك .. واجعليها مده طويله كعشره ايام مثلا .. بين المدينه ومكه..

لا تجاملي زوجك فهو ليس غبي... ولكن صبور لهذا يا اختي لايضرك لو اخبرتيه بالقليل ولا تصفعيه بكلمه انك لا تحبيه . ولكن اخبريه بتقصيرك وانك تحتاجين القليل من دعمه وصبره ... تفكري قليلا بنعمه الله فهي نعمه والنعمه زواله.. فلا ترفسيها..

تحياتي

ام جنى وسأتابعك

Noor1979;9551074:
نسيتي النفس اللوامه ..

وافضل العلاجات .. استطيع ترشيح لك زياره بيت الله مع زوجك .. واجعليها مده طويله كعشره ايام مثلا .. بين المدينه ومكه..

لا تجاملي زوجك فهو ليس غبي... ولكن صبور لهذا يا اختي لايضرك لو اخبرتيه بالقليل ولا تصفعيه بكلمه انك لا تحبيه . ولكن اخبريه بتقصيرك وانك تحتاجين القليل من دعمه وصبره ... تفكري قليلا بنعمه الله فهي نعمه والنعمه زواله.. فلا ترفسيها..

(y)(y)(y) كلالالالالالالالالام رااائع ليس عليه غبار

دائما اختى ابحثى عن شئ مشترك مابينكما تفعلانه معا مثل حفظ القران ، القراءة فى مجال تحبانه ، السفر والنزهات التسوق والشراء إلى غير ذلك لعله يقربك منه اكثر واكثر
والدعاااااااء والاستغفار يجعل من كل ضيق مخرجا
مارأيك ان تشغلى وقتك بالعمل مثلا حتى يأتى عليكى الوقت لتشتاقى له وللبيت عند العودة
واحرصى اخيرا ان تتقى الله فى زوجك كما يفعل هو ولكن لكل فعل ردة فعل فاحذرى من نفاد صبره فى يوم من الأيام كما قالت اختنا نور

الله يوفقك للخير ويهديكى لزوجك يارب
(f) تحياتى إليكى

اختي انا بعد عندي نفس مشكلتك بدايه زواجي ماكنت احس بالحب اتجاه زوجي وماشتاق له وكل اللى تحسين فيه انا حسيته معنه كان كل طلباتي مجابه هو نفس زوجك حنون طيب ويحبني وحتى لما خطبني ما كنت مقتنعه فيه وافقت وانا مو حاسه انا مرتاحه بس والله لما ولدت بولدي كل هالامور انعكست صرت اموت عليه وما اشوف اللى هو والله كنوز الدنيا كلها ما تسوى شئ عندي وطبعا الدعاء مهم والله يفرج همك ويجمع قلبك بقلبه وتحبينه يارب اهم شئ الدعاء ياا ختي

الله يسعدكم ويوفقكم يااااااااااااااااااارب ....سعيده جداا باهتمامكم وردوكم باختلاف آرائكم ...جعله الله في ميزان حسناتكم إن شاء الله

السلام عليكم

انا ما قرأت الردود

بس حابة اقولج / امشي ورى اللي يحبك
ولا تركض ورى اللي تحبه

وهذا قسمتج ونصيبج
وهذي حياتج
ادعي ربج والله يسهل لج

أوركيد 22;9525961:
سلام بنات شخباركم ... أكيد استغربتو من العنوان ومين الي اقصده بالحب..؟ والجواب هو زوجي نعم زوجي بنكمل الحين خمس سنوات زواج ولا قادرة أحبه ... ما أحس اني أشتاق له اذا غاب عني فترة طويلة أو سافر ... ماأحس إني متوله عليه اذا تأخر بالعودة للمنزل بالعكس أكون مرتاحة ... واذا رجع اتضايق لاني أضطر أمثل معاه بالابتسامة و المجاملة والأحضان..حتى علاقتنا الخاصة ماأحس إني أرغب فيها أبدا لو تمر شهور وأديها كواجب شرعي لاغير...والله وايد تعبانة من هذا الشيء أحس عايشة ومو عايشة بدون مشاعر بدون احاسيس...وكل ماتمر علي الأيام يزيد شعوري هذا ... أحس اني تزوجت الانسان الخطأ وانه مايناسبني أبدا ... مافيه شيء يعجبني أو يجذبني له أبدا أحسه انسان عادي على الرغم من أنه عنده مميزات...خلاص أحس موقادرة أتحمل لانه ضميري يأنبني بسبب عدم حبي له ... هو واايد طيب وحنون معاي وطلباتي كلها مجابه ويموت علي مع انه يعرف اني مو حابته ...والله رحت عند أخصائيين نفسيين وعند متخصصين بالعلاقات الزوجية ودايما أحاول أفكر بطريقة ايجابية بس مافي فايدة شعوري هو هو ...أحس نفسي مو طبيعيه وصرت أقارنه مع كل حد حتى مع اخواني واترصد له الأخطاء علشان أزعل واتضارب معاه ...بتقولون يمكن عين سويت الرقيه الشرعية وماي مقري خفف الشعور بس الأفكار موجودة وبقوة بعد مو قادرة أعيش حياة طبيعية ولا متخيلة أكمل معاه للأبد وبنفس الوقت ضميري يأنبني على هذا الشيء وأحس ظالمته معااي ... بنات أدعولي الله يفرج همي ويحببني فيه :confused: