عروس متفرغة;9573305:
راي وفكرة يا عرايس
يا بنات اش رايكم نفتح موضوع مستقل بروحه لسفر العجم مثل موضوع تجهيزات الحنه اش رايكم
بصراحه اقتراح حلو عالاقل كل الصور بيلقوها بموضوع واحد وما بيعورهم راسهم
leemoon;9573810:
هلاا حبيبتي .. ان شااء الله اروح لها بس تعرفين انو ميك اب الكوافيرات احيانا يطلعج حلووة واحيان لااا .. من جذي كنت ابي اشوف رايكم وانا مو عرووس لكن ابي ميك اب حلوو .. وبعد يا عسل شنو تنصحيني اي كوافيرةة انا احب الناعم .؟؟
وتسلممممممممممي يا عسل دهن العود وربي يوفقك لانو بسرااحة ما في احد غيرك رد علي وعبرني هههه
واكرر السؤال حبيبااتي .. انا احب الميك اب الي يطلع الفيس نااعم .. وشفت ميك اب معصومة على عروس كتير عجبني تنصحوني احجر عندها او لا ؟؟
والي ما تنصحني مين تقترح علي اروح عندها ؟
وشاكرة لكل الي رح ترد علي .. :)
شيكي صالون الحبايب ناعم وحلو
طالبة طموحه;9571172:
مرحبا بنات شخباركم شلونكم وحشني القسم واجد والبنات واجد واشكر كلمن ساعدني
الحمد الله الخطوبه كانت حلوه وكلشي كان مرتب ومثل اللي ابغيه من فستان لشعر وميكب لليله الخطوبه ماشء الله عليها فردوس طلعت ملامحي عدل وكلمن عجباه الميكب مالها كالعاده والشعر تسلم ايد بدور جننتهم شوي لا وايد وكنت مرتاحه عرايس ثنتين بس ودلعونه من زين ماي شاي قهوه وكوفي كلشي كانج في البيت
والصاله الاكل وال\يجي كان عجيب والمسرح حطيت عليه اضافات ولمساتي والستاند سويته في ارتيسشان في السلمانيه سواه لي واااو وشجره التوزيعات بعد تسلم ايد خالي عليها كانت حدها فن
الزفه اللي دخلت عليها من صنع ايدي خخخخخ وكل شي صار تمام في تمام والحمد الله على كل شي
الف مبروك حبيبتي ربي يسعدج يارب
سنفونية حب;9571192:
هههههه خوش شي هذيان احسن حل .. و حمامي في بيت الزوجيه سويته جذي قسم شور<< خطيبي اصر عليه وقسم جاكوزي << اصريت عليه هههه ... بس يعني تنصحيني استخدمهم من اللحين ولا اروح اسوي حمام مغربي في الصالونات و لا هم يحزنون ؟؟ لان صج يعني فشلة و خطيبي الله يسلمكم .. يسأل بالتفصيل الممل شنو تسوون في الحمام المغربي ههه !!! يعني قمة الفشيلة
----
سوي تسريحة بس مفتوحه مفلول ويفي و من قدام مرفوع و فيه فرق مثل الهنود .. و حطي اكسسوار هندي يطلع واااو على الساري الهندي عجيب :)
هههههه ... اقصد بالماااوس خخخخ ... سويت جذي من أجلت زواجي قمت أأجل كل شي الا سالفة الحناية قلت لها بخبرج بعدين و نسيت سالفتها و يوم تذكرت قلت بدور لي حناية غير من كثر ما البنات تكلموا عن حنايات قلت باخذ وحده منهم .. وقمت اتصل ولا حصلت يا ما عندهم مجال يا ما يروحون مناطق بعيده .. و اللحين شكلي برجع ال حنايتي الاوليه وبأكد الحجز معاها .. و في عرس بنت خالي بشوف شنو بالبس للحين ما قررت قرار نهائي .. بس فينيسيا و سوق الحريم درتهم وما رسيت على شي هناك ..وبرد اروح بعد اسبوع او اسبوعين يمكن وبشوف يمكن احصل شي .. وميزانيتي اقل من 70 حق الفستان لان عرسي قضى على ابو الميزانيه كلها ههههه
شنو يعني مرتعشة ؟؟ .. بس ترى في كل شي اللي يخطر على بالج .. سبحات و عقد وسلاسل على مضاعد اول على حزام على قبقب .. على تراجي اول .. كل شي في .. الله في بالج بتحصلينه بس محلات الذهب غالي و الايجار ما يسوى وما يأجرون الذهب ... و محلات العادية الاكسسوارات لا بأس ويفون بالغرض وبعضهم مطلي بذهب اصلا .. واحسه احلى بعد صاير :)
ممكن طلب خاص شوي بس ضروري ابيه صوره حمامكم اذا جاهز حتى لو مو معدل:o
Oriana;9568586:
هذا الموديل سويته لروحي... وصدق فظيع في اللبس
حبيبة عزوزي... إن شاء الله يا رب تاخذين عزوزي... الليفة المغربية ماخذتنها من جاك ديسانج يوم أروح أسوي حمام مغربي عندهم... وعندي وحدة ثانية منزمان وما استخدمتها ولا مرة ماخذتنها من دبي من سنة دزني واطيح ومادري ليش ما استخدمها مع أن نفس اللي اخذتها من جاك ديسانج
بالنسبة للإضافة.. كانت إضاءة خافتة مع شموع والجو رومانسي مع الموسيقى الكلاسيك... والجاكوزي بعد كان نفس الإضاءة
دهن العود... تسلمين حبابة
أنا كوكتيل عسل... صالون ألور ما عندهم حمام مغربي..
عندهم فيشل يبدأ من 10 دينار وأغلى شي ب28 دينار
وعندهم مساج سويدي يبدأ من 6 وينتهي ب12
ومساج هندي للرأس بستة
ومساج أروما يبدأ من 7 وينتهي ب14 دينار
وعندهم مساج للحوامل ب18
ومساج للجسم كامل بالحصى الحارة ب20
طبعاً البديكير والمنيكير يبدأ من 5 وينتهي ب14 دينار
العناية بالشعر قص وتسريحات وسشوار ووصلات واكستنشنات دائمة وصباغة و تمليس وريلاكس
وعندهم تاتو ميك أب بعد
وعندهم انواع للواكسنع البرازيلي والهوليوود
وطبعاً عندهم ميك أب وتجهيز للعروس بس ما شفت شغلهم فيه عشان جدي ما اقدر احكم
نجي لنصيحتي حسب التجربة.... سوي مرة حمام مغربي ومرة كليوبترا... وهكذا مرة ومرة لحد ما تخلص الفترة اللي عندش... الحمام المغربي واجد زين من ناحية التقشير والبخار.. بس في النهاية تصير البشرة جافة من كثر التقشير وتحتاج عناية.. مجموعة كليوبترا فيها اعشاب وطين ... يعني كل حين يحطون ماسك على الجسم تقريباً 4 ماسكات وعقب يحركون الدورة الدموية بالجاكوزي وعقبها تفرك.... يعني في النهاية بيكون في تقشير للبشرة لكن في نفس الوقت الماسكات تكون عطت فائدتها للبشرة.. ولهذا أنصح بالأثنين مرة وترك
ملكة الغروب... أف أنه دوام كامل... تيبست عافيتي من الزين وكانت بطيئة لدرجة أن الوردة تجف قبل ما تكملها... بس كانت تنقش بمعنى تنقش...(نقش اسم على مسمى) <<< واجد معجبة في شغلها
ما أمبي أم شهد لأني تحنيت عندها عادي واجد.. ابي أشوف صور فاطمة من راس رمان (ام بنين ) ناس واجد قالوا ليي انه احلى من أم حسين
وعلى فكرة اللي عطتني رقم زهرة سلطان.. الرقم اللي عندي غلط... منهي تطرش ليي رقمها؟
مشكوره حبيبت قلبي ما قصرتي على الشرح وعلى الدعوه الحلوة
حصاصي;9568170:
حبيبة عزوزي
ترى نفسه بازار اللي في السعودية فتح لة فرع في العدلية يوم رحت قبل فترة السعودية اللي يشتغل في محلهم قالي
اهااااااااا بس شلون اسعارهم اكيد اغلى من السعوديه وتتوقعين نفس البضاعه او فرعهم هناك احلى واذا عندج فكره من جم تبدأ اسعارهم لجم
