~'*¤!||!¤`تجهيزات عرايس البحرين { السادس والأربعين}*¤!||!¤*'~`

شوشو 87;9534101:
هلا أختي عن الفستان أذا تبين تفصيل السعوديه أحسن لج من أهني لانه أرخص ، اما اذا تبين أجار أخذي من أهني ، وانه عندي فستان عرسي الحين باطرش لج الصور :)

شوشو ممكن اشوف صور فستان الزواج ؟؟؟

العروس الفاتنة;9532093:
بنات احد شاف مكياج منى الي من النبيه صالح ؟؟؟؟؟؟؟؟؟؟؟ شنو رايكم فيها

شفت مكياج منى على صديقتي
وااااااااااااااجد ثقيل ما حبيته كان بو 10 دينار
وشفت بو 7 كان أنعم شوي .

تو الناس;9526597:

هههههههههههههههههههههههه:eek: ! ماشاءالله عليها صابرين حدها كيوت .. جفت صورها اعتقد اهية بعد مادري .. مكياجها اوكي بعد بس احسها تحط حق روحها احلى من الباقي ..

اممم لازم تعرف ملامح وجها اكثر وتجرب على روحها واااااااجد وتعرف شنو اللى
يناسب وشنو اللى ما يناسب يعني اذ امكيج روحي
احط حلووو لكن غيري يصير اصعب :tongue:

نور الحرمان;9527341:



عمري بقول لج الي اعرفه ومتاكدة منه

يعنى الي اتذكره من جلوتي

صارت جلوتي في ماتم

بعد ما خلصت من الصالون رحت الماتم

دخلوني حجرة خاصة علشان يغطون وجهي بقطعة قماش بيضاء وما تشوفين منها شئ

تعمتدين على شخص يدخلج الماتم

وطبعا يغطون شعرج بشال طويل لونه اخضر ما يبين منج شئ لا شعر او الفستان

بعدين هم بيدخلونج الى الماتم

ويكعدونج على كرسي ويكون الكرسي مغطى بالكامل بقطعة قماش خضراء

لما تكعدين عليه يحطون بكل يد شمعة .... والشمعة من عندج .... والاحلى الشموع المتوسطة الحجم السميكة.... وطبعا الشموع يشغلونها

ولما يبداون يجلونج

تقريبا 7 قصائد

كل قصيدة له بشمر

لما تبدا القصيدة يحطون بشمر عليج

ولما تخلص يشيلونه

وتبداء القصيدة الثانية ويحطون البشمر الثاني

وهكذا الى ان يكملون 7 بشامر

واثناء هذا كله يحطون على يدج الماسكة الشمعة

على المعصم خليط من ماء مع زعتر

هذا الي اتذكره اثناء الجلوة

بعدين لما يخلصون يكشفون وجهج

وتبداء الناس بالمباركة

حلووو عجبني الكلام ,,, ووو بالتفصيل فننننن ,,,:D

وردالروان;9533310:
يا عرايس بليزززززززززززز...
طرشوا لي ملف الترجيه

خيوو طرشت لج الملف

.:.رجاوي البحرين.:.;9527413:
نوااااااااااااااااااااااري

اللي تسأل عن الجلوة
بصراحة الجلوة تجنن والله العظيم ولو يخيروني تعيدين ليلة الزواج او ليلة الجلوة أقول ليلة الجلوة لأن تحسين حب أهلج وحبايبج وصديقاتج وكلهم حوالينج ويصفقون ويغنون ... انا الحمد لله سويت لي جلوة فخمة وبشهادة الكل والكل عجبته وأهلي كلهم لابسين أثواب نشيل ومشامر حاطين عليهم وكل وحدة مشمرها مع ثوب النشل مالها مثل اللون

ولما كانت الجلاية(الملاية) تجليني يشيلون مشمر من على وحدة من عماتي وخالاتي وأهلي ويحطونه علي ,, وانا اخترت ان يكون جلوتي جلوة تقليدية وكلهم دخلو بالسلال الخوص(القفة) والمباخر والعود جدامي وناس ماسكيني لأني كنت مغطية ويهي بقطعة بيضااء ولابسة جلابية حمرة وعلي ذهب مال اول (الذهب التقليدي) الحجم الكبير

بس بصراحة لاتفوتينها لأن شعور مايوصف لأن الردحة والتصفق فضيع وانت عروستهم .. وعلى فكرة حتى شريط ليلة الجلوة أطالعه في DVD اكثر من ليلة العرس.. لأن احس بشعور غريب لما اجوفه

وحملت في يديني شمعتين ومزينات وتكون وحدة في اليد اليمين ووحدة في اليد اليسار..
ويحطون لج نقوع من ماء الورد والزعفران ويدهنون فيه أظافر رجلج وأظافر يدج ويحطون رجلج فيه ومعاه ورد محمدي ورازقي ومشموم ,,,

ويلبسونج سبع مشامر كل واحد على أغنية يغنونها مالت اول ...
هذا اللي مر على بالي بخصوص الجلوة والله يوفقج يا أختي

حلووووه الجلوووووه لانها تعتبر ترااااااااث عندنا ,,, وتجنن صدددق لها اثر حلووووو

وذكريااااااات حلوووه :D ,,, اتذكر حضرت جلوااااااات واجد كل وحده احلى من الثانيه

وافضل الجلوه على الزواج وليله الحنه بعد اذ يقولون عليج اغااااني تستانسين :cool:

أنا الشوق;9527457:
انزين شنو هي الاغاني اللي يغنونها في الجلوه؟؟؟
وشنو الهدف من الشموع والشي الثاني اللي معاهم؟؟ ماعرفته خخخخ

الاغاني عباره امينه في امانيها وو يسوون لج جلوات

بعضهم ووو بعد صلوات على النبي محمد ووو

قصه الشموع حسب تحليلي :tongue: يعني الشموع تنور حياتج ويجيبون بعد

زعفران في مله صغيره وماى وتكون العروس متحنيه ووو اللى تجليها الملايه

تخلى العروس تلمس الزعفران فنن حلووو ,,, وعقب يخلون البنات اللى ما تزوجوا

يمسحون على راسها او شعورهم للبركه وعشان عقب يتزوجون لوووول :D

قمر طالع;9528720:
ما شاء الله تمشون بسرعه :)
مبروك على الجزء اليديد
بحط لكم جزء من مشترياتي قبل اسبوعين تقريبا

خذيت لي مفرش حق السرير






وخذيت لي فوط حق الحمام وانتو بكرامه مثل ذلين







وستاره لوها جذيه لان الكنب ابي احط لون ماروني






شرايكم؟؟

الباقي بعد بحط لكم بعدين

المفرش اى لون شرتين ؟؟؟

والستاره حلووووه اذ مثل اللون وبتخلينها ساده يعني؟؟

ولا فيها شغلات يعني لغرفه النوم ؟؟؟ ,,, وتتهنين فيهم يااااااارب:)

Stylish Girl;9528610:
بنات

باقي على عرسي شوي

واكتشفت اني ماصرفت وايد من المهر>>>> بخيله

خبركم استقليت فتره التخفيضات

واشريت كل شي وباقي تناتيش بس

ففكرت اني اشتري قميص نوم اول ليله من نعومي

لأن قبل كنت اقول انه غالي وجذي و كان حده عاجبني

بس الحين عندي ميزانيه حقه

وقلت هالشي يعني بيتم يعني مابقطه صح

تقترحون اشتريه و لا لا؟

شوفي اذ تقدرين تشترين من بره البحرين نعوووومي يعني الامارات او السعوديه

اللى عندهم حلوووو واحس راااااقي ,,,

واذ خاطرج يعني اشتريه حتى لو سعره فوق

وبيكون مميز وقماشه روووووعه:D ,,, وبتقدرين تلبسينه في ذكرى زواجك

يعني براااااي بتشترين شي يعجبج والواحده

اذ دش خاطرها شي تشتريه يعني :):)

اي بنات ابتدى السيل من امس مثل ماقلت لكم ...
لاسنزا ونعومي ... خذيتلي اول ليله من نعومي حده حلو وترى التخفيض عليه موب طبيعي :):)
شغلات لاسنزا من بجامات اعجبتني اكثر من نعومي.. في محل Oysho عنده بجامات رووووووعه بس انشالله يكون عندهم سيل ...

تخفيضاتهم قويه روحوا وخذوا لكم.. نعومي قالولي 3 ايام بس بس لاسنزا ماعرف لمتى وخاطري اعرف هل في سيل بشهر 7 او 6 او 8 ولا مافي ..

عطوني ويه محد جاوبني على سؤالي :(

صج من وين شؤيتوا طقم روب الحمام .. الي في نعومي حليو بس خاطري بواحد احلى ..
الي اتعرف اتخبرني..

نواااااااري;9529538:
مثل أسئلة عروس بالضبط..

ابي اسوي جلوة فخمه لأني ما بسوي حفلة زواج

ومو مقتنعه اسوي بس استشوار وميكب خفيف

يعني ابي شي راقي

شرايكم بالويفي؟؟؟؟

تهقون يعتفس من المشامر؟؟

الويفي يكون مثبت ولا يتغير ابداااا يا سويت وكنت اذ اروح اعراس البس شال

او عبايه ولا يتغير كلش ويعتمد على الويفي عند من بيكون وعاده مثبت بالسبراي

وثاااااابت ولا تحاتين هاى الاشياء سهله ترى والمكيب بعد ما يتغير وبالتوووووفيق :)

ايمانووو;9529399:
هاي
شخباركم؟
امس حنتني ام شهد قالت بتيي الساعه 8ونص يت 9 وكملت مني الساعه 12 ونص
ماشاء الله حنها وايد حلوو وغامج انه كنت خايفه ان ماينصبغ عدل لان سمعت حناها موغامج
ان شاء الله بحط لكن صورة ايدي اذا خطيبي رضى
باجر بجي الشيخ يا خذ مني الوكاله وعقب بروح صالون نور العين بحف

بالبركه خيووو وعقبال ما نشوف تجهيزاتج للخطوبه ووو موفقه:)

بيبي فيس84;9536863:
اي بنات ابتدى السيل من امس مثل ماقلت لكم ...
لاسنزا ونعومي ... خذيتلي اول ليله من نعومي حده حلو وترى التخفيض عليه موب طبيعي :):)
شغلات لاسنزا من بجامات اعجبتني اكثر من نعومي.. في محل Oysho عنده بجامات رووووووعه بس انشالله يكون عندهم سيل ...

تخفيضاتهم قويه روحوا وخذوا لكم.. نعومي قالولي 3 ايام بس بس لاسنزا ماعرف لمتى وخاطري اعرف هل في سيل بشهر 7 او 6 او 8 ولا مافي ..

عطوني ويه محد جاوبني على سؤالي :(

اختي جم تقريبا السيل؟؟

بحرينية قمر;9534305:

تسريحة وفاء مكي لووووووووووووووووووعة شنو ذي جبل الدخان فوق راسها :rolleyes: ؟؟
لو مخليته سيدة و مفلول أحلى بوايد من هالكورة اللي على راسها (n)..
كلش ما عجبتني تسريحات لطيفة (n) ..
و بوينت ثاني بعد عندي على صابرين و شريفة <<< يزعم الحين أحد بيعطيني ويه و بينتبه حق ملاحظاتي :tongue:.. خخخخخخخخ انا اشعلي بقول اللي بقلبي حق مصلحتهم يعني لووووووول :D
شريفة مكياجها وووايد حلووو و مرتب أنا تمكيجت عندها توني هالشهر و أقول يا ريييييييت ما حطت هالصور في النت خربت على روحها بروحها هي من قبل سمعتها اوكي و ميكبها الكل يشهد له بأن حلووو الحين يوم يات بتكحلها عمتها :ss: !!
الصور كلش ظالمة شغلها و انا لأني متعاملة معاها أعرف انها تسوي أحلى من المعروض في النت بوايد..
صابرين هم فنانة و لازم باحط عندها في المناسبة الياية بس بعد أحس انهم قاعدين يظلمون شغلهم اهي و شريفة لما يختارون ويوه كلش مب مالت مكياج يعني صراحة في عارضة تحلي المكياج و عارضة تجكر المكياج :ss:!!
مابي اذكر اسامي بس يعني واضح وضوح الشمس من اللي ويوههم تنفع للعرض و من لا !!
و بسسس كلمتين كانوا يقرقعون في قلبي حبيت اقوولهم (a)

نفس رايي بالضبط
وقلته في رد من قبل :tongue:

ع ذبة المشاعر;9534481:
حاليا افكر في الفوووشي او البصلي

بس خاطري في البصلي الزاهي مو الباااهت

بس لو حطيت بطانه بصلي اي لون بيكون الحزام ؟؟

البصلي بيكون حلو، حتى لو تخلين الشيفون بني على مارون خخخ ماعرف اوصف اللون
بس يعني انتي جربي اخذي الشيفون وحطيه على البطانات وجوفي أي أحلى وأزهى

الشيخة;9534949:
بنات العرس كان عائلي وحلوو
يعني ما في حد ما يعرف حد كلووا معارف

المهم الشي الي اتحفني مررررررره فستان العرووووووووس كان حده حده حلوووو
والظاهر انه مفصل برى البحرين
دانتيل وطبقات وشغلات يعني رهييييييب

التسريحة عادية والمكياج عادي والباقة عادية

وعجبني فستان اخت العروس تخيلته علي يطلع جنااااااااان خخخخخخخخ >> مصدقة روووحها هههههههههه
بس فعلا كان روووووعة والواناته مثل الوانات فستان عرس اخووي بس هذا من درجات اهدئ بكثير بكثير


وبس

هههههه جنج انا كله اتخيل انا لابستهم (a)
من الثقة الزايده الله يسلمج

ملكة الغروب;9536788:



تخلى العروس تلمس الزعفران فنن حلووو ,,, وعقب يخلون البنات اللى ما تزوجوا

يمسحون على راسها او شعورهم للبركه وعشان عقب يتزوجون لوووول :D

يعني نفس اللي يقطون باقة الورد واللي تلقفها تتزوج خخخخخ

صباح الخير عليكم جميعا

أنا اليوم مريييضة

خلصت سالفة عيوني وياتني انفلونزا شديدة

خطيبي يقول لي عين صايدتج واقري على روحج

كل ما اقول بطلع السوق امرض مرة ثانية كلش مو مفكرة اطلع السوق ومن تيي الفكرة سيدة بطلع قبل لا يصيدني شي :)

قوة بنات .. قاعده اركض وراكم ابي اقرا كل اللي فاتني من امس لي اليوم
وهاليومين الشغل لود وما عندي جانس ارد .. و ابي اسألكم بعد ما في مجال
مخي مخربط بمليون الف حاجة .. دعواتكم لي

صباح الخير عليكم جميعا

أنا اليوم مريييضة

خلصت سالفة عيوني وياتني انفلونزا شديدة

خطيبي يقول لي عين صايدتج واقري على روحج

كل ما اقول بطلع السوق امرض مرة ثانية كلش مو مفكرة اطلع السوق ومن تيي الفكرة سيدة بطلع قبل لا يصيدني شي :)

سلامااات كوكتيل ما تشوفين شر ..وصج دايما اقري على روحج المعوزات وامسحي على شعرج لي خلصتيهم
ويارب تتيسر امورج وتخلصين تجهيزاتج على الف خير

------------

اللي سألوا عن منى القطان اللي من جزيرة النبيه صالح .. وايد ثقيل شغلها لللي يحبون ميك اب ثقيل
وبس اكيد طبعا اذا تقولين لها تبين اخف بتسوي لكم .. بس شغلها بشكل عام حلو و في اللي احلى منها :)

------------

دوري اقول لكم اللحين شنو سويت البارحة ... هههه
رحت صالح زري اللي في مجمع يتيم .. عجبوني وايد اشياء عنده وفي الغالي و في اللي سعره زين وما ادري للحين بعد ما استقريت على شي
هالويكند باخذ امي وياي عشان تعطيني رايها واقرر قرار نهائي لان خلاص ما بقى وقت .. واذا افكر اخيطه لي على ذوقي لازم اخبرهم اللحين عشان يجهزونه لي لي وقت جلوتي

-----------

وبالنسبة حق اللي يتحجون على السيل في لاسنزا و نعومي .. شكثر السيل يعني وهل صار سعر طقم الروب وقميص النوم اللي حق ليلة العرس اوكي ولا هذيلا ما عليهم عرض كالعاده ؟؟!!

غربة الليل;9530360:

بنات حبيت اوريكم تصوير عجبني

وبوريكم الصور واحكموا عليها

هذا تصوير ام ملاك

اتمنى يعجبكم واللي تبي رقمها بدزها لها ع الخاص

هذا زوج ام ملاك شفت صورها حلوووين وراااااقين
ورواتني الفرق بين قبل الفوتوشوب
وعقب يعني شغلها حلوووو ورااااااااقي وتعاملها احلى صرااااااحه:D
وحجزتها حق ليله الملجه والحنه :):)

بيبي فيس84;9530935:
شخباركم بنات ..
هذي اول مشاركه لي :o

انا عرسي 17-10 وحدي محتارة بالجهاز موب عارفه جم اشتري قميص نوم اقصد العدد!!!!!!

ورانا اشياء وايد نشتريها..

سمعت نعومي ولاسنزا ابتدوا السيل من اليوم بس قالولي ل 3 ايام بس ..

احد عنده فكرة لمتى السيل ومتى تنصحوني اشتري وحتى الملابس اذا تعرفون اوقات السيل بلييييييييييييييييييز ضروري ابي اعرف ةقاعده افكر اروح الكويت اتشرى لانه ملابسهم حلوة وارخص من عندنا فانتوا شرايكم؟؟
شنو احسن طقم بودرة وعطر كريمات للجسم ؟
جم احد ميزانيه حق الثياب وحق الجلابيات والفساتين والمكياج والعطور افففففففف وايد اشياء:confused:

الميزانيه تعتمد من وين بتشرين والعدد ,,, يعني اذ زواج تشترين قمصان نوم

مثلا 5 وو اطقم ملابس داخليه يعني بعد 5 او اكثر وو ممكن يتغير جسمج عقب

ووو للثياب لا تشترين واجد ممكن الوحده تحمل وتخسرهم بناااااااات واجد خسروا

اولهم اختى الحين ثيابها ضيقين عليها صاروا ويا الحمل ومارجع جسمها مثل قبل !!!

والعطور بعد اشتري 3 عطور او اكثر حسب الميزانيه عربي وفرنسي وبخور:tongue: حلاته

والجلابيات يعتمد تلبسين انتى بلاساس ولا ؟؟؟ يعني اشتري 5 جلابيات

وحده فخمه واجد وو وحده حلوووه ورااقيه ووو 3 عاديين يعني ولازم تشترين جلابيه

خضرا للصباحيه بعد :) ,, المكيب اذ عندج يعني من قبل لاتشترين بس يلزمج

شدو الوانه حلوووه واراوج باليت الوان وردي

على بنفسجي والكحل تركواز او بنفسجي

الشوز اشتري واحد اسود وابيض واذ نعال الله يعزج 3 مثلا ,,,

شوز او صندل فلات اى لون

اطقم العطور عندج بودي شووووب الفرواله والمسك والفانيلا

ووو الرمان يعني انوااااااع طبي

وتخيري ,,, في الشايع فرع الجمعيه الاستهلاكيه العسكريه عطور عربيه حلوووه

وطقم فيه عطر ولوشن وزيت للجسم والشعر واسعار مناسبه جدااااا للعرايس

شريت لى عطرين بس حلوووين ولى عوده لهم :tongue: ,,, يعني المبلغ براحتج

يوصل الى الف دينار او اقل على حسب ميزانيتج او يوصل اكثر من الف دينار :):)

هذا زوج ام ملاك شفت صورها حلوووين وراااااقين
ورواتني الفرق بين قبل الفوتوشوب
وعقب يعني شغلها حلوووو ورااااااااقي وتعاملها احلى صرااااااحه:D
وحجزتها حق ليله الملجه والحنه :):)

هلاااا ملوووكه .. ومبرك عليج الحجز :) الحمدلله خلصتي شي من تجهيزاتج.. وانتي مثلي حجزت ام ملاك حث الحنة والجلوة وحق العرس بعد + سكوب
اتفقتي معاها على عدد الصور ؟؟ وبكم بتسويهم لج ؟؟

دهن العود;9531717:

حبيبتي أنا عن نفسي خذيت لي من السعودية واااااااااايد حلوين وكشخة

في محلات وااااااايد

متخصصه تبيع قمصان نوم عرايس

أنا خذته ب20 دينار بس اللي يشوفه يقول بواااايد أغلى

وحتى أختي تقول تعبت كل مرة تروح تتمشى بالمجمعات تدش تشوف

القمصان نوم بنعومي تقول ما قط شافت شي

حلو بحلاوة اللي بالسعودية

انتي بعد اذا خاطرج فيه أخذيه ولا تكسرين بخاطرج

وعليج بالعافية يالغلا

شنو اسامي المحلات ووو بالخبر ولا الدمام ؟؟؟ ما تقصرين اذ ردتي علي :D

سنفونية حب;9537257:
هلاااا ملوووكه .. ومبرك عليج الحجز :) الحمدلله خلصتي شي من تجهيزاتج.. وانتي مثلي حجزت ام ملاك حث الحنة والجلوة وحق العرس بعد + سكوب
اتفقتي معاها على عدد الصور ؟؟ وبكم بتسويهم لج ؟؟

هلاااااااا فيج سنفونيه ,,, الله يباااااااارك فيج ,,, الحمدلله

فعلا التصوير للخطوبه سكوب والملجه والحنه عند ام ملاك

سويت بدون لمت تصوير مفتوح يعني بشوف يمكن اطبع اكثر من 100 صوره :tongue:

خبرج البنات احنااااا موتنا شي اسمه تصوير وحركات لوووووول:D

وما حددنا السعر بس دفعت عربون

بنات اشلونكم عساكم طيبين

وحشتوني وايد

المهم كان النت او بالاحرى الكمبيوتر بكبرة خراب

المهم

انا رحت الزواج تبعنا الى كان في الريتز وراح اكتب لكم تقرير الزواج لاحقا الحين راح اتكلم عن روحي

المهم

انا لبست فستان اسود قصير الى الركبة وتحت الصدر شك كلش خفيف سلفر ولبست اكسسريز سلفر وجوتي سلفر وسويت شعري استشوار تايلندي وحطيت ميكب وردي ناعم وصرت كاني بيبي خخخ بس دبه ههههه المهم انا وايد عجبني والكل قال لي وايد صاير كيوت

المهم الزواج وايد وايد كان حلو راح اتكلم عنه بعدين



المهم عروض المصوره عزيزه







يبتدي من 20 دينار الى 500 دينار

طبعا ال 20 دينار بكون 5 صور و500 دينار بكون 90 صورة وفاتحين من الساعة 10 الصبح الى الساعة 10 في الليل وطبعا عدهم خدمة الذهاب الى الحفلات بس غالي وايد يعني من راي عن خاطركم روحوا سوا لكم 5 صورة ب 20 دينار


ملكة الغروب

اش صار وياش

سنفورة

شنو الاحبار

الشيخة


وحشششششششششششششششششششششتني


حصاصي

شنو اخر تطوراتش

الطويلة القصلة الدبة والضعيفة كل البنات اشلونكم بدون استثناء وحشتوني كل ابوكم


تحياتي


عروسوووو

أنا الشوق;9531873:

دهن العود
:o:o

ايه صج بنات
من جم يوم رحت ملجة وحده أعرفها
عجبني شعرها، كانت مسويته عند سلوى، عاد مادري من بالضبط اللي مسويه شعرها
وصبغتها بعد واايد حلوه
بس للأسف طلعت عند يسرى،، جان اتحطم خخخخخخخ لأن كلش كلش ماقدر اخاطر بشعري من عقب ماحترق (n)(n) وللحين خصل الهايلايت تتقطع لين امشط شعري :cry:

المهم، الحين أفكر أروح أصبغ الجذور
شرايكم أصبغ عند غصون ولا زمردة؟؟؟؟ ويصير أروح لهم أجوف الصبغ؟؟؟ آخذ فكره يعني :o

اقوووووول خلج بدون صبغ اخاف يطيح شعرج ويمكن معرس جاى بالطريق

يشوف شعر محترق لوووول:tongue: ,,, مو بعدله صبري شووووي وخله شعرج يطوووول

وعقب فكري تصبغينه احس شعرج معدوم مثل ما قالت ايفا لووووووووول (n)

حلم العذارى;9531904:


خلي قلبج أبيض مع كل الناس .. مهما كانت الخلافات

ويا حلاتها لين صرتي مع أهلج , سوء في الأحزان أو في الأفراح

هذي أخوج , وهذي خطيبته

وفي المستقبل بتجيب أولاد وإنتي عمتهم

صيري إنتي أحسن منها حتى لو ما جت إهي زواجج

سوي لج فستان كلش بسيط وعادي , أو أشتري

لأن في كلات الحالتين بتكونين عروس ويا حلاتج لا كشختي مب للناس بس .. حق ريلج بعد

وأكيد هي بتسويه في مكان شوي كبير مب في بيت

وحتى لو كانت أهلية وعائلية كلش ..

لبسي جلابية راهية جداً مالت معاريس ( سوي شعرج شسوار & فير - مكياج زاهي يناسب الجلابية )

أو لبسي فستان نعومي وقصته بسيطة كلش كلش .. وأشتغلي على التسريحة & المكياج

أنا أحب العروس الجديدة

إلي تستغل المناسبات إلي تصير عندها

لأن كشختج في النهاية بتكون حق زوجج وحقج .. مب حق أحد

*
*

السفرة ..,

أوردي إهي عمرة ما بتروحين شهر العسل مكان

ما بيضرج شي لو تآجلت ورحتي 2-8 مثلاً

لا تسوين مشاكل بينج وبين أحد .. وعلشان خاطر أخوج وأمج , مب علشان أحد

عجبني كلامج حلوووو عذوره ,,, وحتى عن التجهيز للزواج من ميكب وشعر:D

,,, مهما كاااااان الوحده تصير طيبه مع الكل ما بالج ويا زوجه

اخوها وعشان اخوج وامج واهلج لا يبان عليج شي ستايلش غيرل وكوني طيبوبه

وحبوبه وبتشوفين ان الكل يحبج وانتى عروووس بعد ,,, يعني خلج ركلاس وفكري

بنفسج كشختج وصيري فعلا عرووووووس سؤاء بفستان او جلابيه واذ حبيتي

حطي شي راااااااقي مو اقل من العروس :D الله يوفقج stylesh girl :)

بحرينية قمر;9534305:

تسريحة وفاء مكي لووووووووووووووووووعة شنو ذي جبل الدخان فوق راسها :rolleyes: ؟؟

لو مخليته سيدة و مفلول أحلى بوايد من هالكورة اللي على راسها (n)..
كلش ما عجبتني تسريحات لطيفة (n) ..

صح انا بعد ما عجبوني

ما احب التسريحات هلون

و مثل ما قلتي كأنها جبل فوق راسها

وبعدين من قدام مو لي هناك



حلو لما التسريحة تكون مرتبه والشغل حلو من جدام أهم شي
صح :wink:

واهي كلش ما تضبط جدام

يالله

أن شاء الله ربي يوفقها ومع البركتس أتوقع بتصير وايد أحسن

الشيخة;9534949:
بنات العرس كان عائلي وحلوو
يعني ما في حد ما يعرف حد كلووا معارف

المهم الشي الي اتحفني مررررررره فستان العرووووووووس كان حده حده حلوووو
والظاهر انه مفصل برى البحرين
دانتيل وطبقات وشغلات يعني رهييييييب

التسريحة عادية والمكياج عادي والباقة عادية

وعجبني فستان اخت العروس تخيلته علي يطلع جنااااااااان خخخخخخخخ >> مصدقة روووحها هههههههههه
بس فعلا كان روووووعة والواناته مثل الوانات فستان عرس اخووي بس هذا من درجات اهدئ بكثير بكثير


وبس

ههههههههههههههههههههههه

ياربي انا بعد هلون اذا عجبني الفستان أتخيل نفسي لابسته


ومشكورة يالغلا على التقرير

بس ما قلتي لنا شلون يعني فستان العروس من بره

يعني تتوقعين من السعودية مثلا

ولا بره بره

لبنان وهالسوالف
خخخخخخخخ
صج تحب السوالف

الوردة المستحية;9535626:

مرحبا

بصراحة مكياج صفية لايعلى عليه كلش روعة

وانا بالنسبة لي مااحب الا اتعامل معاها

والبنت الي لقيتينها هناك كانت خالتي صج كان روعة


عاد تصدقين قالت ليي انه في بنت شافتني وتحسبني عروس بس ماتوقعت انه البنت تكون وحدة من المنتدى:D

راح اوصل الى صفية مدحج لها عشان تهتم فيني:tongue:

وان شاءالله احنا يوم الجمعه راح نحط عندها لي عرس بنت خالي


تحياتي:)

هههههههههههههههههههههههههه


شفتي شلون الصدف سبحان الله


يالله سلمي على خالتج وايد وقولي لها عليج بالعافية

وأن شاء الله صفيه تبدع فيكم

ويطلع المكياج مثل ما تبون وأحلى
(y)(y)

حصاصي;9536248:


دهن العود
انتو بيتكم يم بيت رفيجتي يعني كلش عادي تكون جايفتني في فريجكم من قبل :D

شفتي شلون

:D:D

اصلا اذا ما تعرفيني أنا تعرفين وحدة من خواتي

لأن
عادة بنات الرفاع كلهم يعرفون بعض من المدارس

(y)

أنا كوكتيل عسل;9537059:
صباح الخير عليكم جميعا

أنا اليوم مريييضة

خلصت سالفة عيوني وياتني انفلونزا شديدة

خطيبي يقول لي عين صايدتج واقري على روحج

كل ما اقول بطلع السوق امرض مرة ثانية كلش مو مفكرة اطلع السوق ومن تيي الفكرة سيدة بطلع قبل لا يصيدني شي :)

لابأس طهور ان شاء الله ما تشوفين شر
ياقلبي

ومثل ما قالج خطيبج داومي على المعوذات
ولازم تقولين أذكار الصباح والمساء

لا تنسين


ربي يحفضج من كل شر أن شاء الله