حكه شديده ..!

مرحباا دكتورة , شحالج ..

يعطيج الف عافيه اول شي ..

مممم بدخل فالموضوع ..

انا حامل فالشهر التاسع ,, ومابقى شي عن الولادة .. لانهم عطوني تاريخ 29\5

بس يادكتورة من بداية التاسع تقريبا قمت احس بحكة فظيعه فمنطقة البطن تحت السره ,

وومنطقة الابطين ..

ولما سالت الدكتورة الي اتعالج عندها قالت عادي ,, وما اقدر اوصفلج دوا ..

استحملت بعد شاسوي ..

بس من اسبووع يتني حكه فظيييييييعه فجسمي كله

والله كلل جسمي يادكتورة يحكني بشكل فظييييييع ,, وما اقدر اقاوم ,, اتم احكه لين ما يحمر ومرات يطلع دم والله ...

موعدي الاسبوع الياي عند الدكتورة ,, بس ما اعتقد تعطيني دوا >< مادري حبطتني ..

ارجووج يادكتورة ابي حل والله مب قادرة اصبر ..

انا قالولي يمكن يخص الدم .. بس دمي اوكي .. واعاني من نقص الحديد فقط ..

دكتورة دخيلج ردي علي كرهت نفسي خلااص ><

ومشكورة مقدما ..