((الجزء 21 تجهيزات عرائس عمان العزّ))

دانوه
من احلى حفصة ولا مريم ؟
مريم يجي وحدها عندي البيت ؟
كم تاخذ مريم وحفصة ؟
هنا البنات مشتريات ب 45 ريال
اذا تريدي تتواصلي معاه الخميس الجاي ان شاء الله هو بيروح التنين
اريده يجيب لي مكواه البخار
تقصدي ليفة الكف من بودي شوب ؟
استخدمها ومااا استغنى عنها (y)
كل مرة اشتري لون :D
عمانية ذوق
ههههههههههههه :D
والله يخلي زوجي في المستقبل :o كان ما يقشر لي ظهري ويسلخ لي جلدي :eek:
كان ما أخشه هو في جهاز السونا :mad:
ناوية عليه نييييييييييية خاطري قبل الزفاف ينفرك بس ما يصير :ss:
بس عااااد ما قالوا شي ثاني عنك :mad: (6) :tongue:
لو تشوفي سريري أمي تكون مضيعة شي تجي تدور تقول من وين تو أحصله في ذي الكومة
هههههههههههههههههههههه :ss: :rolleyes: :D
برنسيس
الله يكون في عونك
برسل لك رقم خيام زهرة الروز وخيام الخليج

جاوا عندنا ضيوف
جيت أشوف اذا راحوا طليت من المطبخ إلا الرجال يفتح باب المجلس ويشوفني :rolleyes:
يبست مكااااااني :eek::eek::eek:
ببجامتي واقفة بدون شيلة شكلي هبلة :o
مسكين انحرج بسرعة سكر الباب و نزل راسه ، هذه ثاني مرة تصير معاي كذا قدام ضيوف الوالد :confused::confused::confused:

ابصراحة ابصراحة بثنتينهم حلوات بس حفصة حركات نقشها تعجبنى ستايلات حلوة مريم تشيليها وتجيبيها ماعندها سيارة بروح الاسبوع الجاي واشتري يمكت انا مالى غير او مافهمت العملة ترى شفى يوم يتكلمون الصينين كانهم ياكلون لبانة خخخخخخخخخش

مريم اذا تريدية مليان 40 ريال او 45 بس انا مارضت تاخذ من عندى حطيت لها 30ريال ايدى كانت مليانة بس رجولى لاة بس حلو جداااااااااااااا

ههههههههه حلوة لبانة
بنزل لك صورة جهازي
عيل احسن انتظر صور الحناء إلي بتنزليهم

مشكورة ع الرقم اميره ...
ولله اخاف يطلع كلامها صح!! ف الصور شييييي الخيم بس ف الطبيعه عاد الله يعييييييييييييييييين...
بيكووووووووووون خمجات ؟! مع انهن الليله بالف وشي وفي وحده ب 2300 تقريباً ...
وماحلوات !! ماقول شي ...

حفصة شاطرة وحلو جدا تو اصور اش ايدى امس متنقشة شى بسيط مريم نقشها روعة بس ماتصور

صور العروس الاسبوع الجاي بنزلهم

هلا بأحلى عرايس
مبروكين عالجزء الجديد(a)

دانة
ما شاء الله النقوش روووعة حبيت الحركات
تحمست اشوف بقية الصور

برنسيس
العرس إلي حضرته في الخيمة كان روووعة
بحاول اسأل من وين مسوتنه العروس
من ساعة خالتي متصلة تقول سووا خيمة
بس فوق راس من ننصبها
كلام سهل بس ماشي فعل

هلا عسولة ابوها
شو آخر المستجدات
الفستااااااااااان همي وهمك :(

خلاص اميرة اول ماتوصلنى صور برسل الصور وبخبرك وعاد شوفيهن

بخليكم بنات تصبحون على الطاعة

برنسس عمان خلي ملكه سمبل وفي بيت ... اتصدقي انا بنت خالي سوت ملكه فخمه ... وعرسها كان بعد ست شهو ر او اكثر اتصدقي كل ناس اللي بالعرس قالوا انها مش متغير معا انه عرسها كان بفتره من ملكه ..... سويها سمبل وفي العرس ابهريهم .... شكله ريلك مسافر يودع حياه العزبيه مساتنس ......... المهم انتي اهتمي بروحك وكثري الماي وفواكه وسلطات .... وانشالله تطلعي تهبلي بي ملكتك قولي امين

اميرة : اسالي وردي علي ...
الماس : انا بروحي متردده واجد :( ... ماعارفه اسوي ولالا ..!!؟ مشكلة امي تبا تسوي حق وملكة نفس اليوم ومجلس بيتنا كبير بس ما يشل معازيمنا كلهم بيكون ربشه وكل الناس فوق بعضهم وحر مع زحمه وبيجلسوا قريب مني ومنه مارييييييييد :( ..

لا يحليله يشتغل عشان وراه مصاريف لازم يضغط ع نفسه هالفترة ماتشوشيلي راسي لا اتصل اظاربه :(
عاد وحدنا ماناقصين من ضغوطات كل يومين نتظارب ع اتفه الاسباب ودقايق ونضحك .. الله يصبرنا من ذا قلق وتوتر الي عايشينة ... ع الاقل المستملكات مرتاحات
تنصحوني حفلة ملكة ولا شي سريع بالبيت ..!! رايكم بنات

ابوي محد مرتاااااااااح :confused:
على ايام الخطبة نفس حالتك احاتي الملكة وضرابة ليل نهار مع خطيبي وين نسوي الحفلة وكيف .... الخ
والحين استملكنا نحاتي الزفاف :(
انا كذا سويت حق و ملكة في نفس اليوم لأن بيتنا صغير اضطرينا نسوي في قاعة
وما شااااااااء الله الناس غطت القاعة وصلوا للباب
اول ما وصلت المواقف ما كنت مصدقة اقول تو هذا عرسي الناس جاية عشاني :eek:
وبعد في ناس نسينا نعزمهم وزعلوا من أمي وأمه :eek:
تو في الزفاف امي قالت ما بنعزم الكل بتكون بين المقربين والصديقات غابوا تو كل وحدة بعد العرس بتقول ليش ما عزمتيني وليش وليش :ss:
اذا حد عاتبني اقول سيروا تفاهموا مع أمي ما يخصني (6) :tongue:

من رأي سوي خيمة صغيرة في الحوش لا تسوي حفلة رااااااقية و فخمة كثير و سوي كوشة تقليدية
خلي الحركات والمفاجآت للزفاف إن شاء الله
متى ناوية الزفاف ؟

صباح الخير عرايس :)
ومبروك عليكم الجزء الجديد (f)(f)
والله يوفق العرايس اللي تزوجوا ويبارك لهم
ويسهل على العرايس اللي يتجهزوا

حبيت اشارككم في التجهيزات وان شاء الله ما بقصر معاكم قي شي :D

بالنسبة عن اللي سالت عن لبس ام العروس وام المعرس
انا عرس اختي كان العام الماضي في فندق الفلج
وكانت امي لابسه جلابيه كلها تطريز و شك من الامارات ولحاف ساده

اميره الله يعينك ويسهل عليك في التجهيزات

بالنسبه لطبخ علي ثاني مره رحنا عرس كان في الجمعيه و مسوين بوفيه
وكان الاكل من عنده حلو ..
وبعد مره كنا رايحين حول حول لنفس العائله وكان نفس الشي الاكل من عنده ولذيذ

نحن فعرس اختي سوينا بوفيه في مطعم زنجباري في الحيل الشماليه
وكان اكله روعه و اغلب المعازيم مدحوا الاكل (y)(y)
بس للأسف نحن ما اكلنا لاننا ما فاضينا حتى ناكل :(


وهذا اللي عندي للحين واذا لقيت شي بقولكم عنه

نصيحه متزوجه سوي سيمبل عشان تبهريهم بالعرس وايد اعرف ناس سوا الملكه في البيت وعزموا مقربين ..... واذا على الامهات هذا شي عادي انا امي وام زوجي كان العرس الف شخص تقريبا الكراسي كلها فل وبعدو ما ساد ام زوجي ولا امي ....... وبالفعل في ناس ناسوا يعزمهم ..... واذا على ضاربه عادي اتصير .... انا نفس الشي قبل الملكه والعرس كل يومين ضرابه على اتفه الاشياء تحصل ما تفكروا ..... انا اتذكر كنت مره مثل الفلفل احر الايام حتى امي واختي اللي اكبر مني كنت اشوط عليهم .....

عاشقة المستحيل
آمين يا رب ربي يجزاك خير :)
لا نكون نعرف بعض :wink:
في الجمعية تقصدي حفلة العروستين ؟
يا ريت تفاصيل اكثر عن المطعم وسعره ؟

الماس
ههههههه انا محد تحمل عصبيتي كثر زوجي وامي وخالتي
محد كان يقدر يقول لي شي الا واصرخ وابكي :ss:

دانة مسقط
هذا جهاز حمام السونا من التنين
محلات اسمه :tongue:

انتي هناااااا اميرة ....
ما متحدده الملكه بيتحدد العرس ههههه بعدنا ابوي ادعيلنا ربنا يسهل بعده المساله فيها تعقيدات شكلها... ياويل حالنا ..
اميرة:شكله يخوف هذا ..؟؟ كاني باغيه انتحر اخاف ادخله لووول كيف طريقة الاستخدام؟؟يصير ما اعرض وجهي يعني ماريد جهازي التنفسي يتأثر فيه ..وحدي ما انزاد :(...
الماس:مشكلة البيت يكونوا الناس فوق بعضهم وتحتي انا وهوه وماحابين هالشي .. لو في خيمه مشغولات برقصهن واكلهن وربشتهن ع الاقل بكون بعيده ... ومن ناحية التغير ما بحطط واجد ميكب...وبلبس تقليديي وبعدين فستان طبعاً ف بيبان فرق ...

اميرة ف فترة ملكتك ما حسيتي انك شايله كل شي فوق راسك ..؟؟
ماعرف ليش هالفترة تعقيدات ومشاكل ونفس الوقت حلوة تمر الايام مرة كذا ومرة كذا ...

من نقشك ف الملكة اميرة وحلو؟؟ اريد حد ف البيت ينقش... مشكلللللللللللت حفصه ما تجي ولا حناها للحين ماشفت مثله ماشاء الله ماشاء الله .. رووووووعه..وحبوبة البنت وكلها ثقه بحناها

ايوا هنا ما يجيني نوم من التفكير :confused:
ههههههه يخوف شكله بعد ما تنفخيه ،،، راسك بيكون برع بس جسمك داخل :tongue:
سالفتي سالفة ايام الملكة :

انا البكر وكل ترتيبات العرس كانت علي وتجهيزات وحجوزات أمي واخواتي وخالاتي
اراكض للصالونات احجز لهم وملابسهم و ربشتهم :(
وانا ما مخلصة نفسي ولا عندي ملابس :ss:
طول الليل اسهر اشتغل على التوزيعات
فوق هذا مشاكل وعصبية كل شي فوق راسي
وكثيررررر كنا محتارين نسوي الحفلة في البيت ولا قاعة تمينا فترررة محتارين
فجأة مرينا جنب محل كوش قلت خليني ادخل اشوف من باب الفضول عجبتني كوشة قلت لأمي خلاص بسوي في قاعة وحجزت :ss:
عاد كلهم ارتبشوا على اساس الحفلة خلاص في قاعة
في آخر الايام قمت الصيح من الضغط آخر شي صرخت قلت خلااااص ما اريد اتزوج
أمي كذا شكلها بس تطالع فيني ما تقدر تهديني :eek::eek::eek::rolleyes:
آخر شي زوجي سوى لي مفاجأة راح شرى لي اللبسة
تضارب بكيت كيف يختار على ذوقه انا إلي بلبس وهذا عرسي ما أي حفلة :mad:
سويتها ساااالفة لما رحت شفت اللبسة اقتنعت فيها :o مع إن خاطري في شي أفخم
بخصوص الحناء جات رشا الرئيسي عندي البيت ما ارتحت لأسلوبها كنت حاجزة لي ولأمي بسبب حركة سوتها أمي رفضت تتنقش عندها طلعت أمي من البيت معصبة :ss:
جلست أحاتي امي قلت لاااااازم تتنقش
بصراحة ما عجبني حناي ولا أمي عجبها (n)
آخر شي اختي نقشت أمي الحمد لله طلع مرتب (y)
يوم الحفلة نمت الفجر تقريبا ساعة 3 :eek:
وصحيت تقريبا 9 بسرعة بسرعة لميت الاغراض اخذتهم للقاعة لما شفت الكوشة
حسيت كأن حد رشني بماي ساااخن :eek::eek::eek:
الدمعة في عيني قلت مستحيل ادخل القاعة بهذه الكوشة :confused: :mad:
تضاربت مع الهنود تم الوالد و زوجي يهدوني :(
بس الحمد لله طلعت حلوة مع الليزر (y)
رجعت البيت تغديت على السرررررريييع ورتبت الذهب والاغراض إلي لازم اهلي ياخذونهم للقاعة
كلهم راحوا للصالونات تميت وحدي في البيت :confused:
بسرعة تسبحت لميت اغراضي رحت الصالون كلهم خلصوا خلوني وحدي في الصالون ولا حد اتصل يسأل عني :mad::mad::mad:
جات بنت عمي اخذتني رحت البيت بسرررررررعة لبست وعلى اعصابي
بعدها رحت محل دار الاسيل لبسوني الصوري
وصلنا القاعة تذكرت إني ما حاطة مناكير :ss:
بسرعة جات صديقتي سوت لي :tongue:
دخلت الغرفة تذكرت لا متعطرة ولا متبخرة :confused:
بس كنت مبخرة ملابسي من كم يوم
زين صاحبتي كانت جايبة دهن عود دهنت ملابسي
جلسوا صاحباتي معاي احساسي كان بااااااارد ما كنت مستوعبة هذا عرسي
واطل من ورى الستارة اشوف اوضاع القاعة :tongue:
تميت اقرأ على نفسي واستغفر وادعي ربي يسهل علي
جاوا بلغوني إن المصورة بتروح على اساس إنه دي جي اسلامي بس انا ضحكت عليها وجبت اغاني قالت فلوسي ما بترجع لي قلت وش على كيفها هذا اسلامي روحوا فهموها :mad::mad::mad:
الحمد لله خالتي طلعت تعرف المصورة راحوا فهموها هذه ايقاعات مش موسيقى
فاقتنعت :mad:
في حاجات اهلي نسوا يسووها تميت في الغرفة اصارخ سوا هذا جيبوا هذا
على كثر ما وصيتهم بس ماشي فايدة :(
فجأة جاني دوااار قوي وعرقت ودقات قلبي زادت و بغيت أطيح :confused:
بسرعة جابوا لي أكل واكلت
من ساعة 9 وانا انتظر داخل ساعة 11 زفوني ،،، تأخروا بسبب الحق :mad:
اول ما خالتي قالت وسعوا المكان عروستنا الحلوة :o
بتدخل قلبي
دق دق دق دق :confused:
ما رمت اشيل رجلي من الخوف خذيت نفس عمييييييييق قلت يصير الي يصير
بسسسسسسسم الله ودخلت :D
ودخلت اول ما نزلت من الدرج مسكت يد بنت عمتي بغيت اطيح على وجهي من كثر ما رجلي كانت ترجف ههههههههه
مشيت وانا ابتسم اصلا ما كنت اشوف على حد بس اوزع ابتسامات :tongue:
اول ما عيني جات على عمانية ذوق كششششخت نسيت نفسي تميت امشي واشوف عليها فرحااانة وحدة من بنات التجهيزات موجودة ههههه :D:D:D
كلهم كانوا على اعصابهم عن اطيح لأن رجلي كانت كثير ترجف
وحدة من خالاتي طلعت من القاعة ما بغت تشوف المنظر و أنا أطيح >>> تتفاول علي :ss:

لما جلست المصورة قالت بسرعة اصورك اريد أروح :eek: وقالت كنت افكر زفاف ليش ما قلتوا ملكة
وانت وش يخصك ملكة ولا زفاف عليك تصوري وبس :mad::mad::mad:

بصراحة نص الحفلة كنت على اعصابي ومتوترة ما حسيت بإلي داير حولي اول ما هدت اعصابي قلت اشوف احوال الحفلة اشوف القاعة فااااضية قلت لزوجي وين راحوا الناااااااس :eek:

عرفت وش صار في الحفلة من خلال الصور وتصوير الفيديو وكلام الناس عن العرس :(
إنه ما شاء الله كانت مرتب و أول مرة يشوفوا حفلة حق وملكة كذا حلوة :o
اكثر شي قهررررررني أهلي نسوا يوزعوا التوزيعات في آخر الحفلة تذكروا تموا يوزعوا على الحريم الباقيات وانا ايام جالسة عليهم إلى ما انكسر ظهري :mad:

بصراحة عشت أسووووء أيام حياتي ، كرهت شي اسمه زواج تمنيت أفسخ الخطبة (n)
فوق هذا تميت سنة مخطوبة نفسيتي كانت دااااااااون من الإنتظار وين ما أروح يسألوا متى العرس :mad:
بس الحين لما اتذكر أحسها من أحلى أيامي وأضحك على تصرفاتي وقتها
:)
الحين الأيام جالسة تنعاد مرة للزفاف :confused:


قلت أفش إلي في خاطري متضاااااااايقة والسموحة :(

و أهم شششششي وصيت أكثر من وحدة تصورني وقت ما ادخل
بس ولااااااا وحدة صورتني و أنا داخلة :ss:
و أنا ماشية أدور على أي وحدة ماسكة كاميرا تصور بس كلهم واقفات يطالعوا فيني :ss:
كان خاطري أشر على وحدة فيهم تصورني :mad:
بس خالتي صورتني و أنا واقفة على الكوشة مقطع صغيررررر :(
صورت زوجي و هو داخل من البدااااااية للنهاية
و أنا نسوووووووني :confused:
بعد ما ينلاموا لما دخلت كل وحدة جالسة تمسح دموعها وتحاتي ميكاجها ههههههههه :tongue:

من الأساس ما أحب اعتمد على حد في شي متعودة اخلص اموري بنفسي بس الحين اخذتها دررررررس :(
تو أفكر في الزفاف شكلي بسويها بروح القاعة اتابع الترتيبات بنفسي :ss:

حاولي قد ما تقدري تهدي أعصابك وتستغفري و تعيشين كل لحظة وتستمعي فيها :15:
هذه أيام ما ترجع أنا قضيتها في الصريخ و البكي (n)

بس تعبت انقل الميكرفون لك :tongue: