تجهيزات احلي عرايس في الدنيا الجزء 131 عرايس مصر القمرات و يا رب نتهني كلنا أميييييين

huda_mm;9561846:
بنات عايزة رايكم بجد
انا ناوية اعمل فرح بسيط وطبيعي لما اروح البيت هدخل اتوضا وكل الميكب هيروح
فهل اقدر اعمل ميكب بسيط قوي مش بتاع عروسة يعني لكن حاجة هادية وخفيفة ولا كده يبقي غلط
واهتم اني اعمل حاجة في شعري لان دي مش هتبوظ يعني
بس انا بفكر ان كل الميكب هيروح اول اما اتوضا فهل فيه حل او حاجة بتفضل ثابته بعد الوضوء
لان اللي يهمني فعلا ان الميكب وشكلي يبقي حلو لزوجي مش مهم قوي بالنسبة لي الناس لاني كمان عمري ماحطيت ميكب قدام الناس غير في خطوبتي وكان بسيط جدا
عايزة رايكم بجد يابنات
وياريت كلنا ندعي لاختنا اللي فارحها النهاردة واحننا بنصلي العصر
ان ربنا يسعدها ويجعلها من زوجها قرة عين ويرزقها بالذرية الصالحة

أنا رأيي مكياجك حتى لو هيكون بسيط اعمليه عند حد متخصص أحسن و اطلبي انه يكون بسيط
بيكون ليهم نظرة برضه و الشكل الاخير بيفرق
أنتي عروسة حتى لو الفرح ساعة واحدة لازم تكوني متميزة
و شعرك كمان لو عملتيه سشوار مثلا او حاجة مش هايبوظ باذن لله بالعكس هايبقى جميل
ربنا يوفقك

huda_mm;9563148:
يا جماعة هيه اطقم الاندرات والبراهات المدلعةدي اشتريها منين واسعارها ايه

من محلات اللانجيرى انا كنت جايبه واحد كريستال ب 25 جنيه

nonastar;9540823:
[QUOTE=اشرى;9532765][QUOTE=شيك SHIKO و;9532472]بيتعمل عادى يا قمر وبيفضل كده مش بتشليه ساعه الاستخدام ولا حاجه هو توصيلته بيتركب وبيشتغل عادى وهو فى مكانه وفى بنوته هنا معانا عامله مطبخها كده وفرجتنا على الصور هو المطبخ احمر لو كنتى متبعانا من فتره كان محطوط


بصى فى بنوته معانا هنا عامله مطبخها ومقفله فوق البوتجاز ومش عامله مدخنه بس قالت ان الراجل عاملها تحت التقفيله دى من عند البوتجاز جرار الومينوم كده بتشيوا وتنظفوا كل فتره ومش باين خالص فى الصور وهى ورتنا الصور ومش باين خالص

طب ممكن تقوليلى انهى جزء وياريت رقم الصفحة او لو تبعتيلى الصورة ياريت

كنت هارد عليكى بس البنات ردوا خلاص:)

طيب مفيش حاجه تانى جنبه تميزه غير القار ده
اصل انا امبارح كنت فى الهرم وشفته وكان نفسى انزله موت بس اخويا مرديش يوقف العربيه وينزلنا عاااااااااااااااااااا
ولو ممكن لو ليه فروع تانى اقرب قوليلى

نونا ستار

البنات اللي ردو عليا ربنا يكرمكم كلكم بنت بنت
وانانسه ربنا يباركلك
وان شاء الله ربنا يوفقني في ميعاد فرح كويس
رولا من اهم اسباب تشقق القدمين لبس الشباشب في الشارع او السابوهات
البنوته اللي بتسأل اباليك واللا اباجورات طويله الشكل اللي حاطاهولك احلي انا جبت منه
وهو توزيع الاضاءه بتاعته احلي وبيوسع المكان

dando adel;9560954:
على فكرة محدش رد على فى موضوع حنة الفرد:confused:

حببيتى اى حاجة فرد ابعدى عنها الحاجة الوحيدة الكويسة يه الكيراتين

Botee;9561060:
(y)(y)(y)(y)
انا معاكى بردوا
وووووووووووووو علشان المخالفه
لما رحت اجرت الفستان طلبت من الناس اللى هناك كم تل علشان مش حابه البس بدى المهم لبست الكم بس البادى باين من تحته كأنه مش لابسه كم ولا حاجه
بفكر اعمل توب ستان بكم البسه بدال البادى
ايه رأيكم؟

لو فستانك فيه ستان يبقى اعمليه كا بولرو اشيك

ghodghod;9561169:
يا بنات عدلونى فى اللىسته انا ان شاء الله كتب كتابى و دخلتى هىكونوا يوم 7/8/2009 هيكون يوم الجمعة الساعة 12 بليل ايه رأيكم فى الميعاد دة ؟؟؟؟؟

حاعدلك ياقمر حالا وكده ميعاد متاخرة يعنى حيبقى 8 /8 هههه
ربنا يسعدك ياقمر

مريم ءادم;9561294:
بنات محتاسه فى حاجه عبيطه جدا
اجيب منين البوم صور فى اسكندريه؟

لا دى كتير فى شارع المطابع عند كمال سعد وفي اى ستوديو زى كودك عنده فى محطة الرمل شارع كينسية الاقباط
وكما فيه محل عنده تشيكلة حلوة وبروايز كمان عند محطة ترام جليم

مريم ءادم;9561337:
شكرا ياقمر على الرد الجميل والصوره متحرمش منك
طيب انت جربتيه وجاب نتيجه معاكى؟

هو الاوكازيون على اللبس بيبتدى امتى؟

الاوكازيون اعتقد على نص يوليو

Botee;9550682:
ما شاء الله
مبروكين عليكى يا حبيبتى
هوا الطبق المربع ده بتاع ايه؟؟؟
الباسكت ليها غطا؟؟

بصي انا مش عارفة تقصدي انهي واحد، لو الاورانج دة سبت غسيل والبينك دي كروانة لغسيل اي حاجة بس انا صراحة جايباها بنيه اني اعمل فيها حمام لرجلي:wink::wink:

مريم ءادم;9551433:
بنات قولولى ايه رايكم فى طريقه تركيب الباركيه انهى احلى المثلثات ولا بالطول









وانا جايبه سيراميك شرايط باركيه اعمل بقى السكلو ازاى وينفع معملش انا مش عيزه اعمل اصلا سكلو

الاولاني ابسط بس التاني مفتكس كدة:D

MANNOSH;9552051:
REDFLOWER
ازيك يا جميل انا كمان سمعت عن مريانا دي انها تحفة جدا
بس برضو سمعت انها نااااااااار جدا جدا ههههههه
ولو عرفت عنها اي معلومات حقولك ياقمر
وبالنسبة لوليد جيجي ايناس اللي عنده كويسة
وامة الرحمن برضو بتشكر في مدام صفاء اللي عند طارق
بس الملاحظ ان الباكيدج بتاعتهم كلهم وش وحواجب ومانيكير وباديكير
وشعر وطرحة وميكب مفيش ماسكات ولا حاجة
وانا كمان عايزة الشماعة بتاعة الطرح دي لما ابقى انزل المنشية ان شاء الله اشوفها
اه بصي الانرات القطن في منها اشكال لذيذة اوي وكتكوتة كدة في محل في سان اشتفانو مول
اسمه كوتون او حاجو كدة هو بيبيع براهات ولانجيري وكدة بس وحاجات قطن
حبقى اتأكد من الاسم واقولك
امة الرحمن مبروووك على الحاجات الجميلة لية نزلة ف فتح الله ان شاء الله
مع اته جمبي بس مكسلة
دندوووونة كل سنة وانتي طيبة وان شاء الله السنة الجاية تحتفلي بيه مع زوجك
حبيبة حبيبيك طبععععععععععا انزلي حالا شوفي القاعات
ضروري وربنا يوفقك ويجمعكما على خير باذن الله

ميرسي يا جميلة فعلا لازم تنزلي عشان حاجته حلوة اوي
قوليلي بقى محل الحاجات القطن دة اسمه ايه بالظبط وفي الدور الكام واسعااااره زي باقي سان استيفانو ولا ايه ؟ (f)(f)

MANNOSH;9552624:
يا بناااات اخر كلاام مين احسن حد يعمل صبغة في اسكندرية؟؟
وانا عندي بيبي ليس تفتكرو اعمل شعري فرد قبل الجواز؟
ولا اعتد بس على البيبي ليس
يعني حيبقى في وقت يوميا اني اعمل شعري وانا واقفة كدة بعد الحمام ولا ايه؟
ولا اعمل فرد او كيراتين عشان الفترة الاولانية وابقى براحتي.؟

قوليلي يا منوش ايه الموديل اللي عندك و نوع شعرك وايه رايك في البيبي ليس معاكي

fragole;9552792:
شوفي ياجميل انا رأيي ممكن تخلي النوم لون PINK لأن اللون ده بيبقى هادي و رومانسي أوي أما الريسيبشن ممكن أوف وايت علشان يديلك ايحاء بالوسع. ده رأيي لكن ذوقك انتي ورأيك مهم

لو عندك صور لاوض بالالوان دي ياريت تنزليهم بلييييييييز

مريم ءادم;9561294:
بنات محتاسه فى حاجه عبيطه جدا
اجيب منين البوم صور فى اسكندريه؟

انزلي المنشية عند كمال سعد او من اي استوديو او ممكن في الفا ماركت كمان جرين بلازا

سلاااااااااام علييييييييكم

ازييييييييكم يابنات

انا شبكتى يوم 14/8 ان شاء الله

حجزت القاعه خلاص بس امتى احجز الكوافير والفستان

من دلوقتى ولا لسه بدرى؟؟؟؟

د فلاورز
ممكن تنزلي تلفي دلوقت كدا بحيث انك تاخدي فكرة
انتي سنة سادسة صح؟؟؟ يعني المفروض اليومين دول فاضيين شوية :)

بصوا انا النهاردة جيبالكم صور شغل جيلان عاطف وبالاخص الصور لدندونة وبس لانها كانت عايزة تشوف شغلها هى بتروح اى مكان بس مش عارفة والله السعر انا معايا رقم التليفون للى عايزة










ودى صور السواية والخطوبة والمناسبات العادية



يلا اللى يستفيد اى حاجة يدعيلى ان ربنا ينجحنى السنة دى واخد الليسانس واخلص بقى
ومتنسوش التقييم

kitty_kity;9563663:
د فلاورز
ممكن تنزلي تلفي دلوقت كدا بحيث انك تاخدي فكرة
انتي سنة سادسة صح؟؟؟ يعني المفروض اليومين دول فاضيين شوية :)

ازيك ياكيتى :):)

اه انا فى 6 وفاضيييييين خالص امتحاناتى لسه فى اخر 11

بس مش عارفه انزل الف من دلوقتى ولا كده بدرى

والكوافير كمان انا عارفه هروح لمين بس برضه مش عارفه احجز امتى عشان شهر 8 كله افراح وكده

http://forums.3roos.com/t458553.html#post9563542

الخطوات دي بتنفذها اي بنت كبيرة او صغيرة و اي بشرة من جافة لعادية الى مركبة و حتى الدهنية

ودي خطوات يومية للعناية بالبشرة _ مع مراعاة ان كل امرأه تستخدم ما يناسب نوع بشرتها لكن الخطوات واحدة وهي ::::

1- الغسول اليومي : وده بيكون غسول في الغالب سائل و يستخدم بحركات دائرية على البشرة مع تجنب منطقة العين و يشطف بالماء و فايدتة انة بينظف البشرة بعمق و يفتح مسامها لتتنفس بطريقة صحيحة

2- التونيك : يستخدم التونيك بقطنة على الوجة وبرفق ايضا في حركات دائرية على الوجة و على الرقبة من اسفل الى اعلى و فائدتة انة يسد المسام بعد ان يفتحها الغسول فهو سائل قابض للمسام و مهم جدااااااااااا و يمكنك استبدال التونيك بماء الورد فلة نفس التاثير

3- الكريم المرطب : وهو الخطوة الثالثة فبعد ان يجف التونيك على البشرة توضع طبقة خفيفة من الكريم المرطب و تدلك على كامل البشرة برفق ايضا في حركات دائرية

4- كريم العين : وهو من اهم خطوات العناية بمنطقة حول العين فهذه المنطقة سمك الجلد فيهما ارق اربع مرات من باقي البشرة كما انها خالية من الغدد الدهنيو التي تمد البشرة بالدهون ويتم وضع كريم العين بطريقة دائرية من اسفل العين من الخارج الى الداخل عكس اتجاه الخطوط ومن الجفن العلوي من الداخل الى الخارج بطريقة الطبطبة
يمكنك وضع كريم العين اكثر من مرة يوميا حسب احتياج بشرتك

ياااااااااااااااااا جمااااااااااااااعه ده ماسك هايل لكل انواع البشرة ::::::::::::
::::::::::::::::::::::::::::::::::::::::::::::::::::::::::::::::::::::::::


*ماسك لنضارة البشرة ( لجميع أنواع البشرة ) :

2 ملعقة صغيرة زبادي + 2 ملعقة برتقال + 1 ملعقة زيت لوز حلو
امزجي مكونات الماسك جيدا ، ضعية على وجة مغسول لمده 20 دقيقة ثم اشطفي وجهك بماء فاتر
ولهذا القناع العديد من الفوائد حيث يحتوي على الزبادي و الذي يعمل على تلطيف البشرة وجعلها ناعمة ، كما يخفف البقع الناتجة عن الشمس ، كما ان البرتقال و الذي يحتوي على فيتامين ( سي )
يخفف من حدة التجاعيد , و أخيرا زيت اللوز الحلو و مالة من تأثير مغذي و مرطب للبشرة و امدادها بالنضارة المطلوبة

*حمام ملكي بروائح الورد:

هذ1الحمام من خبيرة بالحمام المغربي والملكي والايراني ....

يستخدم هذا الحمام عادة للعرائس والوالدات بعد الاربعين وللمناسبات حيث يعطي نعومة ورائحة وصفاءتام للبشرة

خطوات تطبيق الحمام الملكي
1-الجلوس في البخارلمدة30دقيقة .

2- يدهن الجسم بالصابون المغربي لمدة 30 دقيقة

4- يفرك الجسم بالليفة المغربية بعد نقعها بالماء الساخن ثم يشطف الجسم

بالماء ثم يوضع كريم السنفرةويدلك لمدة ربع ساعة..

5-لمن تريد تفتيح البشرة (عدة حبات من الليمون يخلط مع حل التفاح وقليل من الصابون السائل) يوضع على الجسم لمدة ربع ساعة
6-نضع ماسك الطين لمدة ربع ساعة(الماسك متوفر لدي محلات بودي شوب)

الشطف النهائي (لترماء مع تولة دهن الورد ودهن فواح من اجمل ) يشطف بها الجسم مع تدليك بسيط وستضل الرائحة لمدة ثلاث ايام

7-أخيراًشطف سريع للجسم بالماء البارد لغلق مسام الجسم

kitty_kity;9560222:
المتر الي ب5 او 4 ده متر القماش نفسه يعني انتي مثلا جايبه للستارة 20 متر قماش يحسبلك المتر ب5 خياطة
انما الي ب30 ده متر الحيطه يعني مثلا الستارة 5 متر يبقى المتر منهم بتلاتين

جبتي فستانك منين وبكام ياقمر :)

حبى انا جيبتة من المحل الى البنوتة قالت علية بتاع الوكالة

وقالت ب750 وجيبتة ب 450 :o بس بجد شغل الجيبونة جميل وعايز تعديلات خفيفة ويابلاش

بتمن ربع ايجار لفستان عادى

بس اخلص التعديلات علية وبوريهولكم

وياريت تفتونى بموضوع الجيبونة

rola_86;9560354:

جزاكي الله كل خير ياميرو ربنا يااااااارب يتمملك بخير ويهديلك الحال انتي وزوجك ويهنيكي ويسعدك ويرزقك بالزريه الصالحه اللهم امين يارب

بنات بجد انا عندي مشكله تعباني نفسيا اوي وبقالي كام يوم تعبانه وخايفه موووووووت

بصو انا مولوده بصباع زياده في ايدي الشمال الحمد لله علي كل شيء هو لازق في نص الصباع الصغير مدور كده ومفيهوش عظام خالص حلقه مدوره المهم فرحي ان شاء الله في شهر 10 وباذن الله لوجيت البس الدبله في ايدي الشمال هايبقي شكلها مش حلو ده غير التعليقات ماشيلتيهوش ليه ماعملتيهوش ليه والكلام ده خطيبي بيقولي عادي والله ومش باخد بالي المهم يعني انا فضلت ادور في النت علي فتوي تحرم اني اشيله عشان ابقي ارتحت واللي يسالني ااقوله حرام ومنها اخد ثواب المهم كله بيحلل سالت صاحبتي في رابعه صيدله قالتلي خدي بالك دي قريبه من نهايه العصب اللي في ايدك الشمال يعني اي لمسه تروحي بلاش وايدك كلها تقف :(:(:(:( ماماا نفسها اشيلها اوي وبتقولي تعالي نروح مستشفيات الجيش امان ونظيفه بابا كان عميد في الدفاع الجوي وبتقولي نروح مستشفي غمره مش هياخدو فلوس محدش سمع عن المستشفي دي لانها خلفت اخويا الصغير من 14 سنه فيها وهي كانت تعبانه اوي وجالها نزيف حاد وانقذوها هناك بتقولي دي حلوه حد سمع عنها ومحدش يعرف مواعيدها معلش يابنات انا قرفاكو من الصبح دي 3 مشكله عندي بس بجد نفسيتي في الارض وحاسه اني مخنوقه اوي وخايفه ان لا قدر الله ممكن ايدي تقف ويدل ماتجوز اعيش طول حياتي بندم علي الخطوه دي بجد يابنات معلش انتو عارفين ماليش بعد ربنا غيركو وبجد مخنوقه وعيني وارمه من كتر العياط

رولا يا قلبى مش تدايقى نفسك ياقمر

بجد لو الموضوع مش مزهقك او مش ماثر على شغلك وخطيبك راضى بيكى كدة مالكدعوة بتعليقات الناس

وهماكدة كدة بيتكلمو

بصى انا عاملة زيك وخايفة كتير من لحظة تبديل الدبل

لان بردو عندى صبعى بقى الى بايدى الشمال اتقطعت منة عقلة وانا عندى سنة كنت بلعب بابواب المطبخ وقفل على صبعى

وطلع فوق الحتة المقطوعة ضوفر واتنى على الم وشكلة بقى غريب شوي

وقالو لما اوصل لسن كبير هيعملو عملية تجميل بس انااتعودت علية خالص

ومش مازمنى وكل الى بيعرفونى وهيحضرو الفرح بردو عارفين صباعى يعنى مش هرمية بعيد واتبرى منة

صدقينى لو نفسيا قدرتى تتغلبى عن الموضوع دة يبقى بلاها عمليات وقلق

العملية مههما كانت سهولتها بيفضل الواحد يتشاهد على نفسة لحد ما يطلع سليم

وربنا يفرجها معاكى وروقى كدة بطلى عياط



-----------

بجد يا ولاداوكازيون اية الى بنص يوليو دة ؟؟؟متاكدين من الموضوع دة؟؟

مش الاوكازيون بيكون باخر الصيف؟

بالله عليكم ردوو بالنقطة دىضرورى

Dr.Flowers;9563638:
سلاااااااااام علييييييييكم

ازييييييييكم يابنات

انا شبكتى يوم 14/8 ان شاء الله

حجزت القاعه خلاص بس امتى احجز الكوافير والفستان

من دلوقتى ولا لسه بدرى؟؟؟؟

مبروك ياقمر بس لسه بدرى على الكوافير والفستان الشهر الجاى حتلاقى موديلات جديدة لفستايتن والكوافير ده قبل الخطوبة باسبوع

dinaaaa;9563797:

:8875::8875::8875:ازيكم يا بنانيت

انا زعلانه منكم خالص مالص ............ اول مشاركه ليا محدش يجاوبنى مكنش العشم

:confused::confused::confused:

وعشان كده انا هسال نفس السؤال تانى

ايه نوعيه المحلات اللى بتبيع علبه الاندرات؟ يحنى اروح فين عششان الاقيها؟

تانى سؤال بقى: بس ياريت تجاوبونى بسرعه ربنا يخليكو

هل ممكن اشترى للفرح صندل مفتوح للفرح ولا لازم حاجه مقفوله
اصل بصراحه مش لاقيه حاجه شيك خالص فى المقفول وبلاقى الصنادل بتعجبنى اكتر زى كده

ايه رايكو؟

تالت حاجه بقى طلب بسيط انكو تحطونى فى اللسته
فرحى 16_7 ان شاء الله

الله يبارك فيكى يا قمر انا كمان فرحانه اننا فى نفس اليوم يا ريت نبقى اصحاب
بصى انا دلوقتى مش عايشه فى الاسكندريه بس اكتر حاجاتى بجيبها من هناك

انا الحمد لله جبت فستان الفرح لسه مستلماه امبارح من اتيليه فى رشدى
هبعتلك ايميلى ع الخاص عشان تسالى على كل الى عايزاه

طولت عليكو بس بجد مستنيه الرد بسرعه عشان هنزل اشترى بكره
:D

مبروك ياقمر حاعدل الليستة بس فى الصفحة السابقة عشان التكرار
انا عايزة التفاصيل بتاع الاتيليه و الاندرارات فى محلات اللانجيرى وفى المعرض الصينى
الشوز انا بفضله يكون مقفول من قدام ومن وراءه عادى ممكن بخلخال او مقفول كشوز عادى يعنى

بنات اجيب السلسلة الي علي البطن الرفيعه اووي ديه منين من اسكندريه وبكام

بنات شوفوا المواضيع دى:

http://forums.3roos.com/t383329.html

http://forums.3roos.com/t458546.html

http://forums.3roos.com/t362891.html

[GLOW="CC0099"]ازيكم يا بنات[/GLOW] اخباركم ايه مع التجهيزات يارب يكمل لكل بنت فرحها على خير كنت عايزة اسال انا طول عمري برة مصر وماحضرتش افراح كتير في مصر بس عايزة اسأل هو ايه اللي بيتعمل الاول الزفه اللي بالطبل والدفوف ولا الدخلة بتاعت العروسه مع والدها او اخوها سواء على اسماء الله الحسنى ولا على اغنية مناسبه ؟؟؟ وايه الفقرات التانيه اللي بتتعمل بالترتيب ياريت تقولولي بليز يا قمامير عقبال فرحكم كلكم يارب

dinaaaa;9563797:

هل ممكن اشترى للفرح صندل مفتوح للفرح ولا لازم حاجه مقفوله
اصل بصراحه مش لاقيه حاجه شيك خالص فى المقفول وبلاقى الصنادل بتعجبنى اكتر زى كده

ايه رايكو؟

بصي يا جميلة انا ماكنتش بحبهم بس دلوقتي بقيت بحب شكلهم اوي لكن بصراحة شايفة انهم يبفعوا في الافراح اللي بتتعمل الصبح او الضهر يعني مش زينا
لكن لو عاجبك اعملي اللي يريحك، انا مؤمنة ان دة يومك ولازم تفرحي بيه لآآآآآآآآآآخر حاجة



بصوا بجد طالبة منكم حاجة بسررررررررررعة جدا، في واحد مسافر السعودية وهنطلب منه يجيبلنا مكنسة بالكهربا ياباني
قولولي بقى ايه احسن الانواع، ناشيونال ولا ايه؟