baby sitter في جدة

الموضوع من جد مايحمس ولا يفيد ؟؟؟؟:( وين الناس؟؟؟

بالعكس

مشروعك رائع وجا في وقتة لان اغلب االناس
صارت ما تثق في الشغالات ومو عارفين كيف
ينظمو اوقاتهم وقت الخروج

الله يتمم لك مشروعك على خير

تحياتي

تحياتي

والله فكره حلوه بس على قولك يمكن في البدايه تكون صعبه وممكن تقتصر عالمعارف لانه تعرفي لو الوحده اقتنعت احيانا الرجال ما يقتنعوا

والله مره حلو بس وين في جده وبكم الساعه

سيداتي الفاضلات المشروع مو بس كده .....ان شاء الله حيكون في تراخيص ....وشيء موثوق ان شاء الله ....يعني مشروعنا مثل مدرسة فيها حضانة.....بس احنا حضانة فقط ...و ساعات العمل اطول يعني تقريبا من 8 الصباح الى التاسعة مساءا ....وانا سميته بيبي سيتر لانه هذا هو الهدف من المشروع ...وبالنسبة لاستقبال الطلبات مو الان ..لاننا الان كما تفضلت الاخت ...بنتعامل مع الاقارب والمعارف...عشان ندرس كل الصعوبات الي ممكن نواجهها قبل مانفتتح رسميا مشروع زي هذا ....وعشان يكون ان شاء الله شيء موثوق تماما ...والجميع يطمان.....لاني انا نفسي لايمكن اسيب اطفالي زي ماقلت مع ناس ما اعرفهم لكن اذا كان الشيء معروف بين الناس وفي ناس جربوه ....ان شاء الله يكون موثوق يسير حتى لاهالي فعليا تفكر تسيب اطفالها .....
وشكرا لردودكم ....واتمنى من الجميع نقاش كل النقاط وكل المخاوف

بصراحه الموضوع يبغاله جديه اكبر يعني يكون مرخص وموثق وياليت يكون زي المدارس الداخليه ينظم فيه حصص يستفيدمنها الاطفال ويكون مكان تعليمي وترفيهي بنفس الوقت ويتحمل المسؤؤليه هذا رئيي بس انامافكراترك ابني عنداي مكان حتى لومدرسه داخلية لانه وحيدي ربي يحميه بس للي عندهم اولادكثيراكيدبيكون هالفكره مفيده لهم

موفقة مشروع جميل ومفيد

غاليتي ..أنا برضو فكرت بنفس فكرتك و سألت الناس قالولي ترى مسؤليه كبيره وتخوف..عشان الأطفال ما يجو زي بعض في الشخصيات والخوف من الطفل العدواني أو اللي نشاطه زايد..وغير كده لو كانوا عاديين الا ما يتضاربوا سوا..ولا لو أكلوا ولا بلعوا شي..مصيبه.. والأهالي لو سار في أطفالهم شي صغير على طول يدوروا ..فين المسؤوله فين كانت وقت ماحصل(العض ولا الضرب ولا الخرمشه)أحس شغله فيها قلق .. أنا مدخله أولادي رياض أطفال .. أوقات يجو مضروبين أول مره أسكت بس لو لقيت الشي كبير أو اتكرر أتصل على المدرسه وأشتكي لكن غيري من الأمهات مثلا يشتكوا على أقل شي .. وهدا طبعا على حسب شخصيات الأمهات ..يعني اختلاف في شخصيات الأمهات وكمان الأطفال والمعلمات وكمان الأبهات طبعا .. ولا هو مشروع مره حلو وأحس اننا بحاجه ليه بس مو جايب هموا ..عزيزتي أنا ما أحبطك هدا مجرد رأي وانتي برضوا أستخيري وأستشيري

اذا صاااااار اعطيني خبر

الله يوفقك

الله يوفقك

استخيرى

نونو ملاذ;9524460:
غاليتي ..أنا برضو فكرت بنفس فكرتك و سألت الناس قالولي ترى مسؤليه كبيره وتخوف..عشان الأطفال ما يجو زي بعض في الشخصيات والخوف من الطفل العدواني أو اللي نشاطه زايد..وغير كده لو كانوا عاديين الا ما يتضاربوا سوا..ولا لو أكلوا ولا بلعوا شي..مصيبه.. والأهالي لو سار في أطفالهم شي صغير على طول يدوروا ..فين المسؤوله فين كانت وقت ماحصل(العض ولا الضرب ولا الخرمشه)أحس شغله فيها قلق .. أنا مدخله أولادي رياض أطفال .. أوقات يجو مضروبين أول مره أسكت بس لو لقيت الشي كبير أو اتكرر أتصل على المدرسه وأشتكي لكن غيري من الأمهات مثلا يشتكوا على أقل شي .. وهدا طبعا على حسب شخصيات الأمهات ..يعني اختلاف في شخصيات الأمهات وكمان الأطفال والمعلمات وكمان الأبهات طبعا .. ولا هو مشروع مره حلو وأحس اننا بحاجه ليه بس مو جايب هموا ..عزيزتي أنا ما أحبطك هدا مجرد رأي وانتي برضوا أستخيري وأستشيري

الى الاخت الفاضلة نونو ملاذ.....كلامك مزبوط مية في المية ..وانا معاكي وفكرت في موضوع الاطفال والشخصيات المختلفة ..ولذلك الاشخاص المشرفين على هذا المشروع وكيلات مدرسة ابتدائية ..ومتقاعدات يعني لهم خبرة طويلة في هذا المجال..وبصراحة احسهم ناس فاهمين وصدقيني انا محا اقدم على خطوة افتتاح حضانة او بالاصح بيبي سيتر الا اذا كانت باذن الله تعالى شيء موثوق فيه ...وبالنسبة اذا بلع الطفل شيء او مثل هذه الاشياء اش فايدة المكان اذا محا ننتبه للاطفال الصغار من هذه الاشياء...والمشاجرات بين الاطفال واردة جدا بس لما يكون الطفل اصلا ماعنده شيء يشغله زي الالعاب الي حنوفرها ....وتقريبا الموضوع حيكون ترفيهي اكتر من تعليمي ....لانه لو ابغى شيء تعليمي معناته لازم يكون الطفل يجي ياستمرار وانتظام ....لكن مشروعي مو هذا الهدف منه .....هدفي وان شاء الله ربي يوفقنا اجمعين هو ...الانتباه للاطفال ..في حالة اذا كان عند الام مشوار ...او مشغولة ....او عمل ....والاطفال الي حنستقبلهم ...حيكونوا من فئة عمرية معينة ...يعني هذا طبعا موضوع مطول ...الى ان شاء الله ربي ...وافتتحنا المشروع رسميا حنكون باذن حاولنا حل العواقب مثل مااتفضلتوا .....وشكرا واتمنى ابداء المزيد من الاراء لنستفيد ...لان اراءكم هي الاساس الي بتدعم المشروع بعد الله سبحانه وتعالى

الله يوفقك ياعزيزتي ..ياااااااارب..عاد أنا كمان كان نفسي أعمل زي مشروعك فاذا نجح مشروعك وان شاء الله ينجح حأعمل زيو ان شاء الله بس في مكه المكرمه .. وبقلب جامد كمان من غير خوف..:D

حبيبتي انا نفس المخاوف لدي عندم فكرت في مثل مشروعك . . . . اتمنى لك التوفيق لانه مثلا انا عندي طفل 3 سنين ونصف ورضيعه . . دائما يريدني العب معه كما اعتاد . . .

لا تنسي تبلغيني عندما يتم

مشروع رائع جدا صح كثير من الناس يحتاجوا هذا المشروع مثل المدرسات عندهم اولاد صغار عمرهم 1او2او فوق والتمهيدي مايقبلهم احسن حل لهم هو مشروعك انا عندي اخت بجدة مرة محتاجة شيء زي كذة وتتمنى انة يكون في مشروع زي كذة وان شاء الله ينجح مشروعك ويكون قارب النجاة لكثير من الامهات ارجو انك تعذريني على الاطالة لكن الفكرة حمستني وعجبتني واذا تم ارجو منك اخباري

هاه اختي ايش صار ع مشرووعك طمنينا

الله وفقك