الخطوبة العجيبة ربنا يكرم اللى تدخل وترد عليا

انا خطوبتى باظت للاسف عشان ابن مامته عايزة احكى يا جماعة واخد رايكو عشان اعرف اذا كنت غلطانة ولا لا
اولا كنت مخطوبة بقالى 7 شهور بعد ما كان بيحبنى زى ما كان بيقول من رمضان قبل اللى فات بس انا مكنتش بخرج معاه ولا بقابله وكلم مامتى واهلى عشان يخطبنى المهم اتخطبنا من 7 شهور وكنت فاكرة انها اسعد ايام حياتى جينا نتفق جدته ماتت حددنا معاد تانى للاتفاق والدى عمل عملية كبيرة المهم اتاجلت الاتفاقات حددنا معاد تانى جه هو ووالدته مجاش معاه والده لان فى خلاف كبير بينهم اعدنا واتغدينا جينا نتكلم فى الاتفاقات والدى قال لمامته تجيب سفرة ونوم وصالون وانتريه واحنا نجيب الاوضة الصغيرة والمطبخ والسجاد والنجف والستاير مامته سكتت خالص وماردتش وقالت سيبونى افكر فى البيت مشيت على كدة ولا اتصلت ولا اتكلمت طبعا دى حركة مش كويسة منها المهم اهلى سكتو لقيته بيتصل بيا يقولى والدتى مصرة انها تجيب سفرة ونوم كبيرة وانتو تشيلو كل حاجة !!!! طبعا قلتلو اتكلم مع اهلى وجه تانى هو من غير مامته بيفاصل معانا فى الاتفاقات اهلى قالو ليه خلاص هاتو 3 غرف واحنا نجيب باقى الشقة كلها ومشى على اساس هايرد علينا تانى يوم ماتصلش بيا خالص ولا حتى دخل على النت اتصلت بيه قالى لسه متكلمتش مع والدتى انا كنت اصلا جايلكو من وراها وبيتكلم معايا بطريقة غريبة المهم اهلى كانو قالولو يومين وترد علينا جيت اتصلت بيه اليوم اللى هايرد فيه الصبح وقلتله حتى لو ماوصلتش لحل مع والدتك انا مستعدة استناك لما تكون نفسك ومش عايزة شبكة ولا اى حاجة قالى ربنا يسهل هاكلمها عشمنى انه مش هايسيبنى و ميقدرش يعيش من غيرى وكلام من دة بقى المهم بقينا الساعة 11 بليل وهو لا اتصل ولا اى حاجة قلت اتصل بيه ليكون تعبان اتصلت 4 مرات ماردش عليا المرة الخامسة وانا بتصل لقيته مشغول كان بيكلم والدى قلت خير الحمدلله لقيته بيقول لوالدى معلش يا عمى كل شىء قسمة ونصيب ودى كانت احلى ايام فى عمرى اللى قضيتها معاكو وحتى مفكرش يتعب نفسه ويتصل بيا يعتذر لى حتى او يرد عليا لما اتصلت بيه مع انه مش بيشتغل و كنت صابرة على تصرفات اهله معايا مكانوش يسالو عليا خالص ويتخانقو معاه عشان انا مش بتصل بيهم او ارن عليهم كل يوم ة
اهلى صبرو عليه كتير اوى على اساس مش عايزين يظلموه وعملنا فى قراية الفاتحة استقبال ليهم محترم اوى اصحابه كانو بيحسدو عليه وفى شراء الدبل الدبلة اللى عجبتنى طلعت غالية مامته اتخانقت مع الراجل وسابت المحل ومشيت ورحنا جبنا واحدة تانية مكانتش عاجبانى بس اتفرضت عليا المفروض بقى كنا نجيب المحبس والخاتم لقيتها بتقول مفيش وقت وانا هاشتري ليكى على زوقى ولقيتها جايبالى خاتم خفيف زى الريشه ومش على مقاسى كمان وسكت وعديت كل دة قلت الحمدلله انا مش ناقصة ذهب هابقى البس من حاجتى بس فرحتى بدبلتى والمحبس والحاجات دى انا ملقتهاش وطبعا بقى جت الطامة الكبرى فى الاتفاقات قتلت فرحتى هى وهو حسبى الله ونعم الوكيل
فمش نرجعله حاجته ولا لا وانا مش عارفة اعمل اية مبقتش اعرف انام واعصابى تعبت عينيا مش باين ليها لون من كتر العياط هل لو اتخطبت تانى هاعرف احب خطيبى ويحبنى وابقى زى اى بنت عادية انا فقدت الامل سورى طولت عليكو
ربنا يكرمكو تردو عليا وادعولى ربنا يفك كربى ويارب اللى ترد عليا ربنا يجازيها الجنة ويكتر من حسناتها :(