مشكله صديقتى مع خطيبها ،اتمنى تسعدوها

السلام عليكم كيف أخباركم ، كنت منقطعه عن المنتدى فتره بسبب عطل الجهاز والله وحشتونى كتييييييييير يا اجمل منتدى
صديقتى عندها مشكله مع خطيبها وقلت لها انى هعرضها فى المنتدى عشان تنصحوها تعمل إيه
صديقتى تمت خطبتها منذ فترة على دكتور تقولى انه محترم وملتزم ولكنه ساعات يتغر عليها عشان هو دكتور ويقول لها كنت متقدم لدكتورة ومهندسه صديقتى مؤهل عالى بردو وتقولى أنه معاها جرئ جداً وهى خجوله جداً وتقول لى انه بيكلما فى الهاتف ويرسل لها قبلات وكل كلامه لها حلو وكلام عن مشاعره وحبه ولكنه تغير عليها وتحدث معاها انها خجوله جداً وهو معجب بذلك بس لازم تأخذ عليه وتبدله مشاعره وقالها انه قلقان منها بعد الزواج بسبب خجلها الزائد وأنه عايز يشوفها أجمل واحده فى نظره بأخلاقها وتدينها وفى نفس الوقت تحس بيه وتحبه وتعوضوا عن كل حاجه بعد الزواج وتلبى رغباته ولا تخجل منه فقالت له انت مذبذب من الأرتباط بى وننهى الموضوع أفضل فقال لها أنه شاريها ومعجب بيها وعايزها بس عايز يعرف ياترى هى بتبدله مشاعره وعيزاه ، صديقتى قلقانه لأنه بدأ يقلل إتصاله بيها وتغير بسبب برودها معه هى تقول لى نفسها تقوله كلام حب زى ما بيقولها بس تخجل ، هى فعلاً حبته وتعلقت بيه وهو حس بذلك بس خايفه تصرح بذلك وعندما يواجهها انه حاسس انه بتحبه تنكر وتقول لى خايفه تقولوا كلام حب يشك فى اخلاقها وانها مش خجوله ولا حاجه أو يتغير ويتقل عليها بعد لما يتأكد من مشاعرها وقالت لى ساعات ممكن تقوله وحشتنى يفرح جداص بس بتحس أنه بيتقل انا بقولها أنها واخده الموضوع بحساسيه