!!! ساعدووني بليززز!!! اترجاكم

مرحبا اختي الغاليه ...

انا بحطج على ارض الواقع .. وتركي عنج فقير وغني .. ..

اول شي اختي معلش انا مؤمنه بخذوهم فقراء يغنيهم الله .. لكن اختي اول شي اياك ثم اياك انك انتي الي تعطينه المساعده عشان يتزوجك.. لانج بالخطوه هذه راح تحسسينه برخصج خليه هو الي يدفع لو كان 10 دينار ... ثانيا هناك جمعيات .. تسوي زواج جماعي ويعطون مساعدات للزواج .. سألي وخليه يسأل..

بعدين يا اختي بعد الزواج خل نقول خففنا مصاريف الزواج والخطوبه وغيره ... انزين قولي وين بتعيشين..

في حجره وحمام الله يعزج ,, وبعدين .. بتيبون يهال..وين بتعيشونهم .. يبي لكم خمس سنوات على ما تعطيكم الدوله 100 دينار بدل سكن ... والياهل اقل شي تكلفته من اساسيات 60 دينار ..

هل انتي بتمين تصرفين على ريلج.. لين يتعود ان المصرف كله عليج وهو راتبه 200 دينار ..

اختي الله عرفناه بالعقل .. وانا اقولج .. فكري بعقلج قبل قلبج .. باجر لين رحتي حق صديقاتج وشفتي كل وحده عايشه الله ساترها .. ما بقولج كل وحده بفله .. لكن اقولج مستوره ... و 200 دينار بالبحرين شتسوي الحين .. ؟؟ بذمتج من عايش بالمبلغ هذا غير الاقليات..

عزيزتي طالعي جدام وايد واحسبيها صح وحطي بنتج مكانج .. تبين لها ريال راتبه 200 دينار ؟؟ عن نفسي للامانه والصدق ماقدر اعيش بنتي هالعيشه لو روحها فيه..

المهر مقدور عليه .. بس بقولج وحطيها حلقه بذنج .. البنت الي ترخص نفسها تتم رخيصه على طول وزوجها ما يعمل لها حساب ..

والريال يقدر المراءه الي يتعب عليها.. ... وخلي فلوسج عندج وخلي هو يدبر نفسه وانتي توج لا ياخذج الحب وعماه .. والزواج يكشف امور كثيره .. والواقع بيصدمج بشياء اكثر .. ولا تقولين بعيش معاك على كسره خبز لانج وببساطه ما بتقدرين..

باجر تبين اتيبين حق عيالج احسن لبس احس مدارس واحسن اكل واحسن مسكن واحس فرش .. كل هذا بمئتين دينار ؟؟ ولا انتي بعد بتدفعينهم .. ؟؟

ياليت تفكرين عدل وتتركين عنج الحب وخرابيط ماهدم بيوت الا هالحب والخرابيط ويا مكثر المطلقات من بعد قصص حب ..

ام جنى

وانا بعد مع ام جنى ترى عيشه البحرين صعبه هالايام ومايعيشج حتى 500 دينار حتى اجار الشقق نار من 200 ورايح

ااهم شئ الحب وبكره ربنا يرزقه مفيش حد بيفضل على حالهه حولى تساعديه لو يستاهل

بالفعل..

لا تعطينه فلوووس ترا يمكن ينجرح...

انتي اذا تثقين في حد من الاهل... طبعا مو ابوش ولا اخواانش...

انه يعطيييه الفلووس على اسااس انهااا سلف... وانهاا منه...

(يعني توصلين له الفلوووس بأسم حد ثاني مو باسمش.. على اساس انها مساعدة منه..وبعدين يقوله سامحتك او انه يرجعه لج عن طريق هذاك الشخص...

يمكن ينجرح اذا وصلته الفلووس منش.وبعدين حسسي الرجاال بالمسؤولية....)


اهم شي الكلمة الطيبة..وخبريه انج بتكونين معاااه..والله الريااال بيكد ليل ونهااار عشششان يحوش بيزااات.....ولا تطلبين واايد... عسى الله يرزقكم من واسع رزقه يا رب:)