تجمع خاص بالحوامل البكر ((الجزء 19))

يمكن نايمه

غرييبين اليوم ولا لاني فاضيه خخخخخخخخخخخخخخخخ

خخخخخخخخخخ
البيت اليوم فاااضي قهر
راحوا اهلي وخلووني
راحوا يزورون نااس وانا وحدي اهئ اهئ

جورجيت انتي مثلي زوجي معزوم عندد عمانه ما اقدر اروح وااااصل خخخخخخخخخخخ

واهلي امي معزومه واختي جامعه صديقاتها في البيت بس بروح وبجلس عند اهلي عند اختي الثانيه ما ابي اجلس بالبيت لحاااااااالي مره طفشانه اليوم

هاي ..

كان عندي موعد التراساوند اليوم ...


انقهرت افف

يقولون لي موعدي 10-6 !!!!!!!!

كيف ..

البيبي ماشالله وزنه اوكي .. يعني لين 10-6 بتستوي بنتي 4 كيلو ونص كيف يعني 10 - 6


و طولها اوكي

و راسها تحت

و الدورة عندي كانت في 24- 8

يعني بحساب الدورة وكل المرات اللي اسوي فيهم التراساوند يعطوني موعد 31-5

مره وحده يزيدوني 10 ايام كيف.. على اي اساس

اففف

لا وبعد وانا راجعه اقول حق اختي كذا كذا ..

تقول لي عادي انتي بكر

ولو قالولج طلق صناعي عادي

اقوللها شو!!

الحين منو قال انه الطلق الصناعي عادي

انتي ربيتي ماشالله عليج 5 مرات طبيعي ليش تقولين لي الطلق الصناعي عادي

الحين منو ياب طاري الطلق الصناعي

حسيت انها سخيفه ما تحس بي بس جيه تعق الكلام بدال لا تقول لي شي يرفع معنوياتي تييب لي طاري الطلق الصناعي ..

اكتأبت افففففف

بس الحمدلله انه كل شي اوكي فالبيبي .. المشيمة اوكي والماي حوالين البيبي اوكي ووزنها و الحبل السري والحمدلله كل شي اوكي

الله اييبها بالسلامة يارب

يؤيؤيؤيؤ اشفيك مفتون معصبه مررررررره
هونيها وتهون يادوبا
كل شي بتساهيل رب العباد
البكريه بعادتها والمعروفه انها تطوف موعدها يعني مثلا ادوك موعد 31-5 ماولدتي بينتظرون كم من يوم بعدها واقصى حد تقريبا 10-6 والا بيولدونك بطلق صناعي فهمتي هذا قصد اختك ياسكره
لاتحاتي ادعي ربك انه يهون عليك ويسهل ولادتك
وماله داعي العصبيه روقي

عطوره اقوول وش ورايك تجين عندي

جورجيت ..

شوفي سبحان الله انا مب متضايقه من حملي وعطورة تعرف اني الحمدلله وايد حابه الحمل والله مسهل عليه ولا متضايقه اذا تأخرت شوي.. بس يوم قالولي 10 ايام زياده حسيت انهم وايد بس مب اني زعلت لا عادي اصلا بالعكس حسيت مستحيل اتم 10 ايام زياده ..

بس كلام اختي تقهر احس بها ما راعتني اني بكريه وماعرف في هالسوالف المفروض تقول لي كلام يهدي نفسيتي ويطمني .. ماهو هالموضوع عند رب العالمين في كل الاحوال لا بيدي ولا بيدها .. بس بيدها تقول لي كلام يطيب الخاطر .. بس هي ماعرف كيف بكل انانية تقول لي عادي شو فيها .. ولا كأنها هي الله سهل عليها في ولادتها المفروض تتمنالي الاحسن وتقول لي شي يطمني مب توترني زياده ..

حسيت انها انانية .. :( مب تصرف خوات

مفتوون يمكن خانها التعبير ماتقصد
لاتزعلين روحك تيب

تيب يا جورجيت ..

البارحة يابولي هدايا حق البيبي .. حلويييييين ماشالله وايد حبيتهم

بس نصهم دباديب.. انا اخاف من الدباديب عاليهال احس انهم يخزنون غبار وجراثيم ..


شو رايكم

مو بدري على الهدااياا؟؟

ايه مو زين على الصغار الغبار يتعبهم وخصوصا انهم حساسين مررره
والدباديب بطبيعتها تحمل الغبار
وبصراحه بيني وبينك ماحب تكون الدباديب عند الاطفال الصغار مادري ليه

ماشاء الله مفتونتي الهدايا من اللحين خخخخخخخخخخخخخخخخ كشخه انتم

حبيبتي لاتضيقين خلقك الحمدلله على كل حال ولاراح يصير الى الي ربي كاتبه لنا مثال انا من دخلت التاسع وانا معاي اوجااااع ولا كتب ربي لبنوتي انها تنولد وقالتلي الدكتوره باقيلك عشر ايام يعني بطوف موعدي ب3 ايام وقالت احتمال اكثر

خلاص انا اخذت على الوضع الحمدلله هونيها وتهون متى ماجانا الطلق لاهم ولاغيرهم يحددون لنا بس تحديدهم هذا علشان نعرف متى ندخل مرحله الخطر لا اكثر ولا اقل

توني اركز ان اخت الي قالت طلق صناعي

مفتون هدي ياقلبي

ثاني شي حطي في بالك كل شي قدام عيونك الحمدلله كلنا طبيعيات ولا فينا شي الحمدلله

والدكاتره قالو طبيعي بتولدين

لان حوضك اوكي بس سبحان الله ممكن يبرد الطلق ويحتاجون للصناعي نفترض يمكن لا

يمكن يكون البيبي مايدفع كويس ويضطرون للصناعي هنا بعد نفترض

يمكن كل شي اوكي ونولد طبيعي الحمدلله

ويمكن لاقدر الله نلجأ للعمليه

ليش يامفتون نحط كل هالاحتمالات علشان النفسيه وقت الولاده لا ننفجع ونقول لاااااااا طبيعي انا طبيعي ونتعب بكل شي

ندخل للولاده وكلنا راجين رحمه ربي ان كل شي طبيعي بأذن الله

ولن يصيبنا الا ماكتبه الله لنا

هدي خلاص احنا على مشارف النهايه حاسه فيك والله ونفسياتنا خلااااااااااص ميييييييح

ونتصبر ونضغط اولا لانه اول بيبي ونبي نشوفه بأسرع وقت ونفرح فيه وانا وهو بخير

ماعلينا من كلام احد حتى الدكاتره كلامه نسمعه ونقطه وش ني فيه مدامنا وصلنا بالسلامه خلاص ربي تكفل فينا من الاول للأخير

عطوره .. صح كلامج .. انا اللي زعلني موقف اختي اكثر والله .. بس يالله يمكن مثل ما قالت جورجيت صديقتنا اللبنانيه انه يمكن خانها التعبير

سرتي مكان اليوم ولا لا يا عطعط


---


جورجيت ..

حتى انا ههههههه احس انه فيهم ارواح شرييييرة

رحت لم اهلي امي توها طالعه لعزيمتها واختي عندها رفيجاتها واختي الثانيه مقابلتني رمست لبنت خالتي وراح تجيني خخخخخ حلوه رمست سرقتها من مسلسلات الاماراتيه ههههههههههه


مفتون فرفشي يختي

شوفي اختك عطر مفرفشه مع ان هموم الدنيا فوق راسها بس ماراح تنفعني خليني افلها

صح كلامج ..

يمكن لأنه خلاص وصلنا للنهايه انا خذت كلامها جد..


او يمكن انا حساسه ودلوعه وانتوا كلكم وحووووووووش هههههههههههههههه

ههههههههههه

رمست حلوة منج يا دوبيه على قولتكم

صح دوبيه خخخخخخخخخخخخخخ

شنو جاك هدايا خبرينا

انا بروحي استغربت انه ياييني هدايا الحين حسيت مب وقته ههههههه

وحده من معارف زوجي .. يايبه دباديب و لبس و شي جذيه مثل المسند عليه فوطه ينحط في حوض البيبي عشان يسند ظهره .. ويايبه المفرش اللي كنت اقوللكم من كمن يوم ابا منه اللي عليه قوس من فوق يلهي البيبي..

و شي ثاني غريب اول مره اشوفه صبروا بحطلكم صورة

شوي وراجعه جدتي ام امي جت علشان تروح للعزيمه بسلم عليها وبرجع

مفتون صوري الهدايا خلينا نشوفها