بنات مصر المتأخرات عن الحمل أو اللى بيتعالجوا.. (2)

bosy82;9734733:
ازيك يا اوني عاملة ايه؟

فينك مش باينة ليه؟

الحمد لله يابوسى انتى اخبارك ايه ؟
انا كنت عند ماما ومعندهاش كمبيوتر ولسه جاية امبارح بالليل

love_me_more307;9734695:
ازبكم يا بنات ضمونى ليكم ممكن؟

ازيك يا قمرة اهلا بيكى معانا ويارب يكون التجمع وشه حلو عليكى وتفرحى وتفرحينا قريب ان شاء الله

ميرسي يا اونى كلك ذوق عرفيني عليكي

love_me_more307;9734922:
متشكره لذوقك يابوسي
انا بئالي فتره مدخلتش ويارب كلنا الشهر ده نكون حوامل
اعرف بنفسي
انا يا ستى الشهر ده اكمل سنه جواز بس مكنش في استقرار لان جوزي كان مسافر
بس الحمد لله ربنا جمعنا على خير دلوقت وسافرتله واستقرينا مع بعض
انا عندي تكيسات وزي مانتى عارفه لخبطه في البريود والهرمونات
رحت لدكتوره الشهر ده وريتها متابعه التبويض بتاعتي كنت عملتها قالت الحمد لله البويضات بتستجيب للتنشيط بس طلبت مني اعمل اشعه بالصبغه عشان تنشط تانى وهي مطمنه ان احتمال الحمل يحصل بشكل افضل بس متردده اعملها
بعدين انا البريود متاخره عليا عشرين يوم واول مره تلخبط ده كله بس عملت تحليل حمل بول النتيجه ظهرت سلبيه وبعد نص ساعه بصيت في التحليل تاني لاقيت الخط اختفى خالص ومن ساعتها متحيره
الدكتوره كتبتلي دوفاستون قالتلي لو حمل هيثبت لو مفيش هينزل البريود ادعولي يكون تاخرها حمل يارب يارب

ان شاء الله يكون حمل يارب
بس انتى ليه معملتيش اختبار دم افضل ؟ ويارب يكون خير وطمنينا عليكى

عملت تحليل دم قبل ميعاد دوره ب 3 ايام وطلع سلبي
بس في ناس بتقولي مش يبان ويمكن تكونى حملتى في الفتره الي بعد التحليل وقت لخبطتها يعني
وبيني وبينك مش عايزه امني جوزي تاني ونوهم روحنا فبقول اصبر يا نزلت يا فضلت متاخره وساعتها اشوف اعمل ايه بس اخلص حبوب الدوفاستون وساعتها هيبان انتى رايك ايه؟

love_me_more307;9734964:
ميرسي يا اونى كلك ذوق عرفيني عليكي

انا الشهر اللى جاى ان شاء الله هتم سنتين جواز
المشكلة عندى عبارة عن لخبطة هرمونات وحاليا بظبطها عن طريق ابر والحمد لله وصلت لتبويض كويس وعندى نسبة تكيس بسيطة جدا الحمد لله
وبالرغم ان العلاج جاب نتيجة معايا الا ان لسه محصلش حمل وده طبعا لان كل شئ نصيب ورزق من ربنا والحمد لله على كل حال
المفروض ان ميعادى بكرة ان شاء الله مع الدكتور ومش عارفة هيقول ايه ومن كتر خوفى بفكر ماروحش دلوقتى خالص ومش عارفة والله لسه هعمل ايه ؟
طولت عليكى معلش بس علشان بقولك قصة سنتين ويارب مايزيدوا عن كده

وربنا يرزقنا جميعا الذرية الصالحة ان شاء الله عاجلا غير اجلا

love_me_more307;9735024:
عملت تحليل دم قبل ميعاد دوره ب 3 ايام وطلع سلبي
بس في ناس بتقولي مش يبان ويمكن تكونى حملتى في الفتره الي بعد التحليل وقت لخبطتها يعني
وبيني وبينك مش عايزه امني جوزي تاني ونوهم روحنا فبقول اصبر يا نزلت يا فضلت متاخره وساعتها اشوف اعمل ايه بس اخلص حبوب الدوفاستون وساعتها هيبان انتى رايك ايه؟

هو فعلا ممكن مايبانش الحمل فى الفترة اللى عملتى فيها التحليل
انا رايى انك تخلصى الحبوب اللى بتاخديها الاول وبعدين تشوفى بس نصيحة بجد حاولى متفكريش فى الموضوع كتير اشغلى نفسك باى حاجة وان شاء الله تكونى حامل
وانا اعرف ناس جربوا الحبوب ده والحمد لله بعدها اكتشفوا الحمل يارب عقبالك زيهم

معلش يا قمرة انا اسفة مضطرة اسيبك دلوقتى لان زوجى خرج من الشغل بدرى وهقوم احضر الغدا
ان شاء الله لينا تكملة مع بعض وانا اسفة مرة تانية

سلام مؤقت لغاية مانتقابل

love_me_more307;9735024:
عملت تحليل دم قبل ميعاد دوره ب 3 ايام وطلع سلبي
بس في ناس بتقولي مش يبان ويمكن تكونى حملتى في الفتره الي بعد التحليل وقت لخبطتها يعني
وبيني وبينك مش عايزه امني جوزي تاني ونوهم روحنا فبقول اصبر يا نزلت يا فضلت متاخره وساعتها اشوف اعمل ايه بس اخلص حبوب الدوفاستون وساعتها هيبان انتى رايك ايه؟

ان شاء الله خير و ربنا يرزقك بالذرية الصالحة

اوكي يا جميل وانا كمان قايمه اعمل اكل لجوزو لاحسن يجي من بره يفضحنى ههههه
ربنا يفرحنى ويفرحك ويفرح بوسي وكل الي نفسهم ف يالحمل امين يارب

ازيكوا يا بنات وحشتونى قوى
انا شايفة وجه جديد معانا..ازيك يا لاف عاملة ايه مع انى نفسى ماحدش يجى هنا وربنا يكرمنا كلنا ونروح تجمع الحوامل ان شاء الله .. ان شاء الله تبقى حامل.. انا حاسة انك كنتى معانا فى التجهيزات..
ازيك يا اونى حمدالله على سلامتك وحشتينا..
ازيك يا بوسي ومحبة عاملين ايه وكل البنات ايه اخباركوا

ازيك يا قصه اخبارك عملين ايه يا بنات انا حاسه بالام الدوة هى معادها بكره شكلها كده هتيجى الحمد لله على كل حال

السلام عليكم

ياامهات المستقبل ان شاء الله

ازيكم كلكم يارب تكونوا بخير يااااااااااارب

انا الحمد لله جبت نتيجة التحاليل النهاردة

انا حكتبلكم النتيجة وياريت حد يطمنى علشان لسه ميعادى مع الدكتورة بكرة بأذن الله

l.h 3.76
prolactin 19.8
f.testosterone 1.62
f.s.h 6.83

ياريت تطمنونى هى البنت فى المعمل قالتلى مافيهومش حاجة بس انا عايزة رأيكم

بحبكم فى الله

اهلا يا مسلمه ان شاء الله خير وميطلع فى حاجه انا مقدرش افيدك بس حبيت ادعيلك ربنا معاكى ويرزقك ويرزقنى ويرزق كل البنات يارب

ربنا يكمرمك يارورو يااااااااااااارب

وان شاء الله البيريود مش تيجى الشهر دة وتبشرينا بأحلى نونو ان شاء الله

ازيكم يابنات عاملين اية؟


انا كمان واللة يامسلمة مبعرفش في التحاليل بس ان شاء اللة متنكش فيها حاجة زي مالبنت قالتلك وربنا يكرمك بالذرية الصالحة قريب ياااااااااارب وتيجي تبشرينا

moslimaa;9738436:
السلام عليكم

ياامهات المستقبل ان شاء الله

ازيكم كلكم يارب تكونوا بخير يااااااااااارب

انا الحمد لله جبت نتيجة التحاليل النهاردة

انا حكتبلكم النتيجة وياريت حد يطمنى علشان لسه ميعادى مع الدكتورة بكرة بأذن الله

l.h 3.76
prolactin 19.8
f.testosterone 1.62
f.s.h 6.83

ياريت تطمنونى هى البنت فى المعمل قالتلى مافيهومش حاجة بس انا عايزة رأيكم

بحبكم فى الله

ازيك يا مسلمة عاملة ايه
ان شاء الله كله يبقى تمام يا بنتى ربنا يسهل

roro8484;9737877:
ازيك يا قصه اخبارك عملين ايه يا بنات انا حاسه بالام الدوة هى معادها بكره شكلها كده هتيجى الحمد لله على كل حال

ازيك يا رورو ان شاء الله تبقى حامل يا جميل:)

ايوا يا قصه كبيره انا فعلا كنت في التجهيزات مرابطه هناك قبل الجواز
اتشرفت بيكي جدا يا قمر ويارب ربنا يكرمنا كلنا باذن الله
بالنسبه للبنوته الي وضعت التحاليل بتاعتها
الوحيد الي فهمته في التحاليل
البرولاكتين لاني عملته قبل كده كذا مره
والحمد لله نسبتك طبيعيه وكويسه فيه الي هو هرمون اللبن الي بيكون احيانا عائفق للحمل
فالحمد لله اطمنا عليكي وعقبال ما تطمنينا على باقي التحاليل يا قمر

onny;9734511:
كل سنة وانتى طيبة يا فجر وعقبال 1000000 سنة يارب والسنة الجاية تكونى محققة كل اللى تتمنيه
معلش جت متاخرة بس والله انا لسه داخلة دلوقتى المنتدى

وتسلم ايدك يا قمرة التورتة ماشاء الله وعقبال كل سنة

وانتى طيبه يا اونى ..............فينك كده مش باينه

صباح الخير علي الحلويين

ازيكم يا بنات عامليين ايه؟ يارب تكونوا بخير

ان شاء الله يا مسلمة تكون كل حاجة كويسة و تطمنينا و ان شاء الله ربنا يطمنك