بنات مصر المتأخرات عن الحمل أو اللى بيتعالجوا.. (2)

ازيكو يا بنات عاملين ايه؟؟
ازيك يا نونا و محبه و بوسي و كوبايه و بيبو و ناني و دينا و اوني
يا رب ما أكون نسيت حد
ميرسي يا نونا لسؤالك عليا أنا الحمد لله كويسه
حقولكم أخر أخباري
أنا رحت للدكتوره من يومين علشان أعرف اروحلها امتي أتابع معها التبويض
و عملتلي كشف نسا علي غفله
هههههههههههههه
و قالتلي عندي شويه التهابات و ادتني دوا اسمه كانستين
و أخدت مني عينه من سائل من عنق الرحم و طلبت عليه شويه تحاليل
بس يا بنات أنا شاكه انها مدياني الدوا كده جبر خاطر علشان بس مبقاش روحتلها و مدتنيش دوا
أصلي أنا الحمد لله مش بشتكي من أي افرازات غير طبيعيه أو حته ريحه غريبه
حد فيكم حصلها كده قيل كده
انها تكون مش حاسه بأي حاجه و بعدين الدكتوره تقولها عندك التهابات

خلااص يا بنات
قررت ان شاء الله هغير الدكتوورة
هروح ان شاء الله كمان اسبوع
هيكون اليوم ال 13
هتابع تبويض
واشوف الدكتورة دى هتقولى اييييييه

لما نشوف اخرة الدكاترة دول اييييييييييه :(

بس انا يا بيبو عنىد هرمون الحليب مش عالى اوى

انما ال ال اتش عاااالى جدا عن الطبيعى

ان شاء الله خير يا محبه
متقلقيش من البرولاكتين بينزل بسرعه بأذن الله
بس خلي الدكتوره تديكي dostinex لان اعراضه الجانبيه أخف حاجه في الموجود في السوق

غاااادة
فينك من زمان

انا صراحة لما كشفت كان عندى التهابات
مع انى بردو مش بحس باى حاجة زيك بالظبط :(

محبه حبيبتى ماتزعليش انا الدكتور قالى نفس الكلام انه فى تكيس مع ان قبل كده من الدكاتره مفيش حد قالى خالص المهم كتبلى سيدوفاج وفى نفس الشهر وانا بتابع تبويض قالى التكيس راح خلاص ماعرفش بيشتغلنى ولا ايه اه نسيت اقولك كتبلى معاه دوستينكس بس انا ناويه برده اروح لدكتور تانى لانه لخبط معايا الشهر ده وكتبلى حقن ديكابيبتيل على اساس انها منشطات واتريها وقفت نشاط المبايض خالص يعنى الشهر ده العوض على الله

بنات قريت وصفه لتخسيس الكرش او الدهون اللى فى منطقه البطن اللى انا متاكده انها سبب البلاوى دى كلها المهم الوصفه دى تعمليها لمده شهر وتشربيها 3 مرات فى اليوم على الريق وقبل النوم وقبل الغداء وماتاكليش الابعدها بنصف ساعه وباليل ماتاكليش خالص تشربى مايه بس هى عباره عن معلقه من كل من مرمريه وزهر البابونج واكليل الجبل وبردقوش وتحطيهم فى كوب وتصبى ماء مغلى وتسيبيهم ربع ساعه وبعدين تصفيه وتشربى بدون تحليه بصراحه ماقدرتش اشربه بدون سكر حطيت معلقه صغيره الدكتور قال الوصفه دى طبعا مع المشى يوميا لمده40 او50 دقيقه مشيه عسكريه يعنى على المشايه بصراحه مابقدرش امشى عليها اكتر من تلت ساعه

كوباية مايه;9539148:
ايوه والله انا روحت مره لدكتوره وشاطره وزاحمه وفظيعه وبمجرد ما دخلتلها لقيت نفسى كأنى داخل لست ام محمد بتاعه الخيار

اللى هى بتتكلم بطريقه كدا مش لطيفه وبتتكلم بالمفتشر وبتحرجنى

وبتكشف بطريه غبيه

يعنى من الاخر فعلا الدكاتره الرجاله وخصوصا نسا تحفه

انما الجلديه الستات هما اللى تحفه

كلامك تماااااااااااااااااااام
طب اقولكم سر خطير انا فى اول الجواز كنت خايفه جدا من العلاقه لان واحده اعرفها تجوزت قبلى بشهرين وكلمتنى قبل فرحى ب 15 يوم وقالتلى يابنتى انا تعبت اوى وجالى نزيف قعد عندى 15 يوم متواصل فانا لما اتجوزت كنت مرعوووووووووبه وكل مايقربلى جوزى اعيط واعمل بلاووووووووووى المهم بعد كام يوم قاللى احنا نروح لدكتوره ونشوف رحنالها قالتلى انتى الغشاء مطاط ولازم عمليه وقصه كده بس كنا هنسافر شهر العسل كانوا كلهم اقل من اسبوع وسافرنا على اساس ارجع اعمل العمليه ولما رجعنا جوزى قاللى انا شاكك فى الوليه دى ههههههههه اه والله شكلها وليه رحنا لواحد دكتور قالو ولا مطاط ولا اى حاجه دى مراتك بتدلع كان شكلى زباااااااله بس بعدها اتشجعت بقى وقلت هى موته واللا اكتر هههههههههه
شوفتوا بقى الدكاتره الستات

ghada2;9542493:
ازيكو يا بنات عاملين ايه؟؟
ازيك يا نونا و محبه و بوسي و كوبايه و بيبو و ناني و دينا و اوني
يا رب ما أكون نسيت حد
ميرسي يا نونا لسؤالك عليا أنا الحمد لله كويسه
حقولكم أخر أخباري
أنا رحت للدكتوره من يومين علشان أعرف اروحلها امتي أتابع معها التبويض
و عملتلي كشف نسا علي غفله
هههههههههههههه
و قالتلي عندي شويه التهابات و ادتني دوا اسمه كانستين
و أخدت مني عينه من سائل من عنق الرحم و طلبت عليه شويه تحاليل
بس يا بنات أنا شاكه انها مدياني الدوا كده جبر خاطر علشان بس مبقاش روحتلها و مدتنيش دوا
أصلي أنا الحمد لله مش بشتكي من أي افرازات غير طبيعيه أو حته ريحه غريبه
حد فيكم حصلها كده قيل كده
انها تكون مش حاسه بأي حاجه و بعدين الدكتوره تقولها عندك التهابات

نسيتينى انا كالعاده مع انك وحشانى :confused:

moslimaa;9534008:
بنات وحشتووووووووووووونىكتير اوى

يارب تكونوا بخير

الف مبارك لرورو على الحمل عقبالنا كلنا

كان ليا شؤال يابنات الى عندهم ارتفاع فى الهرمونات لاحظوا زياده فى وزنهم

اصل انا البيريود بقالها شهرين ماجتش وحاسة انى زدت اوووووووووووووووى من الجزء الاسفل بالبطن

ربى لاتذرنا فردا وانت خير الوارثين

اللهم ارزقنا فى شهر وااااااااااااحد كلنا بالحمل السليم المعافى يارب

امين يا رب
مش عارفة يا مسلمة الزيادة اللى عندك من الدورة ولا لا
بس انا عندى الهرمون دة زيادة
وطول عمرى با عانى من زيادة الوزن فاعتقد انة منة
حاولى تسالى الدكتور وهو هيعطيلك دوا لتنزيل الدورة

ربنا يرزقك بالذرية الصالحة اجلا غير عاجلا ويرزق كل مشتاقة امين يا رب العالمين :)

ازيكم يا مدامات
عاملين ايه...............يا رب تكونوا كلكم بخير

اهلا فجر ازيك ياجميله

بخير الحمد لله
انتى عامله ايه

ازيك يا مشمشه عامله ايه يا قمر وازي النونو المسكر
ربنا يقومك بالسلامه و تشوفيه علي ايديكي كده بس علي فكره حيطلع عينك
بس علشان ماتقوليش ما حدش قالي
هههههههههههههههههههههههههههههههههههههههه
في ابني حملت بيه بعد 7 شهور جواز و كنت بفرك ابا و جوزي نفسنا في عيل و اول ما حملت حماتي قعدت تضحك و تقولي اشبعي بقه نوم قبل ما يجي يقل نومك وده اللي عمله بزبط
لحد دلوقتي و هو عمره سنتين و نص ولسه قالل نومي
أنا بقوللك أهو اشبعي نوممممممممممممم
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

ازيك يا فجر عامله ايه؟؟؟؟؟؟؟؟؟؟؟؟؟؟

دينا حمدى;9534447:
[QUOTE=قصة كبيرة;9527153]دينا ازيك عاملة ايه؟
واخت جوزك عاملة ايه؟
انا بتابع مع دكتورة اسمها سامية فؤاد.. هى ما شاء الله كويسة قوى..
انا الحمد لله يا بيبو واخت جوزى بخير الحمد لله
هى الدكتورة دى فين .عنوانها ايه



ازيك يا بنتى انتى اخبارك ايه؟

ازيك يا فجرورتى:D

ازيك يانانى
بصى يا ستى اضراره انه بيأخر الحمل يعنى لو واحدة عايزة ربنا يرزقها باطفال وعندها الهرمون ده عالى لازم تاخد حاجة تنزله
وكل طبعا بقدر الله
انا اعرف ناس بيحملوا وهما بيرضعوا سبحان الله

ازيك يا ملوكة .مواضيعك حلوة قوى
ملك هو انتى بتحسى بايه لما بتاخدى الدواء بتاع هرمون الحليب ده يعنى اعراضه ايه

ازيك يا اونى
يابنات هى ايه اعراض دوا هرمون الحليب



اللهم امين يارب يارب يارب

اعراض هرمون الحليب بيبقى فية لبن بينزل من صدرك


والدوا اللى كنت باخدة اعتقد اسمة دوبرجين
مش فاكرة بالضبط
وكنت باحس بدوخة وصداع دايما

بنات عايزة اعرف انتم عرفتم ازاى ان فى تكيس مبايض
من التحليل
طيب والدكتور قبل ما يطلب التحاليل دى قالكم مثلا التبويض قليل ولا اية
اصلى قلقانة عشان الدورة مش منتظمة

ازيك ياملك؟
عامله ايه؟
أنا برده نفسى أعرف اجابه السؤال ده؟؟؟
ايه اعراض تكيس المبايض

بصي يا ناني أنا جالي مرتين هرمون الحليب ده
أول مره جاتلي الدوره مرتين خلال 15 يوم و رحت للدكتور و طلب مني شويه تحاليل وطلع عندي نقص في افرازهرمون الغده الدرقيه و كان مصاحب ليها ارتفاع لهرمون الحليب و لما اتظبتت الغده الهرمون نزل لوحده من غير دوا
والمره التانيه بعدما فطمت ابني اللبن مرديش ينشف
يعني لما كنت بعصر الثدي كان بيطلع نقط لبن
وأخدت dostinex ولسه مستمره عليه لحد دلوقتي

كوباية مايه;9535398:
ازيكم يا قمرات

طيب انا عايزه اعرف هو هرمون الحليب دا معناه ان بيبقى فى حليب فى الثدى

صح كدا؟؟؟

طيب الحليب دا بتقدرى انتى تشوفيه صح؟؟

يعنى بيبقى زى افرازات الثدى

صحيح؟؟؟

ولونه ابيض ولا ايه؟؟؟

وهل اى افرازات بتطلع من الثدى تبقى سبب الهرمون دا

معلش يا قمرات جوبونى

بصى يا قمر على حسب مكن تلاقى افرازات وممكن لا

onny;9538066:
ازيكم يا بنات
أخباركم ايه؟

onny;9538161:
الحمد لله يا بيبو اخبار زوجك ايه ؟ يارب يكون بخير ويكون فك الجبس

بيبو تعرفى ايه الفرق بين الحقن المجهرى والتلقيح المجهرى وطفل الانابيب
انا اللى استنتجته ان الحقن المجهرى وطفل الانابيب تقريبا حاجة واحدة
اما التلقيح فهو ابسط منهم وارخص ومش عارفة كده صح ولا لا لو تعرفى قوليلى

انا اعرف وهقولك كل حاجة بالتفصيل ان شاء الله بس لما انام واصحى يا قمرة:o

محبة_الرسول;9538507:
السلام عليكم
ازيكو يا بنات

للاسف تحاليلى طلعت عاالية جدااا
وخصوصا ال lh
وطلع عندى تكيس
والدكتورة كتبتلى حبوب منع الحمل لمدة 3 شهوور
ايه رايكو اعمل اييييه

وجوزى مش موافق انى خدها

معلش يا محبة بس رأيى تروحى لدكتور شاطر علشان التكيس عايز دكتور شاطر يعالجك صح
حد فيكم يا بنات بيشوف برنامج بشرة خير اللى بيييجى على قناة الصحة والجمال
بيقدمه دكتور شاطر قوى اسمه عادل البيجاوى ممتاز بس هو بيشكر فى نفسه كتير شوية انا بفكر اروح له فى كذا حالة كان عندهم تكيس وراحوا له واتعالجوا وبعد شهر او اتنين ربنا رزقهم بالحمل

قصة كبيرة;9540066:
بصى التكيس بيبان فى السونار. مش من التحاليل. طب مانا البرولاكتين طلع عندى اعلى بكتير جدا من اللى عندك والدكتورة ماقالتليش ان عندى تكيس ولا حاجة. وادتنى دوا تانى مكتوب جواه انه لتخفيض مستوى البرولاكتين مش منع حمل ولا حاجة. انصحك تشوفى دكتورة تانية كفاية انها ماطلبتش منك التحاليل الا لما انتى قولتيلها.
بيبو يا قمر الهرمون اللى بيبين التكيس هو lh
fsh
انما البرولاكتين مالوش علاقة بالتكيس يا حبيبتى




[QUOTE=ghada2;9542493]ازيكو يا بنات عاملين ايه؟؟
ازيك يا نونا و محبه و بوسي و كوبايه و بيبو و ناني و دينا و اوني

ازيك يا غادة عاملة ايه؟وازى ابنك هو اسمه ايه صحيح

[QUOTE=ملك حياتى;9547903]بنات عايزة اعرف انتم عرفتم ازاى ان فى تكيس مبايض
من التحليل
طيب والدكتور قبل ما يطلب التحاليل دى قالكم مثلا التبويض قليل ولا اية
اصلى قلقانة عشان الدورة مش منتظمة

بصى يا قمر انا هقولك عرفت ازاى
اولا انا الدورة عندى كانت مظبوطة بالساعة
بعد الجواز وبعد الاجهاض وزيادة فى الوزن ابتدت تأخر وكميتها قلت وايامها كمان قلت فروحت لدكاترة ستات كتيييييييييير لحد ماتعقدت منهم واتخنقت وروحت الحمد لله لدكتور شاطر وادينى ماشية على العلاج


ازيك يا فجر وحشانى وكل البنات والله واحشنى
فينك يا هدى ومشمشمة ودارين مش بشوفكوا

صباح الخير
ازيكم يا بشر؟

اهلا قصه ايه اخبارك يابنتى

تمام يا مشمشة الحمد لله انتى عاملة ايه؟؟؟؟