ساعدووني

تحملي حبييتي تراه كله باجره و بتحسين بطعم الولاده هههههه وحدة مب مجربه..

الطلق يكوون ع فترات متقاربه طبعا بس من بعد ما يشتد الام و ينفتح الرحم اكثر ماشي مجال ما شي فترات استراحه خخخخ..

ما انصحج بالابره لانها يقوولووون تسبب عوار ظهر دايم و ممكن تسبب شلل لا سمح الله ما ابغي اخووفج بس انتي مجربتنها استخيري الله و شوووفي...

ثانكس حبيبتي

انا بين نارين ماتحمل الالم كلش ومتردده فالابره

>>>>>>>>>>>>>>>>>>>>>>>.

انصحج تتركين الإبرة وان شالله أجر لك راح تتألمين وتتعبين بس لما تشوفين النونو راح تنسين كل شي

تسلميين على ردج

بس الم الطلق شلوون يعني زي الم الدوره ول غير

الم الطلق مثل ال الدورة لكن متزايد وحااااااااااار
ورا بعض الى ان يفتح الرحم 10

الله يسهل ولادتك ان شاءالله00

خيتوووووو انصحج ماتاخذين الابره لان انه خذيتها مره والله العظيم لين الحين احس ان ظهري بينكسر عليي فنصيحتي تركي الابره عندج وولدي بدون هل خرابيط وربي بيسهل عليج ولادتج وبيقيمج بالسلامه انتي والبيبي ان شاء الله والم الطلق عادي يعني الم الدوره بس بقوه اكثر انتي بس لاتخافين ولا تفكرين وربي بيهون عليج

انا ما انصحش بالابرة جربي الطلق وكلشي بأجره شوفي اختي انا جربت الطلق في البداية مايكون منتظم يعني بس بعدين ينتظم ويشتد يصير كل خمس دقايق وفي الاخير يصير كل نص دقيقة يعني كل ثلاثين ثانية يرجع الالم انا استمر معاي كل 30 ثانية من الساعة 6 المغرب الى الساعة 9 في الليل يعني ثلاث ساعات تصدقين انه متعب بس مجرد ما تولدين تنسين كل الالم خصوصا لما تشوفين النونو في حضنش الله يسهل عليش يارب

ثانكس حبيباتي وجزااكم الله خير

ةالله يسهل علي وعلى كل الحوامل يااارب