كاوكاوي +
سحابه حب +
حياه الماضي
عقب ما راحت البنت استوعبت انا الي صار !
قمت قريت على نفسي -_- !
صباح الخير :tongue: ..
~
عصفورة الدوحه
عندنا وعندجَ خير
وحده تقولي .. كله في البيت وتقولين خلصتي تجهيزاتج !
انا ماشفت عروس ابلد منج عايشه حياتها ومب متوتره ووراها عرس
:ss:
الحمدلله والشكر بس !
اي والله الله يكفينا عنهم !
بخصوص اسعار الكوش
الحمدلله انا كلش ما مريت ولا ادري عن هالسوالف !
قبل كان الموضوع مضايقني
اللحين حس مب ناقصه عوار راس , الاشياء الي عندي احاتيها مكفيتني :confused: ..!
بس ما قلتي شي اكيد انه مبالغ فيها
المعاريس ما بيقعدون فيها اكثر من 3 ساعات :ss:
وهي ليلتهم !
الوحده ماتسوي الا اللي مقتنعه فيه ..
ماعليها من حد :cool:
~
kawkawii;9502168:
بنات غلط تقولون للبنات الي عندكم في الدوام او ربعكم متى العرس ...
الا الكلوووس كلووووس كلووووووووووووووووووووووووووووووووووووووووووووووووووس ومب كل شئ بعد!!
الباقي مالهم حايه يعرفون حتى انج "مخطوبه" ....
الا اذا قبل العرس بغيتي تعطينهم البطاقات والي بتعزمينهم وبس !!!!
مهما قلتوا "نعرفهم"ولا " طيبين مب معقوله يسون شئ" ولا " لااا ذي على نياتها مسكينه"
لا تقولون ... اعرف وحده من مده في الدوام...
من الغيره .. واهي اخر شئ توقعته اهم ...
راحوا ينبشون عن من يكون ريلها وشأصله وفصله .. وبعضهم من الحسد قام يتصل عليه ويخرب عليهم .. وما وعت المسكينه الا قبل العرس بشهر ريلها يبي يفج الملجه .. لان حب رفيجتها !!!
وهاي اخر شئ توقعته من ريلها الي اسم واخلاق ودين !!
تحملوا على ارواحكم .. ولا تمدحون ريايلكم عند ربعكم وشفروا اسمهم في جوالكم ولا تحطون صورهم خلفيه من زووود الحب علشان ما تكحلينه في عين رفيجتج !!!!
ابليس شاطر وله اكبر سيره ذاتيه في هالمجال !!!
...
.
لا تقولون ما حذرناكم
والله العظيم
انتي جي (y)
انا خشيت موضوع خطوبتي لين عقبها ب4 شهور -_-
عقب حسيت اني مصختها ..
بس قلت حق البست البست فرندز !
بس مثل ماقلتي اغلب اللي وصلهم الخبر من غيري ما قصروا
تنبيش واساله وتحقيقات و وقاحه وقلة ادب .. عيني عينك :)
الله لا يبلينا
~
لبييك
فديتج مشكوره
دخلت ليله الحنا الهنديه في خاطري من قلب :")
اذا بسوي ليلة حنا بخليها هنديه :15:
بس بعد عندي حنة مرت خالي .. و احنا معزومين !
عطوني افكار شالبس وشسوي في شعري ومكياجي؟
خصوصاً ان عرسي بيكون بعدها باسبوعين بالضبطَ :(
~
qtr221
الله بتفصلينه ؟!
:D
حلو والله
انتي فصليه واركنيه
بتجيج مناسبه على غفله
:tongue:
~
بنت الزباره
كان ودي اسوي كراتين
<< وللحين ودي الصراحه :tongue:
لاني جد شفت رفيجتي مسويته و شعرها صاير وايد حلو ..
بس البنات هنيه قالولي يسبب الخبيث بعيد الشر عني وعنكم
وقلت بستفسر زيااده .. ونسيت :ss:
~
حيووور
امس رحت المعرض :")
اول معرض عبي يعجبني من فتره مع انه فاضي و مافي زباين
المعرض الي سووه قالي قبل هاي مال العرايس
استخفيت على سوالف العرس و ما طالعت العبي
ماشاء الله علي :tongue:
فيه سوالف تايلاند وماليزيا واثيوبيا وارتيريا وهالخرابيط -_-
ما مريت عندها
بصراحه في وايد شماطيط !
بس العبي الموجوده (y)
اعجبتني !
والعطورات الي يسونها فالبيت تجنن !
خذت لي كم واحد
مع اني جربت بس رشه ’ رشتين
يوم دخلت البيت امي تقول لي ريحتج تينن :eek:
استخفيت ع العبي
حسييت في موديلات creative وموديلات جديده ما نزلت الدوحه
+
تنفع لعرايس :D
سويت له دعايه :tongue:
بس ماعرف يمكن ذوقي غير مري شوفي يمكن يعجبج شي
وبخصوص السواري :
الشي الوحيد الي ماتذكر اني شفته
هالهنود الي يبيعون اكسسوارات -_-
يوم تبينهم ماتحصلينهم وما ما تبينهم مكوّّدين من كثرهم :mad:
~
وردة قطر
اففف عاد انا اكره ماعندي الحر والرطوبه >< !
انا مستكره البلاد بهالسبه
امس يقول شكلنا بنمر سنغافوره بعد يومين :ss:
يعني عنبر اخو بلال !
اممم ..
لآ مب لابسه عبايه هناك ..!
من جي متوهقه واغلب الاغراض الي شريتها احسها حق كشخه مب عمليه
تقولي رفيجتي مردج تلبسين زنوبه البحر وتمشين فيها فالمجمعات وبذكرج :eek: وان محد يفتكر !
الشباب شعليهم شورت ولا برمودا و كت و مش حالك
احنا الي بناكلها :mad: ..!
وردة قطر;9504175:
استغفر الله .. شعليها هي؟؟
حبيبتي حاسبي ولاتقولين حق حد شي او قولي بس بطريقه غير مباشره ولما تحسين ان اللي تكلمينها بتحسدج قوليها ايه لاتشوفيني جذي ترا انا تعبانه من داخل وكله افكر ومب ملحقه على شي وخايفه حدي وللحين ماكملت تجهيزاتي الخ عالاقل تخففين العين .. واقري ع نفسج والله يحفظج ويتمملج ع خير ..
ترى انا صج فيني هاي كله بس ما احب ابين للناس !
عن السنداره يبلفيت !
لكن شكلي بتكلم شعلي منهم ع الاقل نفس ماقلتي اخفف العين :(
~
روحي قطر
حبيبتي انتي الله يحفظج ويحفظ الجميع ان شاء الله
الله يسهّل بس ويعديهآ على خير (f)
وترى الي لاحظته ان اللي دارج الحين هو الشيفون ..!
من فتره نزلوا البنات في الملف 85
موديلات ناعمه
طلي عليهم يمكن شي يعجبج :D
~
قطريه22
هي متزوجه غناتي
انا ماحطَ في ذمتي لكن صح الطريقه والاسلوب الي قالته فيه ما كان حلو !
انا ما قلت بتحسدني لان ما فيني زود و هي مب قاصرها وماعليها ..
بس مادري لو في نيتها شي في ذمتها والله يهديها
و احلى مافي الموضوع اني حصلت دعوه بظهر الغيب من الصبايا :D
ومبروك الحمل والله يثبته لج ويتمم لج على خير (f)