°•.♥.•° الج86زء من تجهيزات عرايس وتثقيف بنات قط2009ر°•.♥.•°

حايره

اصلاً التشقير يخشن الشعره
بس ما ادري سالي الدكتوره اذا بينفع الليزر معاه ولآلآ ..!
وساليها بعد كم جلسه تقريباً بياخذ
انا رفيجتي 13 جلسه تقول وللحين يطلع :\ ,
وساليها اذا ينفع التشقير مع الليزر
لان انا مره جاتني وحده تسويلي خلطات
والخلطه فيها تشقر وعقبها بيومين رحت موعد الليزر
وقالتلي فيه تشقير :S
وتمت تطالع ومدري وشو !
اخرتها سوت لي بس مب كل الاماكن !
ف سلي دكتورتج اول ~

وبالنسبه للمفارش :
اليوم بسيّر ع اللاند و BHS ..
THe one وان شاء الله احصل شي :)


دبلوماسيه حلوة

ماقصرتي فديتج بلنسبه للمسك
كفيتي ووفيتي !
شكلي باخذ النوعين
انا خذت السائل العادي وبساله بعد عن الاسود
: )
مشكوره

أسعد الله أيامكم كلهاا بكل خير ... وجمعة مباركة وتقبل الله منا ومنكم صالح الأعمااال


::


البنات اللي أفادوني في التبييض يسلمووووووووووووون والله

وخلاص بصرف النظر عنه وبحاول أستخدم المعجون اللي بالسواك

وطريقة الليمون ,,



::


البنات اللي لحقوا ركب المخطوبااات <-- حلو التعبير *_^

ألف ألف مبرووووك واهم شيء ( تحددون جزء بسيط من المهر وتتصدقون فيه )


عشان الله يبارك لكم في أعراسكم ويوفقكم ,,




::




بنات سالفة مفارش العرس آنا بعد لحين ماشريت

وهاي وين ينحط في غرفة نومي بعد العرس ولا ينحط

قبل في السرير اللي في الأوتيل ؟؟ لأن أول ليلة بنكون

في الأوتيل إن شاء الله ومستحيل نستخدم ملاحفهم

لو هي نظيفة فيني وسواس الصراحة




:)

لبيك ..

لا قلبو استخدمي ملاحفج يوم العرس او قبله بليله روحوا الغرفه و رتبوها و حطوا الاكسيسوريز و الفراش و كل شي و عطروها و بخروها و اطلبوا منهم انهم يطفون اجهزه الانذار مالت الحريق عشان تقدرون تبخرون الغرفه ..

عطر الليل

فدييتج والله ما قصرتي
استخفيت ع المفارش كل واحد احلى من الثاني !
يعطيج العافيه و والله جيت ابي اقيمج
تستاهلين التقييم من القلب ..!
بس ما صار :\ !
بس افا عليجَ بحاول وياه ..!
برجع له كلشوي
ويعطيج العافيه فديتجَ
بسير عليهم !

amontii;9485022:
{ نصوفه ~
لييش بالمعكس مسك المربعات انا استخدمه وريحته حلوه
سويتها نفسج بس ماحطيتها في الاماكن الحساسه امسحه على جسمي والله ان ريييحة المسك اتم فيني ماتروح والمسك الاسود هو مسك الطهاره اللى حق الاماكن الحساسه هو زييين حق هالمكان بعد الدووره عجيييييييييييييييييييييييييب بس مشكلته ريييحته مب شئ ><

{ عطوره ~
البخور عندج الياس وانفاسك دخون هالمحلييين رووووعه ^^
والمجمعات عندج دبي مول يديد وايد حلو هالمجمع ومول الامارات
وعندج دبي فيستفال هاي فضيييع حق التسوق
كل مارحنا الامارات لازم انمر عليه ^^ لانه فضيييع
وكراوان بلاز مثل مقالوا لج البنات من يجي الفير بتلاقيين الوصاخه وقلة الادب هناك
والله يعينج ^^

وان شااء الله تستانسين في دبي

عط الليل ر;9486283:
امونتي ..

اي ان شاء الله بروحهم بشوفهم خاطري اروح القريه العالميه ههههه مادري ليش ابي اروح دبي لاند ههههههه ..


غير ..

حبيبتي بالنسبه للمفرش روحي فيفا هوم في السد مقابل صالون لندن ورا الرويال ..
عندهم مفارش تجنن من قلب و يجيبونها من هوم سويت هوم بضاعتهم تركيه و ايطاليه و مصريه و صينيه بس صج اشيا حلوة واذا بتروحين السعوديه ولا الامارات عندهم فرع حق هوم سويت هوم خذي منه و اذا لج روحه لبيروت روحي اخذي من رنده سلمون ..

هذول فيفا هوم ( هوم سويت هوم ) ..

وهاي صور من بضاعه هوم سويت هوم الموجوده في فيفا هوم و ترى كل اللي حطيت صورهم ترى موجودين و بالالوان ..


















































هالبنفسجي شفته موجود و في منه لون عنابي على احمر حلوووووووو ..







































هاي في منه بدال الاحمر و الاسود ، بنفسجي و اسود بس صج صج رهيييييييييب حده ..


























و هذول لرنده سلمون ..

لا تنسواا الصلاة على النبي

اللهم صلي على محمد وعلى اله وصحبه وسلم
اللهم صلي على محمد وعلى اله وصحبه وسلم

اللهم صلي على محمد وعلى اله وصحبه وسلم
اللهم صلي على محمد وعلى اله وصحبه وسلم

اللهم صلي على محمد وعلى اله وصحبه وسلم
اللهم صلي على محمد وعلى اله وصحبه وسلم

غير ..

فديتج اهم شي عجبوج مب شرط تقيميني :)

بس لا تنسين ان مفارش ره سلمون في بيروت مافي منهم بقطر اذا عرسج مطول روحي لبنان و اخذيلج منهم :)


نصوفه ..

اي في فرع لهم في الرياض و ابوظبي و قطر وحده فاتحه محل اسمه فيفا هوم ، و صح اسعارهم بالاالف ..

السلام عليكم

غير
عن شنو تتكلمين يوم تقولين انا قلت؟
وعن المفارش شوفي مفروشات نابكو عندهم مفارشس من تركيا وايد حلوة واسعارها حلوة
ونفس النوعيه تنباع في الصالون الازرق بعد

عطوور\
يسلمو على الصوور

بنات انصحكم بالليزر عند دكتوره سناء ممتااااازه وطيبه انا وااايد استفدت منها :)

عط الليل ر;9486578:
لبيك ..

لا قلبو استخدمي ملاحفج يوم العرس او قبله بليله روحوا الغرفه و رتبوها و حطوا الاكسيسوريز و الفراش و كل شي و عطروها و بخروها و اطلبوا منهم انهم يطفون اجهزه الانذار مالت الحريق عشان تقدرون تبخرون الغرفه ..

::


فديت قلبج والله ,,


وإن شاء الله بوصي اختي ترتب لي كل شيء


(f)




::


بالنسبة لفيفا هوم شلون أسعارهم!!

بإذن الله بمرهم آخر الشهر :o

دلوعت حبيبي;9486616:
لا تنسواا الصلاة على النبي

اللهم صلي على محمد وعلى اله وصحبه وسلم
اللهم صلي على محمد وعلى اله وصحبه وسلم

اللهم صلي على محمد وعلى اله وصحبه وسلم
اللهم صلي على محمد وعلى اله وصحبه وسلم

اللهم صلي على محمد وعلى اله وصحبه وسلم
اللهم صلي على محمد وعلى اله وصحبه وسلم

//


جزاج الله كل خير حبيبتي وفي ميزان حسناتج


إن شاء الله ...

السلام علييكم

يسلموور وحي قطر ع الرقم


وبان انكم تكلمتوا عن المفاارش

حد يعرف محل في الاحساء او الدمااام عنده مفاارش حلوة وعمليه

*سبحان الله وبحمده سبحان الله العظيم*

عطوره

يعطيج العافيه على الصور صج مفارش حلوه .. ممكن تطرشين لي موقعهم على الخاص لاني سويت بحث مالقيته عجبني الملحف الابيض والاسود

عروسة قطر 2009;9482728:
بنات بليز قولولي .. انا دافعه عربون حق فلورينسا بس سمعت من بنات برا المنتدى انه يتأخر وايد ومايخلص تركيب الكوشه والطاولات الا الساعه 9 ونص و10 .. دفعت له 10 الاف تهقون اقدر اردها ولا خلاص تروح علي لاني غيرت رايي مابي اسوي عندهم :( بليز اللي تعرف ترد علي

حبيبتي اذا انتي قررتي ماتبينه اخذي معاج وحده كبيره وجريئة او رجال ابوج ولا اخوج ولاخطيبج واطلبوا ترجيع العربون لان من حقكم مب كيفهم هم ماسووا شي للحين عشان مايرجعون العربون ....وايد اعرفهم تاجلت او تكنسلت اعراسهم او غيروا رايهم ويستردون العرابين.. وان شاءالله خير لاتتضايقين

روحي ق ط ر;9481562:
عليج السلام والرحمه ...

الحمدلله طيبوووون ..

فديت بناتنه والله وفديت عراسينا

الله يتمم لكم كلكم ع خير ويرزقكم بالزوج الصالح

كلنا معاج من الالف لين الياء ومحد بيقصر معاج بشي ولا بشكة الابره

انتي اول شي قسمي المهر .. واقري موضوع الغاليه ام الغالي وعشان

تستفيدين قبل لا تسوين اي شي


http://www.3roos.com/forums/t262062.html

http://www.3roos.com/forums/t218694.html


وان شاء الله تكونين معانه طول العمر ومابه قصور فديتج

واسمحيلي اذا قصرت بشي .... ان شاء الله اكون افدتج (a)

احم احم مادري ليش وايد يسموني ام الغالي وانا للحين بنته هههههههههه


:wink:

J A M M R A;9481372:
.
.
.

بونسوار ياحلوات ..
موضوعكم عن الليزر واايد زين استمروا فيه بنات .. :P
بس الغريبه اني اشوف ناس اعرفهم مسويين ليزر وماكثروا بالجلسات و فوق هذا ماعاد يطلع لهم ..
ليش مايختروعون شي يوقف نمو الشعر ونستخدمه مره وحده ومايسبب الم ..<~ اهم بند
والله لو كان ب20 الف سويناه .. <~ أوت !!

.
.
.

ههههههههه تحسين معاناه ... ان شاءالله يخترعون ويحققون لج رغبتج :wink:

اوكسجيني;9481525:
"بسم الله الرحمن الرحيم "

السلام عليكم والرحمه

شحالكم حلواات ..!!! شمسووين .؟؟!!

أنا عرووسه يديده :$

وعرسي ع بداية السنه الجاييه ,,, وكلللش ماعرف شئ ولا ادري شالسالفه :(

حبيت انظم وياكم ,, استفيد وانشاءالله افيييد بالي اقدر عليييه


السموحه ع القصووور

تحياتي

وعليكم السلام ورحمة الله وبركاته



الف مبروك الخطوبه ياعروستنا الجديده :)


وان شاءالله بتعرفين السالفه كلها بس خلج معانا ماشاءالله البنات مايقصرون

بناتيت من جربت دكتوره او دكتور لعلاج الوجه يعني حبوب خفيفه او احمرار وفادها .. ياريت تفيدني من رحت الصيف الي طاف درست بالامارات احس احترقت بشرتي وماعاد ترجع نفس قبل فناويه ابدا اعالج والحمدلله ماحس مشكلتي كبيره لكن ابيها ترجع نفس قبل


حد جرب دكتوره حصه البوعينين؟؟ ابي عياده خاصه وهي اشوفها قريبه يعني لو زينه بروح لها

لنبات الحناء خصائص تساعد على تغذية الشعر وعلاج بعض مشاكله خاصةالشعرالدهني، حيث تعتبرالحناءهامة للتخفيف من مقدارالدهون الموجودة فيه نظرالوجود موادقابضةتقاوم زيادةإفرازالدهون،وتفيدفي علاج قشر الشعر،والتهاب فروةالرأس،وتقاوم سقوط الشعر، بالإضافةإلى أنهاتحتوي على موادمطهرةتعمل على تنقية فروةالرأس من الميكروبات والطفيليات .
الإرشادات التي يجب اتباعها عند استعمال الحناء:



1-لا بدأن يكون الشعرنظيفاتماما.

2- لاتترك الحناءعلى الشعرأكثرمن 4-6ساعات.

3-لاتترك الحناءعلى الشعرطوال الليل مطلقاحتى لا يتلبدويتعرض للتقصف عندغسله.

4-لا بد من استعمال حمامات الزيوت في بعض الوصفات خاص للشعرالجاف.

5-لاتغسلي شعرك من الحنةبالشامبو,اكتفي بغسله فقط بالبلسم ,اغسليه بالشامبو ثاني يوم حتى يثبت اللون.

6-لاتقومي بعمل حمام زيت لشعرك بنفس اليوم,اتركيه لليوم الثاني حتى يثبت اللون,ويفضل إستخدام زيت جوزالهند..

بإمكانك إستخدام هذه الخلطة المجربة من قبل الأخوات للعناية بشعرك:
* قبل وضع الحنه على شعرك بيوم اعملي حمام زيت لشعرك بالطريقةهذي (مايونيز+ زبادي+ زبده+ملعقة عسل)..
ضعيه على شعرك لمدة ساعتين اوثلاث مع مراعات تغطيه الرأس بكيس وتغطيةالكيس بفوطه(منشفة)دافئه..

وهذه خلطة الحنه:
( حنه يمنيه أصليه(تاكدي انها اصليه وغير مخلوطه بحنه اخرى) + زبادي + بيض + زبده+ ثلاث ملاعق خل التفاح+ ثلاث ملاعق عسل+ فص واحدثوم+ ماء حارنسبيا)
يتم خلط الخليط جيدا وبعد ثالك يترك لمده(30او45 دقيقه)
وبعد ذلك قولي بتقسيم الشعرالي قسمين اواربع اقسام حسب استطاعتك وابدئي بوضع الحنه من الجذور بتدليك الفروه بها قسم قسم الي ان تصل الي الأطراف وعندالانتهاء من قسم قومي بلفه على شكل كبه صغيره وهكذا مع بقيةاقسام الشعر.
واتركيه على شعرك(4-5 ساعات ),ثم اغسليه بالبلسم فقط .

في اليوم التالي قومي بتنقيعه بخلطة الزيوت وبكميات متساوية:
(زيت الخروع +زين زيتون+زيت جوز الهند+زيت السمسم+زيت الثوم+قليل من زيت الصبار)
لتحصلي على شعر
قوي وصحي وناعم.. منقووول

مساء الوررد والجوري..


جمعه مباركه...


الورد99
يسلمووووووووو عالصوور

وهوم سوويت هوم مفاررشهم بالرياض أغلى واحد على 4000 أختي شارريه نفس البنفسجي بس لونه بيج على 2000 وشي أنصحكم اللي بترووح للرياض تشتري من فرعه اللي هناك لانه أسعاره أرخص بواجد..


حبيت أسئلكم من التوب في الشعر للعرايس ؟؟؟ رفيقتي بتززوج شهر 10 ومعتمده علي وبليييييييييييز مابي أتفشل فيها ونعمات ( أم علي) ونجوى شالتهم أنا من بالي شايفه شغلهم موب حلو..

السلام عليكم

شخباركم ؟؟

بسالكم امي شرت لي فستان من السعوديه وطلع كبير عند الصدر وصوب البطن شفاف ابي ابطنه

وين اوديه ؟؟؟

ابي عند وحده عشان تقايس علي

السلام عليكم ورحمه الله


جمعة مباركة عليكم يابنات عروس

سحابة حب .. الاستشوار فديتج انا استخدمه من سنتيين ومرتاحة منه .. لاني ماعرف استخدم الاحمر مال الصالونات .. ماقولج ان شعري يصير مثل الصالونات .. بس حلو والله وسريع وسهل في الاستخدام خاصة اذا انج مستعجلة


بنت الغالي .. الغلا انا كانت حبوبي خفيفة وايد ورحت للدكتور فهد الباكر .. بأمانه انه وايد زين في اقل من شهرين والله راح كل شي والحمدلله واختي الحين بعد اتعالج عنده بس هي حبوبها واااااااااااااايد والحين قلت .. بس اللي مب حلو عنده ان دوم زحمه .. بس نصيحة روحي من الساعة 4 علشان اول مايفتح العصر تاخذين رقم قبل الكل


دانة بين البشر .. بالنسبة للشعر انا كنت واااااااااايد محتارة وكل وحدة تقولي شي .. انا اشوف اغلب البنات يمدحون مرسيدس بس انا ماخذتها بصراحة انا حجزت عند نعمة "ام علي" وهي غير عن نعمات .. والحمدلله وايد يمدحون في شغلها وانا شفته مرة على عروس ووايد عجبني شغلها وطريقة استخدامها للطرحة



* سالفة الليزر مأزمة الكل :(
بس دام سناء وشيرين يستخدمون نفس الجهاز .. ليش شيرين ماتشيل الشعرات بموس وتفكنا :(
بصراحة هي تعاملها حلو واسعارها حلوة يعني حرام ادفع 4000 بس للرجلين عند سناء وانا ادفع نفس السعر على ويهي وايدي وريولي عند شيرين والفرق بس باستخدام الموس

ماقول غير الله يصبرنا على هل موضوع ..

شموخ عنّادي;9487206:
السلام عليكم

شخباركم ؟؟

بسالكم امي شرت لي فستان من السعوديه وطلع كبير عند الصدر وصوب البطن شفاف ابي ابطنه

وين اوديه ؟؟؟

ابي عند وحده عشان تقايس علي

هلا الشيخة .. انا مرة رحت لمها الجزيرة اللي بالسد .. تشوفين وين البنك الوطني اللي مقابل الرويال بلازا .. ادخلي هذه الدخلة بتشوفين في الزاوية محل صغيرون اسمه مها الجزيرة .. في خياطة اسمها صباح هي اللي تاخذ القياسات وتعديلها مرتب