متى يكون الحمل (استفسار من المتزوجات )

أ

أموره1

عروس جديدة

10-05-2009 | 11:27 PM

السلام عليكم

بدخل فالموضوع ع طوول

خواتي المتزوجات بغيت استفسر منكم متى يكون الحمل

انا عرسي في هالصيف و انا ادرس فجامعه وماريد احمل ...

طبعا قالو لي لا تاخذين الحبوب او ابر منع الحمل لأن اللي يستخدمها من البدايه تسبب لها العقم

و سألت كم وحده قالو لي انه الفترة اللي بعد الدوره الشهريه ( اسبوعين تقريبا ) ما يستوي حمل ... يعني يستوي الحمل بعد 14 يوم من انتهاء الدورة

و في قالو لي العكس .. ان الاسبوعين اللي بعد الدورة الشهريه يستوي فيها حمل .. و بعدها ما يستوي الحمل لين اتيي الدورة اللي بعدهااا ......

وفي قالو لي يستوي حمل اي وقت مب لازم فترة معينه ...

قلت بسأل طبيبه .. بس مب الحين بعد العرس لأني الحين استحي و بعدني ما تزوجت :o

اللي تعرف بلييييز تخبرني ولا تبخل عليه

طبعا المتزوجات هم اللي بيعرفون الخبر الاكييييد ....

و شكرااااا

*

*النرجس*

عروس متألقة

10-05-2009 | 11:56 PM

هلا اختي اموره
شوفي حبيبتي التبويض عند البعض يصير من بعد ماتغسلي من الدوره اذا كانت دورتك منتظمه تعدين من اول يوم جتك فيها الدوره وحتى 11 و12 و13 و 14 وقبلها بومين وبعدها بيومين احتمال تكون البويضه نزلت ومستعده انها تتلقح هذي المعلومه قريتها في احد المواقع العلميه والله اعلم ...

روحي عند الدكتوره عشان تحدد لك متى موعد الاباضه عندك عشان تعرفي اكثر ...

وسبحان الله فيه بنات كانو مايبغو يحملو وتفادو مواعيد الاباضه ولكن قدرة الله فوق كل شيء وحملو ...

وتقبلي تحياتي ...

ر

رمــــش تركــــواز

عروس مبدعة

11-05-2009 | 12:05 AM

استشيري دكتورتك وهي تحدد ايام التبويض عندك
واستخدمي موانع طبيعيه واللي ربي كاتبه خير وبيصير
وربي يتمم عليك والف مبروك

أ

أموره1

عروس جديدة

11-05-2009 | 12:29 AM

خواتي

النرجس + رمش تركواز

مشكورات ع المرووور

يعني شكلي بسير لطبيبه ...

ع

عروس البحر

عروس فضية

11-05-2009 | 12:38 AM

حبيبية قلبي مبروك مقدما وأنا حديثة الزواج واللي أقدر أقولهولك مثل ما قالوا ليكي البنات تروحي للطبيبة هي اللي تحددلك أيامك المناسبة لأن الدورة الشهرية تختلف من واحدة للتانية هتشوف مدتها وإنتظامها وهي اللي تقولك أفضل

ع

عروسته وبس

عروس رائعة

11-05-2009 | 10:09 AM

لا حبيبتي ماله داعي الطبيبة

لانج بتنجبري تروحي كل شهر للطبيبة عشان تتابع التبويض وتخبرج الايام اللي تعدي فيها فترة التبويض لتجنب الحمل

أنصحك بمناقشة زوجك بالموضوع انك ترغبي بتأجيل الانجاب لبعد التخرج واذا وافق اتفقوا على ان يستخدم هو الواقي الذكري

طريقه امنه ومضمونه وما تأثر عليج بعدين يعني بدون اي اعراض جانبية لج وله ..

لانه التبويض على حسب هرموناتج ممكن في شهر يكون بعد الدوره على طول ,, وممكن في ال14 يوم بعد الدوره ,, وممكن يتأخر ,, وبعد ممكن ما يكون اصلا شي تبويض في بعض الأشهر...

وطبعا كل شي بارادة الله سبحانه

هذي الوسيله يستخدمها ملايين الناس ومستفيدين

والله يوفقج ومبروك الزواج مقدما

B

Burger

عروس رائعة

11-05-2009 | 07:26 PM

لالا انصحج ماتتتبعين الطريقة اللي قلتيها لان كل وحده موعد التبويض غير
ويختلف من شهر لي شهر
فاحسن طريقه استخدمي الواقي ،، او القذف الخارجي

أ

أموره1

عروس جديدة

18-05-2009 | 07:17 PM

شكرا خواتي ع المعلومات

وان شاء الله خير