Sweet Leen;9468627:
شوفي يا اختي البنات ماشاالله ماقصرو بالردود وانا ماعندي خبره زيهم بس عندي ملاحظات على مشكلتك:
اول شي جزاك الله خير على التضحيات الي سويتيها وعلى صبرك على مثل هذا الزوج.
اذا قررتي الانفصال ( وهذا الشي انتي الوحيده الي تقررينه مو حنا الي نقولك ) جربي هالطريقه الي بقولك عليها لانك خلاص منفصله منفصله فليش ما تجربينها يمكن يتعدل الوظع ويمشي الحال!!
الطريقه هي انك ترجعين وتمارسين حياتك الاجتماعيه والعمليه وجميع انشطتك الي كنتي تسوينها قبل الزواج عادي (طبعا من غير اي تقصير في حقوق الزوج عشان ما يمسكها عليك حجه). يعني ترجعين كل علاقاتك مع صديقاتك واقاربك وتتواصلين معهم مثل اول. تحاولين ترجعين لوظيفتك او تبحثين عن غيرها وتمارسين حياتك عادي. طبعا هذا كله راح يكون بالتدريج وكل ما يرفض او يعارض لا تسمعين له وقولي له انا ضحيت وتنازلت ولا حصلت الا المشاكل !! يعني دام المشكله صايره صايره وانت مسويها فليش احرم نسفي العيشه؟ وهو اذا شافك مصر على نمط الحيا هذي يابيتاقلم مع الوضع وبيقبل بالتدريج او اذا ما عجبه راح ينفصل عنك وبكذا تصيرين انتي ما قصرتي معاه وموب انتي الي طلبتي الطلاق لا هو الي طلقك لانه هو الي عنده المشكله موب انتي.
اتمنى اني اكون افدتك وياليت لو نعرف شو بيصير معك. الله يسهل لك كل امورك انشاالله.
اختي الغالية تسلمين على النصيحة وفعلا انا الحين بديت ادور لي على وظيفه وصديقاتي صرت اكلمهم من جوال امي واعطيتهم رقمي الجديد عشان يكلموني مثل قبل .. بس كل هذا وهو ما يدري لحد الحين والله يكون بالعون لما يدري
جزاك الله خير يالغاليه ولاتنسيني من صالح دعاءك